நல்லூரான் கொடிபார்ப்போம் எல்லோரும் வாருங்கள் !

மகாதேவ ஐயர் ஜெயராமசர்மா

மேனாள் தமிழ்மொழிக் கல்வி இயக்குநர்

மெல்பேண் .... ஆஸ்திரேலியா  

நாம்வணங்கும் வேலவனார் நல்லூரில் இருக்கின்றார்

நாடிவரும் அடியவர்க்கு நல்லருளை ஈகின்றார்

ஆடியிலே கொடியேற்றம் அருளொழுகும் வேலவர்க்கு

அனைவருமே வாருங்கள் அகநிறைவாய் ஆகிவிடும்

ஞானியரும் யோகிகளும் நல்லறிஞர் பலபேரும்

நாவலரும் பாவலரும் நடந்தவிடம் நல்லூரே 

காவலென வேலவனார் கோவில்கொண் டிருக்கின்றார்

கந்தனது கொடியேற்றம் கண்டிடுவோம் வாருங்கள் 

புண்ணியர்கள் பலபேரின் கால்பட்ட மண்ணாக

நல்லூரான் உறையும்மண் நமக்குவர மாயிருக்கு

வல்வினைகள் போக்குதற்கு நல்லூரைக் காணுங்கள்

நல்லூரான் கொடிகாண எல்லோரும் வாருங்கள்

மேலும் வாசிக்க

கவிஞர் அம்பியின் இலக்கியப் பயணத்தில் ஞானம் ஆசிரியர் தி. ஞானசேகரன் ! நனைவிடை தோயும் சாட்சியக் குறிப்புகள் !! முருகபூபதி

மூத்த கவிஞரும், ஈழத்தின் தேசியவிநாயகம் பிள்ளை என தமிழக சுபமங்களா இதழினால் வர்ணிக்கப்பட்டவரும்,  தமிழ் மருத்துவ முன்னோடி சாமுவேல் கிறீன் குறித்து தமிழிலும் ஆங்கிலத்திலும் விரிவான நூல்கள்  எழுதியவரும், பல இலக்கிய விருதுகளை தாயகத்திலும்  தமிழர் புகலிட தேசங்களிலும் பெற்றவருமான இராமலிங்கம் அம்பிகை பாகர் என்ற இயற்பெயரைக்கொண்டிருந்த அம்பி அவர்கள் கடந்த ஏப்ரில் மாதம் 27 ஆம் திகதி அவுஸ்திரேலியா சிட்னியில் தமது 95 ஆவது வயதில் மறைந்தார்.

கவிஞர் அம்பி, எமது இலக்கிய குடும்பத்தில் பலருக்கும் ஞானத் தந்தையாகவும் விளங்கியவர்.

அம்பிக்கு 2004 ஆம் ஆண்டு 75 வயது பவளவிழா நடந்த  காலத்தில், ஞானம் ஆசிரியர் தி. ஞானசேகரனின் வேண்டுகோளை ஏற்று,  ஞானம் இதழில் பிரசுரிப்பதற்காக அட்டைப்ட அதிதி கட்டுரை எழுதியிருந்தேன்.

இலங்கை வடபுலத்தில் நாவற்குழியில்  1929 ஆம் ஆண்டு பிறந்திருக்கும் அம்பியும்,  அதே வடபுலத்தில் 1941 இல் புன்னாலைக்கட்டுவனில் பிறந்த தி. ஞானசேகரனும்,  தமது தாயகத்தில் நெருங்கிப் பழகுவதற்கான சந்தர்ப்பங்கள் குறைந்திருந்தாலும், இவர்கள் இருவரும்  அவுஸ்திரேலியாவில் நெருக்கமாகி உறவாடியதனால் பல விடயங்கள் சாத்தியமானது  என்பதற்கு நானும் ஒரு சாட்சி.

அம்பி மறைந்த செய்தி அறிந்ததும்,  என்னைத் தொடர்புகொண்டவர் ஞானம் ஆசிரியர் தி. ஞானசேகரன். இதற்கு முன்னர் மூத்த எழுத்தாளர்கள் எஸ். பொ., காவலூர் ராஜதுரை, பேராசிரியர் பொன். பூலோகசிங்கம், கலாநிதி ஆ. கந்தையா,  திருமதி ஞானம் இரத்தினம், வானொலி மாமா மகேசன் ஆகியோர் சிட்னியிலும், எழுத்தாளர்கள் நித்தியகீர்த்தி,  அருண். விஜயராணி  ஆகியோர் மெல்பனிலும் மறைந்த வேளையிலும் தொடர்புகொண்டு தனது துயரத்தை பகிர்ந்துகொண்டவர்தான் ஞானசேகரன்.

