புத்தாண்டு வாழ்த்துக்கள் . ஆசிரியர் குழு

.

தமிழ்முரசு வாசகர்களுக்கு இனிய ஆங்கில புத்தாண்டு வாழ்த்துக்கள் .

அன்புடன்

ஆசிரியர் குழு 

ஏற்றம் பெறும் தமிழும், தமிழ் பேசத்தயங்கும் தமிழரும் - பரமபுத்திரன்

.

ஆதியில் தோன்றி, மேதினி மீதினில், வீரியமாய் உலாவும், சீரிய மொழி தமிழ் என்று உணர்வூட்ட இக்கட்டுரை எழுதவில்லை. தமிழ்மொழிக்கும் அதற்கு உரித்தான தமிழ்மக்களுக்கும் இடையே  நடைபெறும் ஒரு மொழிப்போராட்ட நிலையை சற்று அலசிப்பார்க்கலாம் என்ற எண்ணத்தில் எழுதப்படுகின்றது.  காரணம் இன்று உலகளாவிய வகையில் தமிழ்மொழி இடம் பிடித்துவரும் அதேவேளை அம்மொழியின் உரிமையாளர்கள் தாய்மொழி தமிழ் என்று அதனை பற்றிக்கொள்ள விரும்பாமை நிலை இன்னும் தொடர்வதனையும்  நாம் அவதானிக்கின்றோம். ஏன் இந்நிலை என்று மட்டும் சிந்திக்கலாம்.

முதலில் நான் படிக்கும் பராயத்தில் எமக்குள் பேசப்பட்ட ஒரு நகைச்சுவையை குறிப்பிட விரும்புகின்றேன். எமக்கு ஆங்கிலம் தெரியாவிடினும் அது தெரியும் எனக்காட்டுவதில் ஆர்வமாக பலர் இருப்பர். அதற்கு ஒரேவழி ஆங்கில படம் பார்ப்பது.  ஆங்கிலப் படத்தில் வரும்  வேலைக்காரச் சிறுவனும் நன்றாக  ஆங்கிலத்தில் பேசுவான். அவர்களுக்குள் பேசுவார்கள்.  "எடேய் இங்கிலீசுப்படத்தில வாற அந்த வேலைக்காரப் பெடியனே  இங்கிலீசிலை நல்லா வெளுத்து வாங்கிறான்ரா"., “அவன்ரை மொழி இங்கிலீஸ், அவன் இங்கலீசிலை பேசுவான்தானே, இதெல்லாம் ஒரு புதுமையோ'. ஆனால் இன்று தமிழர்களைப் பொறுத்தவரை அது உண்மை என்று தான் சொல்லவேண்டும். காரணம் குறிப்பாக புலம்பெயர்ந்து வாழும்  தமிழ் பிள்ளைகள்  தமிழ் பேசினால் "தம்பி நல்லா  தமிழ் பேசுறான்” என்று ஆச்சரியமாக அல்ல, அதிசயமாக பார்க்கின்றார்கள். தமிழ் அவனின் தாய்மொழி என்பதை மறந்துவிட்டார்கள்.  இதற்கும் மேலாக தமிழ் எமது இரண்டாம்மொழி என்றும் சொல்லிக்கொடுக்கின்றார்கள். அதாவது பாடசாலையில் ஆங்கிலத்தில் படிப்பதால் அது முதலாம்மொழி, தமிழரின் பிள்ளைகள் வீட்டில் பேசும் தங்கள் சொந்தமொழி இரண்டாம் மொழி. இதுதான் எங்கள் தாய்மொழி தமிழின் இன்றைய நிலை. இதேவேளை சில தமிழ்  பாடசாலைகள் வீட்டில் தமிழ்  பேசாத மாணவர்களுக்கான தமிழ்  வகுப்புகளும் நடத்துகின்றார்கள். இன்னும் சிலரோ பாடசாலைகளில் தமிழ்  கற்பிக்கும் அதேவேளை தங்கள் பிள்ளைகள் தமிழ்  படிப்பதை விரும்பாமலும் உள்ளார்கள். “ஊருக்கு உபதேசம் உனக்கல்லடி மகளே” என்ற முதுமொழிக்கு அமைவாக  அவர்கள் பிறர் பிள்ளை தலை தடவுகிறார்கள். அதாவது பிறர் பிள்ளை தமிழ்  படிச்சால் என்பிள்ளைக்கும் தமிழ்வரும் என்பதாக இருக்கலாம் . 

