மரண அறிவித்தல்

.
மரண அறிவித்தல் 
அமுதன் அண்ணாமலை

                                தோற்றம்: 15.07.1989      மறைவு: 25.01.2013

(மருத்துவ பீட இறுதியாண்டு மாணவன்,James Cook School of Medicine, Townsville, QLD)

தமிழ்நாடு, காரைக்குடியைப் பிறப்பிடமாகவும்,NSW-INGLEBURN, ஐ வதிவிடமாகவும் கொண்ட அமுதன் அண்ணாமலை 25.01.2013 அன்று காலமானார்.அன்னார் அண்ணாமலை மீனாட்சி சுந்தரம், சாந்தினி அண்ணாமலை ஆகியோரின் அருமைப் புதல்வரும் அழகு அண்ணாமலையின் பாசமிகு அண்ணனும் ஆவார்.

அன்னாரின் இறுதிக்கிரிகைகளின் விபரம் பின்னர் அறிவிக்கப்படும்.

தொடர்புகளுக்கு:

சுப்பிரமணியம் – 0451074701 – geosubra@yahoo.com

மணி – 0413563254 – mramasamy1@bigpond.com

மேலும் வாசிக்க

நான் நம்பியதும் நம்பவில்லை என்பதும் - கவிதைகள்

கருணாகரன் ஓவியம்: செல்வம்
நான் நம்பவில்லை இத்தனை கடினமானதாயும் இலகுவானதாயும் நீ இருப்பாய் என அப்படித்தான் நம் வாழ்க்கையும் இருக்கிறது என்றாய் வெல்லவும் முடியா தோற்கவும் முடியா முடிவற்ற சதுரங்க ஆட்டத்தில் இனிமையும் கசப்பும் நிரம்பியிருக்கிறது என்னருகிலே உள்ள எல்லாக் கிண்ணங்களிலும் நீயும் அப்படித்தானுள்ளாய் கசப்பாயும் இனிப்பாயும் உன்னிடமும் உலகிடமும் அப்படித்தானுள்ளது என்றாய்

மேலும் வாசிக்க

சிட்னி ஆருகன் ஆலயத்தில் தைப்பூச திருவிழா

.

தைப்பூச நன்னாளான ஞாயிற்றுக்கிழமை இரவு அபிசேக ஆராதனைகளும் அதனைத்தொடர்ந்து முருகப் பெருமான் வீதி உலாவரும் அழகிய காட்சியும் பக்த கோடிகள் மழையையும் பொருட்படுத்தாமல் பக்திப் பரவசத்தோடு காணப்படுவதையும் காணக்கூடியதாக இருந்தது.

                                                                   படப்பிடிப்பு ஞானி

மேலும் வாசிக்க

ஒரு முத்தமும் பல கேள்விகளும் - - ஞாநி

.

ஒரு முத்தமும் பல கேள்விகளும்

- ஞாநி

‘பம்பாய்’ படத்துக்குப் பின் மறுபடியும் மணிரத்னம், ராஜீவ் மேனன், ஏ.ஆர்.ரஹ்மான் கூட்டணியுடன் எழுத ‘அறம்’ புகழ் எழுத்தாளர் ஜெயமோகன், நடிக்க கார்த்திக்கின் மகன், ராதாவின் மகள், மறுபடியும் அரவிந்த்சாமி, முதல்முறையாக மணிரத்னம் படத்தில் அர்ஜுன் என்று ரசிகர்களின் எதிர்பார்ப்பைத் தூண்டும் பல விளம்பர அம்சங்களுடன் வரவிருக்கும் ‘கடல்’ படத்தின் முதல் டிரெய்லர் பார்த்தேன்.

பார்க்கச் சொன்னவர் திரையுலகில் பணி புரியும் ஒரு நண்பர்தான். படத்தில் நடிக்கும் ராதாவின் மகள் துளசிக்கு 15 வயதுதான் ஆகிறது. அந்த சிறுமியை இப்படி முத்தமிடும் காட்சியில் பயன்படுத்தியிருப்பது சரிதானா என்ற கேள்வியை அவர் ‘பேஸ்புக்’ சமூக இணைய தளத்தில் எழுப்பியதாகவும் யாருமே அதை கண்டுகொள்ளவில்லை என்றும் அந்த நண்பர் சொன்னார். அதனால் நானும் பார்த்துவிட்டு பேஸ்புக்கில் இவ்வாறு எழுதினேன்.

“நாம் எல்லாரும் சிந்திக்க சில கேள்விகள் : 15 வயது சிறுமியை லிப் கிஸ் அடிக்கும் காட்சியில் நடிக்க வைத்து படம் தயாரித்து வெளியிடுவது மணிரத்னத்துக்கு நல்ல வியாபாரமாக இருக்கலாம். ஆனால் அது ‘அறமா’குமா? படத்துக்கான கடல் படக் குழுவின் நிருபர் சந்திப்பை தொகுத்து வழங்கிய சுஹாசினி லட்சக்கணக்கில் பணம் திரட்டி மகளிர் நல அமைப்பு நடத்தி வருகிறாரே, அவரும் அந்த அமைப்பும் பெண்கள் பாதிக்கப்பட்ட பிறகுதான் உதவி செய்வது மெழுகுவத்தி கொளுத்துவதெல்லாம் செய்வார்களா? பாதிப்பை ஏற்படுத்தும் அம்சங்களைப் பற்றி கவலைப்பட மாட்டார்களா? இன்றைய சினிமாக்களில் சிறுமியை வைத்து உருவாக்கிக் காட்டும் இத்தகைய காட்சிகள் விடலை மனங்களில் எப்படிப்பட்ட பாதிப்புகளை ஏற்படுத்துகின்றன என்பது பற்றி யாருக்கும் கவலையில்லையா? டெல்லி, ஸ்ரீவைகுண்ட நிகழ்வுகளுக்கெல்லாம் பொங்கி எழுந்த பேஸ்புக் வீரர்களில் சிலர் சினிமா துறை என்று வரும்போது மட்டும் பம்மிப் பதுங்கிக் காணாமற் போவது ஏன் ?”

மேலும் வாசிக்க

மெல்பேர்ன் ஸ்ரீ முருகப் பெருமானின் தேர்த்திருவிழா அல்லமதேவன்-

.

மெல்பேர்ன் மாநகரில் சண்சயினில் வீற்றிருக்கும் ஸ்ரீ முருகப் பெருமானின் மகோற்சவத் தேர்த்திருவிழா

மெல்பேர்னில் உள்ள சண்சயினில் வீற்றிருந்து அடியார்களுக்கு தெய்வ அருள்பாலித்துக் கொண்டிருக்கும் தமிழ்க் கடவுள் என்று கூறப்படும் அழகிய கந்தன் ஸ்ரீ முருகப் பெருமானின் வருடாந்த மகோற்சவத் திருவிழா கடந்த 18.01.2013 வெள்ளிக்கிழமையன்று கொடியேற்றத்துடன் ஆரம்பமாகியது. இறைவன் உடைய ஜந்து தொழில்களான படைத்தல்ää காத்தல்ää அழித்தல்ää அருளல்ää மறைதல் ஆகியவற்றை விளக்குவதையே இந்த திருவிழாக்கள் குறிக்கின்றது. மற்றும் நித்திய பூசைகளில் நிகழும் குறைகளை நீக்கி ஒரு நிவர்த்தி கிடைக்க இந்த மகோற்சவத் திருவிழாக்கள் நடைபெறுகின்றது என்று சொல்லப்படுகின்றது. பதினொருநாட்கள் விஷேச அபிஷேக ஆராதனைகளுடன் பகல்ää இரவுத் திருவிழாக்களாக நடந்து கொண்டிருக்கின்றன. மகோற்சவத் திருவிழாவில் கடந்த சனிக்கிழமை 26.01.13 அன்று தேர்த்திருவிழா நடைபெற்றது. ஸ்ரீமுருகப் பெருமானின் விஷேச தினமான தைப்பூசத்திலன்று ஞாயிற்றுக்கிழமை 27.01.13 தீர்த்தத் திருவிழாää கொடியிறக்கம்ää மறுநாள் திங்கட்கிழமை 28.01.13 பூங்காவனம் ஸ்ரீ முருகப் பெருமானின் திருக்கல்யாணத்துடன் மகோற்சவத் திருவிழா நிறைவு பெறுகின்றது.

மேலும் வாசிக்க

சந்திரனில் தமிழர்கள் காலடி வைக்க சூப்பர் ஐடியாக்கள்!

