அவுஸ்திரேலிய தமிழ் ஒலிபரப்புக் கூட்டுத் தாபனத்தின் நத்தார் இரவு ஒன்றுகூடல்

.

அவுஸ்திரேலிய தமிழ் ஒலிபரப்புக் கூட்டுத் தாபனத்தின் நத்தார் இரவு ஒன்றுகூடல் நிகழ்வு சனிக்கிழமை இரவு ATBC யில் பணிபுரிபவர்களின் ஒன்று கூடலாக சனிக்கிழமை இரவு இடம் பெற்றது. மெல்லிசைப் பாடல் நிகழ்வு, பாட்டுக்குப் பாட்டு , நடன நிகழ்வு என வேடிக்கை நிகழ்வாக இருந்தது. குறிப்பாக உடை அலங்காரப்  போட்டி ஆண் , பெண் என்ற இரு போட்டியாக நடைபெற்றது , அது மிகவும் வேடிக்கையாக நடந்தது. தலைமை நிர்வாகியும்  மூத்த அறிவிப்பாளருமான திரு வைத்திலிங்கம் ஈழலிங்கம் அவர்கள் சென்ற ஆண்டின் நிகழ்வுகள் பற்றி உரையாற்றினார். இரவு உணவோடும் நடனத்தோடும் நிகழ்வு நிறைவு பெற்றது 

மேலும் வாசிக்க

திரிவண்ணம் நடன நிகழ்வு

.

Brayan Brow Theater Bankstown மண்டபத்தில் டிசம்பர் மாதம் 13ம் திகதி வெள்ளிக்கிழமை திரிவண்ணம் என்ற பரத நாட்டிய நிகழ்ச்சி சகானா , இன்பனா , ஆரணா  சகோதரிகளால் ஆடப்பட்டது, சென்ற வருடம் அரங்கேற்றம் செய்துகொண்ட சகோதரிகளின் நடனநிகழ்வு மீண்டும் இன்று இடம் பெற்றது. அரங்கேற்றம் செய்தவர்கள் பலர் மீண்டும் தனிக்க கச்சேரி நடத்துவதென்பது இன்று காணக்  கிடையாத ஒரு விடயமாகவே இருந்து வருகிறது. இதற்கு காரணம் இதை நடை முறைப் படுத்துவது ஒரு பகீரத பியத்தனமே.  இதற்கு கலைமேல் கொண்ட ஆறா  காதலும்  அதை ஊக்குவிக்கும் பெற்றோர் களுமே காரணம்.  இவர்கள் முயற்சி திருவினை ஆகி அருமையாக கச்சேரி அமைந்தது.  அவர்கள் மேலும் கலையுலகில் பிரகாசிக்க வேண்டும்.

அன்றைய நிகழ்விலே லண்டனில் இருந்து வருகை தந்த  நடன ஆசிரியர் டாக்டர் ஜெயந்தி யோகராஜா நடன கலை  பற்றி எழுதிய நூல் வெளியீடும் நடைபெற்றது.  நிகழ்ச்சியை திரு திருநந்தகுமார் ஆரம்பித்து அழகாக ஜெயந்தி யோகராஜாவை சிட்னி சபையோருக்கு அறிமுகப் படுத்தினார்.  இவர் ஆடலைக் கற்றுக் கொடுக்கும் ஆசிரியை  மட்டுமல்லாது தானே ஆடும் ஒரு நர்த்தகியாக விளங்குவதுடன் ஆடல் கலை பற்றி நூலும் எழுதியுள்ளார் என்று கூறி அது பற்றி மூத்த கலைஞரான நாட்டியக்  கலாநிதி  கார்த்திகா கணேசர் உங்களுக்கு எடுத்துக் கூறுவார் என்றார்.  கார்த்திகா கணேசர் ஜெயந்தியுடன் மேடைக்கு வந்தார், இவர் சுருக்கமாக எமது பண்டைய நூலான சிலப்பதிகாரத்திலே மாதவிக்கு ஆடலைப் பயிற்றுவித்த ஆசிரியன் நாட்டிய நன்னூல் கற்றுணந்தோன் என இளங்கோ கூறியுள்ளார், அதனாலே எமது ஆடலிலே ஆடல் பற்றிய நூல்கள் இருந்துள்ளன
காலாதி   காலமாக முறை வகுக்கப்பட்ட ஆடலை ஆடுகிறோம் எனக் கூறி, ஜெயந்தியின் நூல் இன்றய பரீட்சை பாடத்திட்டத்தை அடிப்படையாக கொண்டு எழுதப்பட்டது என விளக்கினார்.  நூல் வெளியீட்டை இளவாலை திருக்குடும்ப கன்னியர் பாடசாலையில் இருந்து வருகை தந்த அதிபர் சங்கைக்குரிய அருட் சகோதரி  சகாயநாயகி பஸ்தியாம்பிள்ளையும் , முன்னை நாள் அதிபர்  சங்கைக்குரிய அருட் சகோதரி பொணவென்ச  இமானுவேல்  அவர்களும்   வெளியிட பல ஆடல் இசை கலைஞர்கள் நூலைப் பெற்றுக் கொண்டனர்.