மேலும் வாசிக்க

மரண அறிவித்தல்

.

      திருமதி அன்னம்மா அல்போண்சஸ்

19.03.1931 - 25.12.2019

யாழ்ப்பாணம் பாசையூரை பிறப்பிடமாகவும் , சிட்னி அவுஸ்திரேலியாவை வதிவிடமாகவும் கொண்ட திருமதி அன்னம்மா அல்போண்சஸ் 25/12/2019 புதன்கிழமை இறைபதம் அடைந்தார் .

அன்னார் துரைசிங்கம், விக்ரோறியா , தம்பதிகளின் ஏக புதல்வியும் , பேதுறு , சவீனா தம்பதிகளின் மருமகளும் . பேதுறு அல்போண்சசின் அருமை மனைவியும் , யேசுதாஸ் , ஜோண் கைமர் [CMJ உரிமையாளர்] , அல்போண்சா ,பென்றோ , மமான்ஸ் , கசில்டா [சோனா பிறின்ஸ் ATBC வானொலி அறிவிப்பாளர் ] ஜெலா , நியூட்டா , பிறின்ஸ்ரன்(மாவீரன் மேஜர் சலீம்) ,ஆகியோரின் பாசமிகு தாயாரும் , ஜெனிவி , பிலேந்திரன் , கோகிலா , எட்னா ஜூலியட் , பிறின்ஸ், டயஸ் , ஆகியோரின் அன்பு மாமியும் , ஷானல் , மார்ஷல் , நோபெல் , பேர்ள், கனிலா , பாரதி , டயானா , விக்ரோறியா , மக்சிம் , ஜோதிகா , ஆர்த்தி , பிறின்ஸ்ரன், தேனா , தெய்வீகா , சமந்தா , ஸ்மைலி , டல்ரன் , ஆகியோரின் நேசமிகு பேர்த்தியும் , மிக்கேலா , ஷன்யா , ஷ்ரேயா , பௌலீன, மொறிஸ் , ருத்ரா, ஜோயல்,ஜேடன்,கற்றலியா ஆகியோரின் அருமைமிகு பூட்டியும் ஆவார் .

இவ் அறிவித்தலை உற்றார் , உறவினர், நண்பர்கள், அனைவரும் ஏற்றுக் கொள்ளுமாறு கேட்டுக்கொள்கின்றோம்

31 திகதி செவ்வாய்கிழமை 2019 அன்று Guardians Funeral Chapel, Kingston St, Minchinbury 2770 இல் இறுதி சடங்குகள் நடைபெறும்.

காலை 09:15 இற்கு பொதுமக்களின் பார்வைக்கு வைக்கப்பட்டு , பின்னர் 10:00 மணிக்கு திருப்பலி ஒப்புக்கொடுக்கப்படும்.

11:00 மணியளவில் நல்லடக்கம் இடம் பெறும் என்பதனை அறியத்தருகிறோம்.

மேலதிக விபரங்களுக்கு தொடர்பு கொள்ளவேண்டிய தொலைபேசி இலக்கங்கள்

சோனா பிறின்ஸ்--0425205425

ஜோண் கைமர் ----0296257364

Funeral services will be held on Tuesday, December 31st 2019. The viewing will commence at 9.15AM followed by Mass at 10AM and concluding with the burial at 11AM at Guardian's Funeral Chapel - Kingston St, Minchinbury 2770.

For further details please contact:

Sona Prince - 0425205425

John Guymur - 0296257364

மரண அறிவித்தல்

.

                                       திருமதி தேவநாயகி தில்லைநடராஜன் 
                      
                                                                           

      

சரசாலை பிறப்பிடமாகவும்  மிண்டோ,  ஸிட்னியை  வசிப்பிடமாகவும்  கொண்ட திருமதி தேவநாயகி தில்லைநடராஜன்  சிட்னியில்  28-12-19 அன்று காலை காலமானார் .

