மரண அறிவித்தல்

.
                      பேராசிரியர், கலாநிதி, சட்டத்தரணி, போல் டொமினிக்

மறைவு  - 11 .02. 2015

கரம்பனைப் பிறப்பிடமாகவும் சிட்னி, அவுஸ்ரேலியாவை வதிவிடமாகவும் கொண்ட பேராசிரியர், கலாநிதி, சட்டத்தரணி, போல் டொமினிக்
அவர்கள் 11.2.2015 புதன்கிழமை அன்று இறைபதம் அடைந்தார்.
அன்னார் காலஞ் சென்ற சட்டத்தரணி திருமதி.பற்றீசியா சத்தியபாமா டொமினிக் இன் அன்புக் கணவரும்
செல்வி பேனடெற் ஜெரால்ட்  இன் அன்புத் தந்தையும், ஜெரால்ட்  இன் அன்பு மாமனாரும்,
அமொஸ் டானியேல், சந்தனா ஜெனஸ் ஆகியோரின் அன்புப் பேரனும்காலஞ்சென்ற மனுவேல்பிள்ளை, அந்தோனியாப்பிள்ளை ஆகியோரின் அன்பு மகனும்,
காலஞ் சென்றவர்களான சாமுவேல், மேரி பரமேஸ்வரி சவரிமுத்து தம்பதிகளின் அன்பு மருமகனுமாவார்.
அன்னார் சிறிலின் புஸ்பராணியின் அன்பு அண்ணனும்,
காலஞ்சென்ற செல்வரட்ணம், ரீட்டா, ரேமன், காலஞ்சென்ற தர்மன், யுபுரோ, போல், டீரியா, சுசீலா,குமார் ஆகியோரின் அன்பு மைத்துனரும்,
ரோஜ், ஹட்சன், றியன்சன், டயன்சி, கொன்சி ஆகியோரின் மாமனாரும் ஆவார்.
அன்னாரின் பூதவுடல் வரும் வியாழக்கிழமை 19^th February 2015, இரவு 6:00 - இரவு 8:00 வரை 

St.Gerard Church, 543 North Rocks Road, Carlingford. NSW 2118

என்ற இடத்தில் பார்வைக்காக வைக்கப்பட்டு

வரும் சனிக்கிழமை 21^st February 2015 காலை 9.45

St.Gerard Church, 543 North Rocks Road, Carlingford. NSW 2118 என்ற இடத்தில் அன்னாருக்கான திருப்பலி பூஜை ஒப்புக்கொடுக்கப்பட்டு

North Rocks Catholic Cemetery, North Rocks Road, Carlingford. NSW 2118 இல் நல்லடக்கம் செய்யப்படும்.
இவ் அறிவித்தலை உற்றார் உறவினர், நண்பர்கள் அனைவரும் ஏற்றுக் கொள்ளுமாறு கேட்டுக் கொள்ளப்படுகின்றனர்.
மேலதிக விபரங்களுக்கு
ஜெரால் 0439 266 578
செல்வி 0451 960 001

மரண அறிவித்தல்

.

திரு.கந்தையா சிவஞானம்

                                                             மறைவு 14.02.2015

சாவகச்சேரி, சரசாலையைப் பிறப்பிடமாகவும் Homebush, Sydney, Australiaவை வதிப்பிடமாகவும் “Homebush அப்பா” என்று அன்பாக எல்லோராலும் அழைக்கப்பட்டவரும், தமிழர் முத்த பிரஜைகள் சங்கத்தில் பல ஆண்டுகாலமாக சிறப்புப் பங்களித்தவருமாகிய, முன்னாள் திருகோணமலை, இலங்கை புகையிரத நிலைய அதிபர், திருவாளர் கந்தையா சிவஞானம் அவர்கள் 14/02/2015 அன்று இறைவன் திருவடி சேர்ந்தார்.

அன்னார், முன்னாள் ஆசிரியர் அருணாசலம் கந்தையா (சட்டம்பியார்) மாணிக்கம் அவர்களின் சிரேஷ்ட மகனும், கொழும்புத்துறை கந்தார்மணியம் ஒழுங்கையைச் சார்ந்த முத்துக்குமாரசாமி சிவஞானவல்லியின் பாசமிகு கணவரும், முத்துக்குமாரசாமி சிவபாக்கியம் அவர்களின் அன்பு மருமகனும் ஆவார்.

