நல்லூரான் மஞ்சம் நாளுமே இன்பம்
.jpg)
.jpg)
மகாதேவ ஐயர் ஜெயராமசர்மா
கடுகண்ணாவ – ஒரு யாத்ரக் குறிப்பு
“M.T.வாசுதேவன் நாயரின் கதைகளில் மனித உணர்வுகளின்
மெய்த்தன்மை இருக்கும்,
இந்தக் கதையைப் பொறுத்தவரை அவருடைய நிஜ வாழ்க்கையின் படிமம் ஆகவே எனக்குத்
தென்படுகிறது”
கமல்ஹாசனின் அறிமுகக் குறிப்போடு வேணுகோபால் என்ற பத்திரிகையாளன் இலங்கையின் கடுகண்ணாவை நகரம் நோக்கி பயணப்படுகிறான்.
“இலங்கைக்கு ஒருமுறை தான் பயணப்பட்டிருக்கிறேன்,
அதுவும் வெறும் நான்கு மணி நேரம் தான்”
என்று கமல்ஹாசன் தன் அறிமுகக் குறிப்பில் சொல்லியிருப்பார்.
இங்கோ வேணுகோபாலுக்கு இதுவே முதன்முறை.
ஆனால் அவனுக்கும் இலங்கைக்கும், அதுவும் குறிப்பாக கடுகண்ணாவைக்குமான பந்தம் 1942 ஆம் ஆண்டிலேயே விதைக்கப்பட்டு விட்டது.
கொழும்பு நகர வீதியில் அவன் கார் பயணப்பட்டாலும்,
அவனின் எண்ண அலைகளோ தன்
பால்யகாலத்துக்குச்
சுழல்கிறது.
தன் சகோதரியாகப்பட்டவளான லீலாவைப் பார்க்கப் போகிறான்.
வருஷக்கணக்காக அவன் வாழ்க்கையில் ஒளிந்திருந்த ஒரு செய்தியின் மெய்த்தன்மைக்கும் விடை கிடைக்கிறது.
“காதாகாரன்” M.T.வாசுதேவன் நாயரை நாயகனாக்கி அழகு பார்த்து, மம்மூட்டியின் வெகு இயல்பானதொரு நடிப்பில், “கடுகண்ணாவ – ஒரு யாத்ரக் குறிப்பு” என்ற குறுந்திரைப்படம் வடிவமைக்கப்பட்டுள்ளது.
மலையாளத்தின் மகோன்னதரப் படைப்பாளி M.T.வாசுதேவன் நாயரின் சிறுகதைகள் “மனோரதங்கள்” என்ற இணையத் திரைப்படத் தொகுப்பாக வந்துள்ளது., அதில் உள்ள ஒன்பது கதைகளில் ஒன்று இது.
இந்தப் படைப்பு ஒவ்வொன்றுமே மம்மூட்டி, மோகன்லால் என்ற பெருந்திரை நட்சத்திரங்கள், ஆளுமைப்பட்ட இயக்குநர்கள் ஆளாளுக்கு ஒவ்வொரு கதையாக எடுத்துப் பண்ணியது.
கடுகண்ணாவ – ஒரு யாத்ரக் குறிப்பு” இயக்குநர் ரஞ்சித் படைத்திருக்கிறார். ஏற்கனவே “பலேரி மாணிக்கம்” என்ற அற்புதமான மர்மப்படைப்பை மம்மூட்டியோடு இணைந்து படைத்தவர் இங்கே ஒரு உணர்வுபூர்வமான படைப்பிலும் இந்தக் கூட்டணியின் வெற்றியை நிரூபித்திருக்கிறார்கள்.
மாறா நிலையும் மாறும் நிலையும் !
