பரந்த வானும் விடியுது !

 





















மகாதேவ ஐயர் ஜெயராமசர்மா

மேனாள் தமிழ்மொழிக் கல்வி இயக்குநர்
மெல்பேண் ..... அவுஸ்திரேலியா 




நீல வானில் வெண்ணிலா
நீந்தி நீந்திப் போகுது
சோலைக் குயில்கள் பாடுது
சொக்க வைத்து நிற்குது 

காலை வேளை வந்ததை

கூவிக் கோழி சொல்லுது
கதிரவனும் கண் திறந்து
ஒளியை வீசி நிற்கிறான்

பூக்கள் விரியத் தொடங்குது

புள்ளி மான்கள் துள்ளுது
பனித் துளிகள் அகலுது
பரந்த வானும் விடியுது

தேனை உண்ண வண்டுகள்

பூவை நாடிப் பறக்குது
தேன் குடித்த வண்டுகள்
திசை அறியா மயங்குது 

திருவெம்பாவையும் மார்கழியும்



                          

             
       
















மகாதேவஐயர்
 ஜெயராமசர்மா 
மேனாள் தமிழ் மொழிக் கல்வி இயக்குநர்
மெல்பேண் .. அவுஸ்திரேலியா 




   மார்கழி மாதத்தைப் பீடை பிடித்தமாதம் என்று சொல்லி - சுபநிகழ்ச்சிகள் செய்வதைத் தவிர்த்து  விட்ட நிலையினைக் காண்கின்றோம். இது பற்றிய விளக்கத்தை நாம் அறிந்து கொள்ளுதல் அவசியமானதே. பல பெயர்கள் காலத்தின் போக்கால் கருத்து மாறுபட்டு வேறு ஒரு பொருளை உணர்த்துவது நடந்தே வந்திருக்கிறது." ஒப்பிலி அப்பன்" என்னும் சுவாமியின் பெயரை உப்பிலி அப்பன் என மாற்றி - அந்த சுவா மிக்கு உப்பில்லாத பொருட்களையே நிவேதனம் செய்யும் வழக்கம் நாளடைவில் ஏற்பட்டுவிட்டது.அதே போன்றதே மார்கழி மாதம் பற்றியதுமாகும்." பீடுடைய மாதம்" என்பது பீடை உடைய மாதமாக்கப் பட்டு விட்டது.பீடு என்றால் பெருமையானதுஉயர்வானது என்பது பொருளாகும்.
   திருவாதிரை நட்சத்திரம் " ஆருத்ரா " என சமஸ்கிருதத்தில் வழங்கப்படுகின்றது.சிவனையும் ஆதிரை யான் எனக் குறிப்பிடும் வழமையும் எமது சமயத்தில் இருக்கிறது.மார்கழியில் வரும் திருவாதிரை நட் சத்திரதுக்கு முந்திய பத்து நாட்களும் திருவெம்பாவையாகக் கருதி திருவாதிரை இடம்பெறும் பத்தாம் நாளை " ஆருர்த்தா " தரிசனம் எனப் போற்றி சிவனை வழிபடும் வழக்கமும் இந்த மார்கழிக்கே உரியது என்பதும் முக்கியமானதாகும்.அதுமட்டுமல்ல சம்பந்தப் பெருமான் அவதாரம் செய்ததுகூட மார்கழித் திரு வாதிரை என்றும்சேந்தனார் திருப்பல்லாண்டு பாடி அசையாத தேரை அசையச் செய்து சிவனது தேரினை வலம்வரச் செய்ததும் மார்கழித்திருவாதிரை என்றும்வியாக்கிரபாதர்.. பதஞ்சலி ஆகிய சிவனருள் பெற்ற முனிவர்களுக்குச் சிவன் தனது அருட் கூத்தினை நிகழ்த்திக் காட்டியதும் கூட மார்கழித் திருவாதிரையி ல்த்தான் என்றும் அறியக் கிடக்கின்றது. இந்த வகையிலும் மார்கழி மாதம் முக்கியத்துவம் மிக்கதாகவும் கொள்ளப் படுகின்றது.

