ஆதவனும் வந்தான் !

 

மகாதேவ ஐயர் ஜெயராமசர்மா

மேனாள் தமிழ்மொழிக் கல்வி இயக்குநர்

மெல்பேண் ... அவுஸ்திரேலியா

ஆதவனும் வந்தான் அவனி

எலாம்  நல் வெளிச்சம்

பூதலத்து இருள் அகன்று

புவி ஒளியில் மிதந்தது 

தேன் உண்ண வண்டெல்லாம்

தேடி மலர் அமர்ந்தது

தித்திக்க தேன் பருகி

திசை  அறியா நின்றது

மது ஈந்த மாமலர்கள்

மகிழ் வெய்தி நின்றன

வண்டெல்லாம் இசை பாடி

மயக் குற்றுக் கிடந்தன

மேலும் வாசிக்க

வேறென்றாலும் வெறுப்பில்லை!

-சங்கர சுப்பிரமணியன்.

அகிலம் இயக்கும் பேராற்றல் பெரிதெனவே
என்றுணர்ந்து எவர் சொன்னாலும்

அதை ஆண் பெண்ணென்றே ஆக்கிவைத்து
பார்ப்பதின் மர்மம்தான் என்ன

அங்கெங்கினா பேரருள் என்பதையுமே
அறையில் அடைக்கவும் முடிந்திடுமா

பாமரன் அறிந்திடவே செய்ததென்றால்
படித்தவரும் ஏனதை ஏற்கின்றாரோ

நீராய் நெருப்பாய் இருப்பதையும் பாலாய்
தேனாய் இருப்பதையும்

காயாய் கனியாய் இருப்பதையும் ஆறாய் கடலாய் இருப்பதையும்

ஊணாய் உயிராய் குருதியென உள்ளதை
ஒருபோதும் ஏற்றிடமாட்டாரோ

மேலும் வாசிக்க

திருடி - பொன் விழா ஆண்டில் இந்த படங்கள் - ச. சுந்தரதாஸ்

 சிவாஜி கணேசன் நடிப்பில் 1969ம் வருடம் திருடன் என்ற படம்

வெளிவந்து வெற்றி கண்டது. இந்தப் படத்தில் கதாநாயகியாக , சிவாஜிக்கு ஜோடியாக நடித்தவர் கே ஆர் விஜயா . இந்தப் படம் வெளிவந்து ஐந்து ஆண்டுகள் கழித்து இதே கே ஆர் விஜயா நடிப்பில் வெளிவந்த படம்தான் திருடி. இதிலும் கதாநாயகியாக அவரே நடித்தார்.

 

தமிழ்த் திரைப்பட நிறுவனங்களில் தொன்மை வாய்ந்த நிறுவனம்

ஜுபிடர் பிக்சர்ஸ். எம் ஜி ஆர், கருணாநிதி, கண்ணதாசன்,எம் எஸ் விசுவநாதன், என்று ஏராளமான கலைஞர்களின் ஏற்றத்துக்கு காரணமான இந்த நிறுவனத்தின் அதிபர்களான எம் . சோமசுந்தரம், எம் .கே மொஹிதீன் இருவரினதும் மறைவுக்கு பின்னர் இந்த நிறுவனம் மூடு விழா கண்டது. அதன் பின்னர் சோமசுந்தரத்தின் மகன் எம் .எஸ் . காசி வேறுபெயர்களில் பட நிறுவனங்களை நிறுவி படங்களைத் தயாரிக்க ஆரம்பித்தார். அவ்வாறு அவர் தயாரித்த படங்களில் ஒன்று திருடி.

 

திருடி படத்தின் கதையை எழுதியவர் மகேந்திரன். தனது திரையுலக ஆரம்ப காலத்தில் நாம் மூவர்,சபாஷ் தம்பி, வைராக்கியம் என்று பல மசாலா படங்களுக்கு கதை எழுதிய இவரின் கைவண்ணத்தில் இப்படத்தின் கதையும் உருவானது. ஒரு பக்கத்தில் இவரின் திருடி தயாராகிக் கொண்டிருந்த போதுதான் மறுபுறத்தில் இவர் எழுதிய கடமை தவறாத போலீஸ் எஸ் பி சௌத்ரியின் கதையான தங்கப் பதக்கமும் தயாராகிக் கொண்டிருந்தது.

