தமிழ்முரசு Tamil Murasu

அவுஸ்ரேலிய செய்திகளையும் அறிவித்தல்களையும் விளம்பரங்களையும் தாங்கி வாரம் ஒருமுறை வெளிவரும் வாராந்த தமிழ்ப் பத்திரிகை22/04/2024 - 28/04/ 2024 தமிழ் 15 முரசு 02 tamilmurasu1@gmail.com, murasuau@gmail.com

கவிதை: இருப்புமென் தாரகமந்திரமும்!

அன்பே!

அன்றொருநாள் நீ கூறினாய்

கத்தி முனையில் நடப்பதைப்

போன்றதிந்த இருப்பு என்று.

கத்திமுனை இருப்பில்

கவனத்துடன் நடப்பதிலுமோர்

களிப்பு குவிந்துதானிருக்கின்றது.

இருப்பில் இவ்விதம் இருப்பதிலுமோர்

இன்பம் இருக்கத்தான் இருக்கிறது.

இருப்பென்பது இவ்விதச் சவால்களையும்

உள்ளடக்கியுள்ளதுதானே.

இருப்பென்பதே இன்பம்தானே!

இன்மையிலிருப்பில்லை!

இருப்பிலின்மையில்லை.

இன்று புதிதாய்ப்பிறந்தோமென்று

இருப்பதிலுமோரின்பம்

இருக்கத்தானிருக்கின்றது.

மேலும் வாசிக்க

இலங்கையில் பாரதி -- அங்கம் 40 முருகபூபதி

பாரதியின் ஞானகுரு அல்வாய் அருளம்பலம் சாமி பற்றி ஏற்கனவே இந்தத்தொடரில் குறிப்பிட்டுள்ளோம். இலங்கை வடமராட்சியில் அல்வாய் பிரதேசம் பல கலை, இலக்கியவாதிகளையும் தமிழ் அறிஞர்களையும் அறிமுகப்படுத்தியிருக்கிறது.

அத்தகைய அவ்வூரிலிருந்து 2007 ஆம் ஆண்டு ஒகஸ்ட் மாதம் முதல் வெளிவரத்தொடங்கிய ஜீவநதி கலை, இலக்கிய மாத இதழ், இந்த ஆண்டு (2017 ஓக்டோபர்) வரையில் தங்குதடையின்றி 109 இதழ்களை வெளியிட்டிருக்கிறது.

இதன் ஆசிரியர் கலாமணி பரணீதரன் ஈழத்து இலக்கிய உலகில் இளம் தலைமுறையைச்சேர்ந்தவர்.

யாழ்குடா நாட்டிலிருந்து மறுமலர்ச்சி முதல் மல்லிகை வரையில் பல இதழ்கள் தோன்றி காலப்போக்கில் மறைந்துவிட்ட சூழலில் அங்கு ஏற்பட்ட வெற்றிடத்திற்கு ஜீவநதியாக ஊற்றெடுத்து வந்தது இந்த புதிய இதழ்.

ஜீவநதியின் வருகையை பாரதியின் ஒளிபடைத்த கண்ணினாய் வா வா வா என்ற கவிதையுடன் ஒப்புநோக்கலாம்.

இலங்கையில் நீடித்த போர்க்காலம் முடிவுறாத காலப்பகுதியில் வடக்கிலிருந்து வெளிவரத்தொடங்கிய ஜீவநதி, ஈழத்து சிற்றிதழ் இலக்கிய வரலாற்றில் கூடுதலான சிறப்பிதழ்களை வெளியிட்டிருக்கும் பெருமையும் பெற்றது. கடந்த பத்தாண்டுகளுக்குள் 17 சிறப்பிதழ்களை ஜீவநதி வெளியிட்டுள்ளது.

மேலும் வாசிக்க

பயணியின் பார்வையில் - அங்கம் 19 தண்ணீரில் தொடங்கி கண்ணீரில் முடிந்த ஈழப்போராட்டத்தில் சிக்கிய சம்பூர் முருகபூபதி

-->

அவுஸ்திரேலியாவில் இயங்கும் எமது இலங்கை மாணவர் கல்வி நிதியம், இலங்கையில் நீடித்த போரினால் பெற்றவர்ளை, குடும்பத்தின் மூல உழைப்பாளியான தனயனை இழந்த ஏழைத்தமிழ் மாணவர்களின் கல்வி வளர்ச்சிக்காக 1988 ஆம் ஆண்டில் தொடங்கப்பட்டது.

