பாரதி தமிழன்னைச் சொத்தாகும் !

 

மகாதேவ ஐயர் ஜெயராமசர்மா

மேனாள் தமிழ்மொழிக் கல்வி இயக்குநர்

மெல்பேண் .... அவுஸ்திரேலியா 

தாய் நாட்டின் விடுதலைக்காய் 

தமிழெடுத்துக் கவி பாடி

தலை நிமிர்ந்த கவிமன்னன்

தான் எங்கள் பாரதியே 

ஓய் வறியாக் கொடுத்தானே

உணர்வு எழச் செய்தானே

தாய் மண்ணை நேசித்தே

தன் வாழ்வை மறந்தானே !

பெண் போற்றி வாழ்ந்தானே

மண் போற்றி நின்றானே

தன் துன்பம் மறந்தானே

தமிழ் எண்ணி நின்றானே

பொன் பற்றி எண்ணாமல்

பொழுது எல்லாம் தாயகத்தின்

விடிவுதனை மனம் எண்ணி

வெகுண் டெழுந்தான் பாரதியும் !

பன் மொழிகள் கற்றான்

பன் நூல்கள் கற்றான்

என்றாலும் தமிழ் மொழியே

இனிமை எனச் சொன்னான்

தமிழ் என்று சொன்னாலே

அமிழ் தூறும் என்றான்

அவன் வார்த்தை அகமிருத்தி

அவன் நினைவில் நிற்போம்  ! 

மேலும் வாசிக்க

பிரான்ஸின் தலைநகர் பாரிஸில் எழுச்சியுடன் ஆரம்பிக்கப்பட தியாதீபம் திலீபனின் நினைவேந்தல்

 பிராஸின் தலைநகர் பாரிஸ் 10ம் வட்டாரத்தில் தமிழர் வர்த்தக

மையத்தில் “ குட்டி யாழ்ப்பாணம்” எனஅழைக்கப்படு லா சப்பல் La Chapelle பகுதில்  இன்று (15.09.2024) 9:45 மணிக்கு தொடங்கப்பட்ட தியாக தீபம்  திலீபனின் வணக்க நிகழ்வுகள் 26ம் திகதி வரை காலை 10:00மணி முதல் மாலை 18:00மணி வரை நடைபெறும். 

26ம் திகதி வரை காலை 10:00மணி முதல் மாலை 18:00மணி வரை நடைபெறும். (தாயகத்தில் நல்லூரில் அமைக்கப்பட்டு சிங்கள அரசால்  அழிக்கப்பட்ட  நினைவுத்துபியின் மாதிரி வடிவத்தில் இம்முறை  இந் நிகழ்வு ஒழுங்கமைக்கப்பட்டுள்ளது. அதே நேரத்தில்திலீபன் அவர்களின் 12 நாட்கள் உண்ணாவிரதம் குறித்த விளக்கமளிக்கப்படும் பதாகையும் பிரஞ்சு மொழியில் காட்சிப்படுத்தப்பட்டிருந்ததபிரஞ்சு மக்களைனதும், பாரிஸின் சுற்றாலாவாசிகளினது கவனத்தையும் ஈர்ப்பதற்காக

குறித்த நிகழ்வினை பிரான்சை தளமாக இயங்கும் சே நூ தமிழ் Ç’est Nous les Tamouls அமைப்பால் முன்னெடுக்கப்பட்டது . 

மேலும் வாசிக்க

தோற்றுப் போன்றவர்களால் மீட்சி பெறுமா இலங்கை! - ச . சுந்தரதாஸ்

 

இலங்கைக்கான ஒன்பதாவது ஜனாதிபதியை தெரிவு  செய்யும்
தேர்தல் செப்டம்பர் 21ம் திகதி இடம் பெற நாள் குறிக்கப்பட்டுள்ளது. இந்த தேர்தலில் 38 பேர் போட்டியிடுவதாக பதிவு செய்யப் பட்ட போதும் மூன்று வேட்பாளர்களே வாக்காளர்களின் கவனத்தை ஈர்ந்துள்ளார்கள். ரணில் விக்ரமசிங்க, சஜித் பிரேமதாச, அனுரகுமார திசாநாயக்க இவர்கள் மூவருமே பிரதான வேட்ர்பாளர்களாகவே அடையாளம் காணப்பட்டுள்ளனர். இவர்கள் மூவரும் வெவேறு அணியை சார்ந்து, மாறுபட்ட கொள்கைகளை முன் வைத்து போட்டியிடுகின்ற போதும் இவர்கள் மூவரிடமும் ஓர் ஒற்றுமை காணப்படுகிறது. 