மேலும் வாசிக்க

வயநாடு இயற்கை பேரிடர்

 

வையத்துள் வாழ்வாங்கு வாழ்ந்த பேராசான் கா. கைலாசநாதக்குருக்கள் ( 07-08 2024 ) நினைவு நாள்

 

மகாதேவ ஐயர் ஜெயராமசர்மா

 மேனாள் தமிழ்மொழிக் கல்வி இயக்குநர்

 மெல்பேண் ...அவுஸ்திரேலியா 

மண்ணைவிட்டு ஆளுமைகள் மறைந்தாலும் அவர்களின் மாண்புகள் என்றுமே மறைவதில்லை. எண்ணி எண்ணிப் பார்க்கும் அளவுக்கு அவர்கள் மண்ணிலே என்னாளும் வாழ்ந்து கொண்டே இருப்பார்கள் . அப்படி வாழ்ந்தவர்களைத் தான் " வையத்துள் வாழ்வாங்கு வாழ்ந்தவர்கள் " என்று வையகம் ஏற்றிப் போற்றி என்றும் நினைவில் நிறுத்தி

வைத்திருக்கிறது எனலாம். அப்படி இருக்கும் ஈழத்து ஆளுமையாக விளங்குவர்தான் நினைவில் நிறைந்திருக்கும் பேராசான் பேராசிரியர் கலாநிதி சிவஶ்ரீ கா. கைலாசநாதக் குருக்கள் ஆவர்.

 குங்குமம் பொட்டு , கொட்டப்பாக்களவு குடுமி , முகத்தில் சாந்தம் , வெள்ளுடை வேந்தர் இப்படிச் சொன்னால் இப்படி நினைத்தால் கண்முன்னே வந்து நிற்பார் பேராசான் குருக்கள் அவர்கள்.

  அமைதியான ஆனால் ஆழமான அழகான ஆங்கிலம் அழகு கொஞ்சும் அன்னைத்தமிழ் அஷ்ஷரம் மாறாத சமஸ்கிருதம் குருக்கள் அவர்களுக்கே உரித்தானதாகும்.

  ஆடம்பரம் நாடுவதில்லை. அலங்காரம் செய்வதும் இல்லை. ஆர்ப்பாட்டம் இல்லா ஆளுமைதான் அவர்.கைலாசபதி கைகூப்பும் கைலாசநாதர் ! சிவத்தம்பி கெளரவிக்கும் சிந்தனையாளர் ! வித்தியின் வணக்கத்துக்குரியவர் ! சிங்களப் பேராசிரியர்களும்

வேட்டிகட்டிய வெள்ளுடை வேந்தரை வணங்கியே நிற்பர் ! சிங்களம் சிறக்கும் பேராதனைப் பல்கலைக்கழகத்தில் செந்தண்மை பூண்ட அந்தணக் கோலத்தில் பேராசான் விரி வுரையாற்ற வரும் வேளை யாவராலும் கனம் செய்யப்பட்ட கண்ணியவான் ! இஃது தமிழுக்கும் பெருமை ! தமிழருக்கும் பெருமை அல்லவா ?

பேராசிரியர் குருக்கள் அவர்களை ஆசாரமிக்க அத்தணர் என்பதா , ஆகமக் கிரியைகளை ஆற்றும் சிவாசாரியப் பெருமகன் என்பதா , ஆன்மீகத்தில் நாட்டமிக்க பெரியவர் என்பதா , தமிழ் , ஆங்கிலம் , இலத்தீன் , பாளி , சமஸ்கிருதம், ஜேர்மன் , பிரெஞ்சு , என பன்மொழி அறிந்த பன்மொழியாளர் என்பதா, பல்கலைக்கழகத்தில் உயர்பட்டம் பெற்ற கல்விமான் என்பதா , பல்கலைக்கழகத்தில் பல உயர் பதவிகளை அலங்கரிந்த பெருந்தகை என்பதா, யாவராலும் மதிக்கப்பட்ட கண்ணியவான் என்பதா என்னும் எண்ணமே என்மனதில் எழுகின்றது.இப்படி எண்ணுவது என் எண்ணம் மட்டுமல்ல அவரை அறிந்தார்கள் அனைவரதும் எண்ணமுமே இதுவாகும் என்பதும் கட்டாயம் சொல்லியே ஆகவேண்டியது எனலாம்.