.jpg)
.jpeg)
மகாதேவ ஐயர் ஜெயராமசர்மா
செந்தமிழ் வழக்கும் கொடுந்தமிழ் வழக்கும்
‘ சிவஞானச் சுடர்’ பாரதி இளமுருகனார்
இளைப்பாறிய பல்மருத்துவர்
( வாழ்நாட் சாதனையாளர்)
எமது தாய் நாட்டிலும் தமிழ் நாட்டிலும் இருவகைத் தமிழ்நடை எழுதப்பட்டு வருவதைக் காணலாம். ஒன்று செந்தமிழ் நடை. மற்றையது கொடுந்தமிழ் நடை. இலக்கண நெறிக்கு உட்பட்டு அதற்கு அமைந்து நடப்பது செந்தமிழ் நடையாகும். தமிழை முறையாகக் கற்றுப் புலமையெய்திய தமிழ்ச் சான்றோர் வளர்த்தும் ஓம்பியும் வந்த செந்தமிழ் நடையாவது சொன்மரபும் சொற்றொடர் மரபும் புணர்ச்சி முதலிய தமிழின் இனிய ஒலிமரபும் ஆகிய மொழி அமைப்புத் திறங்களைக் கொண்டது. இதற்கு எதிர்மாறாகக் கல்லாதவரும் தமிழறிவு குறைந்தவர்களும் ஆங்கிலம் மட்டுமே கதைத்துவரும் தமிழர்களும் செந்தமிழ் நடைபற்றித் தெரியாதவர்களும் எழுதிவரும் தமிழே கொடுந்தமிழாகிறது. தமிழர்கள் வாழும் இடத்துக்கு இடம் பேச்சுத் தமிழ் மாறுபட்டு வந்துள்ளது. சில இடங்களிலே பேச்சுத் தமிழ் கொடுந்தமிழாகப் பேசப்படுகின்றது. இன்று கொடுந்தமிழ் நடையிலே எழுதப்படும் கதைகளும் வெளியீடுகளும் பெருகிவருவதைக் காணக்கூடியதாக உள்ளது. தமிழ்நாட்டிலிருந்தும் தாய்நாட்டிலிருந்தும் கொடுந்தமிழ் நடையிலே எழுதப்படும் வெளியீடுகளும் கதைகளும் பெருகுவதைக் காணுகிறோம். தமிழ் நன்றாகக் கற்றோர்கூடப் பிற மொழிக் கலப்பை எதுவித தயக்கமோ வெட்கமோ இன்றி வரவேற்பதுபோலத் தமது ஆக்கங்களிலே கையாளுகிறார்கள். தமிழ் தெரிந்திருக்கும் சிலரும் தரமான ஆக்கங்களைப் படைக்க முடியாத ஆற்றாமையினாலும் கொடுந்தமிழுக்கு வளஞ்சேர்க்கிறார்கள். தரமான கதைகளையோ ஆக்கங்களையோ எழுத முடியாத புதுமை எழுத்தாளர்கள் சிலர் இழிந்தோர் வழக்கையும் பிறமொழிக் கலப்பையும் தரமற்ற நகைச்சுவையையும் கலந்து புதுமை இலக்கியம் படைத்து வருகிறார்கள். இந்த நிலை தொடருமென்றால் நாளடைவிலே தமிழ் மொழிக்குத் தனித்துவமான இனிமையும் எளிமையும் இலக்கண வரம்பும் செந்தமிழ் வழக்கும் அழிந்தொழியும் என்பதிலே மாற்றுக் கருத்துக்கு இடமிருக்காது. தாங்களும் கதை எழுதவேண்டும் என்ற உந்துதலினால் கொடுந்தமிழ்க் கதைகளைத் தழுவியோ அல்லது அவற்றைத் திருடியோ பலர் கொடுந்தமிழ் வளர்த்து வருகிறார்கள். விற்பனையால் பெறப்படும் இலாபநோக்குடன் கொடுந்தமிழ் ஆக்கங்களை எழுதுவோரும் அவற்றை வெளியிடும் பத்திரிகைகளும் பெருகிவிட்டன. திரைப்பட உலகத்தாராலும் கீழ்த்தர ஊடகங்களாலும் தமிழ்மொழிச் சிதைவு வேகமாகத் தொடர்கிறது. தமிழ்மொழி இன்னும் நூறு ஆண்டுகளிலே மறைந்துவிடும் என்று சில தாபனங்கள் வெளியிட்ட செய்தி உண்மையாகிவிடுமோ என்னும் சந்தேகம் பலரின் மனதிலே எழுவதில் ஆச்சரியம் ஒன்றுமில்லை. மரபுநிலை திரியிற் பிறிது பிறிதாகும் என்ற தொல்காப்பியனாரின் வாக்குப் பலித்திடுமோ என்று எண்ணத் தோன்றுகிறதா?.
