அளித்தார் மூலர் அவனி சிறக்கவே !

 

மகாதேவ ஐயர் ஜெயராமசர்மா

மேனாள் தமிழ்மொழிக் கல்வி இயக்குநர்

மெல்பேண் .....அவுஸ்திரேலியா

என்னை நன்றாக இறைவன் படைத்தனன்

இனிய தமிழினில் எடுத்து மொழியவே

என்று சொல்லிய எங்கள் சித்தரே

எல்லா முணர்ந்திட்ட திருமூலர் ஆகுமே

மூன்று ஆயிரம் ஆண்டுகள் வாழ்ந்த

முழுதும் தெளிந்திட்ட முழுமைச் சித்தராய்

தோன்றும் கருத்தெலாம் துணிவாய் சொல்லிட

வந்து நின்றிட்டார் மாநிலம் திருமூலர்

திருமுறைகள் வந்தன திருப்புகழும் வந்தது

திருக்குறளும் வந்தது நாலடியும் வந்தது

ஆனாலும் மூலர் அளித்திட்ட பொக்கிஷமே

திரு மந்திரமாய் சிறப்பாக ஒளிர்கிறதே

மேலும் வாசிக்க

3வது சிலப்பதிகார மாநாடு 30/11/2024 & 01/12/2024

 

வரலாற்று வெற்றிவாகை சூடிய தேசிய மக்கள் சக்தி

 November 16, 2024 6:08 am 

நாட்டில் முறைமை மாற்றத்தை விரும்பிய தென்னிலங்கை பெரும்பான்மையின மக்களுடன் தற்போது வடக்கு, கிழக்கில் உள்ள தமிழ், முஸ்லிம் மக்களும் இணைந்து கொண்டுள்ளதை தேர்தல் பெறுபேறுகள் மூலம் அறிய முடிகின்றது

இலங்கையின் பாரம்பரிய கட்சிகளுக்கு பாரிய பின்னடைவு

வடக்கு, கிழக்கு தமிழ்க் கட்சிகளுக்கிடையில் பூசல்கள் தீவிரமடைந்துள்ளதால், புதிய தெரிவை நாடும் தமிழ் மக்கள்!

இலங்கையின் பத்தாவது பாராளுமன்றத்துக்கான தேர்தலில், ஆளும் தேசிய மக்கள் சக்தி (என்.பி.பி) கூட்டணிக் கட்சி அறுதிப் பெரும்பான்மையுடன் வரலாற்று ரீதியான வெற்றியைப் பதிவு செய்துள்ளது.

225 உறுப்பினர்கள் கொண்ட பாராளுமன்றத்தில் 159 ஆசனங்களை தேசிய மக்கள் சக்தி கைப்பற்றியுள்ளது. இந்த ஆசனங்களில் 18 ஆசனங்கள் தேசியப்பட்டியல் மூலம் கிடைக்கப் பெற்றவையாகும்.

தேசிய மக்கள் சக்தியின் இவ்வெற்றியானது இலங்கையின் தேர்தல் அரசியல் வரலாற்றில் புதிய சகாப்தமாகப் பார்க்கப்படுகிறது.

இத்தேர்தலில் ஸ்ரீலங்கா பொதுஜன பெரமுன 3 இடங்கள் மட்டுமே (தேசியப் பட்டியல் 1) பெற்று படுதோல்வி கண்டுள்ளது. 2020- ஆம் ஆண்டு நடைபெற்ற பாராளுமன்றத் தேர்தலில் 225 இடங்களில் மூன்றில் இரண்டு பங்கு பெரும்பான்மையுடன் ஸ்ரீலங்கா பொதுஜன பெரமுன கட்சி வெற்றிபெற்றிருந்தமை குறிப்பிடத்தக்கது.

மேலும் வாசிக்க

மறைந்தார் மாநடிகர் டெல்லி கணேஷ் ! - -சங்கர சுப்பிரமணியன்.

மாநடிகர் என்றால் கதாநாயகனாக நடித்து வசூலில் சாதனை படைத்தவர்களாகத்தான் இருக்க வேண்டும் என்ற அவசியம் இல்லை.