.

                                                                                          எழுத்துருவாக்கம்: செ.நிரூபன்

நிலவில் தமிழன் கால் வைக்கும் நாள் வெகு விரைவில் நிகழுமா?

உலகில் வெறும் இரு நூறு ஆண்டுகள் வரலாற்றினை உடைய ஆஸ்திரேலியா இன்று உலகமே வியந்து நோக்கும் வண்ணம் சகல துறைகளிலும் முன்னேறியிருக்கின்றது. அமெரிக்கப் பொருளாதாரத்துடன் போட்டி போடுமளவிற்கு, அமெரிக்க நாணயப் பெறுமதியினை அடிக்கடி முந்தும் அளவிற்கு வேகமாக வளர்ச்சி கண்டு வரும் நாடு தான் ஆஸ்திரேலியா. நம்ம தமிழர்களின் வரலாறு என்ன என்று கேட்டால் நாம் அனைவரும் வாய்ல இருந்து சீத்துவாய் ஊத்தா குறையா "கல் தோன்றி மண் தோன்றா காலத்திற்கு முன் தோன்றிய மூத்த குடி” அப்படீன்னு ஒரு வசனத்தை திரும்ப திரும்ப பேசி, மூவாயிரம் ஆண்டுகள் பழமையான இனம் தமிழினம் அப்படீன்னு சொல்லி எம் பெருமையை நாமே பீத்திக்குவோம்.

ஆனால் வெள்ளைக்காரங்க சொல்லை விட எப்போதும் செயலுக்கு முக்கியத்துவம் கொடுக்கிறாங்க. அதனால எல்லா துறைகளிலும் துரித கதியில் வளர்ச்சி காண்றாங்கோ. மூவாயிரம் ஆண்டுகள் பழமையான ஓர் இனத்தால மூனுக்குப் (நிலாவுக்கு) போக முடியலை எனும் போது வெட்கமா இல்லையா? எம்மை நாமே சுய பரிசோதனை செஞ்சுக்கனுமுங்க. தமிழர்களின் ஒரே பண்பு என்ன தெரியுமா? எதற்குமே ஓர் எல்லை வைப்பது. இத்துப் போன கலாச்சாரப் பண்பிலிருந்து விலக முடியாது இந்த வழியில் தான் நாம வாழ்வோம் என அடம் பிடிப்பது. இந்தப் பண்புகள் உள்ள வரை எந்த ஜென்மத்திலும் தமிழனால முன்னேறவே முடியாதுங்க.

மேலும் வாசிக்க

ஸ்ரீ துர்க்காதேவி தேவஸ்தான அறிவுத் திறன் போட்டி – பரிசளிப்பு நிகழ்ச்சி -02/02/2013

.
சென்ற வருடம் நடைபெற்ற ஸ்ரீ துர்க்காதேவி தேவஸ்தான அறிவுத் திறன் போட்டியில் பரிசில்கள் பெற்ற மாணவர்களுக்கு பரிசளிப்பு நிகழ்ச்சி எதிர்வரும் சனிக்கிழமை 2ம் திகதி மாலை 6 மணிக்கு நடைபெறவிருக்கும் ஸ்ரீ துர்க்காதேவி தேவஸ்தான இராப்போசன விருந்துவில் நடைபெறும் என்பதை ஸ்ரீ துர்க்காதேவி தேவஸ்தான அறிவுத் திறன் போட்டிக் குழு அறியத்தருகின்றார்கள்.  மேலதிக விபரங்களுக்கு திரு. கு கருணாசலதேவாவை  0418 442 674 என்ற இலக்கத்தில் தொடர்பு கொள்ளவும்.

போட்டியில் பங்குபற்றிய சில மாணவர்களளை கீழே காணலாம்

மேலும் வாசிக்க

சொல்லவேண்டிய கதைகள் 1-

.

பொலிஸ்காரன் மகள் -முருகபூபதி

அவுஸ்திரேலியாவுக்கு நான் புலம்பெயர்ந்து செல்வதற்கு பல காரணங்கள் இருந்தன. 1987 ஆம் ஆண்டு பெப்ரவரி மாதம் 06 ஆம் திகதி முற்பகல் விமானம் ஏறும்போது அம்மா பயணம் அனுப்ப வரவில்லை. முதல்நாள் இரவு என்னை அருகில் வைத்துக்கொண்டு அழுதுகொண்டிருந்தார்கள்.
அதற்குமுன்னர் எனது தம்பிமார் மத்தியகிழக்கு நாடுகளுக்கு வேலைநிமித்தம் புறப்பட்டபோது அம்மா அப்படி அழவில்லை. நான் மூத்த மகன். அப்பாவின் மறைவிற்குப்பிறகு குடும்பத்தின் தலைமைப்பொறுப்பை அம்மா எனக்குத்தந்தார்கள். நான் அவர்களின் அருகிலிருந்து கவனிக்கவேண்டிய பல கடமைகள் இருப்பதை நினைவுபடுத்தியவாறே அழுதார்கள்.
அம்மாவுக்கு ஆறுதல் சொன்னேன்.
அம்மா சொன்ன கடமைகளை உலகில் எந்தப்பகுதிக்குச்சென்றாலும் நிறைவேற்றுவேன்  என்று அம்மாவின் கைபற்றி உறுதியளித்தேன். சற்று அமைதியடைந்தார்கள். ஆனால் மறுநாள் அம்மா விமானநிலையம் வரவில்லை.
நண்பர் ராஜஸ்ரீகாந்தன் வந்தார். மனைவியும் மூத்த தம்பி நித்தியானந்தனும் வந்தார்கள். அப்பொழுது எனது மனைவி நிறைமாதக்கர்ப்பிணி. மூன்றாவது பிள்ளையான எனது மகனை சுமந்துகொண்டிருந்தாள். அவளும் அழுதழுது கண்களை சிவப்பாக்கியிருந்தாள்.
அயலில் சிலரது விமர்சனங்கள் அவளை பாதித்திருந்தன.
1984 இல் இந்தியாவுக்குப்போனார்…. புத்தகங்களுடன் வந்தார்.
1985 இல் சோவியத் நாட்டுக்குப்போனார்….புத்தகங்களுடன் வந்தார்.
1987 இல் அவுஸ்திரேலியாவுக்கு புறப்படுகிறார் என்னதான் கொண்டுவருகிறார் பார்ப்போமே…?
எனக்கு பாரதியாரின் மனைவி செல்லம்மாதான் நினைவுக்கு வந்தார்.
விடைபெறும்போது “ புத்தகங்களும் கொண்டு வருவேன்” என்று மனைவியிடம் சொன்னேன்.

மேலும் வாசிக்க

துர்க்கை அம்மன் ஆலய கட்டிட நிதிக்கான இரவு உணவு

.

இலங்கைச் செய்திகள்

வடக்கில் கைதான 44 பேரும் பூஸாவுக்கு மாற்றம்

தமிழ்த் தேசியக் கூட்டமைப்பின் யாழ்.மாவட்ட நாடாளுமன்ற உறுப்பினர் சிவஞானம் சிறீதரனின் பிரத்தியேக செயலாளர்  பொன்காந்தன் என்றழைக்கப்படும் பொன்னம்பலம் இலட்சுமிகாந்தன் கைது

யாழ். பல்கலைக்கழக மாணவர்களில் இருவர் விடுதலை

புனர்வாழ்வு பெற்ற முன்னாள் போராளிகளை கண்காணிக்க யாழில் அலுவலகம் திறப்பு

பன்றி உருவத்தில் அல்லாஹ்வின் பெயரை எழுதி குளியாப்பிட்டியவில் பிக்குகள் ஆர்ப்பாட்டம்

மத்தள விமான நிலையம் மார்ச் மாதம் திறந்து வைக்கப்படும்: பிரியங்கர


ஓய்வூதியத்தையும் இழந்தார் ஷிராணி பண்டாரநாயக்க!

எங்கப்பன் குதிருக்குள் இல்லையென்ற நிலைப்பாடு தொடரக் கூடாது!

மேலும் வாசிக்க

வானொலி மாமா நா. மகேசனின் குறளில் குறும்பு -52 “எள்ளு இருக்கா?”

ஞானா:        அம்மா….என்னம்மா நீங்கள்? முறுக்குச் சுட்டுத் தரச்சொல்லிக் கேட்டனான் எல்லே. இப்ப                கேட்டு ஒரு கிழமையாயய் போச்சு. நீகங்கள் பேசாமல் இருக்கிறியள்.     
    
