சிட்னியில் கம்பன் விழா மற்றும் ஞான வேள்வி செ .பாஸ்கரன்

.

தொடர்ந்து நான்கு நாட்கள் ஞான வேள்வி என்றும் கம்பன் விழா என்றும் காதில் அமுது  பாய்ந்தது. தமிழுக்கும் அமிழ்தென்று பேர் . அந்த அமிழ்தை பாச்சியது அவுஸ்திரேலிய கம்பன் கழகம். திரு ஜெய்ராம் ஜெகதீசன்  இளையோரோடு இணைந்து வருடம் தோறும் தருகின்ற விழாதான் கடந்த நான்கு நாட்களும் சிட்னியில் இடம் பெற்றது.

இலங்கையில் இருந்து வருகை தந்திருந்த கம்பவாரிதி ஜெயராஜ் அவர்களும் பேராசிரியர்  ஸ்ரீபிரசாந்தன் அவர்களும் இந்தியாவில் இருந்து வருகை தந்திருந்த முனைவர்  .இராதா மாது அவர்களும் பிரிஸ்பேனில் இருந்து வருகை தந்திருந்த திரு. க. குமாரதாசன் அவர்களும் சிட்னி கம்பன் கழக திரு .திருநந்தகுமார், திரு.ஜெய்ராம் ஜெகதீசன் இவர்களுடன் கம்பன் கழக இளவல்களும் இயல் , இசை நாடகம் என்று பொழிந்து தள்ளிவிடடார்கள். ஒருநாள் அல்ல இருநாள் அல்ல நான்கு நாட்கள். அதுவும் சனி ஞாயிறு நாட்களில் இரவும் பகலும் என திரும்பும் இடமெல்லாம் தமிழே ஒலித்தது.

மேலும் வாசிக்க

கசடற்ற உணர்வுதனை காலமெலாம் இருத்திடுவோம் ! - மகாதேவஐயர் ஜெயராமசர்மா .... மெல்பேண் ... அவுஸ்திரேலியா

              சாதிக்க வேண்டுமெனில் சகிப்பங்கு தேவையாகும்

                    போதிக்க வேண்டுமெனில் பொறுமையங்கு முதலாகும்

              வாதிக்க வேண்டுமென்று மனமெண்ணும் எண்ணமதை

                      சாதிக்கும் போதிக்கும் வழிசெலுத்தல் நன்மையன்றோ  !

              வீண்வாதம் விரோதம் வேதனைக்கு வித்தாகும் 

                    வித்ததனை விருட்சமாய் ஆக்கிவிட  முனையாதீர்

              மனமதிலே நல்லெண்ணம் எனும்விதையை ஊன்றிவிடின்

                      மாநிலத்தில் நல்வாழ்வு சோலையங்கு தோன்றிவிடும்  !

              உயர்வுபற்றிப் பேசுகிறோம் தாழ்வுபற்றிப் பேசுகிறோம் 

                      உணர்வுபற்றி நினைப்பதற்கு உணர்வற்றே இருக்கின்றோம் 

               உணர்வுடனே வாழுகிறோம் எனுமுணர்வு உருவாகின் 

                       உலகிலெந்த பிரச்சனையும் உருவாக இடமுண்டோ !

             சன்மார்க்கம்  நன்மார்க்கம்  எனுமுணர்வை  வளர்த்திடுவோம் 

                   சண்டையிடும் பேயுணர்வை தானழித்து  நின்றிடுவோம் 

             களங்கமற்ற அத்தனையும் கருத்திருத்த உணர்ந்திடுவோம் 

                    கசடற்ற உணர்வுதனை காலமெலாம் இருத்திடுவோம் ! 

                     

காணாமல் போனோரின் உறவுகளுக்கு பதிலளிக்க வேட்பாளர்களின் திட்டம் என்ன?

12/10/2019 வடக்கு, கிழக்கில் தினந்­தோறும்  வேத­னை­யு­டனும் தவிப்­பு­டனும் தமது  உற­வு­க­ளுக்கு என்ன நடந்­தது என்­பதை தெரி­யா­மலும்  போராட்­டங்­க ­ளு­டனும்  வாழ்ந்­து­கொண்­டி­ ருக்கும் காணாமல் போன­வர்­ களின்   உற­வு­க­ளான பாதிக்­ கப்­பட்ட மக்­க­ளுக்கு பிர­தான வேட்­பா­ளர்கள் எவ்­வா­றான தீர்வை வழங்­கப்­போ­கின்­ றார்கள் என்­பது  ஒரு கேள் ­வி­யாக  எழுந்து நிற்­கின்­றது.  அதா­வது மிக முக்­கி­ய­மாக  மூன்று கட்­சி­க­ளி­லி­ருந்தும்  மூன்று பிர­தான வேட்­பா­ளர்கள் தேர்தல் களத்தில் இறங்­கி­யுள்­ளனர்.  இவர்கள்  மூவரும்  இந்த காணா­மல்­போனோர் விவ­கா­ரத்தில் எவ்­வா­றான தீர்­வுத்­திட்­டத்தை முன்­வைக் ­கப்­போ­கின்­றனர் என்­பதே  இங்கு மிக முக்­கி­ய­மா­ன­தாக காணப்­ப­டு­கின்­றது. 