மக்கள் மனதில் படியுமளவுக்கு இயல்பாக நடிப்பவர்கள் கூட மாநடிகர்களே. திருநெல்வேலியில் கீழப்பாவூரில் 1944 ஆம் ஆண்டு ஆகஸ்ட் முதல்தேதியில் பிறந்த இவர் தனது என்பதாவது வயதில் நவம்பர் ஒன்பதாம் நாள் 2024ல் சென்னையில்

காலமானார்.

இவர் பழகுவதற்கு இயல்பானவர். மெல்லினம் என்ற தமிழ் மாதஇதழ் மெல்பனில் நான்கு ஆண்டுகளுக்கும் மேலாக வந்து கொண்டிருந்தது. அதில் நானும் எனது கவிதை கதை கட்டுரைகளை எழுதி வந்தேன். அப்போது ஆசியர் குழுவில் இருந்த ஒருவர் முகநூல் மூலம் ஏற்பட்ட அறிமுகத்தை வைத்து நடிகர் டெல்லி கணேஷிடம் தொடர்பு கொண்டிருக்கிறார்.

தொடர்பு கொண்டவர் மெல்பனில் ஒரு மாத இதழ் நடத்துகிறோம் தாங்கள் அதில் எழுத முடியுமா என்று கேட்டிருக்கிறார். உடனே அவர் மறுப்பேதும் சொல்லாமல் அவரது வாழ்க்கை வரலாற்றை கட்டுரையாக எழுத அது மெல்லினம் இதழில் வந்தது.

நான் ஒருசமயம் இந்தியா சென்றபோது சொந்த ஊரான திருநெல்வேலிக்கு சென்றிருந்தேன். திருநெல்வேலியில் உள்ள RR Hotel என்ற விடுதியில் தங்கி இருந்தேன். அப்போது அதே விடுதியில் தங்கியிருந்த நடிகர் டெல்லி கணேஷ் அவர்களை சந்திக்க நேர்ந்தது. நாடறிந்த அவரிடம் சென்று நானும் இந்த ஊர்க்காரன் நீங்கள் பிறந்த அதே கீழப்பாவூரில்தான் நானும் பிறந்தேன் என்றேன்.

அப்படியா என்றவரிடம் நான் இப்போது மெல்பனில் இருக்கிறேன் மெல்லினம் இதழில் எழுதி வருகிறீர்கள் அல்லவா அந்த இதழில் சங்கர சுப்பிரமணியன் என்ற பெயரில் எழுதிவருகிறேன் என்று கூறி அறிமுகப் படுத்திக் கொண்டேன். மறந்தே

போய்விட்டேன் அடுத்த இதழுக்கு இன்று எழுதவேண்டும் என்று சொன்னவர்

திருநெல்வேலிக்கு வந்திருக்கும் அவரது சொந்த வேலைகளுக்கு இடையிலும் சிறிது நேரம் என்னோடு பேசிக் கொண்டிருந்தார்.

மேலும் வாசிக்க

‘திசை’ பத்திரிகையின் வழிகாட்டியான இலக்கிய ஆளுமை மு. பொன்னம்பலம்

 November 16, 2024 12:21 pm 

‘திசை’ வாரப் பத்திரிகையின் ஆசிரியராக ஈழத்து எழுத்தாளர் மு. பொன்னம்பலம் செயற்பட்டார். அது, ஈழத்து இதழியல் வரலாற்றில் மிக முக்கியமான பத்திரிகையாகக் குறிப்பிடப்பட வேண்டியதாகும்.

போர்க்கால சூழ்நிலையில் அன்று அவர் இளம் எழுத்தாளர்களை இனங்கண்டு அவர்களை உத்வேகப்படுத்தியதில் அலை யேசுராசாவுடன் மு. பொன்னம்பலம் அவர்களின் பங்களிப்பானது மிகவும் குறிப்பிடத்தக்கது.

ஈழத்தின் மூத்த எழுத்தாளர் மு. பொன்னம்பலம் அவர்கள் கலை விமர்சகராக நன்கு அறியப்பட்டவர். கவிதை, சிறுகதை, நாவல் போன்ற கலை வடிவங்களை அவர் பரிசோதனைக் களங்களாகக் கையாண்டுவந்தவர். அத்துடன் மறைந்த மு. தளையசிங்கம் அவர்களின் சகோதரர்.

