டெங்கு காய்ச்சலால் 44 பேர் பலி
யாழ். மாணவனின் தற்கொலை தமிழரின் உரிமைகளுக்கான போராட்டங்களில் ஒன்று
குளியலறையில் பாட்டியை சிறைவைத்த மகளும் பேத்தியும் கைது
விஷம் அருந்திய நிலையில் 3 மாணவிகள் வைத்தியசாலையில் அனுமதி
சவூதியில் இலங்கைப் பெண்ணின் மரணதண்டனைக்கு எதிராக ஆர்ப்பாட்டம்
மஹிந்தவின் தற்போதைய மாதாந்த வருமானம் 4,54,000 : எவ்விதத்தில் நியாயம்?
வைத்தியர்கள் பணிப்பகிஷ்கரிப்பு : அசௌகரியத்தில் நோயாளர்கள்
கொழும்பு துறைமுக அபிவிருத்தித்திட்டம் விரைவில் மீண்டும் ஆரம்பிக்கப்படும்
ஒரு நாளைக்கு ஒரு கோடி கிடைக்கின்றது : கடந்த அரசாங்கத்தில் இந்த பணத்துக்கு என்ன நடந்தது?
டெங்கு காய்ச்சலால் 44 பேர் பலி
30/11/2015 டெங்கு காய்ச்சலால் இந்த வருடத்தில் மாத்திரம் 44 பேர் பாதிக்கப்பட்டு உயிரிழந்துள்ளதாகவும் கொழும்பு மாவட்டத்திலேயே அதிகபடியாக (8248) டெங்கு நோயாளர்கள் பதிவாகியுள்ளதாகவும் சுகாதார அமைச்சு தெரிவித்துள்ளது.
கடந்த இரு வாரத்தில் மாத்திரம் டெங்கு காய்ச்சலால் பாதிக்கப்பட்டு 4 பேர் உயிரிழந்துள்ளதாகவும் வருடத்தின் இதுவரையான காலப்பகுதியில் மாத்திரம் 24,976 பேர் டெங்கு காய்ச்சலால் பாதிக்கப்பட்டுள்ளதாகவும் விசேட வைத்திய நிபுணர் பபா பலிஹவடன தெரிவித்தார்.
கடந்த காலத்தில் நிலவிய மழையுடனான காலநிலை காரணமாக நாட்டின் பல பகுதிகளில் டெங்கு நுளம்பு பெருக்கம் அடைந்துள்ளதாகவும் இதன் காரணமாக இடங்கு காய்ச்சலால் பாதிக்கப்பட்டவர்களின் எண்ணிக்கையும் அதிகரிக்கப்பட்டுள்ளதாக அவர் மேலும், குறிப்பிட்டார். நன்றி வீரகேசரி
யாழ். மாணவனின் தற்கொலை தமிழரின் உரிமைகளுக்கான போராட்டங்களில் ஒன்று
யாழ். மாணவனின் தற்கொலை தமிழரின் உரிமைகளுக்கான போராட்டங்களில் ஒன்று
30/11/2015 தமிழ் அரசியல் கைதிகளின் விடுதலையை வலியுறுத்தி அதிவேக ரயில் முன்பாக பாய்ந்து தற்கொலை செய்து கொண்டுள்ளமையினை தமிழ் மக்களின் உரிமைக்கான போராட்ட வடிவங்களில் ஒன்றாக கருத வேண்டும் என்று நவ சமசமாஜ கட்சியின் தலைவர் விக்கிரமபாகு கருணாரட்ண தெரிவித்தார்.
அரசியல் கைதிகளின் போராட்டம் தொடர்ச்சியாக முன்னெடுக்கப்படும் நிலையில் திடீரென இடம்பெற்ற குறித்த மாணவனின் தற்கொலைச் சம்பவம் பெரும் அதிர்ச்சியை ஏற்படுத்தியிருந்தமை தொடர்பில் கேசரிக்கு கருத்து தெரிவிக்கும் போதே அவர் மேற்கணடவாறு தெரிவித்தார்.
இது தொடர்பில் மேலும் தெரிவிக்கையில், கடந்த வெள்ளிக்கிழமை கொக்குவில் இந்துகல்லூரியில் பயின்று வந்த 18 வயது நிரம்பிய ராஜேஸ்வரன் செந்தூரன் என்ற மாணவன் அதிவேக ரயில் முன்பாக பாய்ந்து கவலைக்கிடமான நிலையில் தற்கொலை செய்து கொண்டிருந்தார்.