அன்னார், காலம் சென்ற இராசையா-சாந்தநாயகி தம்பதிகளின் அன்பு மகளும், கொழும்புத்துறையை சேர்ந்த சோமசுந்தரம்-மஹேஸ்வரி தம்பதிகளின் அன்பு மருமகளும், சோமசுந்தரம் தில்லைநடராஜனின் அருமை மனைவியும், குமாரஸ்வாமிபிள்ளை மற்றும் லோகநாயகின் அன்பு சகோதரியும், ஸ்ரீரங்கராஜன், யமுனராஜன், மதனராஜன், விக்னராஜன், காலம் சென்ற வரதராஜன், ஆகியோரின் அன்பு மைத்துனியும் ஆவர்.

அன்னாரின் இறுதிக்கிரிகைகள் எதிர்வரும் செவ்வாய்கிழமை, 31-12-19, Forest Lawn Memorial Park, Camden Valley Way Leppington மயானத்தில்  பிற்பகல்  12 மணி முதல் 3 மணி வரை நடைபெறும்.

இவ் அறிவித்தலை உற்றார், உறவினர்கள் மற்றும் நண்பர்கள் தயவுசெய்து ஏற்றுக் கொள்ளுமாறு வேண்டப்படுகின்றனர்.

தொடர்புகளுக்கு

ரா.குமாரஸ்வாமிப்பிள்ளை  - 0403609170

சோ.ஸ்ரீரங்கராஜன் - 0408966517

இரண்டாயிரத்து இருபதை இன்முகமாய் வரவோற்போம் ! மகாதேவ ஐயர் ஜெயராமசர்மா மெல்பேண் ... அவுஸ்திரேலியா

இரண்டாயிரத்து பத்தொன்பது எமைவிட்டு செல்கிறது

இரண்டாயிரத்து இருபது எம்மிடத்து வருகிறது

பட்டவெங்கள் துயரனைத்தும் பறந்தோடிப் போகவென்று

இஷ்டமாய் இறைவனிடம் எல்லோரும் வேண்டிடுவோம்

இனமோதல் மதமோதல் இல்லாமல் போகவென்று

எல்லோரும் மனமார இறைவனிடம் இறைஞ்சிடுவோம்

பணமுள்ளார் மனமெல்லாம் பசித்தவரை பார்ப்பதற்கு

படைத்தவனே உதவிடென பக்குவமாய் வேண்டிடுவோம்

சதைவெறியால் அலைகின்ற சண்டாளர் திருந்துதற்கு

உதவுகின்ற வழிவகையை  உயர்சட்ட  மாக்கிடுவோம்

தெருவழியே மதுவரக்கன் திரிகின்ற நிலையதனை

உருதெரியா தாக்குதற்கு ஒன்றிணைவோம் வாருங்கள்

மேலும் வாசிக்க

மழை வேண்டல் - தமிழ், திருமுறை வழிபாடு செவ்வனே ஆரம்பித்தது...!

உலகம் உய்ய,

சென்ற 21ம் திகதி காலை 9:30மணி முதல் மதியம் 12மணி வரை,

சிட்னி ஸ்ரீ துர்க்கை அம்மன் ஆலயத்தில்

தமிழ்ப் பாராயணம் ஓதுதல் தெய்வீகமாய் நிகழ்ந்தேறியது.

அவுஸ்திரேலியாவில் - குறிப்பாக நியூ சவுத் வேல்ஸ் மாநிலத்தில்

கடுமையான வறட்சி, காட்டுத் தீயின் உக்கிரம் என இவ்விரு

இயற்கையின் சீற்றங்களையும் நிவர்த்திக்கும் முகமாக

மழை வேண்டிப் பிரார்த்தித்தனர் பெரியோர்.

மேலும் வாசிக்க

புத்தாண்டு பிறக்குது - சி. ஜெயபாரதன், கனடா

 புத்தாண்டு பிறக்குது ! நமக்கு

புத்தாண்டு பிறக்குது !

கடந்த ஆண்டு மறையுது, நடந்த

தடம் மாறப் போகுது !


வடக்கு தெற்கு கிழக்கு மேற்கு

திக்கு மறையப் போகுது.

கணனி யுகம் பின்னி உலகு

பொரி  உருண்டை ஆச்சுது.