மேலும் வாசிக்க

தமிழ்த் திரையின் முதல் பின்னணிப் பாடகர் திருச்சி லோகநாதன் நூற்றாண்டு விழா ! - ச . சுந்தரதாஸ் ஆஸ்திரேலியா

 தமிழ் திரையுலகில் சாகா வரம் பெற்று விளங்குபவர்கள் பின்னணிப்

பாடகர்கள். 85 ஆண்டுகளுக்கு மேலாக வெளிவந்த அனைத்துப் படங்களிலும் அவர்களின் பங்களிப்பு தொடர்ந்து இருந்தே வருகிறது. அந்த வகையில் முதல் ஆண் பின்னணிப் பாடகர் என்ற பெருமையை பெறுபவர் நூற்றாண்டு விழா நாயகரான கலைமாமணி திருச்சி லோகநாதன்.

நடிகர்கள் சொந்தக் குரலில் பாடத் தெரிந்தால்தான் அவர்களுக்கு படத்தில் நடிக்க வாய்ப்பு என்று இருந்த எழுதப்படாத சட்டம் 1945ம் ஆண்டளவில் இருந்து தளர்வடையத் தொடங்கியது. நடிகர்கள், குறிப்பாக கதாநாயக நடிகர் அழகாக, மிடுக்காகத் தோன்றி நடித்துக் கொடுத்தால் போதும் , பாடல்களை அதில் தேர்ச்சி பெற்றவர்களை கொண்டு பாட வைத்து விடலாம் என்ற எண்ணம் ஜுபிடர் பிச்சர்ஸ் அதிபர்கள் சோமு, மொஹிதீன் இருவருக்கும் உதிக்கவே ( உபயம் ஸ்ரீவள்ளி படம் மூலம் ஏவி எம் செட்டியார் அறிமுகப்படுத்திய யுக்தி ) அதனை தாங்கள் அடுத்து தயாரிக்கும் படத்தில் நடைமுறைப் படுத்திப் பார்க்க விரும்பினார்கள். முதல் தடவையாக

கதாநாயகனாக நடிக்கும் பாடத் தெரியாத நடிகருக்கு ஒரு பின்னணிக் குரல், அப்படியே நகைச்சுவை நடிகருக்கு பாட ஒரு பின்னணிக் குரல் என்று ஒரே நேரத்தில் இரு பாடகர்களை அறிமுகப் படுத்தும் வாய்ப்பு . எஸ் எம் சுப்பையா நாயுடு இசையில் ராஜகுமாரி படத்தில் கதாநாயகன் எம் ஜி ஆருக்கு மாரியப்பா பாடினார். நகைச்சுவை நடிகர் எம் என் நம்பியாருக்கு , எம் எம் மாரியப்பாவின் சித்தப்பா பிள்ளை லோகநாதன் பாடினார். ஆக முதல் பின்னணிப் பாடகர் என்ற பெருமையை இரண்டு சகோதரர்களும் பங்கு போட்டுக் கொண்டார்கள்!

1924 ம் ஆண்டு ஜூலை மாதம் 24ம் திகதி திருச்சியில் பிறந்த லோகநாதன் ஆரம்பக் கல்வியுடன் அதில் இருந்து விடை பெற்று விட்டார். அவர் கவனம் முழுதும் சங்கீதத்திலேயே சென்றது. நான்கு வருடம் நடராஜ பகவதரிடம் முறையாக சங்கீதம் கற்றவர் அப்படியே மேடை நாடகங்களிலும் நடிக்கத் தொடங்கி விட்டார். அப்படி பாடி நடித்தவருக்கு கிடைத்த புரொமோஷன் தான் ராஜகுமாரியில் பாடும் சான்ஸ்!

இதனைத் தொடர்ந்து ஜுபிடர் தயாரித்த படம் அபிமன்யு. எம் எஸ் விஸ்வநாதன் மெட்டமைத்து , சுப்பையா நாயுடு பெயரில் வெளிவந்த இனி வசந்தமாமே வாழ்விலே பாடலை கதாநாயகன் குமரேசனுக்காக லோகநாதன் பாட, கதாநாயகியாக நடித்த யு ஆர் ஜீவரத்தினம் தானே நடித்து பாடிக் கொண்டார். இந்தப் பாடல் ரசிகர்களிடம் நல்ல விதமாக போய் சேர்ந்தது.