இவர் காலஞ்சென்ற துரைராஜாவின் அன்பு சகோதரரும், சித்திரலேகா (லண்டன்), கங்காதரன் (சிட்னி), சந்திரலேகா (சிட்னி), இந்திரலேகா (லண்டன்), சிறீதரன் (சிட்னி), கிரிதரன் (லண்டன்), சூரியலேகா (சிட்னி) ஆகியோரின் பாசமிகு தந்தையும்,

காலஞ்சென்ற திரவியம், காலஞ்சென்ற கஜேந்திரநாத், கதிரவேல் (சிட்னி), சரவணபவன் (சிட்னி), சிறீரஞ்சனி (சிட்னி), யசோதரா (சிட்னி), ஜமிலா (லண்டன்) ஆகியோரின் அன்பு மாமனாரும்,

அனுராதா, சற்குணபாலன், சுஜாத்தா, ரவிசங்கர், ஹம்ஷகவிதா, ரமேஷ், சஞ்சீவ், சுகன்யா, ஷாரங்கன், ரியோனா, கீதாஞ்சனா, பங்கஜ், கிரிசாந்த், சிவாஞ்சனா, சிறீகௌசிகா, முகா, சிவசங்கர், ராம்பீஷ்மன், சிறீலக்ஷ்மி, சிவலக்ஷ்மணன், சிறீகிருஷ்ணன், கானசிறீ ஆகியோரின் பாசமிகு பேரனும்,

மதுரி, விஷ்ணுகோபன், ஈஸ்வன், ஜெயினி, ஷாம்ரேஷ், ஷஷ்மிதா, ஈஷா, சன்ரித், லக்ஷ்ஷே, ஆரியா ஆகியோரின் ஆசைப் பூட்டனும் ஆவார்.

அன்னாரின் ஆத்மா சாந்தியடைய, வணங்கிப் பிரார்த்தனை செய்ய விரும்புவோரை, திங்கட்கிழமை 16/02/2015 அன்று மாலை 6:30 மணியிலிருந்து 9:00 மணிவரையில் Liberty Funerals, Granvilleக்கு வருமாறு அன்புடன் கேட்டுக்கொள்கின்றோம்.

அன்னாரின் இறுதிக்கிரியைகள் Liberty Funerals, Granvilleலில் புதன்கிழமை 18/02/2015 அன்று காலை 9:30 மணியிலிருந்து 11:30 மணிவரையும் இடம்பெற்றுப் பின்னர் தகனக்கிரியைகள் Lidcombe, Rookwood Cemetery, South Chappellலில் மதியம் 12:00 மணியிலிருந்து 1:00 மணிவரையில் இடம்பெறும் என்பதையும் அறியத்தருகின்றோம்.

இவ்வறிவித்தலை உற்றார், உறவினர், நண்பர்கள் அனைவரையும் ஏற்றுக்கொள்ளுமாறு கேட்டுக்கொள்கின்றோம்.

தகவல்:

கங்காதரன் - 0455 298 904

சிறீதரன் - 0414 191 208

சூரி - (02) 9702 5414

காதல் இனிது - காதலர்தின கவிதை - வித்யாசாகர்!

.

சுடாத தீநாக்கில்
சுட்டதாய் அழும் மனதிற்கு
தொடாமல் இனிக்கும் நெருப்பு காதல்;

தொட்டாலும்
தீ பட்டாலும்
இதயமிரண்டும் தீ தீயெனச் சுட்டாலும்
இனிது இனிது; காதல்
என்றும் இனிது இனிதே..

கண்கள் சிமிட்டி
காடெரிக்கும் போதையில்
கண்ணீர் திரட்டி
தலையணை நனைந்து
தலைமயிர் கொட்டி
தாடி வளர்ந்து
வீடு அழுது
ஊர் விரட்டி
ஒதுங்கியே பைத்தியமாய் திரிந்தாலும்
உள்ளே இனிக்கும் காதல்; ஒய்யாரமாய்
சிரிக்கும் காதல்,

மேலும் வாசிக்க

சிட்னி ஸ்ரீ துர்க்கை அம்மன் திருக்கோயில் அலங்கார உற்சவம் 2015

மேலும் வாசிக்க

சிட்னி முருகன் கோவில் மஹா சிவராத்திரி 17.02.2015

.

விழுதல் என்பது எழுகையே" - பகுதி 38 மகேந்திரன் குலராஜ் – பிரான்ஸ்

.

கொழும்பிலிருந்து டென்மார்க் வரை சீலனுக்கு இதுவரை என்ன நடந்தது???

பகுதி 1 இல் இருந்து பகுதி 37  வரை கதையின் சுருக்கம்

இதுவரை....