வாணிப உலகு கூடி இயங்கி

மேலும் வாசிக்க

ரமேஷ் ரங்கநாதன் என்னும் நகைச்சுவை மன்னன் --ஒரு பார்வை-- உஷா ஜவாஹர் அவுஸ்திரேலியா

ரமேஷ் ரங்கநாதன் தற்போது லண்டனில் வாழ்ந்துவரும் நகைச்சுவை நடிகர் மற்றும் தொகுப்பாளர். இவரது பெற்றோர் இலங்கையிலுள்ள மட்டக்களப்பு எனும் இடத்தை சேர்ந்தவர்கள்.

ரமேஷ் லண்டனில் வெவ்வேறு தொலைக்காட்சி சானல்களிலும் வானொலி நிகழ்ச்சிகளிலும் பங்குபற்றுபவர். இவர் Asian Provocateur, The Misadventures of Ramesh Ranganathan, The Reluctant Landlord and Just Another Immigrant போன்ற தொலைக்காட்சி நிகழ்ச்சிகளை தொகுத்து வழங்கியிருக்கிறார். 

இவர் இடையிடையே கார்டியன்(Guardian) பத்திரிகையிலும் எழுதி வருகிறார்.

இவர் Asian Provocateur என்ற தொலைக்காட்சி நிகழ்ச்சிக்காக இலங்கைக்கு சென்று அங்கு பல இடங்களையும் பார்வையிட்டு வெவ்வேறு கலாச்சார நிகழ்ச்சிகளையும் பதிவு செய்திருக்கிறார்.

அண்மையில் இவர் தன் வாழ்க்கை வரலாற்றை STRAIGHT OUTTA CRAWLEY  எனும் நூலில் பதிவுசெய்து வெளியிட்டிருக்கிறார்.

மேலும் வாசிக்க

வரந் தருவாய் முருகா ! மகாதேவ ஐயர் ஜெயராமசர்மா .....மெல்பெண் ...அவுஸ்திரேலியா

வரந் தருவாய் முருகா - வாழ்வில்

நிரந் தரமாய் உன்னை

நினைந்துமே நான் வாழ

வரந் தருவாய் முருகா

சிரமேறும் ஆணவம் குறைத்திடுவாய் - வாழ்வில்

மரமாக இருப்பதையும் ஒழுத்திடுவாய்

உணர்வோடு உனைநினைக்க உதவிடுவாய் - என்றும்

உயிர்ப்போடு வாழ்வதற்கு அருளிடுவாய்   ( வரந்தருவாய் முருகா )

குறைகூறும் மனமகல உதவிடுவாய் - வாழ்வில்

கறையுள்ள செயலனைத்தும் களைந்தெறிவாய்

திறலுடை பெரியோரை இணைத்திடுவாய் - என்றும்

மறவாமல் உனைத்துதிக்க வரமருள்வாய் (வரந்தருவாய் முருகா )

மேலும் வாசிக்க

கௌரவப் போர்

- கார்­வண்ணன்

24/12/2019  கொழும்பில் உள்ள சுவிஸ் தூத­ர­கத்தில் வீசா உதவி அதி­கா­ரி­யாகப் பணி­யாற்றும் கார்­னியர் பனிஸ்டர் பிரான்சிஸ் என்ற பெண், கடத்­தப்­பட்டு அச்­சு­றுத்­தப்­பட்­ட­தாக எழுந்த குற்­றச்­சாட்டை, இலங்கை அர­சாங்கம் கையா­ளு­கின்ற விதம் கடு­மை­யான சர்ச்­சை­களை தோற்­று­வித்­தி­ருக்­கி­றது.

ஜனா­தி­ப­தி­யாக கோத்­தா­பய ராஜபக் ஷ பத­வி­யேற்று ஒரு வாரத்தில் அந்தச் சம்­பவம் இடம்­பெற்­றி­ருந்­தது. அது­கு­றித்து பிர­தமர் மஹிந்த ராஜபக்ஷவின் கவ­னத்­துக்கு சுவிஸ் தூதுவர், கொண்டு சென்­றி­ருந்தார். நியூயோர்க் ரைம்ஸ் மூலம், ஊட­கங்­க­ளிலும் அந்தச் செய்தி பரவத் தொடங்­கி­யது.