கடந்த ஜனாதிபதி தேர்தல்களில் போட்டியிட்டு தோல்வி கண்டவர்கள்

என்பதே இவர்களுக்கு இடையேயான ஒற்றுமை ஆகும். ஏற்கனவே பொருளாதார ரீதியில் வங்குரோத்து அடைந்த நாட்டினை மீள கட்டியெழுப்பும் பதவிக்கான தேர்தலிலேயே இந்த மூன்று தோல்வியாளர்களும் மீண்டும் போட்டியிடுகிறார்கள்! 

அதே போல் இவர்கள் போட்டியிடுவதற்கு அமைத்திருக்கும் அணியும் மிக விசித்திரமாகவே உள்ளது. ஐக்கிய தேசியக் கட்சியை சேர்ந்த ரணிலும், சஜித்தும் இன்று இரண்டு அணிகளாக பிரிந்து களத்தில் குதித்துள்ளார்கள். ஆக ஐ தே க வின் வாக்குகள் இரு பாதியாக இவர்கள் மத்தியில் பிரிய வாய்ப்புகள் உள்ளன. அதே சமயம் ஐ தே க வுக்கு போட்டியாக கடந்த தேர்தலில் குதித்த மகிந்த ராஜபக்சவின் பொதுஜன பெரமுன இரண்டு அணிகளாக பிரிந்து ஓர் அணி ரணிலுக்கும், மற்றைய அணி நாமலுக்கும் ஆதரவு தெரிவிக்க வேண்டிய நிலையில் உள்ளன. பெரமுனாவின் கணிசமான வாக்குகள் அனுரகுமாராவுக்கு போகலாம் என்று அனுமானிக்கவும் இடம் உண்டு. அதே வேளை குறிப்பிட தக்க வாக்குகள் சஜித்துக்கும் விழலாம் என்ற எதிர்பார்ப்பும் காணப்படுகிறது. 

கடந்த ஜனாதிபதி தேர்தலில் மூன்றாம் இடத்துக்கு மூன்று சதா வீத வாக்குகளை பெற்ற அனுரகுமார இந்தத் தேர்தலில் பாரியளவில் வாக்குகளை பெறுவார் என்றும் நம்பப்படுகிறது. ஆனால் இந்த வாக்குகள் அவருக்கான பாரம்பரிய ஜே வி பி யின் வாக்குகளாக மட்டுமன்றி , பொது ஜன பெமுன கட்சிக்கு சென்ற முறை வாக்களித்து ஏமாந்த பலருடைய வாக்குகளாகவும் அமையும் என்றே கருதப்படுகிறது. 

ஆக இந்த தேர்தலில் வேட்பாளர்கள் தங்களுக்குரிய பாரம்பரிய , கட்சி சார்ந்த வாக்குகளை மட்டும் நம்பி இராமல் மாற்று கட்சிகளின் வாக்குகளையும் சுவீகரிக்க அல்லது அபகரிக்க வேண்டிய நிலைக்கு தள்ளப்பட்டுள்ளனர். இதற்கு முன் எந்தத் தேர்தலிலும் இல்லாத நிலையே இந்தத் தேர்தலில் காணப்படுகிறது. 

எது எப்படியோ கடந்த ஜனாதிபதி தேர்தலில் நம்பி அறுபத்தொம்பது இலட்சம் வாக்குகளையும் கோத்தபாய ராஜபக்சவுக்கு வாரி வழங்கிய சிங்கள வாக்காளர்கள் இம் முறை அணி மாறி, நிலை மாறி, கட்சி மாறி தங்களால் ஏற்கனவே நிராகரிக்கப்பட்ட ஒரு வேட்பாளருக்கு வாக்களித்து அவரை தங்களின் காப்பாளராக தெரிவு செய்யப் போகிறார்கள்!

மேலும் வாசிக்க

வெகுமதி என்னை நோக்கி நகைத்தபோதும்!

 

…..சங்கர சுப்பிரமணியன்.