மேலும் வாசிக்க

மீண்டும் வெள்ளை மாளிகைக்கு டொனால்ட் ட்ரம்ப்

 November 9, 2024

நான்கு வருடங்களுக்கு முன்னர் ஜனாதிபதித் தேர்தலில் தோல்வியை ஏற்றுக்கொள்ள மறுத்த முன்னாள் அமெரிக்க ஜனாதிபதி டொனால்ட் ட்ரம்ப் கடந்த செவ்வாய்க்கிழமை நடைபெற்ற தேர்தலில் ஜனநாயகக் கட்சியின் வேட்பாளரான தற்போதைய துணை ஜனாதிபதி கமலா ஹாரிஸை தோற்கடித்து பெருவெற்றி பெற்றிருக்கிறார்.

அடுத்த வருடம் ஜனவரி 20ஆம் திகதி அவர் தனது 78ஆவது வயதில் அமெரிக்காவின் 47ஆவது ஜனாதிபதியாக பதவியேற்று மீண்டும் வெள்ளை மாளிகைவாசியாகப் போகிறார். மிகவும் முதிர்ந்த வயதில் அமெரிக்காவின் ஜனாதிபதியாக தெரிவு செய்யப்பட்ட இரண்டாவது ஆளாக விளங்கும் ட்ரம்ப் 20 வருடங்களுக்கு பிறகு ஜனநாயகக் கட்சியின் வேட்பாளரை விடவும் கூடுதலான மக்கள் வாக்குகளை பெற்ற குடியரசுக் கட்சியின் வேட்பாளர் என்ற பெருமையையும் தனதாக்கிக் கொண்டுள்ளார். முதல் பதவிக் காலத்துக்கு பிறகு தொடர்ச்சியாக அடுத்த பதவிக் காலத்துக்கு ஜனாதிபதியாக இல்லாமல் நான்கு வருட இடைவெளிக்கு பிறகு ட்ரம்ப் மீண்டும் ஜனாதிபதியாகத் தெரிவாகியிருக்கிறார்.

மேலும் வாசிக்க

தேசிய மக்கள் சக்தி ஆட்சியில் இனபேதத்துக்கு இடமில்லை!

 

தேசிய மக்கள் சக்தியின் கொழும்பு மாவட்ட வேட்பாளர் சிவானந்தராஜா

November 8, 2024 1:30 am 

‘தேசிய மக்கள் சக்தி ஆட்சியில் தமிழ், சிங்களம், முஸ்லிம் என்ற இன பேதங்களுக்கு இடமில்லை. சகலருக்கும் சமமான உரிமைகளும், வாய்ப்புகளும் வழங்குவதே எமது அரசின் நோக்கம்’ என்று கொழும்பு மாவட்ட தேசிய மக்கள் சக்தி வேட்பாளர் என். சிவானந்தராஜா தெரிவித்தார்.

“நேர்மையான அரசியல் மூலம் பொதுமக்களுக்குச் சேவையாற்றக் கூடிய சந்தர்ப்பம் தற்பொழுது உருவாகியுள்ளது. இதனைப் பயன்படுத்தி மக்களுக்குச் சேவையாற்றுவதற்கு விசேடமாக தமிழ் பேசும் மக்களுக்கு முடிந்த சேவைகளை முன்னெடுப்பதற்கு நான் முன்வந்துள்ளேன்” என்றும் வேட்பாளர் சிவானந்தராஜா தெரிவித்தார்.

“வடக்கு, கிழக்கைப் பிரதிநிதித்துவப்படுத்தும் அரசியல் கட்சிகள் தமிழ் பேசும் மக்களுக்கு கடந்த காலங்களில் அளித்த வாக்குறுதிகளை அம்மக்கள் மறந்துவிடவில்லை. தொடர்ந்தும் அம்மக்கள் ஏமாற்றப்பட்டே வந்துள்ளனர்” என அவர் மேலும் கூறினார்.

மட்டக்களப்பு மாவட்டத்தைப் பிறப்பிடமாகக் கொண்ட சிவானந்தராஜா, கொழும்பில் தொழில் ரீதியான கல்வி நிறுவனத்தை நடத்தி வருகின்றார்.

15 வருடங்களுக்கு மேலாக இந்த தொழிற்துறையில் ஈடுபட்டுவரும் இவர், கொழும்பு மாவட்டத்தில் தமிழ் பேசும் மாணவர்கள் கல்வி நடவடிக்கையில் எதிர்கொள்ளும் பிரச்சினைகளை நன்கறிந்தவர்.