சுந்தரி:        ஞானா முறுக்குக்கு இப்ப என்ன அவசரம்? ஆறதலாய் நேரங்கிடைக்கேக்கை செய்து தாறன்.

ஞானா:        நான் அம்மா என்னோடை வேலை பாக்கிற வெள்ளைக் காறப் பிள்ளை ஒண்டுக்கு முறுக்கைப்            பற்றிச் சொன்னன். அந்தப் பிள்ளை சாப்பிட்டுப் பாக்க ஆசைப் படுகிதம்மா.           
 
சுந்தரி:        பிள்ளை ஞானா…முந்தநாள் முறுக்குச் சுடுவம் எண்டு ஆயித்தம் செய்தனான். ஆனால் எள்ளு            இருக்கேல்லை…..

ஞானா:        முறுக்குச் சுட எள்ளு என்னத்துக்கு அம்மா? உழுத்தம்மா அல்லாட்டில் கடலைமா இருந்தால்            போதும்தானே.

சுந்தரி:        எடி விசர்ப்பிள்ளை. எள்ளுப் போட்டு முறுக்குச் சுட்டால்தான் ருசியாய் இருக்கும். இந்த எங்கடை            பலகாரஞ் சுடுகிற பக்குவங்களையும் கொஞ்சம் தெரிஞ்சுவையுங்கோ. எங்கடை பலகாரங்கள்             தின்ன நல்ல விருப்பம். ஆனால் செய்யிற பக்குவம் தெரியாது உங்கள்க்கு. உன்ரை அப்பரிட்டை            சொன்னனான் எள்ளு வாங்கியாருங்கோ எண்டு. மனிசன் கடைக்குப் போற நேரமெல்லாம் அதை            மறந்து போகுது.

மேலும் வாசிக்க

தமிழ் சினிமாவை நூற்றாண்டு சிகரத்திற்கு கொண்டு சென்றுள்ளது விஸ்வரூபம்

.

உலக சினிமாவின் தரத்திற்குள் கால் பதித்துள்ள முதலாவது தமிழ் தயாரிப்பு.. தமிழ் திரைப்படங்கள் பற்றி நாம் வெளியான மறு நாளே எழுதும் விமர்சனம் தமது தொழிலை பாதிக்கிறது என்ற கோரிக்கையால் விஸ்வரூபத்திற்கான உண்மை விமர்சனத்தை எழுத பத்து நாட்கள் காத்திருக்க வேண்டிய நிலை ஏற்பட்டது.

ஆனால் விஸ்வரூபத்தைப் பார்த்த பிறகு அதுபற்றி உடனடியாக எழுதாவிட்டால் அதுவும் தொழிலைப் பாதிக்கும் செயலே என்ற உண்மையை அப்படம் ஏற்படுத்திவிட்டது.

இதுவரை டண்டுணக்கா.. டணக்கு ணக்கா என்றிருந்தலே போறும் என்றிருந்த இந்திய தமிழ் சினிமாவை ஒரே இழுவையாக இழுத்து, மலையின் உச்சிக்கு ஏற்றியிருக்கிறார் கமல்.

காதல் பாட்டுக்கள் இல்லை, வில்லனுக்கு மரணமில்லை, கிளைமாக்ஸ் இல்லை, கதாநாயகனுக்கு ஆர்பாட்டமான ஒரு தொடக்கமில்லை, ஆனால் கதிரையைவிட்டு எழும்ப முடியாமல் ரசிகரை ஆசனத்தின் நுனிக்கே கொண்டு வந்துவிடுகிறார்.

பிளாஸ்டிக் பையை விரித்துவிட்டு அதிலேயே நிற்க வைத்து தலையில் ஒரு வெடி, தரையில் சிந்தும் இரத்தத்தை துடைக்கும் அவசியம் இல்லாத கொலை..

சூடு வேண்டி இரத்தம் சரமாரியாக ஓட கிடக்கிறது ஓர் உடலம், அந்த நேரம் அதன் மார்பிற்குள் கிடக்கும் தொலைபேசி அடிக்கிறது, அந்த வைப்பரில் இரத்தம் சரக் கரக்கென அசையும் அசைவு, நுட்பமான வெளிப்பாடு.

ஒவ்வொரு நடிகருடைய முகபாவத்திற்கும் கொடுத்துள்ள கால அவகாசம், கைதேர்ந்த நடிப்புக் கலையை கமேராவிற்குள் கொண்டு வரும் கலை நேர்த்தி.. பொறுமையான படப்பிடிப்பு..

ஆப்கானின் சூழலில் ஒரு திரைப்படத்தை அமெரிக்க உலங்குவானூர்திகளின் தாக்குதல்களோடு படமாக்கிய சிறப்பு இந்திய சினிமாவிற்கே சவால் விட்டிருக்கிறது..

படம் பார்க்கத் தொடங்கிய 15 வது நிமிடமே நம்மை அறியாமலே கமல் பற்றிய பயம் மனதை வாட்டத் தொடங்கிவிட்டது காரணம் ஒரு திரைப்பட இயக்கனருக்கு உயிராபத்தைத் தரும் ஆபத்தான கதைக்கரு.

கமல் கால் வைக்கக்கூடாத இடத்தில் கால் வைத்துவிட்டார் என்ற அச்சத்தை ஏற்படுத்திய கதை, அந்த அச்சத்திலேயே நம்மை வாழ வைத்து, வேறு வழியில்லை இந்தக் குகைக்குள் நுழைந்துவிட்டோம் இதனால் வெளியேறியே ஆக வேண்டும் என்ற நிலைக்குள் நீச்சலடிக்க வைக்கிறது..

கமலுக்கு பைத்தியம் பிடித்துவிட்டது என்று பிரபல சினிமா கலைஞன் பாலு மகேந்திரா சொல்லியிருப்பது முற்றிலும் பொருத்தமானது.

பணம், பெயர், புகழ், அரசியல் செல்வாக்கு, சினிமாவால் முதல்வராகும் மோசமான கனவு எதுவும் இல்லாமல் சினிமாவிற்காக ஒரு வெறியோடு கமல் உழைத்துள்ளார்.

களத்தூர் கண்ணம்மா படத்தில் சிறுவனாக நடிக்க ஆரம்பித்த கமல் ஆப்கான் காபுலில் தனது களத்தூரை வைத்து இந்தச் சாதனையை படைத்திருப்பது பாராட்டப்பட வேண்டியது.

வெறுப்போடு பார்த்தால் இஸ்லாத்திற்கு எதிரான கருத்தாக கருத முடியும், அதுபோல கமலின் கோணத்தில் பார்த்தால் அவருடைய நியாயங்களும் சரியானதாகவே இருக்கிறது.

மேலும் விஸ்வரூபத்தில் காட்டப்படும் காட்சிகள் யாவும் ஏற்கெனவே இணையத்தில் வெளிவந்த காட்சிகளே என்பதையும் மறுக்க முடியாது.

மேலும் வாசிக்க

அவுஸ்திரேலியா மெல்பேணில் கேணல் கிட்டு உட்பட பத்து மாவீரர்களின் நினைவான ”தமிழர் விளையாட்டு விழா 2013” பற்றிய செய்தி

 

வங்கக்கடலில் வீரகாவியமான கேணல் கிட்டு உட்பட பத்து மாவீரர்களின் இருபதாம் ஆண்டு நினைவாக ”தமிழர் விளையாட்டு விழா” அவுஸ்திரேலியாவின் மெல்பேணில் சிறப்பாக நடைபெற்றுள்ளது.

ஆண்டுதோறும் நடைபெற்றுவரும் இந்நிகழ்வு, கடந்த ஞாயிற்றுக்கிழமை 20 - 01 - 2013 அன்று ஞாயிற்றுக்கிழமை காலை 9 மணி தொடக்கம் இரவு 8 மணி வரை வொன்ரோனாவில் ஜேடபிள்யு மான்சன்  றிசேவ் (J.W. Manson Reserve, Wantirna) மைதானத்தில் நடைபெற்றது.