நான் ஒரு பழம் விற்கும் பழவியாபாரி
ஒருவகை பழங்கள் மட்டும் விற்பதில்லை
பலவகை பழங்கள் நான் விற்றுவந்தேன்
கூடையில் சுமந்தே பழங்கள் விற்பேன்

பழங்களை கடைவைத்தும் விற்றிடுவர்
பணம் சம்பாதிக்க தொழில் செய்திடுவர்
வாழ்க்கைக்காக பழங்களை விற்பதால்
நான் கடைவைத்திட விரும்பவில்லை

பலர் கடைவைத்து பழங்கள் விற்றாலும்
ஒரே வகை பழங்களை மட்டுமே விற்பர்
பலவகை பார்த்து வாங்கத் தெரியாதோ
எனக்கொன்றும் அதைப்பற்றி தெரியாது

கடைவைக்க விருப்பமில்லை என்றாலும்
கூடையில் சுமந்து பழங்கள் விற்றிடுவேன்
கூடை சுமந்து பழங்கள் நான் விற்றாலும்
பலவகைப் பழங்களையும் விற்று வந்தேன்

மேலும் வாசிக்க

அறிவை வளர்த்த தாயார் நாட்டிய கலாநிதி கார்த்திகா கணேசர்

அறிவை வளர்க்கும் நூல்களை படிக்க வேண்டும். சில சமயம் பெற்றோர் கல்வி அறிவு அற்றவவரர்கள் ஆக இருந்த போதும் அவர்கள் அறிவின் அவசியத்தை உணர்ந்தவர்கள் ஆக இருந்தார்கள். அதனால் அந்த பிள்ளைகளை அவர்களால் நல்வழியை காட்ட முடிகிறது.  அண்ணனும்  நானும் எமது தாயாருடன் அரசால் வசதி அற்றோருக்கு வழங்கும் வீட்டில் தயாருடன் வாழ்ந்தோம்.  உணவு பற்றாக்குறை இருக்கவில்லை. இவற்றை எல்லாம் சமாளிக்க எமது தாயார் பட்ட கஷ்டத்தை விளங்கும் பருவம் இல்லை நமக்கு. இதை சமாளிக்க எமது தாயார் மூன்று வீடுகளில் வேலை செய்தார்.

நானும் சகோதரரும் பாடசாலை போவது மாலை foot  ball  விளையாடுவது, வீடு திரும்பியதும் டிவி பார்ப்போம். வேறு எதுவும் செய்ய வேண்டும் என நமக்கு தெரியாது TV எல்லா சேனல்களிலும் என்ன நேரம் எது வரும் என எமக்கு அத்துப்படி. எமக்கு பிடித்த Cowboy படம் பார்த்து அதே போல் குதிரை ஓடி விளையாடுவோம். எமக்கு தந்தை என ஒருவர் வீட்டை விட்டு போய் பல வருஷமாகிவிட்டது அதனால் கண்டிப்பு கிடையா  அதிர்ஷ்டசாலிகள் நாம்.

1961 ஆண்டு நான் ஐந்து வயது, படித்துக் கொண்டிருந்தேன்.  எனது பாடசாலை  புள்ளிகள் குறைவாக இருந்தது. இது பற்றி நான் கவலை ப்படவில்லை.  எனது தாயார் இந்த வாழ்வுக்கு ஒரு முற்றுப்புள்ளி வைக்க முடிவு செய்தார்.  எனது புள்ளிகள் அவரை ஆட்டிவிட்டது..  இத்தனைக்கும் எனது தாயார் மூன்றாம் வகுப்பு வரை படித்திருந்தார். நாம் பையன்கள் அவரை தப்பு கணக்கு போட்டு விட்டோம் நாம் நினைப்பதை விட அவர் புத்தி கூர்மை உடையவராக இருந்தார். அவர் வேலை செய்யும் இடங்களில் புத்தகங்கள் பார்த்துள்ளார். அவர் வீட்டிற்கு வந்த வேகத்தில் டிவி வயரை பிடுங்கி அறிந்தார் எங்கள் இருவரையும் இருக்கச் சொல்லி பிள்ளைகளே இன்றிலிருந்து நீங்கள் சில காரியங்கள் செய்ய போகிறீர்கள்.  நீங்கள் வாரம் இரு புத்தகத்தை படித்து எனக்கு எழுதி காட்ட போகிறீர்கள். அவரோ விடுவதாக இல்லை, மாலை வந்ததும் உங்களை நூல் நிலையம் அழைத்து போகிறேன் என்றார். மறுநாள் அண்ணாவும் நானும் வேறு  வழி இன்றி அவரது கட புட என  ஒலி எழுப்பும் காரில் ஏறி public library க்கு செல்லத் தொடங்கினோம்.  நான் சிறுவர் நூல்களை புரட்ட ஆரம்பித்தேன், எனக்கு மிருகங்களை பிடிக்கும் சிறிய மிருகம் தொட்டு எனது ஆர்வம் பெரிய மிருகம் Dinosaur எனவி்ரிய ஆரம்பமானது.

