வருகின்ற 1 - 9 - 2024 அன்று நல்லூர்த் திருமுருகன் தேர்த்திருவிழா! ‘

ஆலவாயான் திருக்குமரா  அற்புதத்தேர் ஏறிவாராய்!

                       

                               

              

சிவஞானச் சுடர் ’ கலாநிதி பாரதி இளமுருகனார்                  (வாழ்நாட் சாதனையாளர்)

                

  
                    உ

                 சிவமயம்

ஊரோடு ஒற்றுமையாய்க் கொண்டாடும் பக்தர்களைச்

சீரோடு வாழவைக்கும் சேந்தனவன் திருவிழாவில்

தாரோடு பொலிந்திலங்கும் சண்முகன்வேல் அமர்ந்ததிருத்

தேரோடு வலம்வருவோர் தெருவெல்லாம் நிரம்பிடுவர்!

 

ஆதிரையான் சொரூபநிலைச் சிவமான செவ்வேளே!

சோதிவைவேல் தேரேறி அருள்பொழியு மிந்நாளில்;

சாதிவேறு பாடின்றிச் சகலரிலுஞ் சிவங்கண்டு

வீதிசுற்றி வெண்மணலில் தேரிழுக்க ஊர்திரளும்!

 

குன்றுதோறும்; குடியிப்போன் கொடுஞ்சூரன் வதைத்தன்று

வென்றுவாகை சூடியசெவ் வேள்முருகன் தேர்விழாவும்

என்றுதானோ வருமென்று இனிதேகாத் திருந்தவர்கள்

நன்றுவந்தோம் எனநல்லூர் நாடிவந்து கூடிடுவர்!

 

முருகனுக்கு அரோகராவென் றதிரவெழும் ஒலியலைகள்!

கருதடியர் ஓதிவரும் பண்ணிசையில் திருமுறைகள்!

பெருகிவரும் பக்தியொடு விரவிவரும் காவடிகள்!

திருமுருகன் விழாக்காணப் போதாதே இருவிழி;கள்!

  

  

மேலும் வாசிக்க

நவரச ஃபேஷன் ஷோ நிதி சேகரிப்பில் உங்கள் ஆதரவிற்கு நன்றி

இந்தச் செய்தி உங்களுக்கு நன்றாகத் தெரியும் என்று நம்புகிறேன். நேற்றிரவு (24/08/2024) நவரச ஃபேஷன் ஷோவில் நாங்கள் பெற்ற நம்பமுடியாத ஆதரவிற்கு எனது ஆழ்ந்த நன்றியைத் தெரிவிக்க சிறிது நேரம் ஒதுக்க விரும்பினேன். அழகான ஃபேஷன், துடிப்பான கலாச்சாரம் மற்றும், மிக முக்கியமாக, சமூகம் மற்றும் நோக்கத்தின் வலுவான உணர்வு ஆகியவற்றால் நிரம்பிய விற்றுத் தீர்ந்த நிகழ்வு என்பதை பகிர்ந்து கொள்வதில் நான் மகிழ்ச்சியடைகிறேன்.

வன்னி நம்பிக்கைக்கு ஆதரவாக காயத்ரியால் தாரி உயிர்ப்பித்த இந்த நிகழ்வு அமோக வெற்றி பெற்றது. உங்களின் பெருந்தன்மைக்கு நன்றி, இலங்கை முழுவதிலும் உள்ள எங்களின் தற்போதைய திட்டங்களுக்கு நேரடியாகச் செல்லும் குறிப்பிடத்தக்க நிதியை நாங்கள் திரட்டினோம். கல்வி மற்றும் சுகாதாரம் முதல் நிலையான வாழ்வாதாரம் வரை, உங்கள் பங்களிப்புகளின் தாக்கம் எண்ணற்ற தனிநபர்கள் மற்றும் தேவைப்படும் குடும்பங்களால் உணரப்படும்.