மெல்பேண் மேடையில் எல்லோரையும் கவர்ந்த "சிலப்பதிகாரம்" ! -சட்டத்தரணி, பாடும்மீன் சு.ஸ்ரீகந்தராசா-

 அவுஸ்திரேலியாவில், விக்ரோறிய மாநிலத்தில் உள்ள பாரதிபள்ளி


தயாரித்து வழங்கிய, “சிலப்பதிகாரம்" நாடக ஆற்றுகையின் அரங்கேற்ற நிகழ்ச்சிகள் கடந்த 2024 டிசெம்பர் 6 ஆம், 8ஆம் திகதிகளில் விக்டோரியாவில், டண்டினோங்க் நகரத்தில் அமைந்துள்ள, ட்றம்ப் எனப்படும் அழகிய உள்ளரங்கில் நடைபெற்றன. இந்த நாடக ஆற்றுகை பற்றிய எனது பார்வையைப் பதிவுசெய்வதில் நான் மகிழ்ச்சியடைகின்றேன்.

இளங்கோ அடிகள் இயற்றிய சிலப்பதிகாரம் முழுவதையும்


உரைவடிவில் எழுதியும், உரைச்சித்திரமாக வெளியிட்டும்,  சிலப்பதிகாரம் பற்றிய பல ஆய்வுக் கட்டுரைகளை எழுதியும், பட்டி மன்றங்களை, வழக்காடு மன்றங்களையும் நடத்தியும் உள்ளவன் என்பதால், அந்த ஒப்பற்ற காப்பியத்தில் எனக்குள்ள ஒரளவு பரிச்சியத்தின் பின்னணியில் இந்த நிகழ்ச்சி எப்படி  இருக்கப்போகின்றது என்ற ஆர்வத்துடனும், அங்கலாய்ப்புடனும் இரண்டாம் நாள் அரங்கேற்றத்தின்போது, மண்டபத்தின் மத்தியில் வசதியான பார்வைக் கோணத்தில் எனக்கு ஒதுக்கப்பட்டிருந்த இருக்கையில் அமர்ந்திருந்தேன்.

 குறிப்பிட்டபடி, சரியாக பி.. 5.30 மணிக்கு, நிகழ்ச்சியை ஆரம்பிக்கும் அறிவித்தல் கம்பீரக் குரலில் ஒலித்தது. மங்கல விளக்கேற்றும் சம்பிரதாயமான நிகழ்ச்சி சில நிமிடங்களில் நிறைவு பெற்றதும்,

" திங்களைப் போற்றுதும்! திங்களைப் போற்றுதும்!

கொங்கு அலர்தார்ச் சென்னி குளிர்வெண் குடைபோன்று இவ்

அம்கண் உலகு அளித்த லான்"

என்று தொடங்கும், சிலப்பதிகாரத்தின் மங்கல வாழ்த்துப் பாடல், பின்னணிப் பாடகர்களின் கணீரென்ற குரலும், பக்கவாத்தியங்களின் இசையும் கலந்து இனிமை ததும்ப மண்டபத்தில் எழுந்து, பார்வையாளர்களை இருக்கைகளில் நிமிர்ந்து உட்காரவைத்தது. பாடலுக்குப் பொருத்தமாக மேடையின் பின்னணியில் தோன்றிய அழகான காட்சி, இது நடப்பது திரையிலா அல்லது தரையிலா என்று அடையாளம் காண்பதற்கு அரியதாக, இனிமையான பாடலுக்குப் பொருத்தமாக இருந்தது. முறையான நல்ல தொடக்கம்!  

NSW மாநிலத்தின் தமிழ் மொழிக் கல்வியில் புதிய பாடத்திட்டம்

 NSW மாநிலத்தின் தமிழ் மொழிக் கல்வியில் புதிய பாடத்திட்டம் குறித்துக் கல்விச் சமூகத்தில் இருந்து திரு.திருநந்தகுமார் அவர்கள் வழங்கும் விரிவான பகிர்வைக் கேட்கலாம்.


YouTube வழி கேட்க




Spotify வழி கேட்க


இந்தப் பகிர்வில் நவீன மொழிகளுக்கான பாடத்திட்டம் என்ற நோக்கில்
K  to 10 வரையான வகுப்புகளுக்கான புதிய பாடத்திட்டத்தினை அமல்படுத்தியதன் நோக்கம் என்ன?

பாடத்திட்டத்தில் நிகழ்ந்த மாற்றத்தில் முன்னர் இருந்த ஒன்பது அடைவுகளுக்குப் பதில் மூன்று அடைவுகள் கொடுக்கப்பட்டிருக்கின்றது, இந்த மாற்றம் எத்தகையது?