தமிழ் செயற்பாட்டாளர்கள் திரு. விஸ்னு இராஜன் அவர்கள்; அவுஸ்திரேலிய தேசியகொடியையும், திரு சந்திரகுமார் அவர்கள் தமிழீழ தேசியக் கொடியையும் ஏற்றிவைத்தும், மாமனிதர் தில்லை ஜெயக்குமாரின் துணைவியார் திருமதி யோகா ஜெயக்குமாரினால் பொதுச்சுடர் ஏற்றப்பட்டு, அகவணக்கத்தைத் தொடர்ந்து, தமிழர் ஓருங்கிணைப்புக் குழு / நாடுகடந்த தமிழீழ அரசின் பிரதிநிதியுமான திரு டொமினிக் அவர்களின் வரவேற்பு உரையுடன் விழா தொடக்கிவைக்கப்பட்டது. தமிழர் விளையாட்டுவிழாவில் துடுப்பாட்டம், கரப்பந்தாட்டம், உதைபந்தாட்டம், சிறுவர்களுக்கான கள விளையாட்டுக்கள் என பல்வேறு வயதுப்பிரிவினருக்கான போட்டிகள் நடைபெற்றன.  இம்முறை தமிழீழத் தேசிய விளையாட்டான கிளித்தட்டு / தாச்சி விளையாட்டும் இந்நிகழ்வில் அறிமுகப்படுத்தப்பட்டது.

மேலும் வாசிக்க

வெளிவந்துவிட்டது இம்மாத தமிழோசை

.

உலகச் செய்திகள்

.
மியாமியில் விமானங்கள் மோதியது: 600 பயணிகள் அதிர்ஷ்டவசமாக உயிர் தப்பினர்

மக்கள் முன்னிலையில் ஒபாமா பதவி ஏற்பு!

இந்திய உளவாளிகள் பாகிஸ்தானில் கைது!

நோர்வேசிறுவர் காப்பகங்களில் 52 சிறுவர்கள் மீது துஷ்பிரயோகம் : வேலியே பயிரை மேய்ந்த கதை


மக்கள் முன்னிலையில் ஒபாமா பதவி ஏற்பு!

ஜனாதிபதித் தேர்தலில்  இரண்டாவது முறையாக வெற்றி பெற்ற ஒபாமா  வொஷிங்டனில், பொது மக்கள் முன்னிலையில் நேற்று பதவி ஏற்றுக் கொண்டார்.
அமெரிக்க ஜனாதிபதித் தேர்தல் கடந்த ஆண்டு  நவம்பர் மாதம் நடைபெற்றது. இத்தேர்தலில் ஒபாமா இரண்டாவது முறையாக வெற்றி பெற்றார்.

மேலும் வாசிக்க

ரொக்கட் செய்த குற்றம் என்ன? -

.

by noelnadesan

2011 ஆகஸ்ட் மாதம் மெல்பேனின் மேற்குப் பகுதி புற நகரொன்றில் நாயொன்று வீடு புகுந்து நாலு வயதுக் குழந்தையை கடித்துக் கொன்று விட்டது. இந்த பெண் குழந்தையின் குடும்பம் சூடானினில் இருந்து சில வருடங்கள் முன்பாகவே அவுஸ்திரேலியாவிற்கு அகதிகளாக வந்தவர்கள்.

இவர்களின் துன்பத்தில் ஏதோ ஒரு விதத்தில் நான் பங்கேற்க வேண்டியிருந்தது.

எப்படி என கேட்கிறீர்களா?

மிருக வைத்தியம் செய்யும் போது சில இக்கட்டான தருணங்களை சந்திக்க வேண்டியிருந்தது. உணர்வு ரீதியாக விடயங்கைளைப் பார்த்து அதன்படி நடந்து கொள்வது இலகுவானது. தானாகவே மனிதர்கள் இப்படி செயல்ப்படுவதற்காக மூளையின் கீழ்பகுதியில் கம்பியூட்டர் மாதிரி ஏற்கனவே புரோக்கிராம் பண்ணப்பட்டுள்ளது.

இதனால் கண்ணீர் விடுவது, கோபம் கொள்வது போன்ற உணர்வின் வெளிபாடுகள் இலகுவானது. அதே நேரத்தில் விடயங்களை அறிவு பூர்வமாக அணுகுவதற்கான தேவை வரும்போது மூளையின் முன்பகுதி வேலை செய்யவேண்டும். இது சிறிது காலம் கடந்து நடக்கும். அத்துடன் சிலவேளைகளில் பெரும்பாலானவர்கள் நடக்கும் திசைக்கு எதிர்திசையில் தனிமையில் பயணப்பட வேண்டியுள்ளது.
இப்படியான சிக்கலை எப்படி கடந்து போவது ?

மேலும் வாசிக்க

அவுஸ்திரேலியாவில் இருந்து அனைத்துலகை நோக்கி ஒலிபரப்பாகின்றது புரட்சி எப்.எம்.

.

”உலகத் தமிழ் வானொலி வரலாற்றில் ஓர் புதிய புரட்சி!

தமிழ் வானொலி வரலாற்றில் முதலாவது 3D ஒலித் தெளிவுடன் ஓர் தமிழ் வானொலி!

அவுஸ்திரேலியாவில் இருந்து அனைத்துலகை நோக்கி ஒலிபரப்பாகின்றது புரட்சி எப்.எம்.

ஒவ்வோர் நாளும் அவுஸ்திரேலிய நேரம் இரவு 07.30 மணி தொடக்கம் - காலை 09.00 மணி வரை நேரடி நிகழ்ச்சிகளோடு 24 மணி நேரமும், இணையத் தளத்தினூடாகவும், உங்களின் Smart Phone இலும் ஒலித்துக் கொண்டிருக்கிறது உங்கள் புரட்சி எப்.எம்

விபரம் அறிய, http://puradsifm.com/

காணி நிலம் வேண்டும்!-எஸ். கிருஷ்ணமூர்த்தி

.

நான் சிறுவனாக இருந்த காலத்தில் எங்கள் ஊரைச் சேர்ந்த ஒருவர் காலையில் துவிச் சக்கர வண்டியின் பின்னால் பொருட்கள் வைக்கப் பயன்படுத்தப்படும் கரியரில் ஒரு நெடுக்காக மடிக்கப்பட்ட பேப்பர் கட்டுடன் வெள்ளை வேட்டி வெள்ளைச் சட்டை அணிந்து போவார். மதியம் வீடு திரும்புவார. மாலை நேரத்திலும் இதே செற்றப்புடன் செல்வார்.ஆனால் வேட்டி, சட்டை மங்கிய கலராக இருக்கும். சில வேளைகளில் சைக்கிளின் பின்னுக்கிருந்த பேப்பர் கட்டு முன்னுக்குப் போகும். பின்னுக்கு வாழைக்குலையோ, வெங்காயப்பிடியோ, அல்லது செத்தல் மிளகாய் பையோ அந்த அந்த சீசனுக்கு ஏற்ற மாதிரி இருக்கும்.

தினசரி இந்தக் காட்சியைக் காணலாம். சனி, ஞாயிறு மட்டும் இந்த காட்சிக்கு ஓய்வு. இந்தக்காட்சி எண்பதுகள் வரை இடம் பெற்றது. அதற்குப் பிறகு யாழ்குடாவில் சிவில் நிர்வாகத்தின் செயற்பாடுகள் முடங்கிப் போனதால் இதுவும் இல்லாமல் போய்விட்டது. இவரின் முழு நேரத் தொழில் நீதிமன்றம் செல்வது. ஆனால் இவர் வழக்கறிஞரோ, நீதிமன்ற ஊழியரோ கிடையாது. இவருக்கு மல்லாகம் நீதி மன்றத்தில் எல்லா நாட்களும் காணி வழக்கு இருக்கும், அப்படி வழக்கு இல்லாவிட்டாலும் ஏனைய வழக்கைப் புதினம் பார்க்கப் போவார். அதனால் காலையில் உறுதிக் கட்டுடன் (காணிப் பத்திரம்) நீதிமன்றம் போவார். மாலையில் வக்கீல் வீட்டுக்குக் காணி உறுதியுடனும் அன்பளிப்புப் பொருட்களுடனும் போவார். இவருக்கு இது பிடித்த தொழிலா? பிடித்த பொழுது போக்கா என என்னால் அனுமானிக்க முடியவில்லை.

மேலும் வாசிக்க

டாக்டர் எம் எஸ் உதயமூர்த்தி – மண்ணின் மீது பற்றுள்ளவர்

.