  அறிவு என்னும் தேட்டம் அனைத்தையும் திரட்டி எடுத்துக் கொண்டு என்றுமே குன்றாத பெரு மதிப்புடைய கல்விச் செல்வத்தை தனக்குள் வைத்திருக்காது யாவருக்கும் வழங்கும் பெரு நோக்குடையயவராய் அந்தண குலத்து ஒளிவிடும் விளக்காக உயர் பண்பாளராக மிளிர்ந்தவர்தான் பேராசிரியர் கைலாசநாதக் குருக்கள் எனலாம்.

  நாவலர் பெருமான் பிறந்து வளர்ந்து உயர்ந்த -  ஊர்களில் சிறந்த ஊரான - நல்லூரில் சேர் பொன். இராமநாதனின் குருவாகத் திகழ்ந்தவரும் வேதாகம சோதிட விற்பன்னரும் ஆகமக்கிரிகை களை ஆற்றுவதில் ஈடிணையற்றவரு மான சிவஶ்ரீ கார்த்திகேய க்குருக்கள் முனீஸ்வரத்தைப் பிறப்பிடமாகக் கொண்ட ஶ்ரீமதி சுந்தராம்பாள் தம்பதிகளுக்கு துர்மதி

மேலும் வாசிக்க

அறியார் அறியாரோ?

 

-சங்கர சுப்பிரமணியன்.

பள்ளி சென்ற நாள்தொட்டு படித்து
வந்த சிந்துபாத் கதையைப் போல

பல ஆண்டுகளாய் பவணிவந்த
தொடராம் கடல்புறாவைப் போல

மதரைத் திரையரங்கில் மதுரைவீரன்
திரைப்படம் வரலாறு படைத்ததுபோல

சிறுவயது நண்பர்களின் வாழ்வினை
சொல்லிய அகல்விளக்கைப் போல

நிலையுறா நிலையினை நிலைத்துமே
வைத்திட பயனுறு செயலில் பயணித்திட

நிலையிலா வாழ்வினில் புகழ் மட்டும்
நிலைக்குமென நிறையுடை மாந்தரும்

நினைத்து சொரிந்திடும் செரிந்த செயலும்
அணைவதும் எரிவதும் அதனதன் வழியே

பழுத்த இலைகள் பலவும் உதிர்ந்திட
குருத்தாய் எழும்பியவை குவலயம் காணும்

மேலும் வாசிக்க

ஸ்ரீ வெங்கடேஸ்வரா கோவில் (SVT, சிட்னி) - வருடாந்திர சாமுஹிக் ஸ்ரீ மகாலட்சுமி பூஜை - ஞாயிற்றுக்கிழமை 11 ஆகஸ்ட் 2024 மற்றும் ஸ்ரீ வரலக்ஷ்மி விரதம் ஆகஸ்ட் 16, 2024 வெள்ளிக்கிழமை

 

செல்வம், அதிர்ஷ்டம், கருவுறுதல் மற்றும் ஐஸ்வர்யத்தின் தெய்வமான ஸ்ரீ மஹாலக்ஷ்மி, பொருள் நிறைவு மற்றும் மனநிறைவுக்கான வாக்குறுதியைக் கொண்டுள்ளார். பூதேவி, பூமி தெய்வமாக, அவள் வாழ்க்கையை வளர்க்கிறாள், ஸ்ரீதேவி, அதிர்ஷ்ட தெய்வமாக, தன்னை வணங்குபவர்களுக்கு நல்வாழ்வையும் செழிப்பையும் தருகிறாள். ஸ்ரீ மஹாலக்ஷ்மி பூஜை புனிதமான ஷ்ராவண மாதத்தில் செய்யப்படுவது மங்களகரமானது

ஆகஸ்ட் 11, 2024 ஞாயிற்றுக்கிழமை

காலை 9.00 மணி: ஸ்ரீ சுக்த ஹோமம்,

காலை 10.30 மணி: ஸ்ரீ வரலட்சுமிக்கு அபிஷேகம் மற்றும் அலங்காரம்,

காலை 11.30 - சாமுஹிக மகாலட்சுமி பூஜை (பக்தர்களால் கூட்டாக நடத்தப்படுகிறது)

பக்தர்கள் ஒரு தட்டு, தண்ணீர் வைக்க டம்ளர், தேங்காய் மற்றும் ஒரு விளக்கு கொண்டு வர வேண்டும். கோயில் மூலம் எண்ணெய் வழங்கப்படும்.