அன்றிலிருந்து தங்கு தடையின்றி இயங்கும் இந்தத்தன்னார்வத்தொண்டு நிறுவனம், இலங்கையில் வடக்கு, கிழக்கு மாகாணங்களில் இதுவரையில் ஆயிரக்கணக்கான மாணவர்களுக்கு உதவி, அவர்களில் நூற்றுக்கணக்கான மாணவர்களை பல்கலைக்கழகம் வரையில் அனுப்பியிருப்பதுடன் தொடர்ந்தும் செயலூக்கமுடன் பணியாற்றிவருகிறது.

அனைத்து மாணவர்களுக்கும் பல்கலைக்கழக அனுமதி கிடைப்பதில்லை. அவ்வாறு அங்கு செல்லமுடியாத மாணவர்கள் தொழில் நுட்பக்கல்லூரிகளில் இணையும் வரையிலும் இந்நிதியம் உதவி வருகிறது.

கடந்த காலங்களில் திருகோணமலை மாவட்டத்தில் பல கிராமங்களைச்சேர்ந்த மாணவர்கள் இந்நிதியத்தினால் பயனடைந்தனர். 1988 முதல் எமது நிதியத்தின் திருகோணமலை மாவட்ட கண்காணிப்பாளராக இயங்கியவர் பல் மருத்துவர் 'ஞானி' ஞானசேகரன். அர்ப்பணிப்புள்ள தொண்டரான இவர் எளிமையாக வாழ்ந்து அந்தப்பிரதேசத்தில் போரினால் பாதிக்கப்பட்ட மக்களுக்கு மகத்தான சேவையாற்றியவர்.

மேலும் வாசிக்க

ஸ்டைல் சிவகாமசுந்தரி - அ முத்துலிங்கம்

யாழ்ப்பாணம் டவுனுக்குப் போவதற்கு பஸ் டிக்கட் 10 சதம்தான். கொக்குவில் என்றால் 50 சதம். வவுனியாவுக்கு 4 ரூபா; கொழும்புக்கு 12 ரூபா. கொழும்புத்துறைக்கு ஒன்றுமே கொடுக்கத் தேவையில்லை. ஏனென்றால் அவள்வீடு அங்கேதான் இருந்தது. பெயர் சிவகாமசுந்தரி. வயது 15. படித்த பள்ளிக்கூடம் வேம்படி. வருடம் 1965.

தினமும் அவளுடைய அப்பா அவருடைய காரில் அவளை கொண்டுபோய் பள்ளிக்கூடத்தில் விடுவார். மாலையில் மறுபடியும் அழைத்துவருவார். கொழும்புத்துறையில் அவர் ஒருவரிடம்தான் கார் இருந்தது. ஏ30 கார். அது தூரத்தே வரும்போதே சனங்கள் சொல்லிவிடுவார்கள் சந்திரசேகரம் புறப்பட்டுவிட்டார் என்று. அவருடைய கார் அளவுக்கு அவரும் பிரபலமானவர். அவரிடம் இரண்டு லொறிகள் இருந்தன. அவற்றில் சாமான்கள் கொழும்புக்கு போகும், பின்னர் அதே லொறிகளில் வேறு சாமான்கள் திரும்பும். காலையில் அவர் வீட்டு வாசலில் ஒருகூட்டம் சனம் சாமான்களை வாங்க நிற்கும். ‘ஒரு காலத்தில் கொழும்பில் இருந்து நாவாய்களில் சாமான்கள் வந்து இங்கேதான் இறங்கின. அதுதான் கொழும்புத்துறை என்று பெயர். என்னுடைய பாட்டனுக்கு பாட்டன் செய்ததைத்தான் நான் செய்கிறேன்’ என்று பெருமையாகச் சொல்வார்.