கலந்து கொள்ள முடியாதவர்கள் அல்லது அந்த மாலைப் பொழுதைக் கழிக்க விரும்புபவர்கள், நவரச ஃபேஷன் ஷோவின் முழுப் பதிவையும் எங்கள் யூடியூப் சேனலில் பார்க்கலாம் என்பதை பகிர்ந்து கொள்வதில் மகிழ்ச்சி அடைகிறேன். இந்த இணைப்பைப் பின்தொடரவும்:

 மீண்டும் ஒருமுறை, உங்கள் அசைக்க முடியாத ஆதரவுக்கு நன்றி. வன்னி ஹோப்பின் பணிக்கான உங்கள் அர்ப்பணிப்பு, நாங்கள் சேவை செய்பவர்களின் வாழ்க்கையில் ஆழமான மாற்றத்தை ஏற்படுத்துகிறது. எங்கள் வன்னி நம்பிக்கைக் குடும்பத்தின் ஒரு அங்கமாக நீங்கள் இருப்பதற்கு நாங்கள் மிகவும் நன்றியுள்ளவர்களாக இருக்கிறோம்.

மேலும் வாசிக்க

தொழில் தெய்வமா? தொழிலைச் செய்பவர் தெய்வமா?

-சங்கர சுப்பிரமணியன்.

இத்தலைப்பில் உள்ள கேள்வி நெடு நாட்களாகவே என் தலையை உருட்டிக் கொண்டிருந்தது. தொழில் தெய்வம் என்றாலோ அல்லது தொழிலைச் செய்பவர் தெய்வம் என்றாலோ எல்லாத் தொழிலும் எல்லாத் தொழிலைச் செய்பவரும் தெய்வம் அல்லவா?

ஒரு குறிப்பிட்ட தொழிலையோ அத்தொழிலைச் செய்பவரையோ தெய்வமென்றால் அது வேற்றுமையை விதைத்து பிற தொழில் செய்வோரை இழிவு படுத்தல் ஆகிவிடாதா? என்று பலவாறு

குழம்பியிருந்தேன்.

என் நண்பர்கள் என்னிடம் நூலைப்படி நூலைப்படி என்பார்கள். நூலைப் படிப்பது நல்லதுதான். நானும் புரட்சிக் கவிஞர் சொன்னபடி மற்றவர்களிடம் நூலைப்படி சங்கத்தமிழ் நூலைப்படி என்று சொல்வேன். ஏனென்றால் அவற்றில்தான் நம் வாழ்க்கைக்குத் தேவையான வாழ்வியலும் பொருளியலும் மற்றும் அறிவியலும் கொட்டிக் கிடக்கின்றன.

சங்கத் தமிழ் நூல்கள் அனைத்தையும் படித்துவிட்டால் எல்லாவற்றையும் அறிந்து விடுவீர்கள். மற்ற நூல்கள் எல்லாவற்றிலும் இங்குள்ள கருத்துரையை எடுத்துத்தான் பொழிப்புரையாக தமது நூல்களில்

படைத்திருப்பார்கள். சங்கத்தமிழ் நூலில் இல்லாத ஒன்றை எவரும் புதிதாக சொல்லிவிடப்போவதில்லை. மாறிவரும்

அறிவியலை மட்டும் மேம்படுத்திக் கொண்டிருந்தால் போதுமானதாகும்.

எண்ணெய் விளக்குகள் மின் விளக்குகளாக மாறிவிட்டன. விலங்கினங்களை பயன்படுத்திய போக்குவரத்து இயந்திரங்களை பயன்படுத்தும் போக்குவரத்து ஆகிவிட்டது. இதுபோல் பனை ஓலைகளில் எழுதி மரத்தடியிலுருந்து பாடம் பயின்றவர்கள் சிலேட்டுப் பலகையில் எழுதி கட்டிடத்துக்குள் கற்க ஆரம்பித்தார்கள்.

பல நாட்கள் பல வாரங்கள் பலமாதங்களென நூல்களின் வாயிலாக படித்து தெரிந்து கொண்டதை இன்று சில மணிநேரங்களில் இருந்து பல மணிநேரங்களில் பார்த்துத் தெரிந்து கொள்ளும்படி நிலைமை மாறியுள்ளன. உண்மையைத்தான் சொல்கிறேன் உண்மையைத் தவிர வேறொன்றுமில்லை.

இதோ ஒருசான்று. இது கற்பனைதான். ஆனால் உண்மையோடு பொருத்திப் பாருங்கள் புரிந்து கொள்வீர்கள். வேலுச்சாமி நல்ல எழுத்தாளர். கதை, கவிதை, கட்டுரையென பல எழுதுவார். அவர் மகன் வெங்கடசாமிக்கு இதொன்றும் எழுதவராது. வாத்தியார் பிள்ளை மக்கு என்று சொல்லப்படும் சொலவடை போல.