இதனையடுத்து குறித்த சம்பவம் பெரும் அதிர்ச்சியை ஏற்படுத்தியிருந்த நிலையில் தற்கொலை செய்துகொண்ட மாணவனின் சடலத்தின் அருகில் இருந்து கண்டெடுக்கப்பட்ட கடிதத்தில் அவர் அரசியல் கைதிகளின் விடுதலையை வலியுறுத்தியே தற்கொலை செய்து கொண்டுள்ளார் என அறிய முடிந்தது. அதன் வாயிலாக இதன் பின்னணியில் அரசியல் காரணியே உள்ளது என்பதையும் தெளிவாக அறிய முடிந்தது.
இந்நிலையில் மாணவனை எவரும் ரயில் முன்பாக தள்ளியிருக்கலாம் என்ற கோணத்தில் சந்தேகங்களும் எழுந்துள்ளன.அதேபோல் பொலிஸார் முன்னெடுத்து வருகின்ற விசாரணைகளில் ஒருவர் மாணவன் தானாக வந்து ரயில் முன்பாக பாய்ந்து தற்கொலை செய்துகொண்டுள்ளார் என்றும் அதனை தான் நேரில் கண்டதாகவும் சாட்சியம் அளித்துள்ளார்.
இந்நிலையில் குறித்த மாணவனின் கடிதத்தில் தமிழ் ஈழ விடுதலையை கொடு ஒளியூட்டு, ஜனாதிபதி மைத்திரிபால சிறிசேனவின் நல்லாட்சி அரசாங்கத்திலாவது தமிழ் அரசியல் கைதிகளை விடுதலை செய்யுங்கள் என்ற கோரிக்கைகளுமே வலியுறுத்தப்பட்டிருந்தமை இங்கு குறிப்பிட்டு கூறதக்க விடயம்.
அதனால் இந்த கடிதத்தின் கோணத்தில் இந்த சம்பவத்தை நோக்கினால் இது தமிழ் மக்களின் உரிமைகளுக்கான போராட்டங்களில் ஒன்று என்ற கோணத்திலேயே பார்க்கப்பட வேண்டும். அதனால் இது தமிழர் உரிமைக்கான போராட்டம் என்றே கருதப்பட வேண்டும் என்பதே நவ சமசமாஜ கட்சியின் நிலைப்பாடு என்றார். நன்றி வீரகேசரி
குளியலறையில் பாட்டியை சிறைவைத்த மகளும் பேத்தியும் கைது
02/12/2015 மீட்டியாகொடை - களுவரபெத்த பகுதியில் தனது 78 வயதுடைய பாட்டியை குளியலறையில் சிறைவைத்திருந்த பேத்தியை பொலிஸார் கைது செய்துள்ளனர்.
குறித்த மூதாட்டிக்கு 3 பெண் பிள்ளைகள் உள்ளதுடன் அதில் ஒரு பிள்ளையின் மகளே இவ்வாறு தனது பாட்டியை சிறையிட்டு வைத்திருந்துள்ளார்.
இது தொடர்பில் பொலிஸாருக்கு கிடைத்த விசேட தகவலையடுத்தே குறித்த பேத்தி கைது செய்யப்பட்டுள்ளார்.
மேலும் இந்த மூதாட்டியின் மற்றுமொறு மகளையும் பொலிஸார் கைது செய்துள்ளனர்.
பொலிஸார் சம்பவம் தொடர்பில் மேலதிக விசாரணைகளை மேற்கொண்டு வருகின்றனர். நன்றி வீரகேசரி
விஷம் அருந்திய நிலையில் 3 மாணவிகள் வைத்தியசாலையில் அனுமதி
03/12/2015 இறம்பொடை இந்து கல்லூரியில் கல்விப் பயிலும் மூன்று மாணவிகள் விஷமருந்திய சம்பவமொன்று இன்று காலை 7.45 மணியளவில் இடம்பெற்றுள்ளது.
இறம்பொடை கெமிலிதென்ன தோட்டத்தை சேர்ந்த மூன்று மாணவிகளே இவ்வாறு விசமருந்திய நிலையில் கம்பளை வைத்தியசாலையில் அனுமதிக்கப்பட்டுள்ளனர்.