கொழும்பு கட்டுநாயக்கா விமான நிலையத்திலிருந்து புறப்பட்ட சீலன் என்ற தர்மசீலன்  திருவிழாவில் தந்தையின் கையைப்பிடித்து தந்தையின் நடைக்கு ஏற்றவாறு ஓடி ஓடி நடப்பது போல் ஏஜன்சிக்காரனின் வழிநடத்தலில் காற்றடிக்கும் திசையில் பறந்து போகும் சருகாக இலக்கு இல்லா இலக்கு நோக்கி போகிறான்.
விமானத்தினுள் எங்கே போகிறேன் எனத் தெரியாது அவன் மனம் பதை பதைக்கின்றது.....
இங்குதான் இறங்க வேண்டும் என்கிறான் ஏஜன்சி......
இறங்குகிறான், அது ஆஸ்திரியா.........சில நாட்கள்  அங்கு.......
இனி எங்கு போவான்...........தெரியாது
தாயின் நினைப்பும் தங்கையின் நினைப்புத்தான் அவனுக்கு ஆறுதல்...
இந்த நினைப்புகளில் இருந்தவனுக்கு.......
சாந்தியின் தற்கொலை திகிலை ஏற்படுத்துகிறது....
ஒருமுறை மனம் தளர்ந்து தளும்புகிறது....
இனி என்ன?
ஆஸ்திரியாவில் இருந்து சூரிச்.....
வீதியோரத்தில் பிச்சைக்காரர்களாய் அந்த நாட்டு மக்களின் ஏளனப் பார்வைக்கு இரையாகி கூனிக்குறுகி...
அவமானப்பட்டு மனம் குறுகினாலும்....
அவர்கள் எங்களை வெறுப்போடு பார்ப்பதில் என்ன தவறு இருக்கின்றது.........
இதையும் அவனின் மனம் ஏற்கிறது.....
வந்து குவியும் அகதிகளால் எங்கள் பொருளாதாரம் சீரழிகிறதே...
அவர்கள் அப்படி நினைப்பதில் என்ன தவறு........
அதுவும் கடந்து போகிறது...
சீலனின் கண்ணீரைத் துடைக்கும் கையாக வருகிறார் தவம்...
மனம் மெதுவாக ஆறதலடைய.........பரபரப்பு படபடப்பு அடங்க...
மேகம் கிழித்த நிலவாக காதலி  பத்மகலாவின் நினைப்பு மிதமாகிறது.......
அம்மா தங்கை பத்மகலா என உறவுகளின் நினைவுகளில் விடுதி வாழ்வு நகர்கின்றது.
தவத்தார் மூலம் இராமலிங்கத்தின் அறிமுகம்..............சில நாட்கள் விருந்தோம்பலுடன் நட்பு வளர்கின்றது.
இராமலிங்கத்தின் மகளுக்கான தடபுடலான திருமணம்.....
புலம்பெயர் தேசத்தில் அவன் பார்க்கும் முதலாவது திருமணம் இது...
சீலன் படித்த யாழ் பல்கலைக்கழகத்தில் படித்த முரளி மணமகனாகிறன்...
தாலியும் கட்டியாயிற்று.......

மேலும் வாசிக்க

புலம் பெயந்த நாடுகளில் கலை கலாச்சாரம் பேணுவதில் தமிழர்கள் எதிர் நோக்கும் நடை முறைசிக்கல்கள்

.

இக்கட்டுரை ஒன்பதாவது உலகத் தமிழ் ஆராய்ச்சி மாநாட்டில் சமர்பிக்கப்பட்டதன்சுருக்கம் 

கலாநிதி  சந்திரிகா சுப்ரமண்யன் மற்றும் நிவாசினி சுப்ரமண்யன்

இன்று உலகளாவிய ரீதியில் ஏறக்குறைய ஐம்பது நாடுகளில் எழுபது மில்லியன் தமிழர்கள்புலம் பெயந்து கால்பதித்து இருக்கிறார்கள். சென்ற இடமெல்லாம் மொழி, பண்பாடு,பாரம்பரியம் கலாச்சார விழுமியங்களை பேணுவதற்கு அவர்கள் தவறுவதில்லை. தொழில்,கல்வி, வாணிபம், அடிமைத் தொழில் மற்றும் உள் நாட்டு போர் போன்ற காரணங்களுக்காகசொந்த நாட்டை விட்டு இடம் பெயர்ந்து உலகின் பல்வேறு பாகங்களிற்கும் தமிழர்கள்சென்றுள்ளனர்.இப்படி உலக சக்தியாக விளங்கும் தமிழினம் தனது பாரம்பரியத்தையும் ,கலாச்சாரத்தையும் அடுத்த தலைமுறைக்கு கைப் பிடித்துத்தர விழைகிறது. ஆனால் அதில்அவர்கள் எதிர் நோக்கும் நடை முறைசிக்கல்கள் எண்ணற்றவை.