இந்தக் குற்­றச்­சாட்டுத் தொடர்­பாக குற்ற விசா­ரணைத் திணைக்­களம் விசா­ர­ணை­களை ஆரம்­பித்­துள்­ள­தாக அர­சாங்கத் தரப்பில் இருந்து தகவல் வெளி­யி­டப்­பட்ட சம­நே­ரத்­தி­லேயே, அவ்­வா­றான சம்­பவம் ஒன்று நடக்­க­வே­யில்லை என்று அர­ச­ த­ரப்பிலிருந்து மறுப்­பு­களும் வெளி­வரத் தொடங்கி விட்­டன.

மேலும் வாசிக்க

மழைக்காற்று -- தொடர்கதை – அங்கம் 16 - முருகபூபதி

கற்பகம் ரீச்சர் ஊரிலிருந்து திரும்பி வந்தபோது வாசலுக்கு வந்து வரவேற்றாள் அபிதா. ரீச்சர் முதல் நாள் இரவு யாழ்ப்பாணத்தில் பஸ் ஏறி,  நிகும்பலையில் பெரியமுல்லை சந்தியில்   இறங்கி, ஓட்டோ பிடித்து வந்திருந்தாள்.

புறப்படுவதற்கு முன்னர் அபிதாவுக்குத்தான் கைத்தொலைபேசியில் தொடர்புகொண்டு சொல்லியிருந்தா.

அந்த பஸ் அதிகாலை நான்கு மணிக்கே வந்துவிடும் என்பதை தனது இவ்வூருக்கான முதல் வருகையிலிருந்து  தெரிந்துகொண்ட  அபிதா, தனது தலைமாட்டில் வைத்திருக்கும் ஜீவிகா தந்திருந்த கடிகாரத்தில் அதிகாலை நான்கு மணிக்கு அலாரம் வைத்து துயில் எழுந்திருந்தாள்.

வீட்டு வாசலில் கேட்டின் அருகே  கற்பகம் ரீச்சர் இறங்கியதுமே அபிதாவுக்கு மீண்டும் கோல் எடுத்தமையால், அவள் கதவைத்திறந்துகொண்டு ஓடிவந்து கேட்டைத்திறந்து ரீச்சருடன் வந்த பேக்குகளை தூக்கினாள்.

ரீச்சர், ஓட்டோவுக்கு காசைக்கொடுத்துவிட்டு வந்தா.

 “ என்ன…, இங்கே மழைவிட்டுவிட்டதா அபிதா..?  “

 “ ஓம் ரீச்சர். நல்லா மெலிந்துபோனீங்க. இப்போது காய்ச்சல் எப்படி..? வாங்க…. இருங்க…. ரீயா..? கோப்பியா..? என்னவேணும்..?  “ அபிதா ரீச்சரை அன்போடும் அக்கறையோடும் வரவேற்றாள்.

கற்பகம் ரீச்சரின் அறையைத் திறந்து, ரீச்சருடன் வந்திறங்கிய 

பேக்குகளை எடுத்துவைத்தாள்.

 “  என்ர அறையெல்லாம் க்ளீன் செய்தாயா..? இல்ல,  நான் போனதும் அப்படியே மூடியே வைத்திருந்தாயா..?  “ வந்தவுடனேயே தனது அதிகாரத்தை ரீச்சர் காண்பிக்கத் தொடங்கிவிட்டாள்.

 “ வந்து பாருங்க ரீச்சர்.  அதற்குப்பிறகு சொல்லுங்க. “  என்றாள் அபிதா.

ரீச்சரின் அறை சுத்தமாகவே காட்சியளிக்கிறது. ஊதுவத்தியின் வாசம் அறையில் பரவியிருந்தது. கட்டில் மெத்தையில் அழகான பூக்கள் அச்சிடப்பட்ட படுக்கை விரிப்பும், அதே நிறத்தில் தலையணை உறையுடன் இரண்டு தலையணைகளும் கிடந்தன.

யன்னலுக்கும் வேறு துணி மாற்றியிருந்தாள்.

கற்பகம் ரீச்சர், தான் அதிகாரம் செலுத்திக்கேட்பதற்கு வேறு ஏதும் கேள்விகளை மனதிற்குள் தேடிக்கொண்டிருப்பதை அபிதா தனது உள்மன வாசிப்பினால் புரிந்துகொண்டு,                          “ ரீச்சர்… கொஞ்சநேரம் படுத்து நல்லா ரெஸ்ட் எடுங்க…இன்றைக்கு ஸ்கூலுக்குப்போறீங்களா…?  எனக்கேட்டாள்.