மேலும் வாசிக்க

அவுஸ்திரேலியத் தமிழ் இலக்கிய கலைச்சங்கம் இலக்கியச்சந்திப்பு ஆண்டுப்பொதுக்கூட்டம்

கருத்துரை - நூல் அறிமுகம்

வாசிப்பு அனுபவப்பகிர்வு

நடைபெறும் இடம்:

மெல்பனில், Vermont South Community House மண்டபம்

Karobran Drive, Vermont South, Vic 3133

காலம்: 19-11-2017 ஞாயிற்றுக்கிழமை மாலை 3.30 மணி

இலங்கையிலிருந்து வருகைதந்திருக்கும் எழுத்தாளரும் சமூகப்பணியாளரும் 'செங்கதிர்' இதழ் ஆசிரியருமான திரு. த. கோபாலகிருஷ்ணன் உரையாற்றுவார்.

அதனைத்தொடர்ந்து நூல் அறிமுகமும் வாசிப்பு அனுபவப்பகிர்வும் இடம்பெறும்.

அவுஸ்திரேலியத் தமிழ் இலக்கிய கலைச்சங்க உறுப்பினர்களையும், கலை இலக்கிய ஆர்வலர்களையும் அன்புடன் அழைக்கின்றோம்.

இந்நிகழ்ச்சியைத் தொடர்ந்து சங்கத்தின் ஆண்டுப்பொதுக்கூட்டம் நடைபெறும்.

இலங்கை மாணவர் கல்வி நிதியம் 29 ஆவது ஆண்டுப்பொதுக்கூட்டம்

-->

அவுஸ்திரேலியாவில் 1988 ஆம் ஆண்டு முதல் இயங்கும் இலங்கை மாணவர் கல்வி நிதியத்தின் 29 ஆவது ஆண்டுப் பொதுக்கூட்டம் எதிர்வரும் 11-11-2017 ஆம் திகதி சனிக்கிழமை மாலை 5.00 மணிக்கு மெல்பனில் VERMONT SOUTH COMMUNITY HOUSE (Karobran Drive, Vermont South, Victoria 3133) மண்டபத்தில் நடைபெறும். நிதியத்தின் தலைவர் திரு.விமல். அரவிந்தன் தலைமையில் நடைபெறவுள்ள 29 ஆவது ஆண்டுப்பொதுக்கூட்டத்தில் நிதியத்தின் உறுப்பினர்களின் ஒன்றுகூடலும் தகவல் அமர்வும் இடம்பெறும்.

இலங்கையில் நீடித்த போரில் பெற்றவர்களை இழந்த ஏழைத்தமிழ் மாணவர்களின் கல்வி வளர்ச்சிக்காக 1988 ஆம் ஆண்டு தொடங்கப்பட்ட நிதியம், இதுவரையில் ஆயிரத்துக்கும் மேற்பட்ட மாணவர்களின் கல்வி வளர்ச்சிக்கு உதவியுள்ளது. நூற்றுக்கணக்கான மாணவர்கள் நிதியத்தின் உதவியினால் பல்கலைக்கழக பட்டதாரிகளாகியிருப்பதுடன் மேலும் பல மாணவர்கள் அரச மற்றும் தனியார் துறைகளிலும் பணியாற்றுகின்றனர்.

மேலும் பல மாணவர்களின் கல்வி வளர்ச்சிக்கு நிதியம் உதவவேண்டியிருப்பதனால் மேலதிக விபரங்களை பெற்றுக்கொள்வதற்காகவும் 29 ஆவது ஆண்டுப்பொதுக் கூட்டத்தில் தகவல் அமர்வும் ஓழுங்கு செய்யப்பட்டுள்ளது.

முக்கிய குறிப்பு: இக்கூட்டத்தில் இராப்போசன விருந்தும் ஒழுங்குசெய்யப்பட்டுள்ளதால் கலந்துகொள்ள விரும்பும் நிதியத்தின் உறுப்பினர்களும் அன்பர்களும் தமது வருகையை தயவுசெய்து தாமதமின்றி உறுதிப்படுத்தவும். இந்த ஒன்றுகூடல் இராப்போசன விருந்தில் கிடைக்கப்பெறும் நன்கொடைகள், கல்வி நிதியத்தின் வளர்ச்சிக்கு வழங்கப்படும்.