சிட்னியில் தோழர் சி.மகேந்திரன் வழங்கிய "தமிழரின் பண்பாட்டு அரசியல்" பகிர்வும், உரையாடலும்

 சிட்னியில் தோழர் சி.மகேந்திரன் வழங்கிய "தமிழரின் பண்பாட்டு அரசியல்" பகிர்வும், உரையாடலும்


நின்றேனும் கொல்லும் தீங்கு (03): (திகில் தொடர்)



- சங்கர சுப்பிரமணியன்.




மாலைஆறு மணிக்கு ஒடுக்கத்தூர் முருகன் 

கோவிலுக்கு வருமாறு மெஸேஜ் இருந்ததுஅலசூர்

ஏரிக்கரையில் சிவாஜி நகருக்கு ருகில் அந்த சின்ன முருகன் கோவில் அமைதி தழுவும் டமாகக் 

காட்சி அளித்ததுஐந்தே முக்கால் மணிக்கே வந்து 

காத்திருந்தேன்

 

சரியாக ஆறு மணிக்கு ஆட்டோவில் ந்து 

இறங்கியவள் ஓடோடி என்னிடம் வந்து,

 

"சிவாவந்து நேரமாகி விட்டதா?" என்று கேட்டாள்.

 

"பதினைஞ்சு நிமிடம்தான் ஆச்சுசரிசொல்லு.

அவசரமா வரச்சொன்னியே என்ன காரணம்?"

 

"அவசரம் தான்அப்பாவுக்கு எதிர்பாரா விதமா 

டிரான்ஸ்பர் ஆயிடுச்சுஇன்னும் ஒரு மாதம் கூ இங்க 

இருக்க மாட்டோம்அதனால் சீக்கிரமே வீட்டில

நம்மைப் பற்றி பேசிடுங்கஇனிமேலும் இதை என்னால்மறைக்க முடியது." என்றாள்.

“கலாநிதி த.கலாமணியின் ஆளுமையும் புலமைத்துவமும்”



https://youtu.be/bH_d8HYIbyg?si=LbVKT28M8JP3iMtc

 

https://www.ilakkiyaveli.com

கனவு காணும் உலகம் – கட்டுரை - கே.எஸ்.சுதாகர்


பன் நெடுங்காலமாக இலங்கையில் வாழ்ந்து வரும் எமது மக்கள்---மூதாதையர்கள்---ஆவணங்களைக் பாதுகாத்து வைப்பதிலும், பதிவு செய்வதிலும் தவறிவிட்டார்கள். யாழ்.நூலகம்  எரிந்து போனதும், போர் காரணமாக பல ஆவணங்கள் அழிந்து போனமையும் துர்ப்பாக்கியமாகும்.

அவுஸ்திரேலியாக்கண்டம் 200 வருடங்கள் பழமை வாய்ந்தது. ஆனால் அதற்கு முன்னரே அங்கு ஆதிவாசிகள் வசித்து வருகின்றார்கள். அவர்களுக்கு பல இன்னல்கள் நேர்ந்த போதிலும், ஓரளவிற்கு அவர்கள் தமது ஆவணங்களை பாதுகாத்து வைத்திருக்கின்றார்கள் என்றே சொல்ல வேண்டும். சமீபத்தில்கூட அவர்களிடமிருந்து பறிக்கப்பட்ட நிலப்பரப்புகளில் சிலவற்றை அவுஸ்திரேலிய அரசு மேற்கு அவுஸ்திரேலியாவில் மீளக் குடுத்திருக்கின்றது. அவுஸ்திரேலிய முன்னைநாள் பிரதமர் ஹெவின் ரட் 2008 ஆம் ஆண்டு, ஆதிக்குடிகளுக்கு இழைக்கப்பட்ட இன்னல்களை ஒரு மனித உரிமை மீறல் என அறிவித்து அவர்களிடம் மன்னிப்புக் கோரியிருந்தார்.