இந்தியாவில் பிறந்து அமெரிக்காவில் படித்து அங்கேயே நிலைத்து விட்டவர்கள் அப்படி நிலைக்க ஆசைப்படுபவர்கள் லட்சக்கணக்கில் இருக்கிறார்கள். ஆனால் அங்கேயிருந்து திரும்பி வந்து எதாவது செய்ய வேண்டும் தான் பிறந்த நாட்டுக்கு என்று எண்ணி செய்ய முயன்றவர்கள் மிகக் குறைவு. நூற்றுக்கணக்கிலாவது இருப்பது சந்தேகம். 30, 40 வருடங்களுக்கு முன் சுய முன்னேற்ற நூல் எழுதியவர்கள் இருவரே ஒருவர் தமிழ்வாணன் மற்றொருவர் டாக்டர் எம் எஸ் உதயமூர்த்தி. ‘நெஞ்சமே அஞ்சாதே நீ, சிந்தனை தொழில் செல்வம், உன்னால் முடியும் தம்பி ஆகிய நூல்கள் அதில் குறிப்பிடத்தகுந்தவை.

சுய முன்னேற்ற நூல்கள் மனதில் ஒரு வெறுமையை விட்டுச் செல்கின்றன. ஏனெனில் அவை சிக்கலில் இருப்பவருக்குப் பொருந்தாத பொதுப்படையான தீர்வுகளைக் கூறுகின்றன. நிதர்சனத்தை ஏற்று போராடும் குணமும், உண்மையான நலம் விரும்பி ஒருவரேனும் அமைந்தால் ஒருவருக்கு இந்த நூல்கள் தேவையில்லை. இருந்தாலும் இத்தகைய நூல்கள் சோர்வுற்ற மனத்திற்கு ஒரு முதலுதவி போல் அமைகின்றன.

மேலும் வாசிக்க

ஆகச் சிறந்த பிழை -- அ.முத்துலிங்கம்

.                    

என்னுடைய பிரச்சினைகளுக்கெல்லாம் தொடக்கம் ஒரு பழமொழிதான். என்னுடைய ஐயாதான் இந்தப் பழமொழியை கண்டு பிடித்திருக்கவேண்டும். ‘நாங்கள் காலையில் எழுவதை சூரியன் பார்க்கக் கூடாது. சூரியன் எழுவதை நாங்கள் பார்க்கவேண்டும்.’ ஆகவே  அதிகாலையிலேயே உருட்டி உருட்டி நாங்கள் எழுப்பிவிடப்படுவோம். சாதாரண நாளிலேயே இப்படி என்றால் பொங்கல் நாள் பற்றி நினைத்தும் பார்க்க முடியாது. சூரியன் பூமியின் மற்றப் பக்கத்தில் நிற்கும்போதே நாங்கள் எழும்பியாகவேண்டும். புதுப்பானை, புது அடுப்பு, புதுநெல் என எல்லாமே முறைப்படி செய்யப்படும். சூரியன் உதயமாகும்போது கிழக்கு பக்கமாக பால் பொங்கி வழிந்து பொங்கல் தயாராகும். இப்படி சிறுவயதில் ஆரம்பித்த பொங்கல் என்னுடன் பல நாடுகளுக்கும் பயணித்தது.

ஆப்பிரிக்கா என்னை பெரிய அளவுக்கு அலுப்பூட்டவில்லை. அங்கே வாழ்ந்த அத்தனை வருடங்களும் பொங்கல் கொண்டாடினோம். அதிகாலையில் வீட்டின் வெளியே மூன்று கல்வைத்து புதுப்பானையில் கிழக்கு பக்கமாக பால் பொங்கி வழிய பொங்கல் செய்தோம். ஆப்பிரிக்க சிறுவர் சிறுமியர் பள்ளிக்கு ஊத்தை கலர் சீருடை அணிந்து செல்லும்போது வழியில் தங்கள் வேலையை மறந்து எங்களை சூழ்ந்துகொள்வார்கள். இவர்களுக்காகவே நிறைய சர்க்கரைபோட்டு சமைத்த பொங்கலை கையிலே வாங்கி சுவைத்தபடி மறுகையில் புத்தகப்பையை சுழற்றிக்கொண்டு இருபது நிமிடம் லேட்டாக புறப்படுவார்கள். கூரான தோள்மூட்டுச் சிறுமி இரண்டு கைகளிலும் பொங்கல் வாங்கிக்கொண்டு வீட்டுக்கு ஓடுவாள். பொங்கல் முக்கியமா, பாடம் முக்கியமா என்பதில் அவளுக்கு ஒருவித சந்தேகமும் கிடையாது.

மேலும் வாசிக்க

தமிழ் சினிமா

கண்ணா லட்டு தின்ன ஆசையா

பாக்யராஜ் இயக்கிய ‘இன்று போய் நாளை வா’ என்ற பழைய படத்தின் கதைதான் என்றாலும், திரைக்கதையை இன்றைய ரசிகர்களுக்கு ஏற்ற மாதிரி மாற்றி வயிறு குலுங்க சிரிக்க வைத்திருக்கிறார் இயக்குனர் மணிகண்டன்.

சந்தானம், பவர் ஸ்டார், சேது என்று மூன்று இளைஞர்களும் எதிர் வீட்டுக்கு குடிவரும் விசாகாவை ஒருதலையாக காதலிக்கிறார்கள். விசாகா ஒருவரைக் காதலித்தால் மற்றொருவர் விலகிக் கொள்ளவேண்டும் என்ற நிபந்தனையின் பேரில் மூவரும் தனித்தனியாக அவளை அணுகுகிறார்கள். நாயகியை கவர்வதற்காக பழைய படத்தில் மூன்று பேரும் நாயகியின் அம்மா, அப்பா, தாத்தா மூலம் விதவிதமான டெக்னிக்குகளைக் கையாள்வது போலவே, இந்தப் படத்திலும். ஆனால் ஒரிஜினல் படத்தில் இருந்த உயிர்ப்புடன் கூடிய நகைச்சுவை இந்தப் படத்தில் மிஸ்ஸிங். விசாகாவை கவர்வதற்காக, அவருடைய அப்பா, சித்தப்பா, சின்னம்மா என்று ஓவ்வொருவரையும் மூவரும் ஐஸ் வைக்கிறார்கள். இறுதியில், விசாகா யாரை காதலிச்சார்? முடிவு என்ன ஆச்சு? என்பதை வயிறு குலுங்க சிரிக்க வைத்து சொல்லியிருக்கிறார்கள். படத்தோட மிகப்பெரும் பலமே பவர்ஸ்டார்தான். பவர்ஸ்டார் நிஜவாழ்க்கையில் அடிக்கும் லூட்டிகளை வசனங்களாக போட்டு தாக்குகிறார் சந்தானம். சீனிவாசன் அழுகிற போஸை படமெடுத்து அவரிடமே காட்டுவார் சந்தானம். அவர் இன்னும் அழுதபடி, 'நல்லால்ல' என்று சொல்ல.. 'தெரியுதுல்ல' என்பார். இப்படி படம் முழுக்க சந்தானம் தன் பெஸ்ட் ஒன் லைனர்களை அள்ளிவிட்டுக் கொண்டே இருக்கிறார். பவர் ஸ்டார் படத்தில் ஸ்கோர் செய்யும் காட்சிகள் ஏராளம். ‘அழகுமலர் ஆட’ பாடலுக்கு நடனம் ஆடுவது, தனது அல்லக்கைகளின் பாராட்டுதல்களுடன் நடனப் பயிற்சி மேற்கொள்வது என்று அசத்துகிறார். "என் கிட்ட இல்லாததது சிம்புகிட்ட என்னமா இருக்கு" என்று பவர்ஸ்டார் பேசும் வசனங்கள் ரசிகர்களை சிரிக்க வைக்கிறது. சந்தானம் இந்த படத்தின் தயாரிப்பாளராக இருந்தாலும், தன்னை மட்டுமே முன்னிறுத்தாமல் மற்றவர்களுக்கும் சமவாய்ப்பு கொடுத்திருக்கிறார். சினிமாவில் சம்பாதித்த பணத்தை சினிமாவிலேயே முதலீடு செய்ய நினைக்கும் இவருடைய இந்த முயற்சி அவருக்கு வெற்றியையேக் கொடுத்துள்ளது. இந்த படத்தின் மூலம் புதுமுகமாக அறிமுகமாகியிருக்கும் சேதுவுக்கு ஓரளவு நடிப்புக்கு வாய்ப்பு கிடைத்திருக்கிறது. அழகான கதாநாயகி விசாகா நன்றாகவும் நடித்திருக்கிறார். சங்கீத வித்வானாக வரும் வி.டி.வி. கணேஷ், தனது குரல் கெட்டதற்கான காரணம் சொல்வது அடக்கமுடியாத சிரிப்பு. கோவை சரளா, டான்ஸ் மாஸ்டர் சிவசங்கர், தேவதர்ஷினி ஆகியோரும் கொமெடியில் நம் வயிரை பதம் பார்த்திருக்கின்றனர். படத்தின் ஆரம்பக் காட்சி முதல் கடைசி காட்சி வரை கொமெடியை விடாமல் பிடித்துக் கொண்டு சென்றுள்ளார் இயக்குனர். பழைய படத்தோடு ஒப்பிட்டு பார்க்காமல் புதிய படமாக பார்த்தால் வயிறு குலுங்க சிரிக்கலாம். தமன் இசையில் அனைத்து பாடல்களும் ஓ.கே. ரகம். பாலசுப்பிரமணியத்தின் ஒளிப்பதிவு காட்சிகளுக்கு வேகமும், படத்திற்கு உத்வேகத்தையும் கொடுத்திருக்கிறது. மொத்தத்தில் லட்டு தின்ற திருப்தியுடன் படம் நிறைவடைகிறது.