மேலும் வாசிக்க

நீள்புவியில் நல் அருவிகள் மகாதேவ ஐயர் ஜெயராமசர்மா ... மெல்பேண் ..... அவுஸ்திரேலியா

வள்ளுவரின் குறள் படித்தால்
மனமாசு அகன்று விடும்
தெள்ளுதமிழ் மூலம் அவர்
தேடி எமக் களித்துள்ளார்
அள்ள அள்ள குறையாத
அத்தனையும் தந்த அவர்
அருவி எனப் பாய்ந்தோடி
அனைவரையும் விழிக்கச் செய்தார்

ஆண்டவனை நினைப்பதற்கும்
அமைதியாய் வாழ்வதற்கும்
வேண்டுகின்ற கருத்தெல்லாம்
விதம்விதமாய் தந்த குர் ஆன்
நீண்டதொரு அருவியென
நீள்புவியில் ஓடிநிதம்
ஆண்டவனின் குரலாக
அனைவருக்கும் இருக்கிறது

மேலும் வாசிக்க

ஒஸ்ரேலியா தமிழர் விளையாட்டு விழா (மெல்பேர்ன்) 2020 - Tamils Sports Day 2020 (Melbourne)_

மேலும் வாசிக்க

ஈழவரைபடம் கூறுவது என்ன ?

09/12/2019 ஜனா­தி­பதித் தேர்தல் முடி­வு­களை வெளிப்­ப­டுத்தும் வரை­ப­டத்­துக்கும், விடு­தலைப் புலி­களின் ஈழ வரை­ப­டத்­துக்கும் இடையில் தொடர்­புகள் இருப்­ப­தாக, அமைச்சர் கெஹெ­லிய ரம்­புக்­வெல கூறி­யி­ருக்­கிறார்.

தேர்தல் முடி­வு­களை அடிப்­ப­டை­யாக வைத்து, கணினி வரை­கலை மூலம் தயா­ரிக்­கப்­பட்ட, வண்ண வரை­ப­டங்கள் பல ஊட­கங்­களில் உலா­வின. ஆனால் யாரும் அதனை அப்­போது ஈழ வரை­ப­டத்­துடன் ஒப்­பீடு செய்­தி­ருக்­க­வில்லை. தேர்­த­லுக்குப் பிறகு, மூன்று வாரங்கள் கழித்து அமைச்சர் ரம்­புக்­வெ­லவே, இவ்­வா­றா­ன­தொரு ஒப்­பீட்டை வெளிப்­ப­டுத்­தி­யி­ருக்­கிறார்.

மேலும் வாசிக்க

திருவிளக்குத் திருவிழா - ஒரு நோக்கு மகாதேவ ஐயர் ஜெயராமசர்மா ... மெல்பேண் ... ஆஸ்திரேலியா முன்னாள் தமிழ்மொழிக் கல்வி இயக்குநர்

    " ஒளிவளர் விளக்கே உலப்பிலா ஒன்றே " என்று இறைவனை மனமெண்ணி துதிப்பதும் , பிரார்த்தனை செய்வதும், பாடுவதும், ஆடுவதும் , நடைமுறையில் இருந்து வருகிறது.இறைவனைக் கண்டோமா என்றால் அதற்குச் சரியான பதிலை எம்மால் சொல்லிவிட முடியாமலே இருக்கிறோம். ஆனாலும் இறைவன் இருக்கிறான் என்பதைப் பலரும் நம்பியே இவ்வுலகில் வாழ்ந்து கொண்டிருக்கிறோம்.இறைவனை கல்லிலும், செம்பிலும், மண்ணிலும், மரத்திலும், பொன்னிலும், நிலத்திலும், நீரிலும், காற்றிலும், தீயிலும், ஒளியிலும் ஒலியிலும், மழையிலும், இடியிலும், என்று பலநிலையில் காண முற்படுகின்றோம். இந்த வகையில் ஒளிவடிவில் இறைவனை மனமிருத்தும் தத்துவார்த்தமான விழாவாக விளங்குவதுதான் கார்த்திகை மாதத்தில் வருகின்ற " திருவிளக்குத் திருவிழா " எனலாம்.

    தீபத்திருவிழா என்றதும் " தீபாவளி " பண்டிகைதான் எங்கள் மனதில் வந்து முதலில் நிற்பதாகும். உண்மையில் கார்த்திகையில் வருகின்ற விழாவினைத்தான் " தீபாவளி " என்று கொள்ளுதல் வேண்டும் என்னும் ஒரு கருத்தும் இன்று பரலாகி வருகிறது என்பதும் மனங்கொள்ளத் தக்கதாகும். தீவ + ஆவலி என்றால் தீபங்களை வட்டமாக வைப்பதாகும். கார்த்திகை விழாவிலும் தீபங்கள் வரிசையாயும் வட்டமாயும் வீட்டு வாசல்களில் வைக்கப் படுகிறது. கோவில்களிலும் வைக்கப் படுகிறது. எனவே கார்த்திகையில் வருகின்ற"  திருவிளக்கு விழாவினை " தீப ஒளித் திருநாள் " என்றால் பொருந்தாதா என்று கேட்கும் நிலையும் உருவாகி வருகிறது என்பதும் மனமிருத்த வேண்டிய கருத்தாக இருக்கிறதல்லவா ? 