இவர் தினகரனுக்கு பேட்டியளித்தார்.

மேலும் வாசிக்க

சுமந்திரனும் தமிழ்த் தேசியமும்

 November 7, 2024

சட்டப்படி எவ்வாறாயினும், நடப்பின்படி இன்று இலங்கை தமிழ் அரசு கட்சியின் ‘தலைவராக’ இருக்கின்ற மதியாபரணம் ஆபிரகாம் சுமந்திரன் செவ்வாயன்று வடமராட்சியில் செய்தியாளர்கள் மகாநாடொன்றில் வைத்து கஜேந்திரகுமார் பொன்னம்பலம் தலைமையிலான தமிழ்த் தேசிய மக்கள் முன்னணிக்கு ஒரு சவாலை விடுத்தார். தனது பெயரைத் தவிர்த்து முடியுமானால் தேர்தல் பிரசாரத்தை செய்து காட்டுங்கள் பார்க்கலாம் என்பதே அந்த சவால். அவர் அந்த சவாலை தமிழ்த் தேசிய மக்கள் முன்னணியை நோக்கி மாத்திரம் ஏன் விடுத்தார் என்று தெரியவில்லை.

தேர்தலில் தமிழ்த் தேசியத்தை முன்னிறுத்தி போட்டியிடும் சகல கட்சிகளுமே அவருக்கு எதிராக தீவிரமாக பிரசாரம் செய்கின்றன. சுமந்திரன் அவ்வாறு ஒரு சவாலை விடுக்கிறார் என்றால் அந்த அளவுக்கு அவரையும் தமிழ் அரசு கட்சியையும் தேர்தலில் தங்களுக்கு பெரிய சவால் என்று பொன்னம்பலம் தரப்பினர் கருதுகிறார்களா? சுமந்திரன் தமிழ்த் தேசிய கூட்டமைப்பின் தேசியப் பட்டியல் உறுப்பினராக பாராளுமன்ற பிரவேசம் செய்த நாட்களில் இருந்தே இனப்பிரச்னை தொடர்பிலான அவரின் அணுகுமுறையை கடுமையாக விமர்சித்து வந்தவர் பொன்னம்பலம். ஒரு கட்டத்தில் அவர் கூட்டமைப்பில் இருந்து விலகி தனிவழியில் அரசியல் பயணத்தை தொடருகிறார். கூட்டமைப்பில் இருந்த கட்சிகளுடன் அரசமைப்புக்கான 13ஆவது திருத்தம் மற்றும் ஒற்றையாட்சி தொடர்பில் ஏற்பட்ட முரண்பாடுகள் காரணமாகவே தாங்கள் வெளியேறினரென அமெரிக்க தூதுவரிடம் பொன்னம்பலம் கடந்த வாரம் கூறியிருந்த அதேவேளை, பாராளுமன்ற தேர்தலில் ஆசன ஒதுக்கீட்டில் தோன்றிய முரண்பாடே அவரின் வெளியேற்றத்துக்குக் காரணம் என்று சுமந்திரன் வடமராட்சி செய்தியாளர்கள் மகாநாட்டில் கூறியிருக்கிறார்.

மேலும் வாசிக்க

தேசிய மக்கள் சக்தியும் பாராளுமன்றத் தேர்தலும்

 November 8, 2024

ஜனாதிபதி அநுர குமார திஸநாயக்க தலைமையிலான தேசிய மக்கள் சக்தி அடுத்த வாரத்தைய பாராளுமன்றத் தேர்தலில் கைப்பற்றக்கூடிய ஆசனங்களின் எண்ணக்கை தொடர்பில் பல்வேறு கணிப்பீடுகளை அரசியல்வாதிகளும் அவதானிகளும் வெளியிடுவதைக் காணக்கூடியதாக இருக்கிறது. ஜனாதிபதித் தேர்தலில் மக்கள் வாக்களித்த பாங்கை அடிப்படையாகக் கொண்டு கணிப்பீட்டைச் செய்பவர்கள் தேசிய மக்கள் சக்திக்கு பாராளுமன்றத்தில் அறுதிப்பெரும்பான்மை (113 ஆசனங்கள்) கிடைப்பதற்கு வாய்ப்பில்லை என்று கூறுகிறார்கள்.