ஆகஸ்ட் 16, 2024 வெள்ளிக்கிழமை

காலை 10.00 மணி: ஸ்ரீ மகாலட்சுமி மற்றும் ஸ்ரீ ஆண்டாளுக்கு அபிஷேகம், அலங்காரம் மற்றும் மகா தீபாராதனை.

சிரித்து வாழ வேண்டும் - பொன் விழா ஆண்டில் இந்த படங்கள் - ச. சுந்தரதாஸ்

 ஆனந்த விகடன் வார இதழில் நாவல்களையும், வெளிநாட்டு பயணக்

கதைகளையும் எழுதி புகழ் பெற்றவர் மணியன். இவரது கதைகளுக்கு ஆயிரக்கணக்கான வாசகர்கள் இருந்தார்கள்.இவர் போகாத நாடுகளே இல்லை என்று சொல்லும் விதத்தில் பல நாடுகளுக்கு சென்று வந்துள்ளார். இந்த மணியன் எதோ ஒரு விதத்தில் எம் ஜி ஆருடன் தனது உறவை பலப்படுத்திக் கொண்டார். எம் ஜி ஆரின் சொந்தப் படமான உலகம் சுற்றும் வாலிபன் வெளிநாடுகளில் படமாகுவதற்கு மணியனின் வெளிநாட்டு தொடர்புகள், உதவிகள் பெரிதும் பயன் பட்டன. அதே போல் எம் ஜி ஆரின் ஜோதிட ஆலோசகராக திகழ்ந்தவர் வித்துவான் வே . லஷ்மணன். எம் ஜி ஆருடன் இவரை அடிக்கடி காணலாம்.

மணியன், லஷ்மணன் இருவரும் எம் ஜி ஆரின் குட் புக்சில் இருந்ததால் அவர்களுக்கு உதவ எண்ணிய எம் ஜி ஆர் திடுதிடுப்பென்று இருவரையும் படத் தயாரிப்பாளர் ஆக்கி விட்டார். இதன் காரணமாக உதயம் புரொடக்ஷன்ஸ் என்ற பட நிறுவனம் உதயமானது. முதல் தயாரிப்பாக எம் ஜி ஆர் நடிப்பில் இவர்கள் தயாரித்த இதய வீணை வெற்றி பெற்றதைத் தொடர்ந்து அடுத்த படத்தையும் எம் ஜி ஆர் நடிப்பில் தயாரிக்கத் தொடங்கினார்கள் மணியன், லஷ்மணன் இருவரும். அப்படி உருவான படம் தான் சிரித்து வாழ வேண்டும்.

சிறு வயதிலே கொலைகாரன் ஒருவனின் துப்பாக்கி சூட்டில் பெற்றோரை இழந்து விடும் ராமு , வளர்ந்து பெரியவனாகி போலீஸ் அதிகாரியாகிறான். தீயவர்களுக்கு சிம்ம சொப்பனமுமாகிறான். இந் நிலையில் ராமுவுக்கும், ரஹ்மான் என்ற தாதாவுக்கும் இடைடையில் மோதலில் ஆரம்பமாகும் தொடர்பு நட்பில் முடிகிறது. போலீஸ் இன்ஸ்பெக்டரான ராமுவின் வேண்டுகோளை ஏற்று தனக்கு இலாபம் தந்த சூதாட்ட விடுதியை இழுத்து மூடி விட்டு ஆட்டோ சாரதியாகிறான் ரஹ்மான். ராமுவோ கடத்தல் சாம்ராஜ்யத்தின் தலைவன் நாகராஜை பிடிக்கும் முயற்சியில் ஈடுபட்டு அவனின் சதித் திட்டத்துக்கு பலியாகி சிறை செல்கிறான். அவனின் போலீஸ் பதவியும் பறி போகிறது. தன்னுடைய காதலி மாலாவை ரஹ்மான் பாதுகாப்பில் விட்டுச் செல்லும் ராமு , சிறையில் இருந்து மீண்டு, மீண்டும் கடத்தல் தலைவனை பிடிக்க தீவிரமாக முனைகிறான். அதற்கு ரஹ்மானும் , மாலாவும் உதவுகிறார்கள்.

மேலும் வாசிக்க

பிரசன்ன விதானகேயின் Paradise திரைப்படம் ! இலங்கை பொருளாதார நெருக்கடியின் பின்னணியில், இராமாயண ஐதீகத்தைப் பேசும் உலக சினிமா !! முருகபூபதி

பூலோகத்தின் சொர்க்கம் என வர்ணிக்கப்பட்ட  இலங்கைக்கும் இராமாயணத்திற்கும்  தொடர்பு இருப்பதை ஐதீகக் கதைகள் மூலம் அறிகின்றோம்.