நன்றி விடுப்பு விஸ்வரூபத்துக்கு எதிர்ப்பு-"கலாச்சார பயங்கரவாதம்": கமல் நடிகர் கமல்ஹாசன் பண்பாட்டு பயங்கரவாதத்திற்கு முற்றுப் புள்ளிவைக்க வேண்டியது அவசியம் என்றும் தனது விஸ்வரூபம் திரைப்படத்தினை வெளியிடுவதில் உள்ள சிக்கல்களை சட்டபூர்வமாக எதிர்கொள்ளவிருப்பதாகவும் கூறியிருக்கிறார். இஸ்லாமியர்களை விஸ்வரூபம் திரைப்படம் பயங்கரவாதிகளாக சித்தரிப்பதாகக் குறைகூறி அதற்குத் தடைவிதிக்க வேண்டுமென்று கோரி பல்வேறு முஸ்லீம் அமைப்புக்கள் ஆர்ப்பாட்டத்தில் இறங்கவிருப்பதாக அறிவித்ததன் பின்னணியில், தமிழக அரசு, சட்டம் ஒழுங்கினைக் காரணம் காட்டி, நாளை வெள்ளியன்று(25.1.13) வெளியாகவிருந்த அத்திரைப்படத்திற்கு இருவாரத்தடை விதித்திருக்கிறது. தற்போது வெளிநாட்டில் இருக்கும் கமல்ஹாசன், இணையதளத்தில் வெளியிட்டிருக்கும் அறிக்கையொன்றில், தான் முஸ்லீம்களுக்கெதிரானவன் என்பது போல அரசியல் காரணங்களுக்காகத் தன்னை சில சிறிய அமைப்புக்கள் சித்தரிக்க முயல்வதாகவும் அது தனக்கு மிகுந்த மனவருத்தத்தினைத் தருவதாகவும், கூறியிருக்கிறார். தொழில்ரீதியான வரம்புகளைக் கடந்து எப்போதுமே தான் நாகரிகத்திற்காகவும், மனிதாபிமானத்திற்காகவும் குரல்கொடுத்து வந்திருப்பதாகவும், இந்து முஸ்லீம் நல்லிணக்கத்திற்காகவே உருவாக்கப்பட்ட ஹார்மனி இந்தியா என்ற அமைப்பில் உறுப்பினராயிருக்கும் தான் முஸ்லீம்களை அவமானப்படுத்தும்வகையில் படமெடுத்திருப்பதாகக் கூறுவது தன்னை அவமதிப்பதாகும் என்கிறார் கமல். சமூகத்தில் பிரபலமானவர்களைத் தாக்குவது கூட பிரபலமாகும் வழிதானே என்கிறார் அவர். நடுநிலை தேசபக்த முஸ்லீம்கள் அனைவரும் தனது திரைப்படத்தைப் பார்த்து பெருமை கொள்வர், அவ்வாறு அவர்களைப் பெருமைப்படுத்தும் வகையிலேயே விஸ்வரூபம் உருவாக்கப்பட்டிருக்கிறது என்றும் வலியுறுத்துகிறார் கமல்.      நன்றி வீரகேசரி  விஸ்வரூபம் திரைப்படத்திற்கு எதிராக மருதானை சினிசிட்டி திரையரங்கம் முற்றுகை    முஸ்லிம்களையும் இஸ்லாத்தையும் கொச்சைப்படுத்தும் விதமாய் நடிகர் கமல்ஹாசன் தயாரித்து நடித்திருப்பதாகக் கூறிவிஸ்வரூபம் திரைப்படத்தை கண்டித்து எதிர்வரும் வெள்ளிக்கிழமை ஜும்மா தொழுகையைத் தொடர்ந்து கொழும்பு மருதானை சினிசிட்டி திரையரங்கை முற்றுகையிடுவதாக ஸ்ரீ லங்கா தவ்ஹீத் ஜமாத் முடிவெடுத்துள்ளது. இது தொடர்பாக ஸ்ரீலங்கா தவ்ஹீத் ஜமாத் வெளியிட்டுள்ள அறிக்கை வருமாறு, தொடர்ச்சியாக சினிமாக்கள் மூலம் முஸ்லிம்களின் உணர்வுகளைப் புண்படுத்தும் விதமான கருத்துக்களை வெளியிட்டு வரும் கமல்ஹாசன் இம்முறையும் விஸ்வரூபம் திரைப்படம் மூலமாக தனது இஸ்லாமிய எதிர்ப்புத் துவேசத்தைக் காட்டுவதின் மூலம் முஸ்லிம்களை தீவிரவாதிகளாகவும், ஒழுக்கம் கெட்டவர்களாகவும், சித்தரித்துள்ளதுடன் முஸ்லிம்கள் புனிதமாக கருதும் திருமறைக் குர்ஆனையும் கொச்சைப்படுத்தி இத் திரைப்படத்தை தயாரித்துள்ளார். 21ம் தேதி திங்கள் கிழமை தமிழ்நாட்டில் இயங்கும் இஸ்லாமிய அமைப்புகளுக்கு இத்திரைப்படம் திரையிட்டுக் காட்டப்பட்டது. விஸ்வரூபம் திரைப்படத்தின் காட்சிகள் தமிழ் சினிமா வரலாற்றில் இது வரைக்கும் எந்தத் திரைப்படத்திலும் இல்லாத அளவு இஸ்லாத்தையும், முஸ்லிம்களும் கொச்சைப்படுத்தி எடுக்கப்பட்டுள்ளதாக தமிழகத்தின் பலம் மிகு இஸ்லாமிய அமைப்பான தமிழ்நாடு தவ்ஹீத் ஜமாத் அறிவித்துள்ளதுடன், இந்தியாவில் எந்தவொரு திரையரங்கிளும் இத்திரைப்படத்தை ஓட விடமாட்டோம் என்றும் அறிவித்துள்ளது. இலங்கையிலும் இத்திரைப்படத்தை வெளியிட அனுமதிக்கக் கூடாது என்று ஸ்ரீ லங்கா தவ்ஹீத் ஜமாத் சார்பில் இலங்கை திரைப்பட வெளியீட்டுக் கூட்டுத்தாபனத்திற்கு வேண்டுகோள் விடுக்கப்பட்டதுடன், ஜனாதிபதி மற்றும் அமைச்சர் கெஹலிய ரம்புக்வெல்ல ஆகியோருக்கும் இத்திரைப்படத்தை தடை செய்யும்படி கோரிக்கை விடுத்து கடிதம் அனுப்பப்பட்டது குறிப்பிடத்தக்கது. எதிர்வரும் 25ம் திகதி விஸ்வரூபம் திரைப்படம் உலகம் முழுவதும் வெளியாவதாக அறிவிக்கப்பட்டுள்ள இவ்வேளையில் இலங்கையில் கொழும்பு மருதானை சினிசிட்டி திரையரங்கிலும் இத்திரைப்படம் திரையிடப்படுவதாக அறிவிக்கப்பட்டுள்ளது. இந்நிலையில் எதிர்வரும் வெள்ளிக்கிழமை(25-01-2013) ஜும்மா தொழுகையைத் தொடர்ந்து ஸ்ரீ லங்கா தவ்ஹீத் ஜமாத் சார்பாக சினிசிட்டி திரையரங்கை முற்றுகையிடுவதாக இன்று நடந்த ஜமாத்தின் தலைமை நிர்வாக கூட்டத்தில் முடிவெடுக்கப்பட்டுள்ளது. நன்றி வீரகேசரி       விஸ்வரூபம் படத்தினை வெளியிடத் தடை : தௌஹீத் ஜமாஅத்  கமல் ஹாசன் தயாரித்து இயக்கி நடித்திருக்கும் விஸ்வரூபம் திரைப்படத்திற்கு தமிழக அரசினால் 15 நாட்களுக்கு வெளியிடத் தடை விதிக்கப்பட்டுள்ளது என இலங்கை தௌஹீத் ஜமாஅத் தலைவர் ரஸ்மின் மௌலவி வீரகேசரி இணையத்தளத்திற்கு தெரிவித்தார். விஸ்வரூபம் படத்தினை பார்த்த