இந்த பாதையில் நான் பயணத்தை தொடர என்னை சுற்றி பல மாற்றங்கள் நிகழ்ந்தன, எனது ஆசிரியர் எனது மாற்றத்தை கவனிக்க தொடங்கினர்.  நாம் எழுதிய குறிப்பு வாசிக்கும் அறிவு கூட  எமது தாயாருக்கு இருக்கவில்லை என அறிய எமக்கு பல காலம் ஆகியது.         

மேலும் வாசிக்க

அவள் ஒரு தொடர்கதை - பொன் விழா ஆண்டில் இந்த படங்கள் - ச. சுந்தரதாஸ்

தமிழ் படங்களில் கதாநாயகி பெரும்பாலும் அப்பாவி குடும்பப் பெண்ணாக , கணவனின் காதலனுக்காக எதையும் செய்யக் கூடியவளாக வருவாள், அல்லது திமிர் பிடித்த பெண்ணாக வருவாள் . இந்த நடைமுறை சம்பிரதாயத்தை மாற்றி எடுக்கப் பட்ட படம்தான் அவள் ஒரு தொடர்கதை. இதில் கதாநாயகி நெருப்பாக சுடுகிறாள். திமிர் பிடித்தவளாக எடுத்தெறிந்து பேசுகிறாள், எல்லாரையும் அலட்சிய படுத்துகிறாள் . ஆனால் அவளிடமும் பெண்மையும், மென்மையும் இருக்கிறது. குடும்பத்துக்காக தன்னையே தியாகம் செய்யும் தன்மையும் இருக்கிறது. தமிழ் திரையுலகிற்கு இவள் ஒரு புது படைப்புதான்.

இந்தப் படம் வெளிவருவதற்கு ஐந்து ஆண்டுகளுக்கு முன்னர் கே எஸ்

கோபாலகிருஷ்ணன் குலவிளக்கு என்று ஒரு படத்தை இயக்கியிருந்தார். அதிலும் கதாநாயகி குடும்பத்துக்காக ஓடாய் உழைத்து துரும்பாய் இளைத்து தன்னையே தியாகம் செய்கிறாள். ஆனால் அவள் பலவீனமானவள். சரோஜாதேவி நடிப்பில் வெளிவந்த அந்தப் படம் வெற்றி பெறவில்லை. ஆனால் அவள் ஒரு தொடர்கதை நாயகி தன்னுடைய ஆளுமையை எந்த இடத்திலும் விட்டு கொடுக்காமல் நடந்து அனுதாபத்தை விட, அங்கீகாரத்தை பெற்று விடுகிறாள்.

படத்தின் கதாநாயகி கவிதாவாக நடிப்பவர் புது முகம் சுஜாதா. புதுமுகம் என்று சொல்ல முடியாவண்ணம் கவிதாவாகவே மாறி விட்டார் எனலாம். காட்சிக்கு காட்சி அவர் காட்டும் முகபாவம், வசனம், சிரிப்பு, கடுமை எல்லாமே அவரின் திறமைக்கு அணிகலன்களாக மாறுகின்றன. இவருக்கு அடுத்த படியாக கவருபவர் படாபட் ஜெயலஷ்மி.