மேலும் வாசிக்க

செந்தமிழ் வழக்;கும் கொடுந்தமிழ் வழக்கும் (சென்ற வாரக் கட்டுரையின் தொடர்ச்சி)

சிவஞானச் சுடர்   பாரதி இளமுருகனார்       வாழ்நாட் சாதனையாளர்.

~செந்தமிழ் இயற்கை சிவணிய நிலத்து முந்து நூல் கண்டு என்றும் வழக்கெனப்படுவது உயர்ந்தோர் மேற்றே~ என்றும்  தொல்காப்பியத்தின் பாயிரத்திலே காணப்படும் வாக்கின்படி தொல்காப்பியர் காலத்திருந்தே அவரின் தமிழ் நடையாக உயர்ந்தோர் வழக்காகச்  செந்தமிழ் நடை இருந்துள்ளது என்பது புலனாகிறது. செந்தமிழ் மொழியிலே  புலமைகொண்ட உயர்ந்தோராகிய  சான்றோரால்  உலக வழக்குக்கும் செய்யுள் வழக்குக்கும் அமைய இலக்கணம் செய்யப்பெற்றதைத் தொடர்ந்து (இதற்கமைய) இலக்கியங்கள் தொன்றுதொட்டு ஆக்கம் பெற்றன.

மொழியின் சிறப்பியல்புகள் எதுவிதத்திலும் மாறாதபடியும் திரிபடையா வண்ணமும் இலக்கண அமைதிப்பாட்டுடன் வளர்ந்து என்றும் அழிவில்லாதிருக்கும் எண்ணரிய செந்தமிழ் நூல்களைத்  தன்னகத்தே கொண்டு இன்றுவரை நிலைத்திருப்பது செந்தமிழ் வழக்கு.    உலக வழக்கிலும் செய்யுள் வழக்கிலும் பயிலப்பட்டு வரும் சொற்கள் இயற்சொல் - திரிசொல் - வடசொல் - திசைச்சொல் என நான்கு வகைப்படும். தொல்காப்பியரும் ~இயற்சொற்றாமே செந்தமிழ் நிலைத்து வழக்கொடு சிவணித்தம் பொருள் வழாமை யிசைக்குஞ் சொல்லே~என்றார். இயற்சொல்லாவது தமிழர்கள் இயல்பாகப் பேசுதற்கும் உரைநடையாக எழுதுதற்கும் தொன்றுதொட்டுப் பாவனையில் இருந்து வருவது.

கற்றார்க்கும் கல்லாதார்க்கும் தன்; பொருள்  எளிதிலே  விளங்கக்கூடியது.  மக்கள் இலகுவாகக் கருத்துப் பரிமாற்றம் செய்வதற்கு ஏதுவாக உள்ளது. உரைநடை இலக்கியங்களுக்குக் கூடுதலாகப் பாவிக்கப்பெறுவதும் இயற்சொற்களே!. 

புதுச்சொல் ஆக்கங்களால்   தமிழ்ச் சான்றோர் காலத்துக்குக் காலமாக உலக வழக்குச் சொற்களை இலக்கண நெறியுக்கமையப்  பெருக்கிவந்தமையால் தமிழ்மொழிக்கு வளஞ் சேர்த்தனர். தகுந்த காரணத்துடன்றான் தமிழ்ச் சான்றோர் கல்லாதாரின் இழிவழக்கை ஏற்காது கற்றோரின் உயர்வழக்கையே உலக வழக்காகிய சான்றோர் வழக்கென்று கொண்டு அதற்கு நிலைத்திருக்கக் கூடிய தனி மரபை வரையறை செய்து வந்துள்ளனர். இக்காலத்தில் தொற்றுநோய் போன்று பெருகிவரும் சிறுகதை இலக்கியம் செய்துவருவோர் பயன்படுத்தும் இழிவழக்குச் சொற்கள் வருங்காலத் தமிழ்ச் சந்ததியின் தமிழ்ப் பயன்பாட்டிலே புகுந்து கொடுந்தமிழ் ஆட்சி செய்துவருமானால் செந்தமிழ்ச் சொற்களெல்லாம் பொருளிலே மாற்றமடைவதுடன் சிதைந்து அழிவுறும். இதையே தொல்காப்பியனாரும்  ~மரபுநிலை திரியிற் பிறிது பிறிதாகும்~ என்று என்றோ அறிவுறுத்தினார். கல்லாதார் மாட்டு எவ்வண்ணம் உலக வழக்குச் செந்தமிழ்ச் சொற்கள் மாறுபட்டு கொடுந்தமிழ் வழக்காகிறது என்பதற்கு ஒரு சில உதாரணங்களைப் பார்ப்போம்.