இராமாயணத்தில் வரும் இராவணன் தமிழனாகவும்  இராமன் ஆரியனாகவும் சித்திரிக்கப்படுகிறார்கள்.

இந்த இரண்டு பாத்திரங்களின் குணவியல்புளை வைத்து இன்றும் பட்டிமன்றங்கள் நடத்திக்கொண்டிருக்கிறார்கள்.

வால்மீகி இராமாயணம் – கம்பராமாயணம் ஆகியன குறித்தும்  மாறுபட்ட கதைகள் தொடருகின்றன.

இந்தியாவில் உத்தரபிரதேசம்  அயோத்தியில்தான் இராமர் பிறந்தார் என்று சொல்லிக்கொண்டு  32 வருடங்களுக்கு முன்னர்  ( 1992 – டிசம்பர் 06 இல் )  ஆயிரத்து ஐநூறு வருடங்கள் பழைமை வாய்ந்த பாபர் மசூதியை இந்துத்துவா கரசேவர்கள் இடித்துத்  தரைமட்டமாக்கினர்.

இது இவ்விதமிருக்க, தாய்லாந்தில்தான் இராமர் பிறந்தார் என நம்புகின்றவர்கள், அங்கே அவருக்கு கோயில் அமைத்து வழிபடுகிறார்கள்.

இந்தோனேஷியாவின் ஆளுகைக்குள்ளிருக்கும் பாலித்தீவில்தான் அவர் பிறந்தார் என நம்புகின்றவர்கள், அங்கே அவருக்கு சிலைகள் எழுப்பியிருக்கிறார்கள்.

இவ்வாறு இராமாயணக் கதைகள் பலவுள்ளன.

ஆனால்,  அவன் மனைவி சீதையை கடத்தி வந்து இலங்கையில் அசோகவனத்தில் சிறை வைத்த இராவணன் இலங்கை மன்னன் என்பதனால் இவனுக்கு இலங்கேஸ்வரன் எனவும் பெயர் உண்டு.

குறிப்பிட்ட அசோகவனம் அமைந்துள்ள இடத்தில் நாம் சீதையம்மன் கோயிலை பார்க்க முடியும்.   சிங்கள மக்களும் வழிபடும் இவ்விடத்திற்கு சீதா எலிய என்ற பெயர் சூட்டப்பட்டுள்ளது.

மேலும் வாசிக்க

KAMAL HAASAN ❤️ A cinematic journey ✍🏻 K.Hariharan நூல் நயப்பு ✍🏻 கானா பிரபா

 கமல்ஹாசன் என்ற ஆளுமையை வெறுமனே நடிகர் என்ற

எல்லைக்குள் நிறுத்தி விட முடியாது.

அவர் சினிமாவின் அனைத்துக் கூறுகளையும் கற்றுக் கொண்ட, கற்றுக் கொள்கின்ற ஒரு பூரணமான படைப்பாளி.

இப்படியானதொரு ஆளுமையைப் பற்றிய ஒரு நூல் வருகிறதென்றால் அதன் மீதான எதிர்பாப்பு பல மடங்காக இருக்கும்.

காரணம் அரை நூற்றாண்டு காலமாக கமல் குறித்த பல்வேறு நுணுக்கங்களை அவரின் ரசிகர்கள் மட்டுமன்றி ஒரு துறைவாரியான கல்வியாளர்களும் அணுகியிருப்பதே காரணம்.

அப்படி ஒருவர் தான் கே.ஹரிஹரன்.

“ஏழாவது மனிதன்” திரைப்படத்தின் இயக்குநர் என்ற அடையாளமே ஹரிஹரனை இலகுவாக அடையாளம் காண்பித்து விடும். தற்போது க்ரியா பல்கலைக்கழகத்தில் திரைப்படக் கற்கை நெறியின் பேராசிரியராக இருப்பவரின் பின்னணி வரலாற்றில், திரைப்பட இயக்கம் குறித்த செயற்பாடுகள் அமைப்பு ரீதியாகவும், தனி நபராகவும் நீண்டு விரிந்தது.

ஆகவே கமல்ஹாசன் குறித்த ஒரு நூலை ஆக்க வேண்டும் என்று ஹரிஹரன் முடிவெடுத்த போது அது ஒரு Master class ஆக இருக்க வேண்டும் என்ற நோக்கில் அணுகியிருக்கிறார்.