தமிழ் மொழி, கலாச்சாரம், பண்பாடு பேணுதலில் தமிழர்கள் சந்திக்கும் நடைமுறை சிக்கல்கள்

1.            நடைமுறைத் தமிழ் பயிற்றல்

2.            வாரம் ஒருமுறையே தமிழ், கலை பயிற்சிகள் நடப்பதனால் கால இடைவெளியும்,அதிக நேரம் (4 மணித்தியாலம் ) நடப்பதனால் இளையோர் கட்டாயப்படுத்தப்படுவதாக ஓர்உணர்வை ஏற்படுத்தி அவர்கள் ஆர்வம் குறைகிறது.

மேலும் வாசிக்க

ஸ்ரீ ஐயப்ப சுவாமி நிலையத்தில் மஹா சிவராத்திரி 17.02.2015

.

மேலும் வாசிக்க

சங்க இலக்கியக் காட்சிகள் 39- செந்தமிழ்ச்செல்வர், பாடும்மீன் சு.ஸ்ரீகந்தராசா

.
பண்டைத் தமிழ் மக்களின் வாழ்க்கை முறைகளையும்ää  பண்பாட்டினையும் படம்பிடித்துக்காட்டும் சான்றுகளாகத் திகழும்சங்க இலக்கியங்கள் குறித்துரைத்து நிற்கும் சுவைமிகுந்த காட்சிகளை வெளிப்படுத்தும் கட்டுரைத்தொடர்.

எனக்கு நீ தலைவனுமில்லை! 
உனக்கு நான் பணியாளுமில்லை!

தலைவன் அரசபணியாக வெளிய10ர் சென்றுவிட்டான். திரும்பி வருவதாக அவன் சொல்லிச் சென்ற காலமும் கடந்துவிட்டது. அவன் வரவில்லை. அவனைப் பிரிந்ததினால் எற்பட்ட துன்பத்தில் வாடியிருந்த தலைவிக்குக் குறித்த காலம் கடந்தபின்னரும் அவன் வராமல் இருப்பதால் துயரம் அதிகமாகிää அவள் துடித்துப் போகின்றாள். அது பெருநோயாகி அவள் உடல் மெலிந்துää களையிழந்து கிடக்கிறாள். அவளின் தோழி அவளுக்கு ஆறுதல் வார்த்தைகளைக் கூறுகின்றாள். இந்த நேரத்தில் தலைவனிடமிருந்து தூதுவனாகப் பாணன் ஒருவன் வருகின்றான்.  தலைவன் சென்ற வேலை இன்னும் முடியவில்லை என்றும் அதனால் இன்னும் சிலகாலம் பிரிவுத் துயரைப் பொறுத்துக்கொள்ளுமாறும் தலைவிக்குச் சொல்லிவருமாறு தன்னைத் தூதாக அனுப்பியதாகக் கூறுகின்றான். அப்போது அவனைப் பார்த்துத் தோழி சொல்கிறாள்:

மேலும் வாசிக்க

திருமுறை பண்ணிசை நிகழ்வு 19.02.15

.
சிட்னி முருகன் ஆலயத்தில் 19.02.2015 வியாழக்கிழமை மாலை 7.30 மணிமுதல் 9.00 மணிவரை

உலகச் செய்திகள்

பங்களாதேஷில் பெற்றோல் குண்டு தாக்குதல்; 9 பேர் பலி

ஈராக்கில் தற்கொலை குண்டு தாக்குதல் : 14 பேர் பலி

டில்லி சட்டசபைத் தேர்­தலில் ஆம் ஆத்மி அமோக வெற்றி

சிலி மற்றும் ஆர்ஜென்டீனா எல்லையில் பூமியதிர்ச்சி

பங்களாதேஷில் பெற்றோல் குண்டு தாக்குதல்; 9 பேர் பலி

09/02/2015 பங்­க­ளா­தேஷில் பஸ்­ஸொன்றின் மீதும் டிரக் வண்­டி­யொன்றின் மீதும் பெற்றோல் குண்­டு­களை வீசி மேற்­கொள்­ளப்­பட்ட தாக்­கு­தல்­களில் குறைந்­தது 9 பேர் பலி­யா­ன­துடன் 30 பேருக்கும் அதி­க­மானோர் காய­ம­டைந்­துள்­ள­தாக அந்­நாட்டு பொலிஸார் தெரி­வித்­தனர்.

கடந்த மாதம் அர­சாங்க எதிர்ப்பு ஆர்ப்­பாட்­டங்கள் ஆரம்­ப­மா­னது முதற்­கொண்டு இது­வரை இடம்­பெற்ற தாக்­கு­தல்­களில் 70 பேருக்கும் அதி­க­மானோர் பலி­யா­கி­யுள்­ளனர்.
கடந்த வருடம் இடம்­பெற்ற சர்ச்­சைக்­கு­ரிய தேர்­தலின் ஆண்டு தினத்­தை­யொட்டி பொது பகிஷ்­க­ரிப்புப் போராட்­ட­மொன்­றுக்கு எதிர்க்­கட்­சி­யான பங்­க­ளாதேஷ் தேசிய கட்சி அழைப்பு விடுத்­தி­ருந்­தது.