இவ்விடயம் தொடர்பில் மேலும் தெரியவருவதாவது,
கடந்த 2ஆம் திகதி இந்த வருடம் க.பொ.த சாதாரண தரப் பரீட்சைக்குத் தோற்றவுள்ள மாணவ மாணவிகளை அறிவுறுத்தும் கூட்டமொன்று பாடசாலையில் இடம்பெற்றுள்ளது. இதன்போது தவணைப்பரீட்சையில் குறைவானப் புள்ளிகளைப் பெற்ற மாணவர்களுக்குப் பரீட்சையில் அதிக கவனம் செலுத்த வேண்டும் எனவும் இன்னும் இருக்கின்ற ஒரு சில நாட்களை நன்றாகப் பயன்படுத்தி கூடுமானவரை படிப்பில் ஆர்வம் செலுத்துமாறும் அறிவுறை வழங்கப்பட்டுள்ளது.
இதனைத் தொடர்ந்து அடுத்த நாள் பாடசாலைக்கு வருகின்ற போது அனைத்து மாணவர்களும் தமது பெற்றோர்களுடன் வருகைத் தந்து பரீட்சைக்குத் தோற்றும் அனுமதி பத்திரத்தைப் பெற்றுக்கொள்ளுமாறும், அனைவரும் ஆலயத்திற்குச் சென்று வருவதற்கான ஏற்பாடுகளுடன் வருகைத் தருமாறு ஆசிரியர்களால் மாணவர்களுக்கு அறிவுறுத்தல் வழங்கப்பட்டுள்ளது.
இதனைத் தொடர்ந்தே பாடசாலைக்கு வருகின்ற வழியில் கெமிலிதென்ன தோட்டத்தில் மூன்று மாணவிகள் விஷம் அருந்திய சம்பவம் இடம்பெற்றுள்ளது. இது தொடர்பாக பாடசாலைக்குப் பெற்றோர்கள் அறிவித்துள்ளனர்.
விசமருந்திய மாணவிகளை உடனடியாகப் பெற்றோர் அங்குள்ள அயலவர்களின் உதவியுடன் கொத்மலை வைத்தியசாலைக்கு கொண்டு சேர்த்துள்ளனர்.
பின்னர் மேலதிக சிகிச்சைகளுக்காக அவர்கள் கம்பளை வைத்தியசாலைக்கு மாற்றம் செய்யப்பட்டுள்ளனர். மூவரின் நிலைமை கவலைக்கிடமாகவே உள்ளதாக வைத்தியசாலை வட்டாரங்கள் தெரிவிக்கின்றன.
வைத்தியர்கள் தொடர்ந்தும் இவர்களுக்கு சிகிச்சை அளித்து வருகின்றனர். தேவை ஏற்படும் பட்சத்தில் இவர்களை கண்டி வைத்தியசாலைக்கு மாற்றுவதற்கான நடவடிக்கைகளைத் தாங்கள் மேற்கொள்ளவுள்ளதாகவும் வைத்தியர்கள் தெரிவித்துள்ளனர். நன்றி வீரகேசரி
சவூதியில் இலங்கைப் பெண்ணின் மரணதண்டனைக்கு எதிராக ஆர்ப்பாட்டம்
03/12/2015 சவூதி அரேபியாவில் இலங்கைப் பெண்ணுக்கு நிறைவேற்றப்படவுள்ள மரண தண்டனைக்கெதிரானவும் அதனை நிறுத்துமாறு கோரியும் விடுத்து நேற்று மாலை மட்டக்களப்பு நகரில் பெருமளிவிலான பெண்கள் ஆர்ப்பாட்டத்தில் ஈடுபட்டனர்.
சூர்யா மகளிர் அமைப்பின் அனுசரணையுடன் மட்டக்களப்பு காந்தி பூங்கா முன்றலில் ஒன்று சேர்ந்த பெண்கள் சவூதி அரசினால் விதிக்கப்பட்டுள்ள கல்லெறிந்து கொல்லுதல் எனும் மரண தண்டனைக் கெதிரான சுலோகங்கள் பலவற்றை ஏந்தியவாறு ஆர்ப்பாட்டத்தில் ஈடுபட்டதுடன் விழிப்பூட்டும் துண்டு பிரசுரங்களையும் வினியோகித்தனர்.
பெண்களின் வாழ்வு மற்றும் தொழில் செய்யும் உரிமைகளை சவூதி அரசு மறுக்கிறது.