கமலின் 40 திரைப்படங்களை மட்டும் எடுத்துக் கொண்டு இந்த நூலை எழுதியிருக்கிறார்.

மேலும் வாசிக்க

அவுஸ்திரேலியாவிலிருந்து இயங்கும் இலங்கை மாணவர் கல்வி நிதியம் அம்பாறை மாவட்ட மாணவர்களுக்கு உதவி

இலங்கையில் முன்னர் நீடித்த போரினால் பாதிக்கப்பட்ட மற்றும் வறுமைக்கோட்டின் கீழ் வாழும் ஏழைத்தமிழ் மாணவர்களின் கல்வி வளர்ச்சிக்கு கடந்த 36 வருடங்களாக உதவி வரும் தன்னார்வத் தொண்டு நிறுவனமான இலங்கை மாணவர் கல்வி நிதியத்தின் அனுசரணையில் இந்த வாரம் அம்பாறை மாவட்ட மாணவர்களுக்கு நிதியுதவி  வழங்கப்பட்டது.

 இந்நிகழ்வு  கல்வி நிதியத்தின் அம்பாறை மாவட்ட தொடர்பாளர் அமைப்பான  பாண்டிருப்பு மாணவர் கல்வி அபிவிருத்தி நிறுவகத்தின் ஏற்பாட்டில் அதன் அலுவலகத்தில் தலைவர் திரு. ந. கமலநாதன்( ஓய்வு நிலை அதிபர் ) அவர்களின் தலைமையில்  இருதினங்கள் நடைபெற்றது.

 இந்நிகழ்வில் உதவி பெறும் மாணவர்களும் அவர்களின் தாய்மாரும் நிறுவகத்தின் செயற்குழு உறுப்பினர்களும் கலந்து கொண்டனர்.

 ஒவ்வொரு மாணவருக்கும் ஆறு மாதங்களுக்கான ( 2024 ஜூலை முதல் டிசம்பர் வரைக்குமானது )  நிதிக் கொடுப்பனவாக ரூபா 24 000/- வழங்கப்பட்டது.

 அவுஸ்திரேலியாவிலிருந்து கடந்த மூன்று தசாப்தங்களுக்கும் மேலாக இயங்கும் இலங்கை மாணவர் கல்வி நிதியத்தில் இணைந்துள்ள அன்பர்களின் ஆதரவினால்,  இந்தத்திட்டம் நடைமுறைப்படுத்தப்பட்டு வருகிறது.

மேலும் வாசிக்க

அ.யேசுராசாவின் எழுத்துலகம்

 

வைத்தியர் அர்ச்சுனா இராமநாதனுக்கு எதிர்வரும் 7 ஆம் திகதி வரை விளக்கமறியல்

 August 3, 2024

மன்னார் பொலிஸாரினால் இன்று முற்பகல் கைது செய்யப்பட்ட வைத்தியர் அர்ச்சுனா இராமநாதன் எதிர்வரும் 7 ஆம் திகதி வரை விளக்கமறியலில் வைக்கப்பட்டுள்ளார்.  மன்னார் மாவட்ட நீதவானின் வாசஸ்தலத்தில் முன்னிலைப்படுத்தப்பட்டபோது விளக்கமறியல் உத்தரவு பிறப்பிக்கப்பட்டுள்ளது.வைத்தியர் அர்சுனா மன்னார் பொது வைத்தியசாலைக்குள் நுழைந்து நேற்றிரவு குழப்பத்தை ஏற்படுத்தியதாக மன்னார் வைத்தியசாலை நிர்வாகம் மன்னார் பொலிஸ் நிலையத்தில் மேற்கொண்ட முறைப்பாட்டை தொடர்ந்து, வைத்தியர் அரச்சுனா கைது செய்யப்பட்டார்.   மன்னார் வைத்தியசாலைக்கு நேற்றிரவு வைத்தியர் அர்ச்சுனா சென்றதாகவும் அண்மையில் மன்னார் தம்பன்னை குளத்தை சேர்ந்த இளம் தாய் ஒருவர் வைத்தியசாலையில் உயிரிழந்த சம்பவம் தொடர்பில் வைத்தியர்களிடம் கேட்டுக் கொண்டதாகவும் எமது செய்தியாளர் தெரிவித்தார். இதைத் தொடர்ந்து வைத்தியர்கள் மற்றும் சுகாதர ஊழியர்களின் சேவைக்கு இடையூறு ஏற்படுத்தியதாக பொலிஸில் முறைப்பாடு செய்யப்பட்டமை குறிப்பிடத்தக்கது.   நன்றி ஈழநாடு 

அனைவரும் ரணிலின் வியூகத்துக்குள்ளா?