மேலும் வாசிக்க

ஹார்வர்ட் பல்கலையில் தமிழ் இருக்கை அமைக்க தமிழகம் ரூ.10 கோடி நிதி

அமெரிக்காவில் உள்ள ஹார்வர்ட் பல்கலைக்கழகத்தில் தமிழ் மொழிக்கென ஒரு இருக்கையை உருவாக்குவதற்காக தமிழக அரசு 10 கோடி ரூபாய் நிதியுதவி அளிப்பதாக அறிவித்துள்ளது.

இது தொடர்பாக தமிழக முதலமைச்சர் எடப்பாடி கே. பழனிச்சாமி வெளியிட்டுள்ள அறிக்கையில், "இந்த இருக்கையை ஏற்படுத்துவதன் மூலம் தமிழை ஆய்வுமொழியாகக் கொண்டு, இந்தியவியல் குறித்து ஆய்வுகளை மேற்கொள்ளுதல், ஆராய்ச்சிக் கல்வியில் தமிழ் இலக்கியம், இலக்கணம் தொடர்பான ஆய்வுகளை மேற்கொள்ளும் வகையில் மாணவர்களை உருவாக்குதல், அமெரிக்க நூலகங்களிலும் ஆவணக் காப்பகங்களிலும் உள்ள தமிழ் தொடர்பான புத்தகங்களையும் ஆவணங்களையும் ஆய்வுக்குட்படுத்துதல் போன்ற பல்வேறு பணிகளின் மூலம் தமிழின் வளம் உலகறியச் செய்யப்படும்" என்று குறிப்பிட்டிருக்கிறார்.

மறைந்த முதலமைச்சர் ஜெ. ஜெயலலிதா வாக்குறுதி அளித்திருந்த நிலையில், இந்த நிதியுதவியை தமிழக அரசு தற்போது அறிவிப்பதாகவும் பழனிச்சாமி கூறியுள்ளார்.

அமெரிக்காவின் மாஸச்சூஸட்ஸ் மாகாணத்தில் அமைந்துள்ள தனியார் பல்கலைக்கழகமான ஹாவர்ட் பல்கலைக்கழகத்தில் தமிழ் மொழிக்கென ஒரு இருக்கையை ஏற்படுத்துவதற்கு கடந்த மூன்றாண்டுகளாக முயற்சிகள் மேற்கொள்ளப்பட்டுவருகின்றன.

மேலும் வாசிக்க

நாட்டிய கலாநிதி திருமதி கார்த்திகா கணேசரின் Melodic Rhythms

14.10.2017சனிக்கிழமை Redgum Function centre இல்ந டை பெற்ற நாட்டிய கலாநிதி திருமதி கார்த்திகா கணேசரின் Melodic Rhythms நாட்டிய நிகழ்வு மிக சிறப்பாக அமைந்திருந்தது. . நாட்டிய கலாநிதி கார்த்திகா கணேசர் வருடம் தோறும் கண்கவர் நடன நிகழ்வை தனது மானவிகளை வைத்து சிட்னியில் நாடாத்தி வருகின்றார் என்பது குறிப்பிடத் தக்கது. இந்த நிகழ்வின்போது எடுக்கப்பட்ட ஒருசில படங்களை காணலாம் . படப்பிடிப்பு திரு திவேந்திரன் அவர்கள்.