கமல்ஹாசன், விஜயகுமார், ஜெய்கணேஷ் மூவரும் தங்களின் பாத்திரங்களை சமமாக பங்கு போட்டுக் கொண்டு டைரக்டர் போட்ட ரோட்டில் சமத்தாய் நடந்திருக்கிறார்கள். இவர்களோடு ஸ்ரீப்ரியா, லீலாவதி, ரீனா, சோமன் ஆகியோரும் நடித்திருந்தனர். இவ்வளவு பேர் இருந்தும் படதில் காமெடிக்கென்று யாரும் பிரத்தியேகமாக இல்லை. அதுவும் வசதியாகி விட்டது. நகைச்சுவைக்கு என்று யாரும் இல்லாத பாலசந்தரின் முதல் படம் என்றும் இப் படத்தை சொல்லலாம்.

மேலும் வாசிக்க

தமிழ் அரசுக் கட்சியின் தீர்மானம்!

 September 10, 2024

இலங்கை தமிழ் அரசுக் கட்சியின் மத்திய குழுவில் சஜித் பிரேமதாஸவை ஆதரிக்கும் முடிவு எடுக்கப்பட்டது. அத்துடன், தமிழ்ப் பொது வேட்பாளருக்கு ஆதரவளிப்பதில்லை என்னும் தீர்மானமும் நிறைவேற்றப்பட்டது. ஆனால் அதனை இலங்கைத் தமிழ் அரசுக் கட்சியின் மாவட்ட கிளைகள் நிராகரித்திருக்கின்றன. திருகோணமலையில் தொடங்கிய பகிஷ்கரிப்பு தற்போது கிளிநெச்சி மாவட்டக் கிளையிலும் பிரதிபலித்திருக்கின்றது.

இதே போன்று, மட்டக்களப்பில் தமிழ் அரசுக் கட்சியின் மத்திய குழுவில் அங்கம் வகிப்பவர்கள் தமிழ்ப் பொது வேட்பாளருக்கு ஆதரவான பிரசாரங்களை மேற்கொண்டு வருகின்றனர். யாழ்ப்பாணத்திலும் தமிழ்ப் பொது வேட்பாளரை ஆதரித்து கூட்டங்கள் நடைபெறவுள்ளன. அவ்வாறாயின் தமிழ் அரசுக் கட்சியின் மத்திய குழுவின் தீர்மானத்துக்கு என்ன பெறுமதி உண்டு? தமிழ் அரசுக் கட்சி தற்போது யாருடைய கட்டுப்பாட்டின் கீழ் இருக்கின்றது? எவருடைய கட்டுப்பாட்டிலும் இல்லையா? தமிழ் அரசுக் கட்சியின் தலைவர் ‘நாளொரு மேனி பொழுதொரு மேனி’ என்பதுபோல் நடந்து கொள்கின்றார்.

மேலும் வாசிக்க

சுயவிருப்பு – சுயநல அரசியல்!

 September 9, 2024

ஈழத்தமிழர் அரசியல் ஆயுதப் போராட்டமாக நீட்சிகொண்ட காலத்திலிருந்து உள்முரண்பாடுகளும் – குத்து வெட்டுக்களும் ஒட்டிப்பிறந்த குழந்தையாகவே இருந்தது. இறுதியில் ஒருவரை ஒருவர் அழித்தொழிக்கும் உள்மோதலாக விரிவுகொண்டது. இதில் அந்த இயக்கம் – இந்த இயக்கம் என்னும் பாகுபாடுகள் இன்றி ஒருவரையொருவர் கொன்று கொண்ட வரலாறு ஏடுகளில் பதிவாகியிருக்கின்றது. இன்றும் அதன் எச்சசொச்சங்கள் அரசியலை ஆக்கிரமித்துத்தான் இருக்கின்றன.

ஒரு தமிழ்ப் பொது வேட்பாளர் நிறுத்தப்பட்டிருக்கும் நிலையில் வெற்றிக்காக ஒன்றுபட்டு உழைக்க வேண்டிய சூழலில்கூட இலங்கை தமிழ் அரசுக் கட்சியின் மத்திய குழுவில் சஜித் பிரேமதாஸவை ஆதரிக்கும் முடிவு எடுக்கப்பட்டிருக்கின்றது. இது எதனைக் காண்பிக்கின்றது? இலங்கை தமிழ் அரசுக் கட்சி ஒற்றுமைக்கு எதிராக செயல்படுகின்றதா? ஒற்றுமையை சீர்குலைக்கும் ஒரு கோடரி காம்பாக அந்தக் கட்சி மாறிவிட்டதா? இதுவரையில், தமிழ்த் தேசிய மக்கள் முன்னணி என்னும் பெயரில் இயங்கிவரும் சைக்கிள் அணியினர் மட்டும்தான் ஒற்றுமையை சீர்குலைக்கும் கோடரி காம்பாக இருந்தனர். இப்போது அவர்களுடன் தமிழ் அரசுக் கட்சியும் இணைந்திருக்கின்றது. இன்று நிலைமைகள் மோசமடைந்து செல்கின்றன. இந்த நிலைமை தொடர்ந்தால் தமிழ்த் தேசிய அரசியல் என்று ஓர் அடையாளமே இருக்கப்போவதில்லை.