இவற்றிற்கெதிராக ஜனாதிபதி மற்றும் அரசாங்கம் நடவடிக்கைகளை மேற்கொள்ளவேண்டுமென ஆர்ப்பாட்டகாரர்கள் தெரிவித்தனர். நன்றி வீரகேசரி
மஹிந்தவின் தற்போதைய மாதாந்த வருமானம் 4,54,000 : எவ்விதத்தில் நியாயம்?
03/12/2015 ஐக்கிய மக்கள் சுதந்திர முன்னணியின் குருணாகல் மாவட்ட பாராளுமன்ற உறுப்பினரும் முன்னாள் ஜனாதிபதியுமான மஹிந்த ராஜபக் ஷ தனக்குரிய ஓய்வூதியத்தையும் பெற்றுக்கொள்கிறார்.
அதேவேளை பாராளுமன்ற உறுப்பினருக்கான சம்பளத்தையும் பெற்றுக் கொள்கிறார். மாதாந்த வருமானமாக 4,54,000 ரூபாவை பெறுவது எந்தவிதத்தில் நியாயம்? இவ்வாறு சாதாரண நபர் ஒருவர் செய்தால் அது குற்றமாகக் கருதப்படுகிறது என்று நிதியமைச்சர் ரவி கருணாநாயக்க நேற்று முன்தினம் பாராளுமன்றத்தில் தெரிவித்தார்.
மார்ச் மாதம் முதல் இவர் 54,285 ரூபா சம்பளம் அடங்கலாக ஒரு லட்சத்து 5 ஆயிரம் ரூபா பெற்று வருகிறார். இது தவிர மார்ச் மாதம் தொடக்கம் 97,500 ரூபா ஓய்வூதிய கொடுப்பனவு, 50 ஆயிரம் ரூபா செயலாளர் கொடுப்பனவு, 2 லட்சத்து 4 ஆயிரம் ரூபா எரிபொருள் கொடுப்பனவு அடங்கலாக 3 லட்சத்து 49 ஆயிரம் ரூபா பெற்றுவருகிறார்.
இவரின் பாதுகாப்புக்கு 107 பொலிஸார், 550 இராணுவத்தினர் மற்றும் பல டசின் வாகனங்களும் வழங்கப்பட்டுள்ளன.
பாராளுமன்றத்தில் நேற்று இடம்பெற்ற 2016 ஆம் நிதியாண்டுக்கான வரவு–செலவுத் திட்டத்தின் மீதான இறுதிநாள் விவாதத்தில் பதிலளித்து உரையாற்றுகையிலேயே அவர் மேற்கண்டவாறு குறிப்பிட்டார்.
நிதியமைச்சர் ரவி கருணாநாயக்க இங்கு மேலும் கூறுகையில்,
ஐக்கிய மக்கள் சுதந்திர முன்னணியின் குருணாகல் மாவட்ட பாராளுமன்ற உறுப்பினரும் முன்னாள் ஜனாதிபதியுமான மஹிந்த ராஜபக் ஷ இவ் வரவு–செலவுத் திட்டம் தொடர்பாக பாராளுமன்ற விவாதங்களில் கலந்து கொள்ளவில்லை. மாறாக விகாரைகளுக்கு சென்று விமர்சனங்களை முன்வைத்து வருகிறார். இவர் தனது ஓய்வூதியமாக 97500 ரூபாவையும் இதர கொடுப்பனவுகளையும் பெற்றுக் கொள்கிறார். அதுமாத்திரமின்றி தற்போது பாராளுமன்ற உறுப்பினராக இருப்பதன் காரணத்தால் அப்பதவிக்கான சம்பளத்தையுமான 105,000
ரூபாவையும், இதர கொடுப்பனவுகளையும் பெற்றுக்கொள்கிறார். இவ்வாறு நபர் ஒருவர் இரண்டு விதங்களில் சம்பளத்தையும் கொடுப்பனவுகளையும் பெற்றுக்கொள்வது எவ்வாறு நியாயமாகும்? சாதாரண நபர் ஒருவர் இவ்வாறு செய்வதற்கு இயலுமாக உள்ளதா? எனினும் முன்னாள் ஜனாதிபதி மஹிந்த ராஜபக் ஷவிற்கு விதிவிலக்கு வழங்கப்பட்டிருக்கிறது.