    தீபாவளி எனும்பொழுது ஆணவம் அடங்கிய நிலை அடையாளப்படுத்தப் படுகிறது. கார்த்திகை தீபத்திருவிளக்கு விழாவும் ஆணவம் அடங்கிய நிலையினயே காட்டி நிற்கிறது. தீபாவளியில் திருமால் இணைக்கப்படுகிறார்.கார்த்திகை தீபத்திருவிளக்கு விழாவில் சிவன் இணைக்கப்படுகிறார்.சிவன் என்பதோ திருமால் என்பதோ முக்கியமல்ல . இறை என்பதுதான் இங்கு முக்கியமாகும். அதாவது ஆணவம் அடங்கினால் இறையின் தரிசனம் கிடைக்கும் என்பதுதான் இதன் உண்மையான தத்துவமாக பொதிந்து கிடக்கிறது எனலாம்.

மேலும் வாசிக்க

13 ஆவது திருத்தச்சட்டம் தொடர்பில் அன்றைய பிளஸ் - இன்றை மைனஸ்

09/12/2019  குடும்ப அர­சியல் செய்­கின்­றார்கள் என எதி­ர­ணி­யினர் என்ன தான்  மக்கள் மத்­தியில் ராஜ­பக் ஷ அணி­யி­னரை பற்றி விமர்­சனம் செய்­தாலும் இடம்­பெற்று முடிந்த ஜனா­தி­பதித் தேர்­தலில் அதை­யெல்லாம் காதில் போடாமல் கோத்­தா­பய ராஜ­பக் ஷவை ஜனா­தி­ப­தி­யாக்கி அழகு பார்த்­தனர்  மக்கள்.

மேலும் வாசிக்க

முஸ்லிம்களுக்கான அரசியலின் வீழ்ச்சி !

09/12/2019 தனித்­துவம், உரிமை, இனத்­துவ அடை­யாளம் என்று பேசிப் பேசியே முஸ்லிம் அர­சியல் ஒரு முட்டுச் சந்தில் கொண்டு வந்து நிறுத்­தப்­பட்­டி­ருக்­கின்­றது. முஸ்லிம் கட்­சி­களின் அர­சியல் முஸ்லிம் மக்­க­ளுக்­கான அர­சி­ய­லாக இல்­லாமல் போனதே இதற்கு முழு­முதற் கார­ண­மாகும். முஸ்லிம் கட்­சிகள் எனும் போது, முஸ்லிம் தலை­மை­களின் கட்­டுப்­பாட்­டி­லுள்ள எந்­தக்­ கட்சியும் அதற்கு விதி­வி­லக்­கல்ல.

மேலும் வாசிக்க

உலகிற்கு புதிய தலையிடியை கொடுத்துள்ள சர்ச்சைக்குரிய சாமியார்

09/12/2019   இந்­தி­யா­வி­லி­ருந்து தப்­பி­யோ­டியவரும் தன்­னைத்­தானே 'கடவுள்' என்று கூறிக்­கொள்­ப­வரும்  கடத்தல் மற்றும் பாலியல் சம்­பந்­த­மான வழக்­கு­களில் தேடப்­ப­டு­ப­வ­ரு­மான நித்­தி­யா­னந்தா தனக்கு சொந்­த­மான ஆன்­மிகத் தேச­மொன்றை உரு­வாக்­கி­யுள்­ள­தாக இணைய வழி செய்­திகள் கூறு­கின்­றன.

மேலும், தாம் உரு­வாக்­கிய 'இந்து' தேசத்­துக்கு 'கைலாசா' என்று அவர்  பெயர் வைத்­துள்­ள­தா­கவும் அந்த செய்­திகள் குறிப்­பி­டு­கின்­றன. தாம் அமைத்­துள்­ள­தாக நித்­தி­யா­னந்தா குறிப்­பி­டு­கின்ற நாட்­டுக்­கான 'அதி­கா­ர ­பூர்வ' இணைய தளம் ஒன்றும் உரு­வாக்­கப்­பட்­டுள்­ளது.

https://kailaasa.org/ என்ற இணைய முக­வ­ரியில் காணப்­படும் அந்த தளத்தில் கைலாசா என்­பது எல்­லைகள் இல்­லாத தேசம் என்று குறிப்­பி­டப்­பட்­டுள்­ளது. தங்கள் சொந்த நாடு­களில் முறைப்­படி இந்­துத்­து­வத்தை கடை­பி­டிக்க முடி­யாத உலகம் முழுவதும் வாழும் இந்­துக்­க­ளுக்­கான நாடு இது என்றும் குறிப்­பி­டப்­பட்­டுள்ளது.

மேலும் வாசிக்க

கோத்தாவை எப்படி கையாளப்போகிறார் மோடி..?