மேலும் வாசிக்க

அநுரவுக்கு மட்டுமல்ல…!

 September 14, 2024

தேசிய மக்கள் சக்தி (ஜே. வி. பி.) ஜனாதிபதி வேட்பாளர் அநுரகுமார திஸநாயக்கவுக்கு வடக்குக்கு சென்று வாக்குக் கேட்கும் தகுதி இல்லையென்று சஜித் பிரேமதாஸ தலைமையிலான ஐக்கிய மக்கள் சக்தி தெரிவித்திருக்கின்றது. இவ்வாறு குறிப்பிடுவதன் மூலம் தங்களுக்கு அந்தத் தகுதி இருப்பதாக ஐக்கிய மக்கள் சக்தி கருதுகின்றதா? அதிகாரத்தைக் கைப்பற்றும் போட்டியில் மும்முனைப் போட்டி தீவிரமடைந்திருக்கின்றது. கணிப்புகளில் அநுரகுமார திஸநாயக்க முன்னணி வகிக்கக்கூடிய வேட்பாளராகவே நோக்கப்படுகின்றார்.

இந்த நிலையில் ஏனைய வேட்பாளர்களின் கவனம் முழுவதும் அநுரவின் பக்கமாகவே சென்றிருக்கின்றது. இவ்வாறானதொரு பின்புலத்தில்தான் அநுரவுக்கு வடக்கு மக்களிடம் வாக்குக் கேட்கும் தகுதி இல்லையென்று சஜித் தரப்பு கூறுகின்றது. அநுரவுக்கு மட்டுமல்ல – மாறாக எந்தவொரு பிரதான வேட்பாளர்களுக்கும் வடக்கு மக்களின் வாக்குகளைக் கோரும் தகுதி இல்லை. அப்படியிருப்பதாக அவர்கள் கருதிக்கொள்வதற்கு பிரதான காரணம் இலங்கை தமிழ் அரசுக் கட்சியின் பலவீனமான அரசியல் செயல்பாடுகள்தான். முள்ளிவாய்க்காலுக்கு பின்னரான மூன்று ஜனாதிபதித் தேர்தல்களின்போதும் தமிழ் மக்கள் தென்னிலங்கை வேட்பாளர்களுக்கே வாக்களித்திருந்தனர்.

மேலும் வாசிக்க

இலங்கைச் செய்திகள்

நாகப்பட்டினம்-இலங்கைக்கிடையிலான கப்பல் சேவை சனிக்கிழமையும் இடம்பெறும்

இஸ்ரேலில் விவசாயத்துறை வேலைவாய்ப்பு 69 இளைஞர்களுக்கு விமான பயணசீட்டுக்கள் கையளிப்பு

தெல்லிப்பளை துர்க்கையம்மன் ஆலய வருடாந்த மகோற்சவ திருமஞ்ச திருவிழா

யாழில் பாரதியாரின் நினைவு தினத்தை முன்னிட்டு “பன்முக நோக்கில் பாரதி” நிகழ்வு

கோப்பாய் ஆசிரியர் கலாசாலையில் பாரதியார் நினைவு தினம் அனுஷ்டிப்பு

செல்வராசா கஜேந்திரன் எம்.பி கைதுசெய்யப்பட்டு விடுதலை

7 மாதங்களின் பின் கெஹெலிய ரம்புக்வெல்ல பிணையில் விடுதலை 

நாகப்பட்டினம்-இலங்கைக்கிடையிலான கப்பல் சேவை சனிக்கிழமையும் இடம்பெறும் 

September 10, 2024 6:20 am 

தமிழ்நாட்டின் நாகப்பட்டினத்துக்கும் இலங்கையின் காங்கேசன்துறைக்கும் இடையிலான பயணிகள் கப்பல் சேவை எதிர்வரும் 21 ஆம் திகதி முதல், சனிக்கிழமைகளிலும் இடம்பெறவுள்ளதாக “த இந்து” பத்திரிகை செய்தி வெளியிட்டுள்ளது.