கண்களை நேர் செய்வேன்!
-சங்கர சுப்பிரமணியன்.
ஒரே முறைதான் என்னை பார்ததாய்
ஒரே ஒரு நொடிப் பார்வைதான் அது
என் உள்ளமதை கொள்ளையிட்டாய்
கொள்ளை கொண்டது மட்டும் அல்ல
என் மனமதில் குடியேறியும் விட்டாய்
நான் உன் கண்களை பார்க்கும்போது
ஏன் இப்படி நீ நாடகம் நடத்துகிறாய்
நேராக கண்களை பார்க்க மறுக்கிறாய்
என் கண்கள் அவ்வளவு ஆற்றல் வாய்ந்ததா
சொல்லேன் நானும் அறிந்து கொள்கிறேன்
ஒருமுறை மேல் மறுமுறை கீழென பார்ப்பதா
நேராக பார்த்தால் நானும் உன் மனதி்ல்
குடி புகுந்து விடுவேன் என்ற அச்சமா?
குடியேறினால் பாதுகாக்க பயமாயுள்ளதா
நையாண்டி கேலி சித்திரம் நாட்டிய கலாநிதி கார்த்திகா கணேசர்
நாம் வாழும் சமுதாயத்தில் நடைபெறும் குறைபாடுகளை நேரடியாக எடுத்துக் கூறாமல் மறைமுகமாக நகைச்சுவையுடன் கூறுவது ஒரு வகை. இது பார்ப்பவரை அல்லது கேட்பவரை சிரிக்க வைப்பதுடன் சிந்தனையையும் தூண்டும். இது காலம் காலமாக பல கலைஞர்களால் கையாளப்பட்டு வருகிறது. இதையே அரச சபைகளில் விதூஷகன் செய்து வந்தான். இவ்வாறு செய்வதற்கு புத்தி கூர்மையும் கூடிய நகைச்சுவை உணர்வும் வேண்டும். இப்படியான கதை நாம் எல்லோரும் அறிந்த அரச சபை விதூஷகன் தென்னாலி இராமன், இவன் அரச சபையில் சிரிக்க சிரிக்க சிந்தனையை தூண்டியவன்.
கிங்ஸ்பரி பாதிரியாரின் கதைகள் மூளை இல்லாதவனே குருவாக
இருந்தால் நிலமை என்ன ஆகும் என்பதையே
விளக்குகிறது. இவை எல்லாம் நாம் சிறுவராக
இருக்கும் போது கேட்டு மகிழ்ந்தவையே.
கழுதையை காவிய கதையும் , ஆறு தூங்குகிறதா
விழிப்பாக இருக்கிறதா என சீடர்
கொள்ளிக் கட்டையை ஆற்றில் வைத்துப் பார்த்தது, என பல இன்னும்
எம் மனதை விட்டு அகலாதவை.