மேலும் வாசிக்க

'லிங்கா' பிரச்சினையில் இறங்குகிறாரா ராமதாஸ்?- உத்தம வில்லனையும் பாதிக்க வாய்ப்பு!

.

'லிங்கா' இழப்பீடு தொடர்பான விவகாரத்தில், விநியோகஸ்தர்கள் நடத்தவிருக்கும் பிச்சை எடுக்கும் போராட்டத்தை, பாமக நிறுவனர் ராமதாஸ் தொடங்கி வைப்பார் என தகவல் வெளியாகியுள்ளது.

'லிங்கா' இழப்பீடு விவகாரத்தில் தயாரிப்பாளர் ராக்லைன் வெங்கடேஷ் 10% இழப்புத் தொகை மட்டுமே தரமுடியும் என்று தெரிவித்ததைத் தொடர்ந்து, விநியோகஸ்தர் மீண்டும் போராட்டம் நடத்த தீர்மானித்து இருக்கிறார்கள்.

இம்முறை தமிழகம் முழுவதும் மக்களிடம் பிச்சை எடுக்கும் போராட்டம் நடத்த தீர்மானித்திருக்கிறார்கள். 'லிங்கா' வெளியான திரையரங்கள் அனைத்திலும் படக்குழுவினருக்கு எதிராக பேனர் வைக்கப்பட்டு உண்டியல் வைக்கப்படு என்று அறிவித்திருக்கிறார்கள்.

இந்தப் போராட்டத்தை சென்னை - போயஸ் கார்டனில் உள்ள ரஜினியின் வீட்டின் முன்பு தொடங்க இருக்கிறார்கள். இதில் பிரபல அரசியல் கட்சி தலைவர் பங்கேற்று முதல் காசை போட்டு தொடங்கி வைப்பார் என்று அறிவித்திருக்கிறார்கள் விநியோகஸ்தர்கள்.

அரசியல் தலையீடு

'பாபா' படப் பிரச்சினையை போலவே, தற்போது 'லிங்கா'விலும் அரசியல் தலையீட்டின் பேரில் பிரச்சினை பெரிதாக இருக்கிறது. இன்று விநியோகஸ்தர்கள் தரப்பில் பா.ம.க நிறுவனர் ராமதாஸ், சீமான் உள்ளிட்ட தலைவர்களை சந்திக்கிறார்கள். அதனைத் தொடர்ந்து பல்வேறு அரசியல் கட்சித் தலைவர்களையும் சந்தித்து தங்களது போராட்டத்துக்கு ஆதரவு திரட்ட தீர்மானித்திருக்கிறார்கள்.

பிச்சை எடுக்கும் போராட்டத்துக்கு ஏற்கெனவே ராமதாஸ் ஆதரவு தெரிவித்துவிட்டதாகவும், அவர் தான் முதல் பிச்சையை போட்டு ஆரம்பிக்க இருப்பதாகவும் தகவல்கள் வெளியாகியுள்ளன. அதுமட்டுமன்றி சந்திக்கும் தலைவர்கள் அனைவரிடமும் 'லிங்கா'வில் என்ன வியாபாரம் நடந்தது என்பதை தெளிவுப்படுத்த திட்டமிட்டு இருக்கிறார்கள்.

தயாரிப்பு செலவு ரூ.45 கோடியா?

மேலும் வாசிக்க

பாகிஸ்தானை வீழ்த்திய தோனியின் கள வியூகமும் இந்தியாவின் முப்பெரும் எழுச்சியும்!

.

உலகக் கோப்பைப் போட்டிகளில் பாகிஸ்தான் இன்னமும் இந்தியாவை வீழ்த்தவில்லை... தொடரும் ஆதிக்கம்... ஆம்! அப்படித்தான் 2019 ஆம் ஆண்டு உலகக் கோப்பை வரை இனி பேசப்படுவதற்கான சாத்தியம் மிகுதியாகி இருக்கிறது.

இந்தியா - பாகிஸ்தான் போட்டி... அதுவும் உலகக் கோப்பை போட்டி என்றால் கேட்கவே வேண்டாம். ஞாயிற்றுக்கிழமை சாலைகள் வெறிச்சோடியே கிடந்தன; காய்கனிக் கடைகள் முதல் தேநீர் கடைகள், மருந்து கடைகள் எங்கும் தொலைக்காட்சிப் பெட்டிகளில் லைவ் ரிலே. கையில் நோட்டும் பேனாவுமாக கடை முதலாளிகள் கல்லாவை விடவும் இந்தியா எவ்வளவு ரன்கள் எடுக்கும் என்ற ஆர்வத்தில் பதற்றத்துடன் காணப்பட்டனர்.