இந்தக் கட்டுரை மெல்பேர்ணில், டண்டினோங் மலைச்சாரலில்


இருக்கும் ஆதிவாசிகள் பற்றிய சிற்பங்கள் ஓவியங்களைப் பற்றிச் சொல்கின்றது. ஆனால் இந்தப் படைப்புகளுக்குச் சொந்தக்காரர் ஆதிவாசி அல்ல. வில்லியம் பில் றிக்கெற்ஸ் (William Bill Ricketts) எனப்படும் வெள்ளையினத்தவர் ஆவார்.

வில்லியம் பில் றிக்கெற்ஸ்…

மெல்பேர்ணில் சனத்தொகைப் பெருக்கம் மிகவும் குறைவாக இருந்த காலப்பகுதியில், தங்கவேட்டை காரணமாக பலர் புலம்பெயர்ந்து வரத் தொடங்கியிருந்தார்கள்.

இவரது தாத்தா வில்லியம் றிக்கெற்ஸ் 1857 ஆம் ஆண்டளவில் தனது மனைவி மேரி ஆன் சகிதம் பிரித்தானியாவில் இருந்து மூன்று நான்கு மாத கடல் பிரயாணத்தின் பின்னர் மெல்பேர்ண் வந்து சேர்ந்தார். இவர்களுக்கு 12 பிள்ளைகள் பிறந்தார்கள். அவர்களில் அல்பிரட் என்பவர் சுசான் என்னும் பெண்மணியைத் திருமணம் செய்தார். இவர்களுக்கு 5 பிள்ளைகள் பிறந்தார்கள். கடைசிப் பிள்ளையாக பில் 1898 ஆம் ஆண்டு பிறந்தார். இவர்கள் றிச்மண்ட்  என்னும் பகுதியில் குடியிருந்தார்கள்.

பில் தனது ஆரம்பக்கல்வியில் பெரிதும் நாட்டம் கொள்ளவில்லை. பாடசாலையை விடுவது என்று தீர்மானித்ததும் தமது உறவினரின் நகை செய்யும் தொழிற்சாலை ஒன்றில் பயிலுனராகச் சேர்ந்தார்.  அப்போது அவருக்கு வயது பதின்னான்கு. இசையில் ஆர்வம் கொண்ட இவர் வயலின் வாசிப்பதில் கெட்டிக்காரர்.

வில்லியம் பில் றிக்கெற்ஸ், 1935 ஆம் ஆண்டளவில் மவுன்ற் டண்டினோங்  பகுதியில் நாலரை ஏக்கர் நிலப்பரப்பை வாங்கினார். அது முதற்கொண்டு அங்கேயே வசிக்கலானார். இயற்கை எழில் கொஞ்சும் சரிவுப்பாங்கான அந்தப்பகுதியின் பாதை மருங்கிலும் குகைகளிலும் களிமண்ணினால் ஆன உருவங்களைச் செய்து வைத்தார்.

ஆதிவாசிகளின் நம்பிக்கை வாழ்க்கை முறைகளினால் ஈர்க்கப்பட்ட மிகச்சில வெள்ளை இனத்தவர்களில் இவரும் ஒருவர். விலங்கு தாவரம் மனிதன் இயற்கை – இந்தப்பின்னணியில் இவரது படைப்புகளின் தொனி அமைந்திருக்கும். இவரது கற்பனையில் உருவாகும் படைப்புகளிற்கு பூர்வீகக்குடிகளின் சின்னங்களை குறியீடாகப் பாவித்துள்ளார். இவரது காப்பகத்தின் முக்கியமான படைப்புகள் ஆதிவாசிகளின் உருவங்களாகும். அவை ஆதிவாசிகளினதும், அவர்களுக்கும் பூமிக்குமிடையேயான பரிசுத்தமான தொடர்புகள் பற்றியனவுமாகும்.

13வது திருத்தத்தை என்ன செய்வது?

 

28 Dec, 2024 | 06:55 PM
image

வீரகத்தி தனபாலசிங்கம் 

பதின்மூன்றை துரதிர்ஷ்டம் வாய்ந்த இலக்கம் என்று சொல்வார்கள். அதனால் தான் இலங்கையின் அரசியலமைப்புக்கு கொண்டுவரப்பட்ட பதின்மூன்றாவது திருத்தத்தை 37 வருடங்களாக நடைமுறைப்படுத்த முடியாமல் இருக்கிறதோ தெரியவில்லை.