“  ஓம்….ஓம்… போகத்தான் வேண்டும்  “

சிறிதுநேரத்தில் ரீச்சர் கேட்டிருந்த தேநீரை, அவவுக்குரிய கப்பில் ஊற்றி எடுத்துவந்து நீட்டினாள் அபிதா.

 “ அதில வை. முகம் கழுவிவிட்டு வாரன். “

கூடத்திலிருந்த  டீப்போவில் வைத்துவிட்டு, சமையலறைக்குச்சென்றாள் அபிதா.

கற்பகம் ரீச்சரின் பலமும் பலவீனமும் அவ்வாறு மற்றவர்களிடத்தில், குறிப்பாக வேலைக்காரிகளிடத்தில் அதிகாரம் செலுத்துவதில்தான் தங்கியிருக்கிறது. அவவிடம் குடியிருக்கும் மேட்டிமைப்புத்தி, அங்கிருக்கும் மற்றவர்களிடம் இல்லை என்பது அபிதாவுக்கு பெரிய ஆறுதல்.

மேலும் வாசிக்க

The Saiva Manram Bush Fire Appeal - A Fund Raising Dinner 02/01/2020

அமிர்த வருஷினி - உன்னத நோக்குடன் ஒழுங்கமைக்கப்பட்டுள்ள இராப்போசனம் - சனி: - 04.01.20 - மாலை 6மணி

கானகந் தீய்ந்து கருகி அழித்தவற்றை

தானத் தால் மீண்டுந் தளிர்ப்பிக்க - மானத்

தமிழர்கள் ஒன்றாகத் தந்த அறமே

அமிர்த வருஷினி யாம்!

                                                                                                                          -பேராசிரியர் ஸ்ரீ. பிரசாந்தன் (இலங்கை)-

மேலும் வாசிக்க

இலங்கைச் செய்திகள்

கைவிலங்கு, சிறைக்கூடம் என்பவற்றால் எமது ஜனநாயக போராட்டத்தை நிறுத்திவிட முடியாது - விடுதலையான சம்பிக்க 

இராணுவ சிப்பாயின் கழுத்தை அறுத்து துப்பாக்கி கொள்ளை!

தேசிய கீதம் சிங்களத்தில் மட்டுமே பாடப்படும்

சுனாமி நினைவு தினத்தை முன்னிட்டு விசேட ஆத்ம சாந்தி பிரார்த்தனை

கிழக்கு மாகாண ஆளுநா் மட்டக்களப்புக்கு விஜயம்



கைவிலங்கு, சிறைக்கூடம் என்பவற்றால் எமது ஜனநாயக போராட்டத்தை நிறுத்திவிட முடியாது - விடுதலையான சம்பிக்க 

(நா.தனுஜா)

24/12/2019  ஜனநாயகத்தையும், சுதந்திரத்தையும் நோக்கிய எமது போராட்டத்தை நாம் தொடர்ந்தும் முன்னெடுத்துச் செல்வோம். கைகளுக்கு விலங்கு பூட்டுவதன் மூலமும், சிறைக்கூடங்களின் ஊடாகவும் எமது அந்தப் போராட்டத்தை நிறுத்திவிட முடியாது என்று சிறையிலிருந்து பிணையில் விடுதலையான பாராளுமன்ற உறுப்பினர் பாட்டலி சம்பிக்க ரணவக்க தெரிவித்தார்.

மேலும் வாசிக்க

உலகச் செய்திகள்

இந்தியாவின் குடியுரிமை திருத்த சட்டம்- ஆர்ப்பாட்டத்தில் ஈடுபட்ட ஜேர்மன் மாணவன் வெளியேற்றப்பட்டார்.

பத்திரிகையாளர் கசோகி கொலை விவகாரம் : ஐந்து பேருக்கு மரணதண்டனை வழங்கி தீர்ப்பு

100 பேருடன் பயணித்த விமானம் கட்டிடம் மீது மோதி விபத்து!