மேலும் வாசிக்க

மொட்டைசைபரின் முதலிரவு

கரட்டுப்பாளையத்துச் சுந்தரனுக்கு இந்த ஐப்பசியோடு முப்பத்தியேழு வயது முடிகிறது. மூன்றாம் வகுப்பில் குட்டிக்கரணம் அடித்த பிறகு மாடு மேய்க்கப் போட்டுவிட்டார்கள். குட்டிக்கரணம் அடித்ததற்கும் காரணம் இருக்கிறது. ஒரு முறை கணக்கு வாத்தியார் ராமசாமி "நாலும் மூணும் எவ்வளவுடா" என்று கடைசி வரிசையில் இருந்த சுந்தரனைக் கேட்டபோது விரல்விட்டு எண்ணியும் அவனால் பதில் சொல்ல முடியவில்லை. வாத்தி சும்மா இருந்திருக்கலாம். “நாலும் மூணும் தெரியாத மொட்டை சைபர்” என்றுதான் இனி சுந்தரனைக் கூப்பிட வேண்டும் என்று மற்ற பசங்களை உசுப்பேத்திவிட்டுவிட்டார். முதலில் வகுப்பில் இருந்தவர்கள், பிறகு பள்ளியின் மற்ற மாணவர்கள் என்று பரவிய இந்த ‘மொட்டை சைபர்’ விவகாரம் கரட்டுப்பாளையத்திற்குள்ளும் கசிந்துவிட்டது. ஊர்க்காரப்பசங்களும் சுந்தரனைப் பார்க்கும் போதெல்லாம் பாட ஆரம்பித்துவிட்டார்கள்.

இது சுந்தரனுக்கு பெரிய அவமானமாகப் போய்விட்டது. வாத்தியாரின் மண்டையைப் பிளந்துவிட வேண்டும் என்று வாய்க்கால் மேட்டில் அமர்ந்து கொண்டான். ஞாயிற்றுக்கிழமை தன் மனைவியை சைக்கிளின் கேரியரில் வைத்துக் அழுத்த முடியாமல் அழுத்திக் கொண்டு வந்தார் ராமசாமி வாத்தியார். வேப்பமரத்தின் பின்புறமாக நின்றிருந்த சுந்தரன் கல்லுக்கு ஒரு முத்தம் கொடுத்து வீசினான். பாய்ந்த ஏவுகணை வாத்தியாரை விட்டுவிட்டு அவரது மனைவியின் மண்டையை பதம்பார்த்துவிட்டது. வாத்தியார் சைக்கிளைக் கீழே போட்டுவிட்டு சுந்தரனைப்பிடிக்க பாய்ந்தார். நான்கைந்து அடிதான் வைத்திருப்பார். செருப்பையும் மீறி அவரது காலில் இரண்டு மூன்று கருவேலம் முட்கள் தைத்தன. “வக்காரோளி இனிமே மூஞ்சிலேயே முழிக்காத” என்று கத்திக் கொண்டே நின்றுவிட்டார்.

மேலும் வாசிக்க

இதற்கெல்லாம் எதற்கு தடை: 'மெர்சல்' மனுதாரரை கண்டித்த நீதிபதிகள்

மெர்சல் படத்தில் இந்தியாவின் வரி விதிப்பு முறை குறித்து பல தவறான தகவல்கள் இருப்பதால் அந்தப் படத்திற்கு அளிக்கப்பட்ட தணிக்கைச் சான்றிதழை தள்ளுபடி செய்ய வேண்டுமெனக் கோரிய மனுவை சென்னை உயர்நீதிமன்றம் தள்ளுபடி செய்தது.
விஜய் நடித்துள்ள மெர்சல் திரைப்படத்தில் டிஜிட்டல் இந்தியா திட்டம் குறித்து தவறான தகவல்கள் இடம்பெற்றிருப்பதாகவும் அந்தப் படத்திற்கு ஒரே நாளில் தணிக்கைச் சான்றிதழ் வழங்கப்பட்டிருப்பதாகவும் கூறி, அந்தத் தணிக்கைச் சான்றிதழை ரத்து செய்ய வேண்டுமென சென்னையைச் சேர்ந்த அஸ்வத்தாமன் என்ற வழக்கறிஞர் சென்னை உயர் நீதிமன்றத்தில் வழக்கு ஒன்றைத் தொடர்ந்திருந்தார்.

இந்த வழக்கு நீதிபதிகள், எம்.எம். சுந்தரேஷ், எம். சுந்தர் ஆகியோர் அடங்கிய அமர்வு முன்பாக விசாரணைக்கு வந்தது.

அப்போது, இந்த வழக்கு குறித்து நீதிபதிகள் மனுதாரரிடம் பல கேள்விகளை எழுப்பினர்.