உலகநடைச் செந்தமிழ்ச் சொற்கள் இன்று எப்படித் திரிவடைந்து கொடுஞ்சொற்களாகப் பெருமளவிலே குறிப்பாகச் சிறுகதை எழுத்தாளர்களாலும் பிறராலும் பாவிக்கப்பெற்று வருவதைக் காணக்கூடியதாக உள்ளது.

மேலும் வாசிக்க

புலாலும் நாமும் நாட்டிய கலாநிதி கார்த்திகா கணேசர்

இந்து சமயத்தின் நெறிமுறைகள், பண்புகள் யாவும், நாடுபூராவுக்கும் ஒரே சீராக அமைவதில்லை. இதுவே இந்துசமயத்திற்கும் தனியாக உள்ள ஒரு சிறப்பு, இந்தியா என்பது வடக்கே கஷ்மீரம் முதல் தெற்கே கன்னியாகுமரியையும் தாண்டி இலங்கையின் வடகிழக்கு பகுதிகள் வரை விரவிக் கிடக்கிறது.

அது மட்டுமல்ல இந்துமதம் இயற்கையை ஒட்டி பரிணமித்து வளர்ந்த ஒரு கோட்பாடு. ஆகவேதான் இந்துமதத்தின் வளர்ச்சிக்கும், மாற்றத்திற்கும் இப் பரந்த பிரதேசத்தில் வாழ்ந்த மக்களின் படிமுறை மாற்றங்களுக்கும் மிக நெருங்கிய தொடர்பு உண்டு. அது அவ்வாறு அமைய வேண்டியதுமே. காரணம் மதம் என்பது அது எந்த மதமாயினும் சரி சில மகான்களின் சிந்தனா சக்தியின் பேறாகவே தோன்றின. மனிதர் மத்தியில் வாழ்ந்த மகான்களே மக்களுக்கு மதம் பற்றிய அறிவைப் போதித்தவர்கள். ஆகவே மக்களின் வாழ்க்கை முறைகளுக்கு புறம்பாக அமைந்துவிட முடியாதவை இக் கோட்பாடுகள். இதனாலேயே இந்துமத வழிமுறைகள், நடைமுறைகள் என்பன இந்திய கண்டத்தில் ஒரு அந்தத்தில் காணப்படுவதற்கு எதிர்மாறாக உள்ளது ;எதிரான பிரதேசத்தில். ஒரு சிறு உதாரணம் கஷ்மீர் பிராமணர்களை அங்கெல்லாம்  பண்டிட் என அழைப்பார்கள். ஆகவேதான் இந்திய மண்ணின் முதல் பிரதமரான ஜவகர்லால் நேரு அவர்கள் பண்டிட் ஜவஹர்லால் நேரு எனப்படுகிறார். அவர் கஷ்மீரத்து பிராமணர். கஷ்மீரத்துப் பண்டிட்டுக்கள் யாவரும் அம்பட்டமான மாமிச போசனம் பண்ணுவார்கள். பசு இறைச்சியையும், பண்டி இறைச்சியையும் தவிர்த்து ஏனைய விலங்குகள், பறவைகளின் மாமிசங்களை விரும்பி முடிப்பார்.  கஷ்மீரப் பிரதேசம் குளிர் காலத்தில் வெய்யிலைக் காணாத பனிப்பிரதேசமாக காணப்படும். குளிர் காலத்தில் தாவரங்கள் செழிப்பாக வளர்வதற்கு வாய்ப்பில்லை. ஆகவேதான் கஷ்மீரத்தில் வசிக்கும் யாவரும் மாமிச உணவு புசிக்க வேண்டியது யதார்த்தமாகிறது.          