 August 1, 2024

ரணிலின் தேர்தல் வியூகம் அனைவரையும் நெருக்கடிக்குள் தள்ளி யுள்ளது. சஜித் பிரேமதாஸ முன்னணியில் இருக்கின்றார் – அநுரகுமார திஸநாயக்கா முன்னணியில் இருக்கின்றார் என்னும் கதைகள் ஓய்ந்து ரணிலுடன் எத்தனை பாராளுமன்ற உறுப்பினர்கள் இணைகின்றனர் – ரணிலை எந்தக் கட்சிகள் ஆதரிக்கின்றன – என்றவாறு தென்னிலங்கையின் தேர்தல் களம் மாறியிருக்கின்றது.

இது எவருமே எதிர்பாராத விவாதம். ரணில் எந்த அடிப்படையில் போட்டியிட போகின்றார் என்னும் கேள்விக்கு பெரும்பாலானவர்களின் பதில் – அவர் ராஜபக்ஷக்களோடுதான் இணைந் திருப்பார் – அவருக்கு வேறு தெரிவுகள் இல்லை என்றே இதுவரையில் இருந்தது. ஆனால் அவரோ, சுயேச்சை வேட்பாளராக தன்னை அறிவித்தி ருக்கின்றார். அவர் ஒரு பாராளுமன்ற உறுப்பினர் என்னும் அடையாளத்துடன்தான் மீண்டும் அதிகார அரசியலுக்குள் நுழைந்தார். காணாமல் போய்விட்டார் –

இனி அரசியலில் அவரை ஒருபோதுமே காணமுடியாது என்னும் ஆருடங்களின் மத்தியில்தான் ரணில் அவரின் அடுத்த ஆட்டத்தை ஆரம்பித்தார். ஒருவேளை சஜித் அன்றைய சூழலில் சரியாக ஆடியிருந்தால் ஒருவேளை ரணில் காணாமலும் போயிருக்கலாம். சஜித்தோ மேடை சரியில்லை என்று கூறிக் கொண்டிருந்தார். ஆனால், எந்த மேடை கிடைக்கின்றதோ அதில் ஆடிக் காட்டுபவனே சாணக்கியன் என்பதே ரணிலின் கணக்காக இருந்தது. ரணிலை பலரும் நரி என்பதுண்டு. அரசியலில் நரியாக இருப்பது தேவை யானதுதான். ஏனெனில், அதிகாரத்துக்கான ஆட்டத்தில் நரிகள்தான் இருக்கின்றன என்றால் நரியாக இருப்பது மட்டும்தான் ஒரேயொரு புத்திசாதுர்ய மான நகர்வாகும். ஆனால், இந்த விடயத்தை தமிழ்த் தேசிய அரசியல் தரப்புகள் மட்டும் ஒருபோதும் கற்றுக்கொள்ள முயற்சிப்பதில்லை – கற்றுக் கொள்ள மாட்டோம் என்று அடம்பிடிக்கின்றனர். ஒரு தேர்தல் களம் திறக்கப்பட்டுவிட்டது.

மேலும் வாசிக்க

இலங்கைச் செய்திகள்

செப்டெம்பர் முதல் தொடர்ந்து சென்னை – பலாலிக்கிடையே இண்டிகோ விமான சேவை

புதிய அம்சம் கொண்டதாக 3 நிறங்களில் கடவுச்சீட்டு

மட்டக்களப்பில் உலக தமிழ் கலை இலக்கிய மாநாடு!

நாட்டில் முதலிட முன்வருமாறு புலம்பெயர் இளைய தலைமுறையினருக்கு அழைப்பு

இன்று முதல் Online புகையிரத ஆசன முன்பதிவு

நாட்டில் வேகமாகப் பரவும் இன்ஃப்ளூவன்ஸா வைரஸ்

செப்டெம்பர் முதல் தொடர்ந்து சென்னை – பலாலிக்கிடையே இண்டிகோ விமான சேவை

ஆசன முன்பதிவு ஓகஸ்ட் 01 முதல் ஆரம்பம்

August 3, 2024 11:00 am 

குறைந்த கட்டணத்தில் விமானப் பயணத்தை மேற்கொள்ளக்கூடிய வசதி கொண்ட இந்திய நிறுவனமான இண்டிகோ, அதன் சர்வதேச வழித்தட வலையமைப்பில் யாழ். பலாலிக்கு புதிதாக மேலதிக விமான சேவைகளை ஆரம்பிக்கவுள்ளதாக அறிவித்துள்ளது.