மேலும் வாசிக்க

ஞான வேள்வி 2017

மேலும் வாசிக்க

அவுஸ்திரேலியக் கம்பன் கழகம் மாண்புடன் வழங்கும் சிட்னிக் கம்பன் விழா 2017

விழா அழைப்பிதழிற்கு இங்கே அழுத்தவும்.

மேலும் வாசிக்க

உலகச் செய்திகள்

மூன்றில் இரண்டு பெரும்பான்மையோடு வெற்றி பெற்றுள்ளது ஷின்சோ அபேயின் எல்.டி.பி ஆளும் கூட்டணி

சுதந்திர நாடாக அறிவிக்கப்பட்டது கட்டலோனியா

மூன்றில் இரண்டு பெரும்பான்மையோடு வெற்றி பெற்றுள்ளது ஷின்சோ அபேயின் எல்.டி.பி ஆளும் கூட்டணி

23/10/2017 ஜப்பான் பிரதமர் ஷின்சோ அபேயின் எல்.டி.பி ஆளும் கூட்டணி ஞாயிற்றுக்கிழமை நடந்த ஜப்பான் பொது தேர்தலில் 311 இடங்களை கைப்பற்றி அதன் மூன்றில் இரண்டு பெரும்பான்மையோடு வெற்றி பெற்றுள்ளது.

மேலும் வாசிக்க

இலங்கைச் செய்திகள்

ஓய்வுபெற்றார் ட்ரவிஸ் சின்னையா

ஜனாதிபதி - கட்டார் வெளிநாட்டலுவல்கள் அமைச்சர் சந்திப்பு

இலங்கைக்கு எச்சரிக்கை விடுத்தார் ஐக்கியநாடுகளின் விசேட நிபுணர்

யாழ் பல்கலைகழகத்திற்கு இந்திய அரசால் வாகனங்கள் மற்றும் உபகரணங்கள் கையளிப்பு

ஓய்வுபெற்றார் ட்ரவிஸ் சின்னையா!

26/10/2017 கடற்படைத் தளபதியாக குறுகிய காலமே பதவி வகித்த தமிழர் ட்ரவிஸ் சின்னையாவுக்கு பதவியுயர்வு வழங்கப்பட்டுள்ளது.

மேலும் வாசிக்க

தமிழ் சினிமா

மேயாத மான்

மெர்சலா வாரங்க, கூடவே நாங்களும் துள்ளி வரோம் என மேயாத மான் படத்தின் புரமோஷனை பார்த்திருப்பீர்கள். பெரிய நடிகர்களின் படங்கள் வந்தால் சிறு படங்கள் சற்று வழிவிட்டு செல்லும்.

இந்த தீபாவளி ரேசில் மெர்சல் வந்தாலும் கூடவே தில்லாக இறங்கியிருக்கிறது மேயாத மான். சரி இம்மான் போகும் பாதை என்ன, கதை என்ன என பார்க்கலாம்.

கதைக்களம்

ஹீரோ வைபவ் ஐ இதயம் முரளி, இதயம் முரளி என படத்தில் அழைக்க இவருக்கு ஒரு பெரும் பின்னணி இருக்கிறது. அப்படி என்ன இவருக்கு பின்னணியாக இருக்கும் என்பதை நீங்கள் சற்று யூகித்திருக்கலாம்.

இசைக்கச்சேரி குழுவை நடத்தி வரும் இவருக்கு ஒரே ஒரு தங்கை மற்றும் வினோத், கிஷோர் நண்பர்களும், இசைக்குழுவும் தான் குடும்பம்.

ஹீரோயினாக முகம் காட்டியுள்ள பிரியா பவானி சங்கர் ஒரு பெரிய இடத்து பெண். அளவான குடும்பம், அழகான வாழ்க்கை என இவரின் குடும்பம் செல்கிறது. ஹீரோவுடன் கம்ப்பேர் பண்ணும்போது இவரின் லெவல் வேறு.

மொட்டை மாடியில் நின்று நான் சாகப்போகிறேன் என அடிக்கடி மிரட்டும் வைபவை ஐ, அப்போதெல்லும் புராணம் பாடுகிறார் என நினைக்கிறார்கள். விளையாட்டாக நடக்கும் நிகழ்வு ஒரு நாள் நிஜமாக அனைவரும் பதறுகிறார்கள்.