பிலிப்பைன்ஸில் கிறிஸ்துமஸ் கொண்டாட்டத்தை நிலைக்குலைத்த சூறாவளி: 16 பேர் பலி 

பட்டமளிப்பு விழாவில் இந்தியாவின் புதியசட்டத்தினை கிழித்தெறிந்த மாணவி

ட்ரம்­பிற்கு 2020 இல் மூளையில் கட்டி ஏற்­பட்டு உயி­ருக்­காகப் போராடும் நிலை ஏற்­படும்: கண்­பார்­வை­யற்ற தீர்க்­க­த­ரி­சி­யின் எதிர்­வு­கூறல்

நீங்கள் இங்கு வாழவிரும்பாவிட்டால் பாக்கிஸ்தான் செல்லுங்கள் - உத்தரபிரதேசத்தில் ஆர்ப்பாட்டக்காரர்களை மிரட்டிய காவல்துறை அதிகாரி

வட தாய்லாந்தில் 12 சிறுவர்களை குகையில் இருந்து மீட்ட சுழியோடி உயிரிழப்பு!

ஓமான் வளைகுடாவில் சீனா ரஸ்யா ஈரான் கடற்படையினர் கூட்டு ஒத்திகை- அமெரிக்காவிற்கு செய்தி?

'பிரபலமான பதின்ம பருவ நபர் மலாலா': ஐ.நா அறிவிப்பு



இந்தியாவின் குடியுரிமை திருத்த சட்டம்- ஆர்ப்பாட்டத்தில் ஈடுபட்ட ஜேர்மன் மாணவன் வெளியேற்றப்பட்டார்.

25/12/2019  இந்தியாவின் குடியுரிமை திருத்த சட்டத்திற்கு எதிரான ஆர்ப்பாட்டத்தில் ஈடுபட்ட ஜேர்மனியை சேர்ந்த மாணவனை இந்திய அதிகாரிகள் நாட்டிலிருந்து வெளியேற்றியுள்ளனர்.

ஜகோப் லிடென்தால் என்ற மாணவனே இவ்வாறு இந்தியாவிலிருந்து வெளியேற்றப்பட்டுள்ளான்.

சென்னை ஐஐடியில் கல்வி கற்ற ஜேர்மனியை சேர்ந்த மாணவனே இவ்வாறு வெளியேற்றப்பட்டுள்ளான்.

குடிவரவு துறை அதிகாரிகளுடன் பேச்சுவார்த்தைகளை மேற்கொண்ட பின்னர் லின்டென்தால் இந்தியாவிலிருந்து தாயகம் திரும்பியுள்ளார் என ஐஐடியின் சர்வதேச கற்கைகளிற்கான பீடாதிபதி தெரிவித்துள்ளார்.

ஜேர்மனி மாணவன் குடியுரிமை திருத்த சட்டங்களிற்கு எதிரான ஆர்ப்பாட்டத்தில் கலந்துகொண்டதை காண்பிக்கும் படங்கள் செய்தித்தாள்களிலும் சமூக ஊடகங்களிலும் வெளியானதை தொடர்ந்தே அவர் வெளியேற்றப்பட்டுள்ளார் என பீடாதிபதி தெரிவித்துள்ளார்.

1935 முதல் 45 வரை நாங்களும் இதனை அனுபவித்தோம்,என்ற பதாகையுடன் அவர் காணப்பட்டுள்ளார்.

மேலும் வாசிக்க

தமிழ் சினிமா - தனுசு ராசி நேயர்களே திரைவிமர்சனம்

பல ஹிட் படங்கள் கொடுத்த பிரபல இயக்குனர் மற்றும் நடிகரான சந்தான பாரதியின் மகன் சஞ்சய் பாரதி இயக்குனராக அறிமுகம் ஆகியுள்ள படம் தான் 'தனுசு ராசி நேயர்களே'. ஹரிஷ் கல்யாண் ஹீரோவாக நடித்துள்ளார். படம் எப்படி இருக்கு? தெரிந்துகொள்ள தொடர்ந்து படியுங்கள்.