மேலும் வாசிக்க

சிலப்பதிகார மாநாடு நிகழ்ச்சியில் தமிழிசை விழா 2024

 

நான் அவனில்லை - பொன் விழா ஆண்டில் இந்த படங்கள் - ச. சுந்தரதாஸ்

 தமிழ் திரையில் காதல் மன்னன் என்ற பட்டத்துடன் முப்பது

ஆண்டுகளுக்கு மேலாக வலம் வந்தவர் ஜெமினி கணேசன். நிஜ வாழ்விலும் காதல் மன்னனாகத் திகழ்ந்த ஜெமினி பண விஷயத்தில் மிக கட்டுப்பாட்டுடனேயே செயல்பட்டார். ஏனைய நடிகர்களை போலன்றி தான் சம்பாதிக்கும் பணத்தை நல்ல விதத்தில் முதலீடு செய்யும் சாமர்த்தியமும் அவரிடம் இருந்தது. இப்படி இருந்த அவருக்கு எனோ போதாத வேளை சொந்தமாகப் படம் தயாரிக்கும் ஆசை தோன்றியது. அந்த ஆசையை நிறைவேற்றிக் கொள்ள , தனக்கு தொடர்ந்து சான்ஸ் தந்து கொண்டிருந்த கே. பாலசந்தர் இயக்கத்தில் அவர் தயாரித்த படம்தான் நான் அவனில்லை. 

நிஜ வாழ்விலும் ரொமான்டிக் ஹீரோவான ஜெமினிக்கு இந்தப்

படத்திலும் பல காதலிகள். ஒவ்வொரு மாநிலத்திலும் ஒவ்வொரு பெண்ணை காதலித்து மணந்து பின்னர் ஏமாற்றி கை விட்டு அவளின் சொத்துகளை சூறையாடுவதுதான் அவரின் பாத்திரம். நெகட்டிவ்வான இந்த வேடத்தில் துணிந்து அவர் நடிக்க முன் வந்ததை பாராட்டித் தான் ஆக வேண்டும். அது மட்டுமன்றி பல வேடங்களில் தோன்றி ஏமாற்றி நடமாடும் பாத்திரத்தை மிகை இன்றி, குறை இன்றி செய்திருந்தார் ஜெமினி.

 

படத்தில் அவருக்கு ஆறு ஜோடிகள். லஷ்மி,ஜெயசுதா, ஜெயபாரதி , ராஜசுலோச்சனா, காந்திமதி, பி ஆர் வரலஷ்மி, என்று எல்லோர் வாழ்விலும் வலம் வருகிறார் ஜெமினி. டேவிட் ஆப்ரஹாம் என்ற பேர்வழி , நாஞ்சில் நம்பி, காஞ்சிபுரம் ஆச்சாரி, அக்பர் அலி, லஷ்மணன் ஷர்மா, சஹாதேவ சாஸ்த்ரி,ஹரிஹரதாஸ் ஸ்வாமிகள், ஜாக் ஸோலோமன், சத்ருக்கன் மேனன் என்று பல பெயர்களில் நடமாடி பெண்களையும் , பணத்தையும் மோசடி செய்து தன்னுடைய சாமர்த்தியத்தால் சட்டத்தையும் ஏமாற்றப் பார்க்கிறான். இறுதியில் அவனுக்கு என்ன தண்டனை கிடைத்தது என்பதே கிளைமாக்ஸ்.

மேலும் வாசிக்க

புதிய பாராளுமன்றத்தின் வரலாற்று முக்கியத்துவம்

November 15, 2024 

பாராளுமன்றத் தேர்தலில் இந்த தடவை வாக்களிப்பு வீதம்

கணிசமானளவுக்கு குறைந்துவிட்டது. இரு மாதங்களுக்கும் குறைவான காலத்துக்குள் இரு தேசிய தேர்தல்களை சந்திப்பதில் அரசியல் கட்சிகளுக்கு மாத்திரமல்ல மக்களுக்கும் ஏற்பட்ட சலிப்பே அதற்கு பிரதான காரணம் எனலாம். ஜனாதிபதித் தேர்தலை விடவும் பாராளுமன்றத் தேர்தலில் மக்கள் கூடுதலான அளவுக்கு ஆர்வம் காட்டுவார்கள் என்று தேர்தல்கள் ஆணையாளர் நாயகம் சமன் சிறீ ரத்நாயக்க ஏற்கனவே நம்பிக்கை வெளியிட்டிருந்தார்.