09/12/2019  இந்­தியப் பிர­தமர் நரேந்­திர மோடியைச் சந்­தித்துப் பேசிய பின்னர், அவ­ருடன் கூட்­டாக உரை­யாற்­றிய, ஜனா­தி­பதி கோத்­தா­பய ராஜபக் ஷ, மற்­றெல்லா விவ­கா­ரங்கள் குறித்தும் கருத்து வெளி­யிட்ட போதும், தமிழ் மக்­களின் பிரச்­சி­னைகள் குறித்தோ, அது சார்ந்த விடயங்கள் குறித்தோ எந்தக் கருத்­தையும் வெளி­யிட்­டி­ருக்­க­வில்லை.

அவ­ருக்கு முன்­ன­தாக உரை­யாற்­றி­யி­ருந்த இந்­தியப் பிர­தமர் நரேந்­திர மோடி, “சமத்­துவம், நீதி, அமைதி மற்றும் கௌரவம் ஆகி­ய­வற்றின் அடிப்­ப­டை­யி­லான  தமி­ழர்­களின்  அபி­லா­ஷை­களை   நிறை­வேற்றும், நல்­லி­ணக்க  செயல் முறையை  இலங்கை அரசு முன்­னெ­டுத்துச் செல்லும் என்று நம்­பு­கிறேன். 13  ஆவது திருத்­தத்தை நடை­மு­றைப்­ப­டுத்­து­வதும்   இதில் அடங்கும்.” என்று குறிப்­பிட்­டி­ருந்தார்.

அதற்குப் பிறகு, உரை­யாற்­றிய ஜனா­தி­பதி கோத்­தா­பய ராஜபக் ஷ, அந்த விடயம் பற்றி எது­வுமே தெரி­யா­தது போல கடந்து சென்­றி­ருந்தார்.

மேலும் வாசிக்க

படித்தோம் சொல்கின்றோம்: முருகபூபதி

டிசெம்பர் 11 ஆம் திகதி  மகாகவி பாரதியின் 137 ஆவது பிறந்த தினம்  சித்திர பாரதியும் கருத்துப்படங்களும்   

தமிழ்நாடு திருநெல்வேலி மாவட்டத்தில் எட்டயபுரம் கிராமத்தில்  1882 ஆம் ஆண்டு டிசம்பர் மாதம் 11 ஆம் திகதி ஒரு ஆண்குழந்தை பிறந்தது. பெற்றவர்கள் அக்குழந்தைக்கு சூட்டிய பெயர் சுப்பிரமணியன். செல்லமாக சுப்பையா என அழைத்தார்கள்.    தமிழ்நாடு திருநெல்வேலி மாவட்டத்தில் எட்டயபுரம் கிராமத்தில்  1882 ஆம் ஆண்டு டிசம்பர் மாதம் 11 ஆம் திகதி ஒரு ஆண்குழந்தை பிறந்தது. பெற்றவர்கள் அக்குழந்தைக்கு சூட்டிய பெயர் சுப்பிரமணியன். செல்லமாக சுப்பையா என அழைத்தார்கள்.  அந்தக்குழந்தை பாரதியாக வளர்ந்து மகாகவியாகி 1921 செப்டெம்பர் மாதம் 12 ஆம் திகதி அதிகாலை தனது உயிரை நீத்தது. மறையும்போது 39 வயதுதான்.  மேதாவிலாசம் மிக்க பலருக்கு அற்பாயுள்தான் !  அத்தகைய அபூர்வமனிதர் பாரதியார் குறித்து இன்றும் பேசப்படுவதற்கு ஏராளமான காரணங்கள் இருக்கின்றன.  அந்தக்காரணங்களை ஆராயப்புகும்போது, உலகின் உயர்விருது எனக்கருதப்படும் நோபல் விருது அவருக்கேன் வழங்கப்படவில்லை..?  என்ற ஆதங்கமே எமக்கு  மேலோங்குகிறது.

மேலும் வாசிக்க

மழை வேண்டல் தமிழ் திருமுறை வழிபாடு 21/12/2019

நல்ல சிந்தனைகளே தலைவர்களை வாழ வைக்கும் !

09/12/2019  ஜனா­தி­பதி கோத்­தா­பய ராஜப­க்ஷ­வுக்கு மிகப் பெரிய சவால்கள் உள்­ளன. இலங்­கையின் தற்­போ­தைய சூழல்   பௌத்த கடும்­போக்­கு­வா­தி­களின் ஆதிக்கம் நிறைந்ததொன்­றா­கவே இருக்­கின்­றது. இனங்­க­ளுக்கு இடையே பாரிய சந்­தே­கங்­களும், அச்­சமும் இருக்­கின்­றன. இந்­நி­லையை மாற்­றி­ய­மைத்து இலங்­கையர் என்ற கொள்­கையின் அடிப்­ப­டையில் இனங்­க­ளுக்கு இடையே ஐக்­கி­யத்தை ஏற்­ப­டுத்தும் நட­வ­டிக்­கை­களை எடுக்க வேண்­டிய தேவையும் இருக்­கின்­றது.

மேலும் வாசிக்க

நிலம் சொல்லும் பாடம் - கானா பிரபா

“அண்ணை ! சண்டை முடிஞ்சுட்டு தானே?