மேலும் வாசிக்க

உலகச் செய்திகள்

காசாவின் கான் யூனிஸ் நகரத்தில் இருந்து இஸ்ரேலிய படை வாபஸ்: சடலங்கள் மீட்பு

படுகொலை செய்யப்பட்ட ஹமாஸ் தலைவர்கள் 

காசா போரில் தலையிட வாய்ப்பு; எர்துவான் எச்சரிக்கை

காசாவில் இஸ்ரேலின் புதிய வெளியேற்ற உத்தரவினால் மக்கள் மீண்டும் ‘ஓட்டம்’

கலாசார சொத்து ஒப்பந்தத்தில் அமெரிக்கா–இந்தியா கைச்சாத்து

காசாவின் கான் யூனிஸ் நகரத்தில் இருந்து இஸ்ரேலிய படை வாபஸ்: சடலங்கள் மீட்பு 

காசாவில் 'போலியோ தொற்று' பிரகடனம்

July 31, 2024 6:00 am 

மத்திய காசாவில் புதிய வெளியேற்ற உத்தரவை பிறப்பித்த இஸ்ரேலியப் படை தெற்கு நகரான கான் யூனிஸில் இருந்து திடீரென்று வாபஸ் பெற்ற நிலையில் இடிபாடுகளுக்கு மத்தியில் பலஸ்தீனர்கள் அங்கு திரும்பியுள்ளனர்.

மேலும் வாசிக்க

சிவஞானத் தமிழ்ப் பேரவை (ஆஸ்திரேலியா)வின் சிவானுபூதி ஞானயோகப் பயிற்சி 2024

 

மேலும் வாசிக்க

சிட்னி துர்க்கை அம்மன் கோவிலில் ஆடிப்பூரம் திருவிழா 07/08/2024

 

ஆடி பூரம் திருவிழா துர்கா தேவியை துதிக்க, அவள் இந்த உலகத்திற்கு வந்ததைக் கொண்டாடி, பக்தர்களை ஆசீர்வதிக்கக் கொண்டாடப்படுகிறது.

ஜூலை மாதம் (ஆடி) வந்துவிட்டது. ஆடி துர்கா தேவிக்கான மாதம், இந்த மாதத்தில் பல கொண்டாட்டங்கள் உள்ளன.

ஜூலை 28, 2024 ஞாயிற்றுக்கிழமை விநாயகர் பூஜையுடன் தொடங்கி 10 நாள் திருவிழாவைக் கொண்டாடுகிறோம்.

ஆகஸ்ட் 03ஆம் தேதி சனிக்கிழமை தேர் திருவிழா நடைபெறுகிறது.

ஆடி பூரம் திருவிழாவின் ஒவ்வொரு இரவும்  ஹோமம், அபிஷேகம், சிறப்பு பூஜைகள் மற்றும் தெய்வீக பிரதக்ஷனை நடக்கிறது.

ஆகஸ்ட் 07, 2024 புதன்கிழமை:

சிறப்பு ஆடி பூரம் பூஜை ஆகஸ்ட் 7ம் தேதி மாலை 5.30 மணிக்கு பால்குட அபிஷேகம் நடக்கிறது.

சுந்தரமூர்த்தி நாயனாருக்கு குரு பூஜை 11/08/2024

 

ஓம் நம சிவாய

பூழியர்கோன் வெப்பொழித்த புகலியர்கோன் கழல்போற்றி

ஆழிமிசைக் கல்மிதப்பில் அணைந்தபிரான் அடிபோற்றி

வாழிதிரு நாவலூர் வன்தொண்டர் பதம்போற்றி

ஊழிமலி திருவாத வூரர்திருத்தாள் போற்றி

https://www.svtsydney.org/wp-content/uploads/2022/07/Sundarar-Thevaram_2.mp3

தேதி: 11 ஆகஸ்ட், 2024 - ஞாயிறு

இடம்: சிவன் கோவில் வளாகம்

நிகழ்ச்சி காலை 8:30 மணிக்கு தொடங்குகிறது

காலை 8.30 மணி : நிருத்தி வலம்புரி கணபதிக்கு அபிஷேகம், அலங்காரம் மற்றும் மகாதீபாராதனையும் அதைத் தொடர்ந்து சுந்தரமூர்த்தி நாயனார் (சுந்தரர்) மூலவருக்கு அபிஷேகம்.

மேலும் வாசிக்க