வரவு–செலவுத் திட்ட விவாதத்தில் ஆளும் கட்சி எதிர்க்கட்சியென இருதரப்பிலிருந்தும் 182 உறுப்பினர்கள் தமது கருத்துக்களை இங்கு பதிவுசெய்திருக்கின்றனர். சிலர் பாராட்டியிருக்கின்றனர், சிலர் விமர்சித்திருக்கின்றனர். விமர்சனத்தை முன்வைத்தவர்கள் நாம் வெள்ளைக்காரர்களுக்கு எமது காணிகளை சொந்தமாக வழங்கப்போவதாக குற்றமும் சுமத்தியிருந்தனர். எனினும் முன்னைய ஆட்சிக் காலத்தின் போது எமது நாட்டின் பெறுமதிமிக்க காணிகள் வெள்ளைக்காரர்களுக்கு வழங்கப்பட்டன. வெளிநாட்டு முதலீட்டாளர்களை ஊக்குவித்து இங்கு முதலீடுகளை அதிகரிப்பதுடன் தேசிய முதலீட்டாளர்களுக்கும், உற்பத்தியாளர்களுக்கும் முன்னூரிமை வழங்கப்படவிருக்கிறது.
நாட்டில் புதிய மாற்றத்தை ஏற்படுத்தி எதிர்காலத்தை கட்டியெழுப்புவதே எமது
வரவு–செலவுத்திட்டத்தின் முக்கிய நோக்கமாகும். எனவே அனைவரும் ஒன்றி ணைந்து நாட்டின் பொருளாதாரத்தைக் கட்டி
யெழுப்புவோம். முதலீடுகளை அதிகரிப் போம், தொழில்வாய்ப்புக்களை ஏற்படுத்து வோம், அனைவருமாக ஒன்றிணைந்து பய ணிப்போம் என்றார்.
நன்றி வீரகேசரிவைத்தியர்கள் பணிப்பகிஷ்கரிப்பு : அசௌகரியத்தில் நோயாளர்கள்
03/12/2015 நாட்டில் அரச வைத்திய அதிகாரிகள் சங்கம் தொழிற்சங்க நடவடிக்கையொன்றை ஆரம்பித்துள்ளமையினால் நுவரெலியா மாவட்டத்தில் உள்ள வைத்தியசாலைகளின் வைத்தியர்கள் இன்று காலை முதல் பணிபகிஷ்கரிப்பில் ஈடுபட்டுள்ளனர்.
வைத்தியசாலையின் வெளிநோயாளர் பிரிவில் கடமையாற்றும் வைத்தியர்களே இவ்வாறு பணிபகிஸ்கரிப்பில் ஈடுபட்டுள்ளனர்.
அந்தவகையில் டிக்கோயா கிளங்கன் வைத்தியசாலையில் இன்று காலை வெளிநோயாளர் பிரிவு முற்றாக இயங்கவில்லை. இங்கு சிகிச்சைக்காக வருகை தந்த பொதுமக்கள் பல சிரமங்களுக்கு மத்தியில் வீடு திரும்ப வேண்டிய சூழ்நிலை ஏற்பட்டுள்ளமை குறிப்பிடத்தக்கது. நன்றி வீரகேசரி
கொழும்பு துறைமுக அபிவிருத்தித்திட்டம் விரைவில் மீண்டும் ஆரம்பிக்கப்படும்
03/12/2015 இலங்கை அரசாங்கத்தினால் விரைவில் மீண் டும் ஆரம்பிக்கப்படுமென சீனா மிகவும் வலு வான முறையில் நம்புகிறது என்று சீன வெளிவிவகார அமைச்சின் தெற்காசிய நாடுகளுக்கான பிரிவின் பணிப்பாளரும், கொன்ஸியூலருமான சென்பெங் தெரிவித்தார். சீனாவானது
இலங்கை இந்தியா உள்ளிட்ட தெற்காசிய நாடுகளின் அபிவிருத்தியில் பாரிய கரிசனையை செலுத்துகின்றது என்றும் அவர் குறிப்பிட்டார்.
இலங்கையிலிருந்து சீனாவுக்கு ஊடக சுற்றுலா ஒன்றை மேற்க்கொண்டு விஜயம் செய்திருந்த ஊடகவியலாளர் குழுவுடன் நேற்றுமுன்தினம் சீன வெளிவிகார அமைச்சின் அலுவலகத்தில் நடாத்திய சந்திப்பின்போது சென்பெங் மேற்கண்டவாறு குறிப்பிட்டார்.