இந்துக்களின் விசேஷ நாட்களில் சிவராத்திரியும் ஒன்று. இந்துக்கள் வாழும் சகல பாகங்களிலும் சிவராத்திரி  அனுஷ்டிக்கப்படுகிறது. யாழ்ப்பாணத்திலும், தமிழ்நாட்டு கோவில்களிலும் மக்கள் விரதம் அனுஷ்டித்து, இரவு முழுவதும் கண் விழித்து தொடர்ச்சியாக பூஜைகள், பக்திப்பாடல்கள் பஜனைகள் என பிரார்த்தனையில் ஈடுபட்டு இருப்பார்கள். இங்கு அவுஸ்திரேலியாவிலும் இந்துக்களின் கோவில்களில் மக்கள் இரவு பூராவும் கண் விழிப்பார்கள். கோவிலில் விஷேட பூசைகள் இடம்பெறும். இந்து மதத்தோர் வீடுகளில் இந்த நாட்களில் புலால் உணவு எதுவும் அன்றும் மறுநாளும் தயாரிக்கப்படுவது கிடையாது. இத்தகைய நாட்களில்  முழுக்க முழுக்க தாவர உணவு உண்பார்கள்.

மேலும் வாசிக்க

வைரம் - பொன் விழா ஆண்டில் இந்த படங்கள் - ச. சுந்தரதாஸ்

 

1972ம் வருடம் ஹிந்தியில் வெளிவந்த படம் விக்டோரியா நம்பர் 203. நட்சத்திர நடிகர்கள் நடித்த படங்களே வெளிவந்து வெற்றி கண்டு கொண்டிருந்த கால கட்டத்தில் பட வாய்ப்புகள் ஓரளவு குறைந்த நிலையில் இருந்த குணச்சித்திர நடிகர் அசோக் குமார், வில்லன் நடிகர் பிரான் இருவரும் பிரதான பாத்திரம் ஏற்று இப் படத்தில் நடித்திருந்தார்கள். திரையுலகில் வாய்ப்புகள் அருகியிருந்த நிலையில் இருந்த சைராபானு இப் படத்தில் கதாநாயகியாக நடித்து மீண்டும் திரையுலகில் ஒரு சுற்று வந்தார். இப்படி வெற்றிப் படமாக அமைந்த இந்த விக்டோரியா 203 படத்தை தமிழ் தயாரிக்க தீர்மானமாகி படத்துக்கு வைரம் என்று பெயரிடப்பட்டது.

சங்கரலிங்கம் சாரட் வண்டி ஓட்டி தன் இரு மகள்களுடன் வாழ்ந்து

வருகிறார். செந்தில் நாதன் என்ற கடத்தல் மன்னன் கண்ணாயிரம் என்பவனைப் பயன் படுத்தி மியூசியம் ஒன்றில் இருக்கும் வைரங்களை கொள்ளையடிக்கத் திட்டமிடுகிறான். அவர்கள் செய்யும் வைரத் திருட்டு , எதிர்பாராத விதத்தில் கோஷ்டி மோதலாக மாறுகிறது. இதன் காரணமாக கண்ணாயிரம் கொல்லப் படுகிறான். கொலைக்கான பழி வண்டியோட்டி சங்கரலிங்கம் மீது விழ அவர் சிறை செல்கிறார். இரு சகோதரிகளும் நிர்கதியாகின்றனர். மூத்தவள் ராணி குடும்பத்தை காக்க ஆண் வேடம் போட்டு சாரட் வண்டியை ஓடுகிறாள். அதே சமயம் உண்மை குற்றவாளியை கண்டுபிடிக்கும் முயற்சியிலும் தீவிரமாக ஈடுபடுகிறாள். வைர மாளிகையில் இருந்து கொள்ளையடிக்கப் பட்ட மூன்று கோடி ரூபாய் பெறுமதியான வைரங்கள் ஓர் இடத்தில் ஒளித்து வைக்கப்பட்டிருக்கிறது என்பதை அறியும் செந்தில்நாதன் அதனை அடையும் நோக்கில் தேடுகிறான். அதே சமயம் சிறையில் இருந்து வெளியே வரும் சாமி, துரை இருவரும் வைரம் பற்றி கேள்விப்பட்டு அவர்களும் அதனை தேடுகின்றனர்.கொள்ளையடிக்கப் பட்ட வைரங்கள் எங்கே மறைக்கப் பட்டுள்ளன என்பதே சஸ்பென்ஸ்.