அண்மையில் இலங்கை ஜனாதிபதி அநுரகுமார திசாநாயக்க இந்தியாவுக்கு மேற்கொண்ட உத்தியோகபூர்வ விஜயத்தின்போது அவருடனான பேச்சுவார்த்தைக்கு பிறகு புதுடில்லியில் கூட்டாக செய்தியாளர்களை சந்தித்த  இந்திய பிரதமர் நரேந்திர மோடி பதின்மூன்றாவது திருத்தம் குறித்து எதையும் கூறிப்பிடத்  தவறியதை அடுத்து அது குறித்து  ஒரு சலசலப்பு ஏற்பட்டது. ஊடகங்களும் அரசியல் அவதானிகளும்    காட்டிய அளவுக்கு  தமிழ் அரசியல் கட்சிகளும் அவற்றின் தலைவர்களும் அதில் அக்கறை காட்டவில்லை.  

இலங்கையின் முன்னைய ஜனாதிபதிகளுடனான  செய்தியாளர்கள் சந்திப்பில் இலங்கை அரசாங்கம் 13  வது திருத்தத்தை முழுமையாக நடைமுறைப்படுத்த வேண்டியதன் அவசியத்தை தவறாமல்  வலியுறுத்திவந்த   மோடி இந்த தடவை அதை தவிர்த்துக்கொண்டது பிரத்தியேகமான வித்தியாசமாக தெரிந்தது. 

ஆனால், இலங்கை தமிழரசு கட்சியின் முன்னாள் பாராளுமன்ற உறுப்பினரும் பேச்சாளருமான எம்.ஏ. சுமந்திரன் இலங்கையின் அரசியலமைப்பை முழுமையாக நடைமுறைப்படுத்த வேண்டும் என்று மோடி  கூறியிருப்பதால் பதின்மூன்றாவது திருத்தம் குறித்து கூறாதது ஒரு பிரச்சினை அல்ல என்றும் அரசியலமைப்புக்குள் தான் அந்த திருத்தமும் இருக்கிறது என்றும் குறிப்பிட்டார்.

இந்திய பிரதமர் வேறு எந்த நாட்டினதும் தலைவர்களைச் சந்திக்கும்போது அவர்களிடம் தங்களது நாடுகளின் அரசியலமைப்பை நடைமுறைப்படுத்துமாறு கேட்பதில்லை. சொந்த அரசியலமைப்பை முழுமையாக  நடைமுறைப்படுத்த வேண்டும் என்று மற்றைய நாடுகளின் தலைவர்களுக்கு ஒரு நாட்டின் தலைவர் கூறவேண்டியதுமில்லை. 

ஆனால், இலங்கை ஜனாதிபதிகளிடம் இந்திய தலைவர்கள் அரசியலமைப்பை முழுமையாக நடைமுறைப்படுத்த வேண்டும் கேட்பதற்கு 1987  ஜூலை இந்திய --  இலங்கை சமாதான உடன்படிக்கைக்கு பிறகு மாகாணசபைகளை அறிமுகப்படுத்துவதற்காக  அரசியலமைப்புக்கு கொண்டு வரப்பட்ட 13  வது திருத்தம் மாத்திரமே  காரணம். அதனால் ஜனாதிபதி திசாநாயக்க முன்னிலையில் அந்த திருத்தம் பற்றி குறிப்பிடுவதை மோடி தவிர்த்தமைக்கு ஒரு பிரத்தியேக காரணம் இருக்கிறது என்பதில் சந்தேகமில்லை. 

ஏன் கொன்றார்கள்.! ?

 

02 Jan, 2025 | 04:44 PM
image

ராஜ்குமார் ராஜீவ்காந் 

2006ம் வருடம் மாலை 7.30 மணியில் இருந்து 9 மணி வரை திருகோணமலை ஒரு திகிலான அனுபவத்தை சந்தித்தது. 

அதே இடங்களில் எம் நண்பர்களில் பலர் இருந்தார்கள் எத்தனையோ சாட்சிகள் இருந்தது.

கடற்கரையில் இருந்து கதைத்துக் கொண்டிருந்த அப்பாவி 5 மாணவர்களை, எந்த அர்த்தமும் இல்லாமல் வெறித்தனமாக கொன்றது இலங்கை இராணுவம். 

அதி காலையில் வைத்தியசாலையில் தலைகளில் துப்பாக்கி குண்டுகள் துளைக்கப்பட்ட அந்த உடல்களைப் பார்த்தது நான் இறக்கும் வரை மறக்காது. 