அவர் இந்த ஊடகவியலாளர் சந்திப்பில் மேலும் குறிப்பிடுகையில்,
இலங்கைக்கும் சீனாவுக்கும் இடையில் ஆயிரம் வருடங்களைத் தாண்டிய மிகவும் நெருக்கமான சிறந்த உறவு காணப்படுகிறது. இந்த நெருக்கமான இரு தரப்பு உறவை மேலும் வலுவூட்டுவதே சீன அரசாங்கத்தின் நோக்கமாகும். அதற்காகவே சீன அரசாங்கம் பாரிய வேலைத்திட்ட முயற்சிகளை முன்னெடுத்து வருகிறது.
குறிப்பாக சீன ஜனாதிபதியின் இலங்கை விஜயமும், இலங்கை ஜனாதிபதி மைத்திரிபால சிறிசேனவின் சீன விஜயமும் இரு நாடுகளுக்கிடையிலான நெருங்கிய உறவினைக் காட்டுகின்றன.
இலங்கையில் புதிய அரசாங்கம் கடந்த செப்டம்பர் மாதம் பதவிக்கு வந்ததும் சீன அரசாங்கம் வாழ்த்து தெரிவித்ததுடன் இலங்கைக்கு விசேட தூதுவரையும் அனுப்பியிருந்தது. அத்துடன் சீனாவுடனான உறவு தொடர்பில் இலங்கையின் புதிய அரசாங்கம் சாதகமான செயற்பாடுகளை மேற்கொள்வது எமக்கு மகிழ்ச்சியளித்துள்ள விடயமாகும்.
இலங்கையின் அபிவிருத்தி திட்டங்களிலும் பொருளாதார அபிவிருத்தியிலும் உதவிகளை வழங்குவதற்கு சீனா தயாராக இருக்கின்றது. சீனாவினதும் இலங்கையினதும் இரு தரப்பு உறவு வலுவடைய வேண்டும் என்பது எனது நோக்கமாகும். இலங்கைக்கு பொருளாதார ரீதியான உதவிகளை வழங்கவும், உற்கட்டமைப்பு வசதிகளை வழங்கவும் சீனா எதிர்பார்த்துள்ளது.
சீனாவானது மிகவும் வேகமாக வளர்ச்சியடைந்து வருகின்ற நாடாக உருவெடுத்துள்ளது. அந்த வளர்ச்சியின் பயனை இலங்கை உள்ளிட்ட சீனாவின் அயல் நாடுகளும் பெற்றுக் கொள்ள வேண்டும் என்பதே எமது விருப்பமாகும். அதற்காகவே நாங்கள் பாரிய முயற்ச்சிகளை மேற்கொண்டு வருகின்றோம்.
குறிப்பாக சீனா இலங்கையின் கைத்தொழிற்துறை மற்றும் உட்கட்டமைப்பு துறையில் பாரிய உதவிகளை செய்வதற்கு எதிர்பார்க்கிறது. அவ்வாறான கொள்கையுடனேயே நாங்கள் செயற்பட்டு வருகின்றோம்.
இலங்கையில் புதிய அரசாங்கம் பதவிக்கு வந்ததும் எமது இருதரப்பு உறவில் சில சிக்கல்கள் எற்பட்டதைப் போன்ற நிலைமை உருவானது. ஆனால் துறைமுக நகர அபிவிருத் திட்டம் தவிர்ந்த இலங்கையில் சீனா மேற்க்கொண்டு வரும் அனைத்து அபிவிருத்தித் திட்டங்களும் தற்போது மீண்டும் ஆரம்பிக்கப்பட்டு வெற்றிகரமாக இடம்பெற்று வருகிறது.
அதன்படி கொழும்பு துறைமுக நகர அபிவிருத்தித் திட்டமும் புதிய அரசாங்கத்தினால் விரைவில் ஆரம்பிக்கப்படுமென நம்புகிறோம். இது தொடர்பான அறிவிப்பை இலங்கை அரசாங்கம் விரைவில் வெளியிடுமென எதிர்பார்க்கிறோம். குறிப்பாக கொழும்பு துறைமுக நகர அபிவிருத்தித் திட்டமானது இலங்கையின் எதிர்காலத்திற்கு மிகவும் முக்கியமானதாகும். இந்தத் திட்டத்தில் இரண்டு நாடுகளும் நன்மையடையவுள்ளன என்பதே உண்மையாகும். அனைத்துத் திட்டங்களும் முன்னெடுக்கப்படுமென எதிர்பார்க்கிறோம்.