இப்படி உருவான படத்தின் கதையை ஹிந்தி பட கதாசிரியர் கே.ஏ. நாராயண் எழுதியிருந்தார். அக் கதைக்கான வசனங்களை டி . என். பாலு எழுதினார். வசனங்களில் அவருடைய வசன ஜாலம் வெளிப்பட்டது. பாடல்களை கண்ணதாசன் எழுத டி . ஆர். பாப்பா இசையமைத்தார். ஜெயலலிதா, எஸ் .பி. பி பாடிய இரு மாங்கனி போல் இதழ் ஓரம் பாடலை தவிர மற்றைய பாடல்கள் எடுபடவில்லை. ஆனால் பாப்பாவின் பின்னணி இசை கவரும் படி இருந்தது.

படத்தின் ஹீரோ என்றால் அசோகனுக்கு, எம் ஆர் ஆர் வாசுவும்தான். இணை பிரியா நண்பர்களாக படம் முழுவதும் இருவரும் வருகிறார்கள். அசோகன் பெண் சபலமும், டியூப் லைட் அறிவுடனும் இயங்க, வாசு தெளிவுடனும், அவதானத்துடனும் செயல் படுகிறார். ஆனால் படம் முழுவதும் இவர்களின் கோமாளித்தனமும், சேட்டைகளும்தான். இவர்களின் கூத்துக்கு மத்தியில் ஜெய்சங்கரின் வேடம் ஓரம் கட்டப்பட்டு விட்டது எனலாம். ஆனாலும் நடிப்பில் குறை வைக்கவில்லை.

மேலும் வாசிக்க

சஜித்தின் புதிய அரசியல் யாப்பு!

 August 21, 2024

சஜித் பிரேமதாஸ வெற்றிபெற்றவுடன் புதிய அரசியல் யாப்பு ஒன்று உருவாக்கப்படும் என்று அந்தக் கட்சியின் நிறைவேற்றுப் பணிப்பாளர் அஜித் பெரேரா தெரிவித்திருக்கின்றார். தான் ஆட்சிக்கு வந்தால் அரசமைப்பின் பதின்மூன்றாவது திருத்தச்சட்டத்தை முழுமையாக அமுல்படுத்துவேன் என்று சஜித் பிரேமதாஸ குறிப்பிட்டிருந்தார். ஆனால், தற்போது அவரின் கட்சியை சேர்ந்தவர் புதிய அரசியல் யாப்பு தொடர்பில் பேசியிருக்கின்றார்.

தேர்தல் பிரசாரத்தின்போதே வாக்குறுதியில் தடுமாற்றங்கள் ஏற்படுகின்றன. அவ்வாறாயின், ஒருவேளை சஜித் ஆட்சிக்கு வந்தால் என்ன நடக்கும்? பிரதான வேட்பாளர்களில் யாரோ ஒருவர் ஆட்சிக்கு வருவார். அது ஒருபுறமிருக்கட்டும். ஆனால், புதிய அரசியல் யாப்புக் கதையை எவ்வாறு நோக்குவது? ரணில் – மைத்திரி ஆட்சிக் காலத்தில் புதிய அரசியல் யாப்புக் கதை அதிகம் பேசப்பட்டது. யாப்பு வந்துவிடப் போவதான ஒரு மாயையும் ஏற்படுத்தப்பட்டது.

ஆனால், என்ன நடந்தது? முதலில் புதிய அரசியல் யாப்பு பற்றி பேசுவதே அடிப்படையில் ஓர் அரசியல் கற்றுக்குட்டித்தனமாகும். இலங்கைத் தீவில் புதிய அரசியல் யாப்பு வரமுடியும். ஆனால், அந்த யாப்பின் ஊடாக தமிழ் மக்களின் தேசிய இனப்பிரச்னைக்கான அரசியல் தீர்வு உறுதிப்படுத்தப்படும் என்று எண்ணினால் அவர்களை விடவும் அரசியல் விடலைகள் வேறு யாரும் இருக்க முடியாது.

மேலும் வாசிக்க

தமிழ் அரசு கட்சியின் நிலைப்பாடுதான் என்ன?