 யாழ்ப்பாணம் வந்து குடியேறலாமே”

“முதலில் கொழும்பில குடியேறியிருக்கிற

  யாழ்ப்பாணத்தானை யாழ்ப்பாணம் போகச்    

சொல்லு. பின்னால நான் வாறன்”

கனடாவில் இருக்கும் என் ஊடக நண்பருக்கும், ஊரில் இருந்த அவரின் உறவுக்கும் நடந்த சம்பாஷணை இது. 

வேடிக்கையாகத் தோன்றினாலும், இது தான் யதார்த்தம். 

ஒரு வாடகை வீடடில் நாலைந்து மாசம் இருந்து விட்டுப் புது வீடு போனாலே ஏதோ சூனியம் வைத்தது போல இருண்டு போய்க் கிடப்போம், நித்திரையும் வராது.

நிலத்துக்கும், நமக்குமான பந்தம் உணர்வு பூர்வமானது. இந்திய அமைதிப்படை காலத்தில் ஒரு ஊர் முழுக்க கோயிலுக்குள்ளும், பாடசாலைக்குள்ளும் அடைபட்டுக் கிடந்து ஒரு மாதத்தின் பின் தத்தம் வீடுகளுக்குப் போன போதே எதையோ பறி கொடுத்தாற் போலத் தான் போனோம். ஏனெனில் இடைப்பட்ட காலத்தில் அந்த ஊர்ச் சனத்துக்குள்ளேயே ஒரு பலமான உறவு இன்னும் நெருக்கமாகி விட்டது.

மேலும் வாசிக்க

மழைக்காற்று - ( தொடர்கதை ) அங்கம் 14 - முருகபூபதி

மழை வீழ்ச்சி படிப்படியாக குறைந்துகொண்டு வந்தது.

அபிதா, வீட்டின் முற்றத்திலும் , பின்புற வளவிலும்  எங்காவது   மழைநீர் தேங்கியிருக்கிறதா? எனப்பார்த்தாள்.

சுத்தமான நீரில்தான் டெங்கு உற்பத்தியாவதாக  செய்திகளில் படித்திருந்தாள். வீதியோரங்களில்  வீட்டுக் கழிவுகளை பிளாஸ்ரிக் பைகளில் கட்டிப்போட்டாலும், அவற்றை மாநகர சபை சுத்திகரிப்பாளர்கள் வந்து அப்புறப்படுத்துவதற்கு முன்னர், நாய்களும், பூனைகளும், காகங்களும் வந்து கொத்தித் திறந்து தெருவெங்கும்  இழுத்துப்போட்டுவிட்டு செல்கின்றன. அந்தக்கழிவுப்பொதிகளில் ஏதும் தின்னக்கிடைக்குமா எனத் தேடி ஆராய்கின்றன.

மனித மனங்களும் இப்படித்தானே…? மற்றவர்களை ஆராய்கின்றன!

வீதியோரத்தில்  சிதறிக்கிடக்கும் கழிவுகளும் மழையினால்  அள்ளுப்பட்டு எங்காவது சென்று தேங்கிவிடுவதாலும்  அவ்விடத்தில் நுளம்பு உற்பத்தியாகலாம் என்றுதான் அபிதாவும் மற்றவர்களும் நம்பிக்கொண்டிருந்தனர்.

ஒரு நாள் டெங்கு தடுப்பு கண்காணிப்பாளர்கள் வந்து, வீட்டு முற்றங்களிலும் பின்புறக் காணிகளிலும் கிடக்கும் தேங்காய் சிரட்டைகளிலும் , இளநீர் குடித்துவிட்டு வீசப்படும் அதன் பாகங்களிலும்  தேங்கும் மழைநீரில் உற்பத்தியாகும் டெங்கு நுளம்புகளை பக்குவமாக சிறிய போத்தல்களில் எடுத்து காண்பித்து, வீட்டுரிமையாளர்களிடம் தண்டப்பணம் வசூலிக்கும் தகவலையும் , அந்த வீதியில் இளநீர் விற்கும் பெண் சொல்லி அறிந்துவைத்திருந்தாள் அபிதா.

டெங்கு நுளம்பிற்கும் சுத்தமான தண்ணீர்தான் தேவைப்படுகிறது என்பதை அறிந்து அபிதாவும் ஆச்சரியமுற்றாள்.

வீட்டினுள்ளே நிறைந்திருக்கும் வேலைகளுக்கு மத்தியில், இந்த மழைக்காலத்தில், வீட்டின் முற்றத்தையும் பின்வளவையும் சுத்தமாக வைத்திருக்கவேண்டிய பொறுப்பும் அவள் தலையில் விழுந்துவிட்டது. பகல் பொழுதில் எல்லோரும் வேலைக்குச்சென்ற பின்னர் வீட்டிலிருப்பது அவள் மாத்திரம்தானே?

மேலும் வாசிக்க

இலக்கியத் தகவல்கள்: சொல்லத்தவறிய கதைகள் முருகபூபதியின் நினைவுத் தேடல்கள் ஜேயார்

சொல்ல மறந்த கதைகள், சொல்லவேண்டிய கதைகள் என இரண்டு தொகுதிகள் மூலம் தனது நினைவலைகளை இலக்கிய வாசகர்களுடன் பகிர்ந்துகொண்ட முருகபூபதி அவர்கள், இந்த இரு நூல்கள் ஊடாகவும் தான் சொல்லத்தவறிய கதைகளை இந்த மூன்றாவது நூல்  மூலம் நமக்குத்தருகின்றார்.