இலங்கை உள்ளிட்ட தெற்காசியாவின் அனைத்து நாடுகளுடனனும் நாங்கள் சிறந்த உறவை வளர்த்து வருகிறோம். குறிப்பாக இந்தியாவுடன் எமக்கு தற்போது பரஸ்பரம் சிறப்பாக செயற்பட்டு வருகின்றன. சீனாவின் "ஒரு பாதை" என்ற எண்ணக்கருவானது தெற்காசிய நாடுகளுக்கு நன்மை பயப்பதாக அமையும். இந்தப் பிராந்தியத்தில் கடற்பாதுகாப்பு என்பது மிகவும் முக்கியமானதாகும். இந்த கடற்பாதுகாப்பு செயற்திட்டத்திற்கு இலங்கையின் பங்களிப்பு மிகவும் முக்கியமானது. இலங்கையின் அமைவிடம் ஒரு முக்கிய காரணமாக காணப்படுகின்றது.
கேள்வி : துறைமுக அபிவிருத்தித் திட்டத்தை இலங்கை முன்னெடுக்கும் என நம்புகிறீர்களா ?
பதில் : இலங்கையின் கடந்த அரசாங்கத்துடன் செய்து கொண்ட புரிந்துணர்வு அடிப்படையிலேயே துறைமுக நகர அபிவிருத்தித் திட்டம் ஆரம்பிக்கப்பட்டது. தற்போது புதிய அரசாங்கம் தற்காலிகமாக அதனை நிறுத்தியுள்ளது. எனினும் ஏனைய அபிவிருத்தி வேலைத்திட்டங்கள் மீள ஆரம்பிக்கப்பட்டு விட்டன. அந்த வகையில் இந்த திட்டமும் விரைவில் ஆரம்பிக்கப்படுமென நம்புகிறோம்.
கேள்வி: துறைமுக அபிவிருத்தித் திட்டத்தை முன்னெடுக்கும் நிறுவனம் என்ன கூறுகிறது ?
பதில் : அந்த நிறுவனத்துடன் நாங்கள் நெருங்கிய தொடர்புடன் இருக்கின்றோம்.
கேள்வி: திட்டம் இடைநிறுத்தப்பட்டதால் நிறுவனத்துக்கு நஷ்டமா?
பதில்: சில சிக்கல்கள் உள்ளன. இதன் செலவு மிக பெரியது. ஆனால் திட்டம் இடைநிறுத்தப்பட்டுள்ளது எவ்வளவு நஷ்டம் ஏற்பட்டதென்பது எனக்கு தெரியாது.
கேள்வி: இந்த திட்டத்தினூடாக சில ஏக்கார் காணிகள் சீனாவுக்கு சொந்தமாகவுள்ளதாக தெரிவிக்கப்படுகின்றது. எனவே இது இறைமை சம்பந்தப்பட்ட விடயம். அதனால்தான் புதிய அரசாங்கம் இதனை தடுத்து நிறுத்தியுள்ளதென நீங்கள் நினைக்கின்றீர்களா?
பதில்: நாங்கள் அப்படி நினைக்கவில்லை. ஒருவேளை நீங்கள் அப்படி நினைக்கின்றீர்களா? இது தவறான அபிப்பிரயாகமாகும். நாங்கள் இலங்கைக்கு உதவி செய்கிறோம். அதற்கு மாறாக நாங்கள் எதையும் கேட்கவில்லை இந்த திட்டத்தினூடாக இரண்டு நாடுகளுக்கும் நன்மையுள்ளது.
கேள்வி: அப்படியானால் திட்டத்தை மீள ஆரம்பிக்க ஏன் தாமதம் ஏற்படுகிறது என்று நீங்கள் கருதுகிறீர்கள்?
பதில்: புதிய அரசாங்கம் பதவிக்கு வந்திருக்கிறது. ஒரு மாற்றம் ஏற்பட்டுள்ளது எவ்வாறெனினும் அனைத்தும் நன்றாக நடக்கும் என்று எனது எதிர்பார்ப்பாகும். சீனா மேலும் புதிய அபிவிருத்தித் திட்டங்களை இலங்கையில் ஆரம்பிக்கவுள்ளது. சீன நிறுவனங்களிடம் பாரிய தொழில்நுட்பம் காணப்படுகிறது எனவே அபிவிருத்தி திட்டங்களை மேற்கொள்வது இலக்கு.
கேள்வி: எவ்வாறான புதிய திட்டங்கள் ஆரம்பிக்கவுள்ளன?