அன்று முழு நகரமும் பேரதிர்ச்சியில் மூழ்கிப்போயிருந்தது, அதன் பின் பல்லாயிரக்கணக்கானோரின் கண்ணீரில் இறுதிச் சடங்கு இடம்பெற்றது. 

இதன் பின்னர் நீதி கேட்ட பெற்றோர்கள் மிரட்டப்பட்டார்கள், இந்த கொலை நிகழ்ந்து 31வது நாள் நிகழ்வில் கொலைக்கு எதிர்ப்பு தெரிவித்த பெளத்த பிக்கு ஒருவர் சுட்டுக்கொல்லப்பட்டார்.

இந்தக் கொலை தொடர்பான பல தகவல்களை தொடர்ச்சியாக எழுதிக் கொண்டிருந்த எம் அன்பின் ஊடகவியலாளர் சுகிர்தராஜன் சுட்டுக்கொல்லப்பட்டார். 

இந்த வழக்கை முன் எடுத்துச் சென்ற பெற்றோரில் ஒருவரான வைத்தியர் மனோகரன் அவர்கள் மிக மோசமாக மிரட்டப்பட்டார். 

சென்ற வருடம் இந்த வழக்கின் நிலையும் அடுத்த கட்டமும் தொடர்பாக மீண்டும் சர்வதேச மன்னிப்பு சபையிடம் பேசியிருந்தேன். 

மஹிந்த ராஜபக்ச, கோட்டாபய ராஜபக்ச , ஹொட்டகதெனிய என்று இதற்கு பொறுப்பு கூற வேண்டியவர்களின் பட்டியல் நீழ்கிறது. 

கடற்படையினர் சிலர் கைதாகி போதிய சாட்சியம் இல்லை என்று விடுதலையாகியிருந்தனர். 

இலங்கை அரசின் கொலைகள் ஆயிரக்கணக்காக இருந்தாலும் இந்த கொடூரக் கொலை அரச கட்டுப்பாட்டுப் பகுதியில், யுத்தம் கூட இடம்பெறாத பகுதியில் இடம்பெற்றது. 

இதற்கும் இன்றுவரை நீதி கிடைக்கவில்லை. யாரை நாம் நோவது.

ஒற்றன்













2025 ரணிலின் வியூகம் என்ன?

 

29 Dec, 2024 | 06:28 PM
image

 (லியோ நிரோஷ தர்ஷன்)

ரணில் விக்கிரமசிங்கவின் இந்திய விஜயம் தொடர்பாக பல்வேறு கிசு கிசுக்கள் தேசிய அரசியலில் உலா வருகின்ற நிலையில், அரசாங்கமும் இந்த விடயம் தொடர்பில் அவதானம் செலுத்தியுள்ளது. 2025ஆம் ஆண்டு அரசாங்கத்திற்கு சவால் மிக்கதொரு ஆண்டாக இருக்கும் என்று பிரதான எதிர்க்கட்சிகள் கூறிவருகின்றன.

இவ்வாறானதொரு நிலையில் ஐக்கிய தேசியக் கட்சியின் தலைமையகம் சிறிகொத்தாவில் வியாழக்கிழமை இடம்பெற்ற கலந்துரையாடலின் போது ரணில் விக்கிரமசிங்கவின் இந்திய விஜயம் உட்பட சமகால அரசியல் விடயங்கள் குறித்து பேசப்பட்டது.

ரணிலின் இந்திய விஜய கிசுகிசுக்கள்

ஐக்கிய தேசிய கட்சியின் மறுசீரமைப்புகள் தொடர்பிலான பணிகளை முன்னெடுக்கும் பொறுப்பினை ருவன் விஜேவர்தன மற்றும் வஜிர அபேவர்தன ஆகியோரிடம் கையளித்து விட்டு ரணில் விக்கிரமசிங்க இந்தியாவுக்கு சென்றுள்ளார்.

ஆனால் ரணில் விக்கிரமசிங்கவின் இந்திய விஜயம் குறித்து மேலதிக தகவல்களை அறியும் வகையில் முக்கிய பிரமுகர்கள் பலர் தொலைபேசி ஊடாக வஜிர அபேவர்தனவை தொடர்புக் கொண்டு கேள்வியெழுப்பியிருந்தனர்.