மேலும் வாசிக்க

உலகச் செய்திகள்

காசாவில் மற்றொரு பாடசாலை மீது இஸ்ரேல் தாக்குதல்: 18 பேர் பலி

காசா, மேற்குக் கரையில் இஸ்ரேலின் தொடரும் தாக்குதல்களில் மேலும் பலர் பலி

ரஷ்யா – உக்ரைன் மோதலை தீர்க்க இந்தியா பங்களிக்க முடியும்

பங்களாதேஷில் மீண்டும் ஆர்ப்பாட்டம்

2029 இல் இந்தியாவில் டிஜிட்டல் கொடுப்பனவுகள்481 பில்லியனாக 3 மடங்கு அதிகரிக்கும்

இஸ்ரேலிய விசேட படையினர் சிரியாவில் தரையிறங்கி தாக்குதல்

இந்தியாவுடன் பகைமை மறந்து நட்புக்கரம் நீட்டும் மாலைதீவு!

காசாவில் மற்றொரு பாடசாலை மீது இஸ்ரேல் தாக்குதல்: 18 பேர் பலி

ஐ.நா. பணியாளர்களும் உயிரிழப்பு: ஹமாஸ் புதிய நிபந்தனை

September 13, 2024 6:00 am 

மத்திய காசாவில் இடம்பெயர்ந்த மக்கள் அடைக்கலம் பெற்றிருக்கும் மற்றுமொரு பாடசாலை மீது இஸ்ரேல் நடத்திய தாக்குதலில் ஐ.நா. பணியாளர்கள் உட்பட 18 பேர் கொல்லப்பட்டுள்ளனர். எனினும் அது ஹமாஸ் கட்டுப்பட்டு மையம் என்று இஸ்ரேல் குறிப்பிட்டுள்ளது.

மேலும் வாசிக்க

தமிழ் சினிமாவில் மலையாள அழகி!

 September 12, 2024 3:23 pm 

மலையாள சினிமாவில் பிரபலமான நடிகை தான் சம்ரிதி தாரா. இவர் பல அழகிப் போட்டிகளில் கலந்துகொண்டு பல பட்டங்களை வென்றுள்ளார்.

இந்த நிலையில் தற்போது நடிகை சம்ரிதி தாரா ‘மையல்’ என்ற படத்தின் மூலம் தமிழ் சினிமாவில் முதன்முறையாக அறிமுகம் ஆக உள்ளார். தற்போது இது தொடர்பான அறிவிப்பு வெளியாகி ரசிகர்கள் மத்தியில் வரவேற்பை பெற்றுள்ளது.

இந்த படத்தினை ஏபிஜி ஏழுமலை இயக்கியுள்ளார். இப்படத்தில் நடிகை சம்ரிதி தாரா மைனா படத்தில் போலீஸ் இன்ஸ்பெக்டராக நடித்த நடிகர் சேதுவிற்கு ஜோடியாக நடித்துள்ளார். இப்படம் சமூக பிரச்சனைகளை பற்றி எடுத்துரைக்கும் வகையில் உருவாக்கப்பட்டுள்ளது.

அத்துடன் இந்த படத்தில் பிஎல் தேனப்பன், சூப்பர் குட் சுப்பிரமணி ஆகியோர் முக்கிய கேரக்டரில் நடித்துள்ளார்கள். இந்த படத்தின் மொத்த படப்பிடிப்பு பணிகள் சுமார் 37 நாட்களில் நிறைவடைந்துள்ளதாக கூறப்படுகின்றது.

மேலும் இதன் படப்பிடிப்புகள் திருவண்ணாமலைக்கு அருகில் அமைந்துள்ள கல்வராயன் மலையின் அழகிய இடங்களிலும் அதைச் சுற்றியுள்ள பகுதிகளிலும் படமாக்கப்பட்டுள்ளதாக தெரிவிக்கப்பட்டுள்ளது.   நன்றி தினகரன்