மதுமிதா அப்போது இவ்விசயத்தில் நுழைய வைக்கப்படுகிறார். வைபவ் தற்கொலையில் இருந்து தப்பித்தாரா அதற்கான காரணம் என்ன என்பது தான் கதை.

படத்தை பற்றிய அலசல்

சென்னை 28 2, க்கு பிறகு நடிகர் வைபவ்க்கு பெரிய ரோலாக மேயாத மான் வந்துள்ளது. படம் முழுக்க இவரின் பங்கு நிறைந்துள்ளது. கதைக்கேற்ற கேரக்டர். பேச்சில் லோக்கல் வாடை வீச, பாட்டு, ஆடல் என காட்சிகளை கலர்ஃபுல் ஆக்குகிறார். முரளி முரளி என இவர் செய்யும் செய்கைகள் படத்திற்கு உச்சம்.

டிவி, சீரியல் என கலக்கி வந்த பிரியாவுக்கு திறமைகாட்ட சரியான இடமாக இந்த மேயாத மான் கிடைத்துள்ளது. இயல்பான நடிப்பால் இளைஞர்களின் இதயத்தில் நிற்பார். கிடைத்த வாப்பை பயன்படுத்தியிருக்கிறார். ரொமான்ஸ் சீனில் மணிரத்னம் படத்தை ஹைலைட் செய்து கவனம் ஈர்க்கிறார்.

இரண்டாம் ஹீரோயினாக இந்துஜாவுக்கு ஒரு பக்கம் காதல் துளிர்விடுகிறது. ஆனால் இந்த காதல் வேறு பக்கம் வீச கதைக்கு ட்விஸ்ட். ஒரு பாட்டுக்கு இறங்கி செம குத்தாட்டம் போட்டிருக்கிறார். இப்படத்தில் இவரை மது மது என புகழ் பாடினாலும் குடி மதுவையும் கொண்டாடுகிறார்கள்.

இயல்பான சில காட்சிகளை கூட காமெடி காட்சிகள் இருந்த நிறைவை கொடுத்திருக்கிறது. துள்ளும் மானுக்கேற்ற குத்தாட்ட பாடல்கள். மான் ஃபீலிங்கில் இருந்தால் அதற்காக சிச்சுயேசன் பாடலும் வைத்திருக்கிறார் இசையமைப்பாளர் சந்தோஷ் நாராயணன்.

கார்த்திக் சுப்புராஜின் தயாரிப்பில் ரத்ன குமார் படத்தை முழுமையாக கொடுத்திருக்கிறார்.

கிளாப்ஸ்

நகைச்சுவை நடிகர்கள் இல்லாத குறையை வைபவ் மற்றும் நண்பர்கள் நிவர்த்தி செய்திருக்கிறார்கள். வைபவ் இப்படத்தில் மீண்டும் இறங்கி விளையாண்டுள்ளார்.

இயக்குனரின் கதை எளிமையாக இருந்தாலும் நிறைவான திருப்தி கொடுத்திருக்கிறார் என சொல்லலாம்.

பிரியா பவானிக்கு இன்னும் பல படங்கள் வரும் வாய்ப்பு இருக்கும் என இப்படம் சொல்லும்.

பாடல்கள் கொண்டாட்டம் போடவைத்தாலும், வரிகள் சிலருக்கு நினைவில் நிற்கலாம்.

பல்பஸ்

இரண்டாம் கட்டம் தான் படம் போல தோன்றுகிறது. முதல் கட்டத்தில் கதை நீளமாக செல்வதால் மிகவும் உன்னித்து பார்த்தாலும் மான் வேறுபாதையில் போகிறதோ என தோன்றும்.

இதை குறைத்து நீளத்தை சுருக்கினால் படம் இன்னும் கிரிஷ்ப்பாக அமைந்திருக்கும்.

மொத்தத்தில் மேயாத மான் இது காட்டுமான் அல்ல. கலைமான். தன்னை தேடி வந்தவர்களுக்கு விருந்து வைக்கும். மான் போகும் பாதை மனதிற்கு மகிழ்ச்சி. அனைவரும் பார்க்கலாம்.