ஒருபக்கம். மறுபக்கம்? – நெடுங்கதை - கே.எஸ்.சுதாகர்
முப்பத்தி இரண்டு வருடங்களில் ஒருவரால் என்னவெல்லாம் செய்ய முடியும்? ஒரு வேலையில் அமர்ந்து படிப்படியாக முன்னேறி மனேஜராகலாம்; திருமணம் முடித்து பிள்ளைகள் பெற்று பேரப்பிள்ளைகளையும் கண்டடையலாம்; ஒரு அழகான வீடு கட்டி, முன்னே வாகனங்களை நிறுத்தி வைக்கலாம். இப்படி மூச்சு முட்டிக் களைத்து விழும்வரை ஒருவரால் அடுக்கிக்கொண்டே போகலாம்.
ஆனாலும் இந்தக் காலப்பகுதியில்
எத்தனையே மனிதர்களால் தமது சொந்த ஊரை ஒருதரமேனும் பார்க்க முடிந்ததில்லை.
இரண்டாயிரத்து இருபத்தி மூன்றாம்
ஆண்டு அமலனுக்கு அந்தச் சந்தர்ப்பம் கிட்டியது. இந்துசமுத்திரத்தின் முத்து அவனை வரவேற்றது.
அங்கே அந்த முத்தின் வடபகுதியில் அமலனுக்கு ஒரு வீடு முன்னொரு காலத்தில் இருந்தது.
அவனும் மனைவி தாரிணியும், மகள் செளம்யாவும் அதைப்
பார்ப்பதற்காகச் சென்றார்கள். அமலனுக்கும் தாரிணிக்கும் ஊரைப்
.jpg)
பார்ப்பது சொர்க்கம். ஆனால் அவுஸ்திரேலியாவில் பிறந்து வளர்ந்த செளம்மியாவிற்கு வெறுங்காணியைப் பார்ப்பதில் என்ன சந்தோசம் இருக்கப் போகின்றது? இருக்கின்றது. சிறுவயது முதல் உணவு ஊட்டுவதுபோல், தாம் பிறந்து வளர்ந்த ஊரைப்பற்றி தம் மூதாதையர் பற்றி, சிறுகச்சிறுக சொல்லியே அவளை வளர்த்திருந்தார்கள். தாங்கள் பிறந்து வளர்ந்த வரண்ட பூமியுடன், இயற்கை எழில் கொஞ்சும் இலங்கையின் ஏனைய பிரதேசங்களையும் சுற்றிக் காட்டினால் அவள் மகிழ்ச்சி கொள்வாள் அல்லவா?
அமலன் இலங்கையை விட்டுப்
புலம்பெயர்ந்த போது, அன்றிருந்த நிலைமையை எண்ணிப் பார்த்தான். குலை நடுங்கிய காலங்கள்
அவை. பல்கலைக்கழகத்தில் படித்த கல்வியின் அடிப்படையில், அவன் புலம்பெயர்ந்து போயிருக்கலாம்.
அப்பொழுது `ஸ்கில் மைகிரேஷனில்’ பலரும் கனடா, அவுஸ்திரேலியா போன்ற பல நாடுகளுக்கும் போய்க்
கொண்டிருந்தார்கள். பாழாய்ப்போன `அந்த ஒரு சம்பவம்’ நடந்திருக்காவிட்டால்,
அமலனும் அப்படித்தான் ஏதோ ஒரு நாட்டுக்குப் போயிருப்பான். கடைசியில் நடந்தது என்னவோ
`அகதி’ நாடகம்’ தான்.
மெல்பேர்ணிலிருந்து கொழும்பு
சென்று ஹோட்டலில் ஒருநாள் தங்கிவிட்டு, மறுநாள் காலையில் புறப்பட்டுக் கொள்வதெனத் திட்டம்
போட்டிருந்தார்கள்.
அவர்களின் பயணம் மேற்கிலிருந்து
புறப்பட்டு, மத்திய மாகாணமான மலையகம், பின்னர் வடமத்திய மாகாணம், இறுதியாக வடக்கு மாகாணம்
என விரிந்திருந்தது.
மொத்தம் ஒன்பது நாட்களில்,
ஒரு சூறாவளியைப் போல சென்று முடிப்பதென திட்டம் போட்டிருந்தார்கள்.