'என்ன நடக்கிறது என்பதை பொறுத்திருந்து தான் பார்க்க வேண்டும். இந்தியாவின் முன்னாள் பிரதமர் அடல் பிஹாரி வாஜ்பாய் நினைவுப் பேருரையை நடத்துவதற்காக ரணில் விக்கிரமசிங்க இந்தியாவுக்கு சென்றுள்ளார். ஏனெனில் வாஜ்பாயிக்கும் ரணிலுக்கும் இடையில் மிக நெருங்கிய தொடர்புகள் கடந்த காலங்களில் இருந்துள்ளன. கடந்த வருடமும் அழைக்கப்பட்டிருந்த போதிலும் அத்தியாவசிய காரணிகளின் அடிப்படையில் செல்ல முடியாமல் போனது. தற்போது ஓய்வில் இருக்கின்ற நிலையில் இம்முறை தவிர்க்காமல் சென்றுள்ளார். எனினும் இனிவரும் நாட்களில் சற்று அதிகமாக அரசியல் சார்ந்த நடவடிக்கைளில் ஈடுபடவுள்ளார். அப்போது ஓய்வு எடுப்பது கடினம்' என தொலைப்பேசியில் கேள்வியெழுப்பியவர்களுக்கு பதிலளித்திருந்தார்.

மீட்சி தொடங்கிவிட்டது

 Published By: Digital Desk 3

01 Jan, 2025 | 04:55 PM
image

கலாநிதி ஜெகான் பெரேரா

கிறிஸ்மஸ் பிறந்த நள்ளிரவில் கொழும்பிலும் குறிப்பாக வசதிபடைத்த உயர்வர்த்தக பகுதிகளிலும் தொடங்கிய ஜொலிப்பு புத்தாண்டு பிறப்பையும் கடந்து தொடருகிறது. தலைநகரின் இந்த இரவு வெளிச்சத்தில்  மூன்று வருடங்களுக்கு முன்னர் அது படுமோசமான பொருளாதார வீழ்ச்சியை  கண்டது என்பதற்கான எந்த அறிகுறியையும் காணமுடியவில்லை.

அரசாங்கத்தை பதவி கவிழ்த்து ஜனாதிபதியை  நாட்டைவிட்டு தப்பியோட வைத்த 'அறகலய ' போராட்டத்தின் குவிமையமாக அன்று விளங்கிய கொழும்பு கோட்டை காலிமுகத்திடல் புத்தாண்டு கொண்டாட்டங்களின் மையமாக மாறியது. அந்த மையத்தை நோக்கி ய வீதிகளின்  வாகன நெரிசல் அன்று எரிபொருட்களை பெறுவதற்காக  பெட்ரோல் விற்பனை  நிலையங்களுக்கு வெளியே காணப்பட்ட நீண்ட வரிசைகளை கிரகணம் செய்துவிட்டது.

தலைநகரின் ஆடம்பரமான பகுதிகளில் ஹோட்டல்களும் இரவுவிடுதிகளும் நிரம்பிவழிந்தன. இந்த கொண்டாட்டங்களுக்கான செலவு மிகப்பெரியது.  ஆனால், அங்கெல்லாம் கூடிய பெருமளவானோரினால் குறைந்தபட்சம் எப்போதாவது ஒரு தடவையாவது அவ்வாறு செலவழிக்கக்கூடியதாக இருக்கிறது. நீர்நிலைகளை நோக்கி அமைந்திருக்கும் ஐ.ரி.சி. ரத்னதீப மற்றும் சிறாறி ஒஃவ் ட்றீம்  போன்ற புதிய ஹோட்டல்கள் இரவில் துபாயில் காணக்கூடிய தோற்றத்தை கொழும்பில்  தோற்றுவிக்கின்றன.

இலங்கைச் செய்திகள்

40 ஆண்டுகளுக்குப் பிறகு மட்டு.வில் புதிய பஸ் சேவை! : மாவலையாறு, மாவடிச்சேனை முதலான கிராமங்களின் ஊடாக 28 கி.மீ. பயணம்

நடுக்கடலில் தத்தளித்த பயணிகள் படகு பாதுகாப்பாக மீட்பு ! 