ஆனால், வாக்களிப்பு வீதம் அவரின் நம்பிக்கைக்கு மாறாகவே அமைந்துவிட்டது. இலங்கையில் வாக்காளர்களின் எண்ணிக்கை ஒரு கோடியே 71 இலட்சத்து 40 ஆயிரத்து 354 ஆகும். செப்ரெம்பர் 21 ஜனாதிபதித் தேர்தலில் வாக்களித்தவர்களின் எண்ணிக்கை ஒரு கோடியே 36 இலட்சத்து 19 ஆயிரத்து 916 (79.46 சதவீதம் ). வாக்களிக்காதவர்களின் எண்ணிக்கை 35 இலட்சத்து 20 ஆயிரத்து 438. இது மொத்த வாக்குகளில் ஐந்தில் ஒரு பங்கு ஆகும் . பாராளுமன்றத் தேர்தலில் நேற்றைய தினம் வாக்களிப்பு 60 – 65 சதவீதமாக இருந்ததாக வாக்களிப்பு முடிவடைந்த பிறகு தேர்தல் அவதானிகள் கூறினார்கள். இந்த ஆசிரிய தலையங்கம் எழுதப் பட்டுக் கொண்டிருந்த தருணம் வரை வாக்களிப்பு வீதம் தொடர்பான உத்தியோகபூர்வ அறிவிப்பு தேர்தல்கள் ஆணைக்குழுவிடம் இருந்து வெளியாகவில்லை.

மேலும் வாசிக்க

பிரமாண்டமான பெரும்பான்மையின் உட்கிடையான ஆபத்து

 November 16, 2024

பாராளுமன்றத் தேர்தலில் தேசிய மக்கள் சக்தி பிரமாண்டமான வெற்றியைப் பெற்று வரலாறு படைத்திருக்கிறது. 1977 ஜூலை பாராளுமன்ற தேர்தலில் முன்னாள் ஜனாதிபதி ஜே. ஆர்.ஜெயவர்த்தன தலைமையில் ஐக்கிய தேசிய கட்சி அன்றைய பாராளுமன்றத்தின் 169 தொகுதிகளில் 144 தொகுதிகளை கைப்பற்றி ஆறில் ஐந்து பெரும்பான்மைப் பலத்தை பெற்ற பிறகு மீண்டும் அத்தகைய ஒரு பிரமாண்டமான வெற்றியை முதல் தடவையாக இலங்கை கண்டிருக்கிறது.

தொகுதி அடிப்படையிலான தேர்தல் முறையிலேயே அன்று ஐக்கிய தேசியக் கட்சி சாதனையைப் படைத்தது. ஆனால், விகிதாசார பிரதிநிதித்துவ தேர்தல் முறையின் கீழ் மூன்றில் இரண்டு பெரும்பான்மையை முழுமையாக எந்தவொரு கட்சியுமே இதுவரை பெற்றிராத நிலையில் இந்தத் தடவை பாராளுமன்றத் தேர்தலில் தேசிய மக்கள் சக்தி சாதித்துக் காட்டியிருக்கிறது. தேசிய மக்கள் சக்தியின் அரசியல்வாதிகளின் அனுபவக்குறைவு, பாராளுமன்ற விவகாரங்களை கையாள்வதற்கான அறிவின்மை பற்றியெல்லாம் எதிரணியினர் முன்வைத்த கருத்துகளை பொருட்படுத்தாமல் நாட்டு மக்கள் ஜனாதிபதி திஸநாயக்க தனது வாக்குறுதிகளை நிறைவற்றுவதற்கு வசதியாக பலம்பொருந்திய அரசாங்கம் ஒன்றை அமைப்பதற்கான தெளிவான ஆணையை மக்கள் வழங்கியிருக்கிறார்கள்.