கவிஞர் கருணாகரனின் மகிழ் பதிப்பகம், இந்த சொல்லத்தவறிய கதைகளை இவ்வருடத் தொடக்கத்தில்                       ( 2019 ஜனவரி ) வெளியிட்டிருக்கிறது.

 “ நண்பர் முருகபூபதியின் இந்தக்கதைகள் ஒருவகையில் வரலாற்றின் சாயல்கொண்டவை. இன்னொரு வகையில் சமூகவியலின்பாற்பட்டவை. இன்னொரு கோணத்தில், எம்முள்ளும் – எம்மைச்சுற்றியும் நிகழ்ந்தவற்றின் கதைகள். எல்லாவற்றிற்கும் மேலாக, நாம் கவனித்தேயாகவேண்டிய கதைகள் இவை.  “  என்று அழுத்தமாகக் குறிக்கின்றது பதிப்புரை.

இந்த வரிசையில் முதல் நூலான  சொல்லமறந்த கதைகளை கருணாகரனின் நண்பரும் சேலம் மலைகள் பதிப்பகக்காரருமான சிபிச்செல்வன் வெளியிட்டிருக்கின்றார் என்பதுவும்  சொல்லவேண்டிய கதைகளை யாழ்ப்பாணம் ஜீவநதி பதிப்பகம்  பரணீதரனும் வெளியிட்டிருக்கிறார்  என்பதுவும் கவனத்திற்குரியதுதான்.

 “ கவனித்தேயாக வேண்டிய கதைகள்  “  இவை என்று கருணாகரன் குறிப்பதிலும் நிறைய உண்மைகள் ஒளிந்திருக்கின்றன.

எழுபதுகளில் முற்போக்கு எழுத்தாளராக மல்லிகையில் சிறுகதைகள் எழுதத்தொடங்கி, வீரகேசரியில்  நீர்கொழும்பு நிருபராக,  பிறகு ஒப்புநோக்காளராக, வீரகேசரிக்குள் நுழைந்து, ஆசிரியர் குழுவரை உயர்ந்து, ஒரு பத்தாண்டுகள் பணியாற்றிவிட்டு 1987 இல்  புலம்பெயர்ந்து அவுஸ்திரேலியா சென்றவர் இவர்.

இன்றுவரையும் ஏறத்தாள முப்பத்தியிரண்டு ஆண்டுகள் அவுஸ்திரேலியா வாழ்க்கை. முபத்தியாறு ஆண்டுகள் நம்மூர் வாழ்க்கை என அறுபத்தியெட்டு வாழ்வனுபவமும்,  அதில் அரைநூற்றாண்டு காலம் வித்தியாசம் வித்தியாசமான எழுத்துலக இலக்கிய அனுபவமும்  கொண்டவர் இவர்.

தனது இலக்கிய அனுபவங்களையும் உடனிணைந்த வாழ்க்கை அனுபவங்களையும் கதை கதையாக சொல்லத் தெரிந்தவர், சொல்லிப்பழக்கப்பட்டவர் இவர்.

மேலும் வாசிக்க

இலங்கைச் செய்திகள்

இராணுவத்தால் காணாமலாக்கப்பட்டோரின் நினைவு தினம் அனுஸ்டிப்பு ‌

3 ஆவது நாளாகவும் சி.ஐ.டி.யில் ஆஜரான சுவிஸ் தூதரக ஊழியர்!

யாழ். விமான நிலையத்­திற்கு 300 மில்­லியன் ரூபா கொடை வழங்கும் இந்­தியா

போரிஸ் ஜோன்சனுக்கு ஜனாதிபதி,பிரதமர் வாழ்த்து

வெள்ளை வேன் தொடர்பில் கருத்து தெரிவித்த இருவர் கைது!

ஜனாதிபதியை சந்தித்த ஆசியான் அமைப்பு நாடுகளின் தூதுவர்கள் 

இது பௌத்த நாடு- யாழில் படையினர் முன்னிலையில் பாதுகாப்புசெயலாளர்

ஊடகவியலாளரை பொலிஸ் விசாரணைக்கு வருமாறு அழைப்பு !

சுவிட்சர்லாந்து தூதரக ஊழியர் கடத்தல் விவகாரம் ; கோரிக்கையை நிராகரித்த நீதிவான்


இராணுவத்தால் காணாமலாக்கப்பட்டோரின் நினைவு தினம் அனுஸ்டிப்பு ‌

09/12/2019  கடந்த 1984 ஆம் ஆண்டு வவுனியா சேமமடுவில் கடத்தப்பட்ட 28 பேரின் நினைவுதினம் நேற்று (08.12) இடம்பெற்றது.

மேலும் வாசிக்க

உலகச் செய்திகள்

நியூஸிலாந்தில் குமுறத் தொடங்கியுள்ள எரிமலை ; அவசர நிலை பிரகடனம்!