இனி உலகக் கோப்பை வெல்லாவிட்டாலும் பரவாயில்லை என்று தங்களை நாட்டுப்பற்றாளர்கள் என்று காட்டிக்கொள்ளும் சில தரப்பினர் மகிழ்ச்சியில் கருத்து தெரிவிக்க, மற்ற சிலரோ, பாகிஸ்தானை வென்று விட்டோமா... இனி இந்தியாவை இந்த உலகக் கோப்பை போட்டியில் இந்தியாவை அசைக்க முடியாது என்றும் பரவலாக கலவையான கருத்துகள் உலா வந்தபடி உள்ளன.

இந்தியாவை இனி அசைக்க முடியாது என்று பலரும் கருதுவதற்குக் காரணம், இந்திய அணி இன்று தன் ஆட்டத்தின் மூலம் தங்களை மிகவும் பலமாக வெளிப்படுத்திக் கொண்டுள்ளனர். பேட்டிங், பவுலிங், ஃபீல்டிங் என்று இன்று இந்திய வீரர்கள் காட்டிய வெற்றி முனைப்பு மற்றும் தீவிரம் பாகிஸ்தான் தனது பலவீனத்தை மீறி எழுச்சிபெற விடாமல் செய்தது.

ஆம், உலகக் கோப்பை 'பி' பிரிவு லீக் ஆட்டத்தில், பாகிஸ்தான் அணியை 76 ரன்கள் வித்தியாசத்தில் அபாரமாக வீழ்த்தியது இந்திய அணி.

தோனியின் கள வியூகம்

மேலும் வாசிக்க

பிரம்மோஸ் சோதனை வெற்றி

.

ஒலியைவிட அதிக வேகத்தில் 290 கி.மீ. வரை சென்று இலக்கை தாக்கும் திறன்கொண்ட பிரம்மோஸ் ஏவுகணையை கடற்படை கப்பலில் இருந்து செலுத்தி, இந்தியா நேற்று வெற்றிகரமாக பரிசோதித்துள்ளது.

கோவா கடற்கரையில் நிறுத்தப்பட்டிருந்த, கடற்படையின் சக்திவாய்ந்த மற்றும் புதிய போர்க் கப்பலான ‘ஐ.என்.எஸ். கொல்கத்தா’வில் இருந்து இந்த ஏவுகணை செலுத்தப்பட்டது. நிர்ணயிக்கப்பட்ட திசையில் சென்று இலக்கை துல்லியமாக இது தாக்கியது.

ஐ.என்.எஸ். கொல்கத்தா போர்க் கப்பல் கடந்த ஆண்டு ஆகஸ்ட் 16-ம் தேதி கடற்படையில் சேர்க்கப்பட்டது. அதிக எண்ணிக்கையில் பிரம்மோஸ் ஏவுகணைகளை ஏவும் திறன் இந்தக் கப்பலுக்கு உள்ளது. வழக்கமான போர்க் கப்பல்கள் ஒரே நேரத்தில் 8 ஏவுகணைகளை மட்டுமே செலுத்தும். ஆனால் ஐஎன்எஸ் கொல்கத்தா ஒரே நேரத்தில் 16 ஏவுகணை களை செலுத்தும் திறன் கொண்டது. இந்த வகையி லான போர்க் கப்பல்களில் இதுவே முதலானது.

இதுபோல மேலும் இரண்டு போர்க் கப்பல்கள் கடற்படையில் சேர்க்கப்பட உள்ளன. இந்த 3 கப்பல்களிலும் முக்கிய ஆயுதமாக பிரம்மோஸ் ஏவுகணை இடம்பெறும். இந்த கப்பல்களில் பயன்படுத்தப்படும் ஏவுகணை செலுத்து வாகனம் (universal vertical launcher module UVLM) தனித்தன்மை வாய்ந்தது. பிரம்மோஸ் ஏரோஸ்பேஸ் நிறுவனம் மூலம் இது வடிவமைக்கப்பட்டு காப்புரிமை பெறப்பட்டுள்ளது. ரேடார் கண்களில் சிக்காமலும், எந்த திசையிலும் ஏவுகணைகளை செலுத் தும் திறனும் இந்த செலுத்து வாகனத்துக்கு உள்ளது.