செளம்யா இணையவழியில் இந்தப்
பிரயாணத்திற்கான முழு ஏற்பாடுகளையும், ஹோட்டல்களில் தங்குவதற்கான பதிவுகளையும் செய்திருந்தாள்.
பிரயாண முகவரின் பதிவின்படி வாகன ஓட்டியின் பெயர் ரஞ்சன் எனவும், அவர் தனக்குரிய தங்குமிட
வசதிகளையும் உணவையும் பார்த்துக் கொள்வார் என்றும் இருந்தது. ரஞ்சன் ஒரு தமிழராக இருக்கக்கூடும்
என அமலனும் மனைவியும் ஊகித்தார்கள்.
காலை எட்டு மணியளவில் ரஞ்சன் வந்துவிட்டான். நேர்த்தியான ஆடைகளில் வாட்டசாட்டமான தோற்றம் கொண்டிருந்தான் அவன். தோற்றம் முப்பது வயதிற்குள்தான் இருக்கும் என்று சொல்லியது. இவர்களின் பொதிகளை பூற்லிட்டிற்குள் வைப்பதற்கு கூடமாட உதவி செய்தான். பூற்லிட்டிற்குள் ரஞ்சனின் பொதி ஒன்று ஏற்கனவே குந்தி இருந்தது.
அன்பைத் தேடி - பொன் விழா ஆண்டில் இந்த படங்கள் - ச. சுந்தரதாஸ்
.png)
பகலில் விழித்திருக்கும் போதே பலவித இன்னலுக்கு ஆளாகிறோம். அப்படி இருக்கையில் பகலிலேயே கனவு கொண்டிருந்தால் என்ன ஆகும். இதை கற்பனை பண்ணி ஆங்கிலத்தில் படமாக எடுத்தார்கள். அதனை தமிழில் எடுத்தால் வெற்றி பெறும் என்று கனவு கண்டு படமாக்கினார்கள் முக்தா பிலிம்ஸார். அவ்வாறு அவர்களால் தயாரான படம் அன்பைத் தேடி.
.png)
ஹீரோ நடிகர்களையும் போட்டு படம் எடுத்த முக்தா சகோதரர்கள் சிவாஜி நடிப்பில் தொடர்ந்து படங்களை எடுத்து வந்தனர். அந்த வரிசையில் 74ம் வருடம் அவர்கள் இப்படத்தை உருவாக்கினார்கள். அது மட்டுமன்றி அவர்கள் தயாரித்த முதல் கலர் படமும் இந்த அன்பைத் தேடி தான்.
தமிழர் அரசியலின் எதிர்காலம்?
August 18, 2024
.webp){kind=logo}
தமிழ் தேசிய அரசியல் என்பது அடிப்படையில் வடக்கு, கிழக்கு தமிழ் மக்களை பிரதிநிதித்துவம் செய்யும் தமிழ்த் தேசிய கட்சிகள் எந்தளவுக்கு அரசியல் பிரதிநிதித்துவங்களை தக்கவைத்துக் கொள்கின்றன என்பதில்தான் தங்கியிருக்கின்றது. 2020 பாராளு மன்ற தேர்தலில் தமிழ் தேசியக் கூட்டமைப்பு பெரும் பின்னடைவு களை சந்தித்தது. வடக்கு, கிழக்கில் தமிழ் தேசிய அரசியலை பிரதி நிதித்துவம் செய்யாத கட்சிகள் குறிப்பிடத்தக்களவு வாக்குகளை பெற்றிருந்தன.
இது தெளிவான செய்தியொன்றை வெளிப்படுத்தியது. அதாவது, வடக்கு, கிழக்கில் மக்கள் பல்வேறு நிலையில் சிந்திக்கின்றனர். குறிப்பாக கிழக்கு மாகாணத்தில் ராஜபக்ஷவின் மொட்டுச் சின்னத் திலும் ஒரு தமிழர் வெற்றிபெற முடிந்தது.