10 ஆயிரத்து 400 மெற்றிக்தொன் அரிசி முதற்கட்டமாக இறக்குமதி செய்யப்படும் ; அரச வாணிப கூட்டுத்தாபனம்

தொல்லியல் திணைக்களத்தினால் காணிகள் கையகப்படுத்தும் நடவடிக்கைக்கு மக்கள் எதிர்ப்பு

 தமிழினப்படுகொலை குற்றவாளிகள் பொறுப்புக்கூறலுக்கு உட்படுத்தப்படவேண்டும் ; தமது நிலைப்பாட்டைத் தொடர்ந்து வலியுறுத்துவோம் என்கிறது கனேடிய கன்சர்வேட்டிவ்




40 ஆண்டுகளுக்குப் பிறகு மட்டு.வில் புதிய பஸ் சேவை! : மாவலையாறு, மாவடிச்சேனை முதலான கிராமங்களின் ஊடாக 28 கி.மீ. பயணம் 

02 Jan, 2025 | 12:51 PM
image

உலகச் செய்திகள்

 சிரியாவில் ஐ.எஸ். இலக்குகள் மீது பிரான்ஸ் வான் தாக்குதல்

ஐஎஸ் அமைப்பின் கொடியுடன் வாகனத்தை செலுத்தி பொதுமக்கள் மீது தாக்குதல் - நியுஓர்லியன்ஸ் சம்பவம் குறித்து அதிகாரிகள் தகவல்

நியுஓர்லியன்ஸ் தாக்குதலை மேற்கொண்டவர் அமெரிக்க இராணுவத்தில் 13 வருடங்கள் பணியாற்றினார் - அமெரிக்க இராணுவம்



சிரியாவில் ஐ.எஸ். இலக்குகள் மீது பிரான்ஸ் வான் தாக்குதல்

02 Jan, 2025 | 01:01 PM
image

சிரியாவில் ஐஎஸ் அமைப்பின் இலக்குகள் மீது பிரான்ஸ் தாக்குதலை மேற்கொண்டுள்ளது.

பேர்த் பால முருகன் கோவில் - திருவெம்பாவை 04/01/2025 - 13/01/2025

 


அவுஸ்திரேலியத் தமிழ் இலக்கிய கலைச்சங்கம் மூத்த படைப்பாளி அ. முத்துலிங்கம் அவர்களின் படைப்புலகம் – மெய்நிகரில் கருத்தரங்கு 19-01-2025 – ஞாயிற்றுக்கிழமை

 


கனடாவில் வதியும் மூத்த இலக்கியவாதி – எழுத்தாளர் திரு. அ. முத்துலிங்கம் அவர்களின் பிறந்த தினத்தை முன்னிட்டு, அவரின் இலக்கிய படைப்புலகம் தொடர்பான கருத்தரங்கு .

தலைமை :  கிறிஸ்ரி நல்லரெத்தினம் ( தலைவர்  அவுஸ்திரேலியத் தமிழ் இலக்கிய  கலைச் சங்கம். )

அறிமுகவுரை    லெ  முருகபூபதி. -  அவுஸ்திரேலியா

முத்துலிங்கம் சிறுகதைகள்

    அனோஜன்  பாலகிருஸ்ணன் - பிரித்தானியா

முத்துலிங்கம் நாவல்கள்

    கேசநந்தன் அகரன் ( பூமிநேசன்) பிரான்ஸ்

முத்துலிங்கம் புனைவுசாரா  எழுத்துக்கள்

     ஜிஃப்ரி ஹாஸன்- இலங்கை .

அவுஸ்திரேலியத் தமிழ் இலக்கிய கலைச்சங்கம்  இலங்கை எழுத்தாளர்களுக்காக நடத்திய ( 2023 )  இலக்கியப்போட்டி முடிவுகள்:

 அறிவிப்பு :   பாடும்மீன் சு. சிறிகந்தராசா

 நிகழ்ச்சி ஒருங்கிணைப்பு : நோயல் நடேசன்.  

அவுஸ்திரேலியா நேரம் மதியம் 12.00 மணி

நியூசிலாந்து :  மதியம் 2.00 மணி

இங்கிலாந்து :  அதிகாலை 1.00 மணி

ஜெர்மனி : அதிகாலை 2.00 மணி

பிரான்ஸ் : அதிகாலை 2.00 மணி

இலங்கை – இந்தியா : காலை 6.00 மணி

கனடா  : இரவு 8.00 மணி (Saturday 18th)