இலங்கைச் செய்திகள்

ஆனந்த குமாரசுவாமி வீதியை திறந்து வைத்தார் ஜனாதிபதி

கோயில் உண்டியல் உடைப்பு: ஒரு தொகை பணம் கொள்ளை

பொலிஸாருககு எதிராக காலவரையறையின்றி பணி பகிஸ்கரிப்பு
நூறுநாள் வேலைத்திட்டத்தில் எம்மையும் உள்வாங்குங்கள்: கிளிநொச்சியில் ஆர்ப்பாட்டம்
ஹேமா குமுதினி விக்கிரமசிங்க சத்தியப்பிரமாணம்
 
‘குடிநீருக்கான எமது உரிமையைப் பாதுகாப்போம்’ கவனயீர்ப்பு நிகழ்வு

ஆனந்த குமாரசுவாமி வீதியை திறந்து வைத்தார் ஜனாதிபதி

10/02/2015 முன்னாள் ஜனாதிபதி மஹிந்த ராஜபக்ஷவின் ஆட்சியில் பெயர் மாற்றம் பெற்ற “நெளும் பொகுன” வீதி மீண்டும் ஆனந்த குமாரசுவாமி வீதியாக பெயர் மாற்றம் பெற்று ஜனாதிபதி மைத்திரிபால சிறிசேனவினால் இன்று திறந்து வைக்கப்பட்டது.

மேலும் வாசிக்க

கையில் எழுதிப் பழகாவிட்டால் கற்கும் திறன் பாதிக்கப்படும்

.

கைகளால் எழுதிக் கற்கும் முறை குழந்தைகளின் மூளை வளர்ச்சிக்கு துணைபுரிவதாகவும், கணினியின் விசைப்பலகை மற்றும் தொடுதிரைகளைப் பயன்படுத்தி குழந்தைகள் கல்வி கற்கும் தற்போதைய நடைமுறை அவர்களின் படிக்கும் திறனை பாதிக்கும் என்றும் புதிய ஆய்வு எச்சரிக்கை

கைகளால் எழுதிக் கற்கும் முறை குழந்தைகளின் மூளை வளர்ச்சிக்கு துணைபுரிவதாக புதிய ஆய்வு ஒன்று தெரிவித்துள்ளது. கைகளால் எழுதுவதற்கு பதில் கணினியின் விசைப்பலகை மற்றும் தொடுதிரைகளைப் பயன்படுத்தி குழந்தைகள் மேலதிகமாக கல்வி கற்கும் தற்போதைய நடைமுறை அவர்களின் படிக்கும் திறனை பாதிப்பதாகவும் அந்த ஆய்வு குறிப்புணர்த்தியுள்ளது.

உலக அளவில் குழந்தைகள் பேனா மற்றும் பென்சிலைப் பயன்படுத்தி காகிதத்தில் எழுதும் போக்கு படிப்படியாக குறைந்து வருகிறது. அதற்கு பதிலாக, தற்கால குழந்தைகள் கணினிகளின் விசைப்பலகைகளை பயன்படுத்தியும் டேப்ளட்டுகளின் தொடுதிரை கணினிகளில் விரல்களை பயன்படுத்தி தட்டச்சு செய்யும் போக்கு அதிகரித்துவருகிறது.

இதன் காரணமாக அவர்களின் (மூளை) வளர்ச்சியும் படைப்புத்திறனும் பாதிக்கப்படுமா என்கிற கேள்விக்கு பாதிக்கப்படும் என்று பதில் கூறியிருக்கிறது இந்த புதிய ஆய்வின் முடிவு.

குழந்தைகள் கைகளால் எழுதிக் கற்கும் நடைமுறை அவர்களின் மூளை வளர்ச்சிக்கு எந்த அளவுக்கு முக்கியத்துவம் வாய்ந்ததாக இருக்கிறது என்பதை விளக்கும்படி பிபிசியின் சார்பில் மூளை வளர்ச்சி தொடர்பான நரம்பியல் நிபுணர் கரின் ஜேம்ஸிடம் கேட்கப்பட்டது.

கையெழுத்தும், கணினிவிசைப்பலகையும்

இந்த கேள்விக்குப் பதில் சொல்வதற்காக அமெரிக்காவில் இருக்கும் ப்ளூமிங்க்டன் பல்கலைக்கழகத்தின் பேராசிரியரான ஜேம்ஸ் இதுவரை படிக்கத்துவங்காத குழந்தைகள் மத்தியில் தனது ஆய்வை மேற்கொண்டார்.

மேலும் வாசிக்க

அன்பாலயத்தின் இளம் தென்றல் 2015 11.04.15

.

காதல் - சேது சுப்ரமணியம்

.

காதல் ,

அழகைப் பார்ப்பதில்லை 

ஆற்றலைப் பார்ப்பதில்லை 

இனம் , மொழி  பார்ப்பதில்லை 

ஈன்றவரைப் பார்ப்பதில்லை 

உறவுகளைப் பார்ப்பதில்லை 

ஊர் ,உலகம் பார்ப்பதில்லை 

எந்த மதம் பார்ப்பதில்லை  

ஏற்றவனா பார்ப்பதில்லை 

ஐயஸ்வர்யம் பார்ப்பதில்லை 

ஒழுக்கத்தைப் பார்ப்பதில்லை 

வயதும் பார்ப்பதில்லை 

பள்ளிப் பருவத்திலும் வரும் 

மேலும் வாசிக்க

தமிழ் சினிமா ஷமிதாப்

.