உலகின் இளம் பிரதமராகும் பின்லாந்து பெண் 

இலங்கை தமிழ் அகதிகளிற்கு இந்திய பிரஜாவுரிமையில்லை- மத்திய அரசு அறிவிப்பு

மீண்டும் பிரதமராகின்றார் பொறிஸ் ஜோன்சன் - பிரித்தானிய தேர்தலில் கொன்சவேர்ட்டிவ் கட்சி வெற்றி

இராணுவம் பொதுமக்களை சுற்றிவளைத்து படுகொலை செய்வது இனப்படுகொலையில்லையா? ஆங் சான் சூகி கருத்து குறித்து ரொகிங்யா மக்கள் சீற்றம்


நியூஸிலாந்தில் குமுறத் தொடங்கியுள்ள எரிமலை ; அவசர நிலை பிரகடனம்!

நியூஸிலாந்தின் வடக்கே அமைந்துள்ள 'White Island' என்ற தீவிலுள்ள எரிமலையொன்று இன்று அதிகாலை முதல் வெடித்து, குமுறத் தொடங்கியுள்ளமையினால் அப் பகுதியில் அவசர நிலை பிரகடனப்படுத்தப்பட்டுள்ளது.

மேலும் வாசிக்க

பொன் விழா ஆண்டில் இந்த படங்கள் 1969 - 2019 ச சுந்தரதாஸ் - பகுதி 24

தெய்வமகன்

ஊரில் செல்வந்தராகவும் பெரிய புள்ளியாகவும் திகழும் எம். ஆர் ராதாவிற்கு உடல் ஊனமுற்ற முதுகில் கூன் விழுந்த குழந்தை பிறக்கிறது.  குழந்தை மீது வெறுப்பு கொள்ளும் ராதா அதனை கொன்றுவிட முனைகிறார்.  ஆனால் அவரின் மாமனாரான நாகையா குழந்தையை கிராமத்துக்கு எடுத்துச் சென்று வளர்க்கிறார்.  ராதா தன் மனைவியிடம் குழந்தை இறந்து விட்டதாக கூறி விடுகிறார்.  பிறகு அவருக்க மற்றுமொரு மகனான முத்துராமன் பிறக்கிறார்.  செல்லம் கொடுத்து வளர்க்கப்படும் அவர் ஊதாரியாகத் திரிந்து ஊர் முழுதும் கடன் வாங்கி பிரச்சினைகளை சந்திக்கிறார்.  ஒரு விபத்தில் அவர் கண்கள் பறிபோய் விடுகிறான்.  மூத்த மகனான கல்யாணகுமார் தன் விழிகளை தானமாகக் கொடுத்து முத்துihமனுக்கு பார்வை கிடைக்க வழி செய்கிறார்.  ஊரில் ஏற்படும் கலவரத்தால் தாக்கப்பட்டு தன் உயிரையும் பறி கொடுக்கிறார்.  ஊருக்கு உபகாரியாக வாழ்ந்து வள்ளலாக மறைகிறார்.  

1963ம் ஆண்டு வெளிவந்து மணியோசை படத்தின் கதை இது.  பிரபல இயக்குனரான பி. மாதவன் இயக்கிய முதல் படம் இதுவாகும்.  பாசுமணி கதை வசனம் எழுதிய படம் தோல்வி கண்டது.  ஆனால் இந்தப் படத்தைப் பார்த்து ரசித்த சிவாஜி மாதவனுக்கு தான் நடிக்கும் அன்னைஇல்லம் படத்தை இயக்கும் வாய்ப்பை வழங்கி அப்படம் வெற்றி பெற்று மாதவன் பிற்காலத்தில் பெரிய இயக்குனரானார்.

ஆறாண்டுகள் கழித்து இப்படத்தின் கதை சில மாறுதல்களுடன் மீண்டும் படமானது.  அந்தப் படம்தான் தெய்வமகன்.  நடிகர் திலகம் சிவாஜி கணேசன் மூன்று வேடங்களில் அதாவது கல்யாணகுமார், எம், ஆர். ராதா, முத்துராமன் ஆகியோரின் வேடங்களில் நடித்து சாதனை படைத்தார்.  படத்தை ஏ. சி. திருலோகசந்தர் இயக்கினார்.  கதைவசனத்தை ஆருர்தாஸ் எழுதினார்.  கண்ணதாசன் விஸ்வநாதன் கூட்டணி மணியோசை தெய்வமகன் இரண்டிலும் தொடர்ந்தது.

சுpவாஜியின் திரையுலக வரலாற்றில் தெய்வமகன் குறிப்பிடக் கூடிய படமாகும்.  கொடுர முகம் கொண்ட இரு வேடங்களிலும் அழகும் வெகுளித்தனமும் கொண்ட மற்றுமொரு வேடத்திலும் சிவாஜி வெளுத்துக் கட்டியிருந்தார்.  இந்த வேடங்களுக்காக மேக் அப் போட அவர் எடுத்துக் கொண்ட நேரம் அதிகம்.  ஆதனால் ஏற்படும் உபாதைகளும் அதிகம்.  ஆனாலும் அவற்றை எல்லாம் சகித்து தன் நடிப்பாற்றலை வழங்கி இருந்தார் சிவாஜி.