தௌஹீத் ஜமாத் அமைப்பினர் படத்தின் பெரும் பகுதி முஸ்லிம்களை இழிவுபடுத்தும் வகையில் அமைந்துள்ளது என உள்துறை செயலாளர் மற்றும் ஆணையாளரை நேரில் சந்திந்து வலியுறுத்தியுள்ளனர். இதனையடுத்து சற்று முன்பு விஸ்வரூபம் படத்திற்கு தமிழக அரசு தடை உத்தரவு பிறப்பித்துள்ளது. இது குறித்து இலங்கை தௌஹீத் ஜமாஅத் தலைவர் ரஸ்மின் மௌலவி வீரகேசரி இணையத்தளத்திற்கு கருத்து தெரிவிக்கையில், இன்று மதியம் 1.30 மணியளவில் தமிழ்நாடு தௌஹீத் ஜமாஅத் மாநிலப் பொதுச் செயலாளர் கோவை ரஹ்மத்துல்லாஹ், மாநிலச் செயலாளர் யூசுப், மாநிலச் செயலாளர் எக்மோர் சாதிக் ஆகிய நிர்வாகிகள் தமிழக உள்துறை செயலாளர் மற்றும் ஆணையாளர் ஆகியோரை நேரில் சந்தித்து விஸ்வரூபம் திரைப்படத்தை தடை செய்யக்கோரி நேரில் வலியுறுத்தினர். இத்திரைப்படம் முஸ்லிம்களை இழிவுபடுத்தும் விதமாக எடுக்கப்பட்டுள்ளது என்று வந்த செய்திகளைத் தொடர்ந்து முஸ்லிம் அமைப்புகளின் தலைவர்களுக்கு கமல்ஹாசன் இந்த திரைப்படத்தை திரையிட்டுக் காட்டினார். இந்திய வரலாற்றிலேயே இது போன்ற ஒரு திரைப்படம் இஸ்லாமியர்களை இழிவுபடுத்தி இதுவரை எடுக்கப்படவில்லை என்பதைத் தொடர்ந்து இந்தப்படத்தை வெளியிட்டால் மாபெரும் சட்டம் ஒழுங்குப் பிரச்சினை ஏற்படும் என்பதால் மத்திய அரசும் மாநில அரசும் இப்படத்திற்கு முற்றாகத் தடை விதிக்க வேண்டும். அவ்வாறின்றி இப்படம் வெளியாகுமேயானால், அப்படம் தமிழகத்தில் எந்தத் தியேட்டரிலும் வெளியிட விடமாட்டோம் என்று தமிழ்நாடு தௌஹீத் ஜமாஅத் அறிவிப்பு செய்தது. சிலர் இந்த திரைப்படம் வெளியிட்டால் சமூக நல்லிணக்கம் கெடும் என்று சொல்லி வந்தனர். ஆனால் இந்த திரைப்படத்தை வெளியிடுவதால் இந்துக்களுக்கும் முஸ்லிம்களுக்கும் மத்தியில் சமூக நல்லிணக்கம் கெடும் என்பதைவிட சட்டம் ஒழுங்கு பிரச்சனை வரும் என்பதுதான் பிரதான விடயம் என்பதையும், எவ்வளவுதான் ஜனநாய ரீதியாக போராட்டங்களை நடத்தினாலும் சிலர் உணர்ச்சி வசப்பட்டு செய்யும் செயல்களால் சட்டம் ஒழுங்கு பிரச்சனை ஏற்பட்டுவிடக்கூடாது என்பதைத்தான் அராசங்கம் கவனத்தில் கொண்டு நடவடிக்கை எடுக்க வேண்டும் என்பதையும் நமது நிர்வாகிகள் உள்துறை செயலாளர் மற்றும் ஆணையாளரிடரித்தில் விளக்கினர். உள்துறைச் செயலாளர் மற்றும் ஆணையாளர் மற்றும் உயர்அதிகாரிகள் மிகுந்த கவனத்துடன் நமது வாதங்களைக் கேட்டனர். சட்டம் ஒழுங்கு பாதிக்கப்படக்கூடாது என்பதில் அதிகாரிகளுக்கு அதிக அக்கரை இருந்ததை இந்த சந்திப்பின்போது உணர முடிந்தது. இதைத் தொடர்ந்து தமிழகத்தில் விஸ்வரூபம் திரைப்படம் தடை செய்யப்பட்டுள்ளது. ஆனால் தணிக்கைக் குழுவினால் சான்றிதழ் வழங்கப்பட்டுள்ள நிலையில் தடை என்பது சாத்தியமாகுமா என்பது தொடர்பில் நீதிமன்றமே முடிவு செய்யவேண்டும். அத்துடன் மீண்டும் படத்தினை தணிக்கை குழுவிற்கும் அனுப்பும் நடவடிக்கைளும் எடுக்கப்பட்டுள்ளதாக அங்கிருந்து எமது அமைப்பினூடாக அறியக் கூடியதாக உள்ளது. மேலும் உண்மையில் படத்தின் அதிக காட்சிகள் முஸ்லிம்களை கொச்சைப்படுத்துவதாவே உள்ளது எனவும் அவ்வாறான காட்சிகளை நீக்கினால் படமே இல்லை எனவும் படத்தை பார்த்த எமது அமைப்பினர் தெரிவிக்கின்றனர். இதுமட்டுமின்றி இலங்கையிலும் விஸ்வரூபம் திரைப்படத்தினை தடை விதிக்க நாங்கள் முயற்சிகளை மேற்கொண்டு வருகின்றோம். இதன் ஒரு கட்டமாக எதிர்வரும் வெள்ளிக்கிழமை பாரிய ஆர்ப்பட்டமொன்றிற்கு ஏற்பாடு செய்துள்ளோம் என்றார்.    நன்றி வீரகேசரி  விஸ்வரூபம் மீதான தடை நீக்கம் தமிழக அரசினால் நேற்று விஸ்வரூபம் திரைப்படம் மீது விதிக்கப்பட்டிருந்த தடையை நீக்கி சென்னை உயர் நீதிமன்றம் சற்றுமுன்னர் தீர்ப்பளித்துள்ளதாக இந்தியத் தகவல்கள் தெரிவிக்கின்றன. முஸ்லிம் தலைவர்களின் பலத்த எதிர்ப்பின் காரணமாக தமிழக அரசினால் 15 நாட்கள் தடை செய்யப்பட்டிருந்த விஸ்வரூபம் திரைப்படத்தின் மீதான தடையை சென்னை உயர் நீதிமன்றம் சற்று முன்னர் மீளப்பெற்றுள்ளதாக இந்திய ஊடகங்கள் உத்தியோகபூர்வமற்ற தகவல்களை வெளியிட்டுள்ளது. குறித்த படி எதிர்வரும் 25ஆம் திகதி இலங்கை தவிர்ந்த ஏனைய உலக நாடுகளில் விஸ்வரூபம் வெளியிடப்படும் என தற்போது தெரிவிக்கப்படுகிறது. (இணைப்பு 2) தற்போதைய உத்தியோகபூர்வ அறிவித்தல்களின் படி 28ஆம் திகதி வரையில் விஸ்வரூபம் திரைப்படத்தினை தமிழகத்தில் திரையிட முடியாது என சென்னை உயர் நீதிமன்றம் தீர்ப்பு வழங்கியுள்ளதாக இந்திய ஊடகங்கள் உறுதிப்படுத்தியுள்ளது. இதேவேளை இலங்கையில் காலவரையின்றி இப்படத்திற்கு இடைக்கால தடைவிதிக்கப்பட்டுள்ளது. ஆனால் இப்படத்தின் தெலுங்கு பதிப்பு நாளை உலகம் முழுவதும் வெளியாகலாம் ஏனெனில் அப்பதிப்புக்கு எதுவிதமான தடைகளும் இல்லை என்பது குறிப்பிடத்தக்கது.    