பதில்: இதனை தற்போது கூற முடியாது ஆனால் இரண்டு நாடுகளுக்கும் நன்மை பயக்கும் வேலைத் திட்டத்தை நாங்கள் முன்னெடுப்போம் என்றார்.
நன்றி வீரகேசரிஒரு நாளைக்கு ஒரு கோடி கிடைக்கின்றது : கடந்த அரசாங்கத்தில் இந்த பணத்துக்கு என்ன நடந்தது?
04/11/2015 எவன்ட் கார்ட் நிறுவனத்தின் செயற்பாடுகளை கடற்படையின் கீழ் கொண்டு வந்ததன் பின்னர் ஒரு நாளைக்கு ஒரு கோடியே 25 இலட்சம் ரூபா கிடைக்கின்றது. ஆனால் கடந்த காலத்தில் 25 இலட்சம் ரூபா கிடைத்ததாகவே கூறப்பட்டது. அப்படியாயின் ஒரு கோடி ரூபாவுக்கு என்ன நடந்தது? இது தொடர்பில் விசாரணை நடத்தப்படவேண்டும். கோத்தபாய ராஜபக்ஷ இதனை இவ்வாறு விட்டிருக்கமாட்டார் என்று அமைச்சரவை பேச்சாளரும் அமைச்சருமான ராஜித்த சேனாரட்ன தெரிவித்தார்.
அரசாங்க தகவல் திணைக்களத்தில் நேற்று நடைபெற்ற வாராந்த அமைச்சரவை முடிவுகளை அறிவிக்கும் செய்தியாளர் மாநாட்டில் கலந்துகொண்டு கருத்து வெளியிடுகையிலேயே அவர் மேற்கண்டவாறு குறிப்பிட்டார்.
அவர் அங்கு மேலும் குறிப்பிடுகையில்
எவன்ட்கார்ட் நிறுவனத்தின் முன்னாள் தலைவர் தற்போது சிங்கப்பூர் சென்றுள்ளார். மருத்துவ தேவைக்கு சென்றாராம். ஆனால் அவ்வாறு அவருக்கு மருத்துவ தேவை இல்லாவிடின் இன்டர்போல் ஊடாக அவரை இங்கு கொண்டு வர முடியும். தேவை ஏற்படின் அதனை நாங்கள் செய்வோம்.
கேள்வி எவன்ட் கார்ட் நிறுவன விவகாரத்தில் அனைத்து பக்கத்திலும் ஊழல் இடம்பெற்றிருக்கும் என்று அமைச்சர் டிலான் பெரேரா தெரிவித்துள்ளாரே?
பதில் அது அவரின் கருத்தாகும். அவர் அறிந்த விடயமாக இருக்கலாம்.
கேள்வி எவன்ட் கார்ட் விவகாரத்தை கடற்படைக்கு மாற்றிய பின்னர் எவ்வாறு செயற்பாடுகள் இடம்பெறுகின்றன?
பதில் சிறப்பாக இடம்பெறுகின்றனர். ஒரு நாளைக்கு ஒரு கோடியே 25 இலட்சம் ரூபா கிடைக்கின்றது. ஆனால் கடந்த காலத்தில் 25 இலட்சம் ரூபா கிடைத்ததாகவே கூறப்பட்டது. அப்படியாயின் ஒரு கோடி ரூபாவுக்கு என்ன நடந்தது? இது தொடர்பில் விசாரணை நடத்தப்படவேண்டும். கோத்தபாய ராஜபக்ஷ இதனை இவ்வாறு விட்டிருக்கமாட்டார்.
விசேட அமைச்சரவை கூட்டம் நடைபெற்றபோது எவன்ட் கார்ட் நிறுவனத்துக்கு ஆதரவாக பேசும்படி மூன்று அமைச்சர்களை கோத்தபாய ராஜபக்ஷ கேட்டிருந்தார். அந்த மூன்று அமைச்சர்களும் எங்களுக்கு அதனை கூறினர்.
கேள்வி நிதி புலனாய்வு பிரிவை தற்போது அகற்றவேண்டும் என்று அமைச்சர் டிலான் பெரெரா கூறியுள்ளாரே?
பதில் ஏன் இதற்கு அமைச்சர் டிலான் பெரெரா பயப்படுகின்றார் என்று புரியவில்லை. அவ்வாறான ஒரு பிரிவை உருவாக்குவதாக நாங்கள் ஏற்கனவே கூறியிருந்தோம். நன்றி வீரகேசரி