மேலும் வாசிக்க

தமிழ் சினிமா - தனுசு ராசி நேயர்களே திரைவிமர்சனம்

பல ஹிட் படங்கள் கொடுத்த பிரபல இயக்குனர் மற்றும் நடிகரான சந்தான பாரதியின் மகன் சஞ்சய் பாரதி இயக்குனராக அறிமுகம் ஆகியுள்ள படம் தான் 'தனுசு ராசி நேயர்களே'. ஹரிஷ் கல்யாண் ஹீரோவாக நடித்துள்ளார். படம் எப்படி இருக்கு? தெரிந்துகொள்ள தொடர்ந்து படியுங்கள்.

கதை:

ஹீரோ ஹரிஷ் கல்யாண் கார் ஷோரூமில் வேலை பார்க்கிறார். தனுசு ராசிகாரர் என்பதால் அவருக்கு கன்னி ராசி கொண்ட பெண் தான் மனைவியாக வருவார் என ஜோசியர்கள் கூறுகின்றனர். சிறிய வயது முதலே ஜோதிடத்தின் மீது அதிகம் நம்பிக்கை கொண்டவர் அவர், அதனால் ஜோசியர் சொன்னதை நம்பி கன்னி ராசி பெண்ணை தேடி அலைகிறார்.

Facebook, whatsapp என காதல் பல பரிமாணங்களை தொட்டுவிட்ட இந்த காலத்தில் இவர் ராசி பற்றி கேட்டாலே அனைத்து பெண்களும் தெறித்து ஓடுகின்றனர்.

அந்த நேரத்தில் அவரது முன்னாள் காதலி ரெபா மோனிகா தன் திருமணத்திற்கு பெங்களூரு வரும்படி அழைக்கிறார். அங்கு தான் ஹரிஷ் கல்யாண் ஒரு புது பெண்ணை சந்திக்கிறார். அவருடன் காதல், மோதல் என பல விஷயங்கள் நடக்க, இறுதியில் ஹரிஷ் யாரை தான் திருமணம் செய்தார் என்பது மீதி கதை.

படத்தை பற்றிய அலசல்:

ஒரு சாதாரண காதல் கதையை எடுத்து மிக நீளமாக படமாக்கியுள்ளார் இயக்குனர். ட்ரைலர் பார்க்கும்போது நமக்கு பெரிய எதிர்பார்ப்பு எழுந்தது, ஆனால் படம் பார்க்கும்போது அதற்கு நேர்மாறான ரியாக்ஷன் தான்.

ஒன்லைன் நன்றாக இருந்தாலும், திரைக்கதைக்காக இயக்குனருக்கு மார்க் போட்டால் பாஸ் ஆவதே கஷ்டம் தான்.

ஹரிஷ் கல்யாண் வழக்கம் போல சாக்லேட் பாய் தோற்றத்தில் சிறப்பாக நடித்தாலும், பெரிதாக ஸ்கோர் செய்யும் அளவுக்கு அழுத்தமான காட்சிகள் எதுவும் இல்லை. ஹீரோயின் டிகங்கனா சூர்யவன்ஷி கவர்ச்சியை படம் முழுக்க அள்ளி தெளிக்கிறார். ரொமான்ஸ், டான்ஸ், கவர்ச்சி என அனைத்திலும் ஸ்கோர் செய்கிறார். ஹீரோயின் ரோலை இன்னும் கொஞ்சம் அழுத்தமாக வடிவமைத்திருக்கலாம்.

ரெபா மோனிகா தன் சிறிய ரோலில் குறைஎதுவும் வைக்காமல் நடித்துள்ளார்.

படத்தின் நடுநடுவே வரும் யோகிபாபு தேவையில்லாத இணைப்பு. படம் முழுக்க வரும் முனிஷ்காந்த் சிறப்பாகவே நடித்துள்ளார்.

பாசிட்டிவ்:

- ஒளிப்பதிவு மற்றும் இசை.

- ஹரிஷ் கல்யாண்-டிகங்கனா கியூட்டான நடிப்பு.

நெகடிவ்:

- சுத்தமாக ஒர்கவுட் ஆகாத காமெடி.

- படத்தின் நீளம் 2 மணி நேரம் தான். ஆனால் படம் முழுக்க ஒரே டோனில் ஏற்ற இறக்கம் எதுவும் இல்லாமல் இருப்பது சலிப்பை தான் ஏற்படுத்துகிறது.

- பெண்களை கவர்ச்சியாக காட்ட மெனக்கெட்ட அளவுக்கு இயக்குனர் திரைக்கதைக்காக இன்னும் கொஞ்சம்

உழைத்திருக்கலாம். பல காட்சிகளில் blur ஆக்கி மறைக்கும் அளவுக்கு பெண்களை ஆபாசமாக எடுத்துள்ளனர்.

-சீரியல் தனமாக இருக்கும் சில காட்சிகள், கிளைமாக்ஸ் உட்பட.

மொத்தத்தில் தனுசு ராசி நேயர்களே 'சோதனை' தான். எதிர்பார்ப்பில்லாமல் ஒருமுறை பார்க்கலாம்.  நன்றி CineUlagam