 தனுஷ் தொட்டதெல்லாம் பொன்னாகும் காலம் போல, தென்னிந்திய சினிமா தாண்டி பாலிவுட்டில் இவர் நடித்த ராஞ்சனா மாபெரும் வெற்றி பெற்று ரூ 100 கோடி வரை வசூல் செய்தது. இந்நிலையில் அடுத்த இவர் என்ன செய்யவிருக்கிறார் என்று பாலிவுட் திரையுலகமே யோசித்த போது, அடுத்த அடியை இடியாக இந்திய சினிமாவின் சூப்பர் ஸ்டார் அமிதாப் பச்சனுடன் ஒரு படத்தில் நடிக்க கமிட் ஆனார்.பாலிவுட் திரையுலகின் முன்னணி இயக்குனர் பால்கி (தமிழ் தெரிந்த பாலிவுட் இயக்குனர்) தன் ஆஸ்தான டீமான அமிதாப், பி.சி, இளையராஜா என களம் கண்ட படம் தான் இந்த ஷமிதாப். இதில் எக்ஸ்ட்ராவாக தனுஷ் வந்து ஒட்டிக்கொண்டுள்ளார்.

கதை

தனுஷ் எப்படியாவது ஒரு பெரிய நடிகனாக வேண்டும் என்று போராடிக்கொண்டு இருக்கிறார். அப்போது உதவி இயக்குனராக இருக்கும் அக்‌ஷ்ரா கண்ணில் பட, இவர் திறமையை கண்டு தன்னால் முடிந்த உதவியை செய்கிறார்.

ஆனால், தனுஷ் காது கேளாதவர் மற்றும் வாய் பேச முடியாதவர். இது ஒரு தடையாக இருக்க கூடாது என்று, சில தொழில் நுட்பம் உதவியை நாடுகிறார்கள். தனுஷின் கம்பீர குரலாக அமிதாப் தோன்றுகிறார். அதன் பின் என்ன இவர்களுக்கிடையே நடக்கும் டாம்&ஜெர்ரி ஈகோ மோதல் தான் மீதிக்கதை. மேலும், யாரும் எதிர்ப்பார்க்காத உருக வைக்கும் கிளைமேக்ஸ்.

நடிகர், நடிகைகளின் பங்களிப்பு

தனுஷ் தான் ஒரு சிறந்த நடிகர் என்று படத்திற்கு படம் நிருபித்து கொண்டே இருக்கிறார். இதற்கு மேல் அவர் தன்னை ஒரு திறமை சாலி என்று நிருபிக்க வேண்டிய அவசியமில்லை. அதேபோல் சும்மாவா சொன்னார்கள் சூப்பர் ஸ்டார் என்று, ஒவ்வொரு காட்சியிலும் சின்ன பசங்களுக்கு இணையாக சிக்ஸர் அடிக்கிறார் அமிதாப். அக்‌ஷரா அவர் இரத்தத்திலேயே நடிப்பு உள்ளது, பிறகு என்ன எல்லோரும் தங்கள் பாத்திரங்களை சிறப்பாகவே செய்துள்ளனர்.

க்ளாப்ஸ்

படத்தின் பலமே அமிதாப்பின் கம்பீரமான குரல் தான், அதற்காகவே இப்படம் தமிழில் டப்பிங் ஆகவில்லை, இளையராஜாவின் இசை, இன்றைய இளைஞர்கள் இன்னும் இவரை தொட பல படிகள் ஏற வேண்டும். பின்னணி இசையில் பின்னுகிறார் இசைஞானி.

பி.சி ஒளிப்பதிவு தான் எப்போது சரியில்லாமல் போனது தற்போது போல, எப்போதும் கிங் தான். படத்தின் வசனம் ஒவ்வொன்றும் யதார்த்தமாகவும், உணர்வுப்பூர்வமாகவும் உள்ளது.

பல்ப்ஸ்

சில படங்களில் நெகட்டிவ் 1, 2 இருந்தாலும் அதை சொல்ல மனம் வராது, அப்படி ஒரு திரைப்படம் தான் ஷமிதாப்.

மொத்தத்தில் ஷமிதாப், குரலா?, உருவமா? அவர்களுக்குள் நடக்கும் போட்டியில் மக்கள் மனதை வென்று விட்டது.

ரேட்டிங்-3.5/5  

நன்றி cineulagam