அந்தத் தேர்தலில் திஸநாயக்கவுக்குக் கிடைத்த 56 இலட்சத்துக்கும் அதிகமான வாக்குகளில் வடக்கு, கிழக்கு மாகாணங்களில் சிறுபான்மை சமூகங்கள் அளித்த வாக்குகளும் அடங்குகின்றன. அதே வாக்குகள் பாராளுமன்றத் தேர்தலில் இரு மாகாணங்களிலும் உள்ள ஐந்து தேர்தல் மாவட்டங்களில் போட்டியிடும் தேசிய மக்கள் சக்தியின் வேட்பாளர்களுக்குக் கிடைக்குமா அல்லது ஜனாதிபதியாக திஸ நாயக்க பதவிக்கு வந்த பின்னர் சிறுபான்மை சமூகங்கள் மத்தியில் ஏற்பட்டிருப்பதாகக் கருதப்படும் மனமாற்றம் காரணமாக மேலும் கூடுதல் வாக்குகள் கிடைக்குமா என்பது ஒரு முக்கியமான கேள்வி. திஸநாயக்கவின் ஒன்றரை மாதகால ஆட்சியில் குறைபாடுகளை கண்டுபிடித்து விமர்சனங்களைச் செய்யும் எதிரணிக் கட்சிகள் நாடு எதிர்நோக்குகின்ற சவால்களை செயல்திறனுடன் கையாண்டு நீண்ட நாட்களுக்கு ஆட்சிசெய்யக்கூடிய ஆற்றலும் அனுபவமும் தேசிய மக்கள் சக்தியின் தலைவர்களுக்குக் கிடையாது என்ற எதிர்மறையான செய்தியையே பாராளுமன்றத் தேர்தல் பிரசாரங்களில் மக்கள் முன்கொண்டு செல்கின்றன.

மேலும் வாசிக்க

இலங்கைச் செய்திகள்

 சுற்றுலா பயணிகள் விரும்பும் தீவு நாடுகளில் இலங்கைக்கு முதலாமிடம்

வைத்தியர் ஷாபி ஷிஹாப்தீன் நிரபராதி என விடுதலை

கடவுச்சீட்டு பெறுவதற்கான Online ஊடான முன்பதிவு இன்று முதல் ஆரம்பம்

பொருளாதார ஒத்துழைப்பை விருத்தி செய்யும் புதிய வழிகள் அறிமுகம்

சுற்றுலா பயணிகள் விரும்பும் தீவு நாடுகளில் இலங்கைக்கு முதலாமிடம்

- 3 மில்லியனுக்கும் அதிகமான பயணிகளின் வாக்குகளால் தங்க விருது

November 8, 2024 10:34 am 

லண்டனில் நடைபெற்ற Wanderlust Reader Travel Awards 2024 இல் உலக சுற்றுலாப் பயணிகளிடையே மிகவும் விரும்பத்தக்க தீவு நாடாக இலங்கை தேர்ந்தெடுக்கப்பட்டுள்ளது.

மேலும் வாசிக்க

உலகச் செய்திகள்

அமெரிக்காவுடன் பேச தயார்: – ரஷ்யா அறிவிப்பு

அமெரிக்க தேர்தலில் ஆறு இந்திய வம்சாவளியினர் வெற்றி

ட்ரம்புடன் பேசிய பின் லெபனானில்; இஸ்ரேலின் தாக்குதல்கள் உக்கிரம்

தேர்தல் முடிவுகளை நாம் ஏற்றுக்கொள்ள வேண்டும்

அவுஸ்திரேலியா தலைமையிலான 15 நாடுகள் சீனாவின் ‘சர்வதேச குற்றங்கள்’ தொடர்பில் கண்டனம்

அமெரிக்காவுடன் பேச தயார்: – ரஷ்யா அறிவிப்பு 

November 8, 2024 9:00 am 

ரஷ்யாவுக்கும் அமெரிக்காவுக்கும் இடையிலான இரு தரப்பு உறவைப் பலப்படுத்துவதற்கான பேச்சுவார்த்தைக் கதவுகள் திறந்துள்ளதாக ரஷ்யா அறிவித்துள்ளது.

அமெரிக்காவின் 47 வது ஜனாதிபதியாக டொனால்ட் ட்ரம்ப் வெற்றி பெற்றுள்ளதையடுத்து ரஷ்ய அரசின் பேச்சாளர் திமித்ரி பெஸ்கோவ் மேற்கண்டவாறு குறிப்பிட்டுள்ளார்.

மேலும் வாசிக்க