 August 22, 2024

தமிழ் அரசுக் கட்சியின் மட்டக்களப்பு மாவட்ட பாராளுமன்ற உறுப்பினர் சாணக்கியன், தமிழ்ப் பொது வேட்பாளர் தேவையற்ற விடயம் என்பதில் கட்சியின் பெரும்பாலான உறுப்பினர்கள் தெளிவாக இருக்கின்றனர் என்றும் – இது இன்னொரு தென்னிலங்கை வேட்பாளரை வெற்றிபெறச் செய்வதற்கான முயற்சி எனவும் குறிப்பிட்டிருக்கின்றார். ஆனால், மறுபுறம் அந்தக் கட்சியின் தலைவர் மாவை சேனாதிராசா, புதிய தலைவருக்கான தெரிவில் அதிக வாக்குகளில் வெற்றி பெற்றவரான சிறீதரன் ஆகியோர் தமிழ்ப் பொது வேட்பாளர் நிலைப்பாட்டை ஆதரித்து வருகின்றனர். உண்மையில், தமிழ் அரசுக் கட்சிக்குள் என்ன நடக்கின்றது? – அது ஒரு கட்சியாக இருக்கின்றதா? – ஒவ்வொரு வரும் ஒவ்வொன்றைப் பேசும் கட்சியாக இருக்கின்றது.

இந்தப் பின்புலத்தில் நோக்கினால் வடக்கு – கிழக்கில் அதிகம் உள்ளுக்குள் பலவீனமாக இருக்கின்ற கட்சியாக தமிழ் அரசுக் கட்சியே இருக்கின்றது. தமிழ்ப் பொது வேட்பாளர் தென்னிலங்கையில் இன்னொருவரை வெற்றிபெறச் செய்வதற்கான செயல்பாடு என்றால் – அந்த வேட்பாளர் யார்? அப்படியானால் அந்த வேட்பாளரின் வெற்றிக்குப் பதிலாக தமிழ் அரசுக் கட்சி பிறிதொருவரின் வெற்றியை விரும்புகின்றது என்பதுதானே பொருள்? அவ்வாறாயின், அந்தத் தென்னிலங்கை வேட்பாளர் யார்? தமிழ் அரசு கட்சி ஏன் அதனை வெளிப்படையாக மக்களிடம் கூறும் துணிவற்று இருக்கின்றது? தமிழ்ப் பொது வேட்பாளர் தொடர்பான உரையாடல்கள் ஆரம்பிக்கப்பட்டபோது ஆரம்பத்தில் இது தென்னிலங்கை இனவாத சக்திகளின் திரைமறைவு வேலைத்திட்டம் என்று சிலர் கூற முற்பட்டனர்.

மேலும் வாசிக்க

இலங்கைச் செய்திகள்

இலவச வீசாவின் கீழ் 35 நாட்டு பிரஜைகளுக்கு இலங்கை வர வாய்ப்பு

ஜனாதிபதி தேர்தல் கண்காணிப்பு; 12 நாடுகளின் பிரதிநிதிகள் வருகை

யாழ். நகருக்கு திராவிடர் கழக தலைவர் வீரமணி விஜயம்

இன்று முதல் நடைமுறையாகும் புகையிரத பயணிகளுக்கான e-Tickets

ஜனாதிபதித் தேர்தலை முன்னிட்டு யாழில் முன்னாயத்த செயலமர்வு 

இலவச வீசாவின் கீழ் 35 நாட்டு பிரஜைகளுக்கு இலங்கை வர வாய்ப்பு 

- ஒக்டோபர் 01 முதல் 06 மாதங்களுக்கு அமுல்

August 23, 2024 6:00 am 

பிரிட்டன், அமெரிக்கா, கனடா, ஜெர்மனி, அவுஸ்திரேலியா, சவூதி அரேபியா, சீனா, இந்தியா, ரஷ்யா, தென்கொரியா, சுவிட்ஸர்லாந்து, ஜப்பான் உள்ளிட்ட 35 நாடுகளின் பிரஜைகளுக்கு வீசா இல்லாமல் இலங்கை வருவதற்கு அனுமதி வழங்க அரசாங்கம் தீர்மானித்துள்ளது.