கதை:

ஹீரோ ஹரிஷ் கல்யாண் கார் ஷோரூமில் வேலை பார்க்கிறார். தனுசு ராசிகாரர் என்பதால் அவருக்கு கன்னி ராசி கொண்ட பெண் தான் மனைவியாக வருவார் என ஜோசியர்கள் கூறுகின்றனர். சிறிய வயது முதலே ஜோதிடத்தின் மீது அதிகம் நம்பிக்கை கொண்டவர் அவர், அதனால் ஜோசியர் சொன்னதை நம்பி கன்னி ராசி பெண்ணை தேடி அலைகிறார்.

Facebook, whatsapp என காதல் பல பரிமாணங்களை தொட்டுவிட்ட இந்த காலத்தில் இவர் ராசி பற்றி கேட்டாலே அனைத்து பெண்களும் தெறித்து ஓடுகின்றனர்.

அந்த நேரத்தில் அவரது முன்னாள் காதலி ரெபா மோனிகா தன் திருமணத்திற்கு பெங்களூரு வரும்படி அழைக்கிறார். அங்கு தான் ஹரிஷ் கல்யாண் ஒரு புது பெண்ணை சந்திக்கிறார். அவருடன் காதல், மோதல் என பல விஷயங்கள் நடக்க, இறுதியில் ஹரிஷ் யாரை தான் திருமணம் செய்தார் என்பது மீதி கதை.

படத்தை பற்றிய அலசல்:

ஒரு சாதாரண காதல் கதையை எடுத்து மிக நீளமாக படமாக்கியுள்ளார் இயக்குனர். ட்ரைலர் பார்க்கும்போது நமக்கு பெரிய எதிர்பார்ப்பு எழுந்தது, ஆனால் படம் பார்க்கும்போது அதற்கு நேர்மாறான ரியாக்ஷன் தான்.

ஒன்லைன் நன்றாக இருந்தாலும், திரைக்கதைக்காக இயக்குனருக்கு மார்க் போட்டால் பாஸ் ஆவதே கஷ்டம் தான்.

ஹரிஷ் கல்யாண் வழக்கம் போல சாக்லேட் பாய் தோற்றத்தில் சிறப்பாக நடித்தாலும், பெரிதாக ஸ்கோர் செய்யும் அளவுக்கு அழுத்தமான காட்சிகள் எதுவும் இல்லை. ஹீரோயின் டிகங்கனா சூர்யவன்ஷி கவர்ச்சியை படம் முழுக்க அள்ளி தெளிக்கிறார். ரொமான்ஸ், டான்ஸ், கவர்ச்சி என அனைத்திலும் ஸ்கோர் செய்கிறார். ஹீரோயின் ரோலை இன்னும் கொஞ்சம் அழுத்தமாக வடிவமைத்திருக்கலாம்.

ரெபா மோனிகா தன் சிறிய ரோலில் குறைஎதுவும் வைக்காமல் நடித்துள்ளார்.

படத்தின் நடுநடுவே வரும் யோகிபாபு தேவையில்லாத இணைப்பு. படம் முழுக்க வரும் முனிஷ்காந்த் சிறப்பாகவே நடித்துள்ளார்.

பாசிட்டிவ்:

- ஒளிப்பதிவு மற்றும் இசை.

- ஹரிஷ் கல்யாண்-டிகங்கனா கியூட்டான நடிப்பு.

நெகடிவ்:

- சுத்தமாக ஒர்கவுட் ஆகாத காமெடி.

- படத்தின் நீளம் 2 மணி நேரம் தான். ஆனால் படம் முழுக்க ஒரே டோனில் ஏற்ற இறக்கம் எதுவும் இல்லாமல் இருப்பது சலிப்பை தான் ஏற்படுத்துகிறது.

- பெண்களை கவர்ச்சியாக காட்ட மெனக்கெட்ட அளவுக்கு இயக்குனர் திரைக்கதைக்காக இன்னும் கொஞ்சம்

உழைத்திருக்கலாம். பல காட்சிகளில் blur ஆக்கி மறைக்கும் அளவுக்கு பெண்களை ஆபாசமாக எடுத்துள்ளனர்.

-சீரியல் தனமாக இருக்கும் சில காட்சிகள், கிளைமாக்ஸ் உட்பட.

மொத்தத்தில் தனுசு ராசி நேயர்களே 'சோதனை' தான். எதிர்பார்ப்பில்லாமல் ஒருமுறை பார்க்கலாம்.

நன்றி  CineUlagam

பொன்மாலைப் பொழுது - குறும்படம்

.