இது ஓர் எச்சரிக்கையை வழங்கியிருக்கின்றது. தொடர்ந்தும் தமிழ் மக்களை வடக்கு, கிழக்கு தழுவியதாக, தமிழ் தேசிய அரசியலில் தக்கவைக்க முடியுமா? வடக்கு, கிழக்கில் தமிழ் தேசிய அரசியலை பிரதிநிதித்துவம் செய்யும் கட்சிகள் தொடர்ந்தும் வலுவான நிலையில் நிற்கக் கூடிய அரசியல் சூழல் படிப்படியாக பலவீனமடைந்திருக்கின்றது. இந்த சவாலை எதிர்கொள்ள முடிந்தால் மட்டுமே தமிழ் தேசிய அரசியல் நிலைக்கும். இந்தப் பின்புலத்தில் சிந்தித்தால், தமிழ் பொது வேட் பாளரை நோக்கி தமிழ் மக்களின் வாக்குகளை முடிந்தவரையில் திரட்டுவதானது, தமிழ் தேசிய அரசியலை பிரதிநிதித்துவம் செய்யும் கட்சிகள் அனைவரதும் வரலாற்றுக் கடமையாகும்.
இலங்கைச் செய்திகள்
யாழில் இடம்பெற்ற இந்தியாவின் 78 ஆவது சுதந்திர தின நிகழ்வுகள்
விஜேயதாச ராஜபக் ஷ, திலித் ஜயவீர வேட்புமனுவில் கையெழுத்திட்டனர்
பங்களாதேஷ் பிரதமருக்கு ஜனாதிபதி ரணில் வாழ்த்து
நாகப்பட்டினம் – காங்கேசன்துறை கப்பல் சேவை பயண கட்டணம் நிர்ணயம்
யாழில் Jaffna Edu Expo கண்காட்சி
மன்னாரில் இளம் தாயின் மரணத்துக்கு நீதி கோரி வைத்தியசாலை முன்பாக மக்கள் போராட்டம்
யாழில் இடம்பெற்ற இந்தியாவின் 78 ஆவது சுதந்திர தின நிகழ்வுகள்
இந்தியாவின் 78 ஆவது சுதந்திர தின நிகழ்வுகள் இன்று (15) காலை யாழ்ப்பாணத்தில் உள்ள இந்திய துணைத் தூதரகத்தில் இடம்பெற்றது.
உலகச் செய்திகள்
பங்களாதேஷ் பதற்றத்தால் 10 பில். டொலர் பாதிப்பு
இஸ்ரேலுக்கு 20 பில். டொலர் ஆயுதங்களை விற்க ஒப்புதல்
இஸ்ரேலின் தாக்குதலுக்கு இடையே ஹமாஸ் இன்றி போர் நிறுத்தப் பேச்சு
பிராந்திய போர் பதற்றத்திற்கு மத்தியில் காசாவில் இஸ்ரேல் தொடர்ந்து தாக்குதல்
காசா போர் நிறுத்த பேச்சை ஆரம்பிப்பதில் ஹமாஸ் அமைப்பு கண்டிப்பான நிலைப்பாடு
மேற்குக் கரை கிராமம் மீது இஸ்ரேலியர்கள் தாக்குதல்
விண்வெளியில் சிக்கியோரை அழைத்து வர தீவிர முயற்சி
பங்களாதேஷ் பதற்றத்தால் 10 பில். டொலர் பாதிப்பு
பங்களாதேஷ் அமைதியின்மையால் பத்து பில்லியன் அமெரிக்க டொலர்களுக்கும் மேலான பொருளாதாரப் பாதிப்புக்களை சந்தித்திருப்பதாக வெளிநாட்டு முதலீட்டாளர்களின் வர்த்தக மற்றும் கைத்தொழில் சம்மேளனம் தெரிவித்துள்ளது.