மேலும் வாசிக்க

உலகச் செய்திகள்

இழுபறிக்கு மத்தியில் கெய்ரோவில் மீண்டும் காசா போர் நிறுத்த பேச்சுவார்த்தை ஆரம்பம்

ஹசீனாவின் வீழ்ச்சி: சீனாவுக்கு பங்களாதேஷிற்கு புதிய வாய்ப்புகளை உருவாக்கலாம்

வேட்பாளர் நியமனத்தை ஏற்றார் கமலா ஹாரிஸ்

காசாவின் குடியிருப்பு பகுதிகளுக்குள் இஸ்ரேலிய டாங்கிகள் முன்னேற்றம்: மக்கள் தப்பியோட்டம்

இந்திய பிரதமர் நாளை உக்ரைனுக்கு இராஜதந்திர விஜயம்

தாய்லாந்திலும் குரங்கம்மை

காசா போர் நிறுத்த முயற்சியில் முன்னேற்றம் இன்றி அமெரிக்கா திரும்புகிறார் பிளிங்கன்

இழுபறிக்கு மத்தியில் கெய்ரோவில் மீண்டும் காசா போர் நிறுத்த பேச்சுவார்த்தை ஆரம்பம்

மத்திய மற்றும் தெற்கு காசாவில் இஸ்ரேல் படை நடவடிக்கை உக்கிரம்

August 24, 2024 6:00 am 

மத்திய மற்றும் தெற்கு காசாவில் இஸ்ரேல் தனது படை நடவடிக்கையை தீவிரப்படுத்தி உக்கிர தாக்குதல்களை நடத்தி வரும் நிலையில் புதிய சுற்றுப் போர் நிறுத்தப் பேச்சுவார்த்தைக்காக இஸ்ரேலிய பிரதிநிதிகள் நேற்று எகிப்து தலைநகர் கெய்ரோவுக்கு திரும்பியுள்ளனர்.

மேலும் வாசிக்க

கிருஷ்ண ஜெயந்தி 27 ஆகஸ்ட் 2024, செவ்வாய்க்கிழமை மாலை 5.30 மணி

கிருஷ்ண ஜெயந்தி ''கிருஷ்ணர் பிறந்த சந்தர்ப்பம்'', இது ஜன்மாஷ்டமி அல்லது கோகுலாஷ்டமி என்றும் அழைக்கப்படுகிறது, இது விஷ்ணுவின் எட்டாவது அவதாரமான கிருஷ்ணரின் பிறப்பைக் கொண்டாடும் வருடாந்திர இந்து பண்டிகையாகும்.

இந்து சந்திர நாட்காட்டியின் படி, இது பத்ரபத மாசாவில் கிருஷ்ண பக்ஷத்தின் (இருண்ட பதினைந்து நாட்கள்) எட்டாவது திதியில் (அஷ்டமி) அனுசரிக்கப்படுகிறது.

சிட்னி துர்கா தேவி கோயிலில் கிருஷ்ண ஜெயந்தி விழா 27 ஆகஸ்ட் 2024 செவ்வாய்கிழமை மாலை 5:30 மணி முதல் கொண்டாடப்படுகிறது.

ஹோமம், விசேஷ அபிஷேகம், கிருஷ்ணருக்கு பால்குட அபிஷேகம், அலங்காரம், மகா தீபாராதனை & அர்ச்சனை.

இலக்கியவெளி நடத்தும் இணையவழிக் கலந்துரையாடல் - அரங்கு 41 " நீலாவணனின் பன்முக ஆளுமை "

 

நாள்:         சனிக்கிழமை 31-08-2024       

நேரம்:     

 

இந்திய நேரம் -        மாலை 6.30      

இலங்கை நேரம் -   மாலை 6.30      

கனடா நேரம் -         காலை 9.00      

இலண்டன் நேரம் - பிற்பகல் 2:00 

 

வழி:  ZOOM

 

Join Zoom Meeting:

Meeting ID: 389 072 9245

Passcode: 12345

 

https://us02web.zoom.us/j/3890729245?pwd=a1ZERVVXY1VBZjV3SnVCUEh1bEVUZz09

 

ஒருங்கிணைப்பு: சு.குணேஸ்வரன்

 

சிறப்புப் பேச்சாளர்கள்:

 

“காவியங்கள்” - எம். அப்துல் றஸாக்

“கவிதைகள்” - சிராஜ் மஷ்ஹூர்

“சிறுகதைகள்” - பாஸ்கரன் சுமன்

“பாடும்மீன்” இதழ் - சி.ரமேஷ்