மேலும் வாசிக்க

இலங்கைச் செய்திகள்

இனவாத, மதவாத பிரசாரங்களுக்கு ஏமாறாது தெற்கு அரசியல் தலைவர் மீது வடக்கு மக்கள் நம்பிக்கை

யாழ். வரலாற்றில் முதற் தடவையாக தேசிய மக்கள் சக்தி வெற்றிவாகை

முதல் தடவையாக மலையக தமிழ்ப்பெண்கள் மூவர் தெரிவு 

18 முதல் 25 ஆம் திகதிக்குள் வாக்குமூலம் வழங்க சி.ஐ.டிக்கு வர முடியும்

செனல் 4 காணொளி தொடர்பாக CID விசாரணைகள் ஆரம்பம்

இதுவரை யாழுக்கு நான் வந்த கூட்டத்தில் இதுதான் சிறந்த கூட்டம்

இனவாத, மதவாத பிரசாரங்களுக்கு ஏமாறாது தெற்கு அரசியல் தலைவர் மீது வடக்கு மக்கள் நம்பிக்கை 

-வரலாற்றில் முதலாவது தேர்தல் வெற்றி - டில்வின்

November 16, 2024 6:10 am 

தெற்கு அரசியல் தலைவர் ஒருவர் மீது வடக்கு மக்கள் நம்பிக்கை வைத்து வாக்களித்த வரலாற்றில் முதலாவது தேர்தல் இதுவென மக்கள் விடுதலை முன்னணியின் பொதுச் செயலாளர் டில்வின் சில்வா தெரிவித்தார்.

மேலும் வாசிக்க

உலகச் செய்திகள்

லெபனான், சிரிய தலைநகரங்களில் இஸ்ரேல் சரமாரி வான் தாக்குதல்

தொடர்ந்து 3ஆவது நாளாகவும் லெபனான் தலைநகரில் இஸ்ரேல் சரமாரி தாக்குதல்

நியூசிலாந்தில் சட்டமூலத்தை கிழித்து கடும் எதிர்ப்பு!

 ரஷ்ய ஜனாதிபதி புடினை விமர்சித்தவர் மர்மமான முறையில் உயிரிழப்பு

டிரம்பின் குடியரசு கட்சி அரசில் முழு கட்டுப்பாடு 

லெபனான், சிரிய தலைநகரங்களில் இஸ்ரேல் சரமாரி வான் தாக்குதல் 

-காசாவிலும் தொடர்ந்தும் தாக்குதல்

November 16, 2024 6:14 am 

சிரிய தலைநகர் டமஸ்கஸில் இஸ்ரேல் நடத்திய தாக்குதலில் 15 பேர் கொல்லப்பட்ட நிலையில் லெபனான் தலைநகர் பெய்ரூட்டின் தெற்கு புறநகர் மீது வெளியேற்ற உத்தரவை அடுத்து நேற்று புதிய தாக்குதல்கள் இடம்பெற்றுள்ளன.

மேலும் வாசிக்க

மெல்பேணில் நூல் வெளியீட்டு விழா!

பிரிஸ்பேணில் வசிக்கும், எழுத்தாளர், திருமதி. சியாமளா யோகேஸ்வரன் அவர்களின் இரண்டு நூல்களின் வெளியீட்டு விழா மெல்பேணில் நடைபெறவுள்ளது. இந்த நிகழ்ச்சியில் கலந்து சிறப்பிக்குமாறு அன்பர்கள், நண்பர்கள், தமிழ் ஆர்வலர்கள் அனைவரையும் அன்புடன் அழைக்கிறோம்.

இடம்: Oakleigh Hall, 142-144 Drummond Street, Oakleigh, VIC 3166

காலம்: 23.11. 2024 சனிக்கிழமை மாலை பி.ப.5.00 மணி

மேலதிக விபரங்களுக்கு:

சியாமளா யோகேஸ்வரன் - 0421 759 826

யோகேஸ் – 0422 457 593

சிவசுதன்  - 0403 474 145

ஸ்ரீகந்தராசா - 0466 060 366

 

3வது சிலப்பதிகார மாநாடு 30/11/2024 & 01/12/2024