நன்றி வீரகேசரி கமல்ஹாசன் நடித்த விஸ்வரூபம் படத்துக்கு தமிழக அரசு திடீர் தடை சென்னை: கமல்ஹாசன் நடித்த விஸ்வரூபம் படம் நாளை தமிழகம் முழுவதும் வெளியாக இருந்தது. இந்நிலையில், விஸ்வரூபம் படத்தில் முஸ்லிம்களுக்கு எதிராக காட்சிகள் இடம் பெற்றுள்ளது. அதனால், அந்த படத்தை வெளியிட கூடாது என்று முஸ்லிம் அமைப்புகள் எதிர்ப்பு தெரிவித்து வந்தன. இதை தொடர்ந்து விஸ்வரூபம் படத்தை முஸ்லிம் அமைப்புகளுக்கு கமல்ஹாசன் போட்டு காட்டினார். படத்தை பார்த்த அமைப்பினர் முழுமையாக முஸ்லிம்களுக்கு எதிராக படம் எடுக்கப்பட்டிருக்கிறது. அதனால், விஸ்வரூபம் படத்தை திரையிட அனுமதிக்கக்கூடாது என்று வலியுறுத்தினர். மேலும் விஸ்வரூபம் படம் மிலாதுநபி விழாவான 25ம் தேதி திரையிடப் படுகிறது. இது முஸ்லிம் களை வருத்தமடைய செய்துள்ளது. அதனால், அன்றைய தினம் விஸ்வரூபம் படத்தை திரையிட்டால் எதிர்ப்பு தெரிவிப்போம் என்றும் முஸ்லிம் அமைப்புகள் தெரிவித்தன. இதுதொடர்பாக தமிழக போலீஸ் டிஜிபி மற்றும் உள்துறை செயலாளரை சந்தித்து நடிகர் கமல்ஹாசன் விளக்கம் அளித்தார். மேலும் சில முஸ்லிம் அமைப்புகள் உள்துறை செயலாளர் ராஜ கோபாலை சந்தித்து புகார் மனு கொடுத்தன. அந்த மனு மீது விசாரணை நடத்தும்படி டிஜிபிக்கு உள்துறை செயலாளர் ராஜகோபால் உத்தரவு பிறப்பித்தார். இந்த உத்தரவை தொடர்ந்து மாவட்ட எஸ்பிகளிடம் டிஜிபி விளக்கம் கேட்டார். மாவட்ட எஸ்பிகளும், விஸ்வரூபம் படத்தை வெளியிட்டால் சட்டம் ஒழுங்கு பிரச்னை ஏற்படும். அதனால், படத்தை அடுத்த 15 நாட்களுக்கு திரையரங்கில் வெளி யிட அனுமதிக்க வேண்டாம் என்று மாவட்ட கலெக்டர்களுக்கு அறிக்கை கொடுத்தனர். இதைதொடர்ந்து திரையரங்கில் அடுத்த 15 நாட்களுக்கு விஸ்வரூபம் படத்தை வெளியிட வேண்டாம். அந்த படத்திற்கு தடை விதிக்கப்பட்டிருக்கிறது என திரையரங்க உரிமையாளர்களுக்கு மாவட்ட கலெக்டர்கள் சார்பில் நேற்று அறிக்கை அனுப்பப்பட்டது. கமல் அலுவலகம் முற்றுகை: முன்னதாக, தேசிய லீக் கட்சி தொண்டர்கள் ஆழ்வார்பேட்டையில் உள்ள நடிகர் கமல்ஹாசன் அலுவலகத்தை நேற்று முற்றுகையிட்டு விஸ்வரூபம் படத்தை வெளியிடக்கூடாது என கோஷமிட்டனர். சம்பவ இடத்துக்கு வந்த போலீசார் முற்றுகையிட்ட 30 பேரை கைது செய்தனர். நன்றி தேனீ    இறுதி நேரத்தில் கமலுக்கு கைநழுவிய ‘பத்மபூஷணம்’ விஸ்வரூபம் படத்தினால் நடிகர் கமலஹாசனுக்கு கிடைக்க விருந்த ‘பத்மபூஷண்’ விருது இறுதி நேரத்தில் கைநழுவி விட்டதாக கூறப்படுகிறது. பத்மபூஷண் விருதுக்கு தகுதியுடையவர்களின் பெயர்ப்பட்டியலில் கமலஹாசனின் பெயரும் இடம்பெற்றிருந்ததாகவும் ஆயினும் அவரின் விஸ்வரூபம் படம் தொடர்பாக ஏற்பட்ட சர்ச்சையினால் கடைசித் தருணத்தில் இந்திய அரசாங்கம் அவரின் பெயரை நீக்கிவிட்டதாகவும் ஊகங்கள் எழுந்திருப்பதாக டெக்கான் குரோனிக்கல் பத்திரிகை நேற்று சனிக்கிழமை தெரிவித்தது. விஸ்வரூபம் படத்திலுள்ள சில காட்சிகளுக்கு சிறுபான்மை சமூகங்களிடமிருந்து ஆட்சேபனை எழுப்பப்பட்டதையடுத்து அப்படத்திற்கு தமிழக அரசாங்கம் இடைக்காலத் தடை விதித்தது. அதனைத் தொடர்ந்து அண்டைய மாநிலங்காளன கர்நாடகாவின் பெங்களூரிலும் ஆந்திராவின் ஹைதராபாத்திலும் அப்படம் திரையிடப்படுவதற்கு தடைவிதிக்கப்பட்டது. இலங்கையிலும் தடைவிதிக்கப்பட்ட போதிலும் கேரளத்தில் அப்படம் சுமார் 85 திரையரங்குகளில் வெள்ளிக்கிழமை திரையிடப்பட்டது. அப்படத்திற்கு தணிக்கைச்  சபை அங்கீகாரம் வழங்கியிருந்தது. பத்ம பூஷண் விருதுக்கு தெரிவு செய்யப்பட்டோர் பெயர் விபரம் வெள்ளிக்கிழமை உத்தியோகபூர்வமாக அறிவிக்கப்பட்டது. அதற்கு முதல் நாள் வரை கமலஹாசனின் பெயரும் அதில் இடம் பெற்றிருந்ததாக தகவலறிந்த வட்டாரங்கள் தெரிவித்தன. உள்துறை அமைச்சின் உயர் அதிகாரிகள் கருத்து தெரிவிக்க மறுத்து விட்ட போதும் விருதுகளை அறிவிப்பதற்கு வெள்ளிக்கிழமை வரை தாமதம் ஏற்பட்டதாக வட்டாரங்கள் கூறுகின்றன. கர்நாடகம், ஆந்திராவில் விஸ்வரூபம் வெளியிடப்படுவதற்கு தடை விதிக்கப்பட்டதையடுத்து கமல்ஹாசனை கௌரவிப்பதா இல்லையா என்பது தொடர்பாக முடிவெடுக்க முடியாமல் இருந்த காரணத்தினாலேயே பத்ம பூஷனி விருதுகள் தொடர்பாக உத்தியோகபூர்வமாக அறிவிக்க தாமதம் ஏற்பட்டதாக அந்த வட்டாரங்கள் தெரிவித்தன. கமலஹாசன் ஏற்கனவே பத்மஸ்ரீ விருதைப் பெற்றுள்ளார். அத்துடன் சிறந்த நடிகருக்கான தேசிய விருதுகள் பலவற்றையும் அவர் வென்றெடுத்தவர். இந்த விருடம் பத்ம பூஷண் விருதுக்காக தெரிவு செய்யப்பட்ட 24 பேரில் 8 பேர் கலைத்துறையைச் சேர்ந்தவர்களாவர். ராஜேஷ் கண்ணா, ஷர்மிளா தாகூர் ஆகிய நடிகர்களுக்கும் இந்த விருது கிடைத்திருக்கிறது. பத்மபூஷண் விருதுக்காக கமலஹாசனின் பெயரை தமிழக அது பரிந்துரைத்திருந்த போதிலும் இறுதித் தருணத்தில் அவரின் பெயரை நீக்கிவிட மத்திய அரசு முடிவு செய்துவிட்டதாக கூறப்படுகிறது.  நன்றி தினக்குரல்        சிட்னியில் விஸ்வரூபம் வெளியிடப்படுகின்றது