ஜனா­தி­பதி தேர்தல்   தொடர்­பான  பிர­சாரப் பணிகள் ஆரம்­ப­மா­கி­யி­ருக்­கின்­றன. பிர­சா­ரங்கள் அனல் பறக்க  தொடங்­கி­யுள்­ளன ஸ்ரீ­லங்கா பொது­ஜன பெர­மு­னவின் வேட்­பாளர் கோத்­த­பாய ராஜ­பக் ஷ அநு­ரா­த­பு­ரத்தில் தனது பிர­சாரப் பணியை ஆரம்­பித்­தி­ருக்­கின்றார்.  

அதே­போன்று  ஐக்­கிய தேசிய முன்­ன­ணியின்  ஜனா­தி­பதி வேட்­பாளர்   சஜித் பிரே­ம­தாச  கொழும்பில்  தனது பிர­சாரப் பணியை ஆரம்­பித்­தி­ருக்­கின்றார். அதே­போன்று மக்கள் விடு­தலை முன்­ன­ணியும்   பிர­சா­ரப்­ப­ணி­களை ஆரம்­பித்­தி­ருக்­கின்­றது. 

பிர­தான கட்­சி­களின் வேட்­பா­ளர்­களின் பிர­சாரப் பணிகள்  ஆரம்­பிக்­கப்­பட்­டுள்ள நிலையில்  அடுத்­து­வரும்  35 நாட்­களும்   அர­சியல் கட்­சிகள் மற்றும்  வேட்­பா­ளர்கள் பொதுக்­கூட்­டங்­களில் தமது கொள்­கை­க­ளையும் திட்­டங்­க­ளையும்  வெளிப்­ப­டுத்­து­வ­துடன் வாக்­கா­ளர்­களை  கவரும் வகையில் உரை­யாற்­று­வ­தற்கு முயற்­சிப்­பார்கள். அடுத்­து­வரும் 35 தினங்­களும் பிர­சார கால­மாக  மிகவும் பர­ப­ரப்­பாக இருக்­கப்­போ­கின்­றன. தற்­போது மிக நீண்­ட­கா­ல­மாக  இழு­ப­றியில் இருந்து வந்த ஸ்ரீ­லங்கா சுதந்­திரக் கட்­சியின் முடிவு  அறி­விக்­கப்­பட்­டி­ருக்­கி­றது. 

மேலும் வாசிக்க

கத்ரி கோபால்நாத் - கானா பிரபா

நான் பாடும் சந்தம்

வார்த்தை உன் சொந்தம்

குரல் வேறு ஆனாலும்

பொருள் ஒன்று அல்லவா

எல்லாமே நம் வாழ்வில்

இரண்டாக உள்ளது

காலம் ஒரு டூயட்

அதிலே இரவு பகல்

இரண்டும் உண்டு......

https://youtu.be/piAWkWr7JW4

எஸ்.பி.பி பாடி முடித்து அப்படியே அதை ஏந்தும் சாக்ஸபோன் குழலிசை வாசிப்பு ஒரு நிமிடம் 30 விநாடிகளைத் தொடும் நிறைவு வரை கண் மூடி மோன நிலையில் இருப்பேன். அது வானொலி நிலையத்தில் இருந்தவாறே ஒலிபரப்பினாலோ அன்றித் தனியே இந்தப் பாடலை எனக்கு மட்டுமே கேட்கும் தொலைவில் வைத்திருந்தாலோ இத்தகு தியான நிலைக்கு இட்டுச் சென்று விடும் இந்த வாத்தியக் கட்டின் வாசிப்பு.

டூயட் படம் சாக்ஸபோன் வாத்தியத்தை முன்னுறுத்திய படைப்பு. இதற்கு முன்னரும் பின்னரும் கூடத் திரைப் படைப்புகள் குறித்தவொரு இந்தியப் பாரம்பரிய இசை தழுவிய செவ்வியல் வாத்தியத்தையோ அன்றி மேற்கத்தேய வாத்தியத்தையோ முக்கியத்துவப்படுத்தி வந்திருந்தாலும் இங்கே இது நாள் வரை நமக்குப் புதுமையாக இருந்த வெள்ளைக்கார வாத்தியம் சாஸ்திரிய சங்கீதத்தையும் பாடுகிறதே என்ற ஆச்சரியம் தான் டூயட் படப் பாடல்கள் வெளி வந்த காலத்தில் எழுந்தது. வேடிக்கை என்னவென்றால் இது மாதிரி புதுசு புதுசாகக் கேட்க வேண்டும் என்று மாண்டலின் ஶ்ரீனிவாசின் வாத்திய இசை ஒலிநாடாவை எல்லாம் வாங்கி வைத்துக் கேட்டது என் சக நண்பர்கள் அனுபவத்தில் இதுவே தொடக்கம் எனலாம்.

மேலும் வாசிக்க

தமிழ் மக்­களை ஏமாற்ற முனை­ப­வர்கள் இறு­தியில் ஏமாற்­ற­ம­டைவர்

08/10/2019 எமது நாட்டில் ஜனா­தி­பதி தேர்தல் எதிர்­வரும் நவம்பர் மாதம் 16 ஆம் திகதி இடம்­பெற உள்­ளது.

இந்­நி­லையில் ஜனா­தி­பதி தேர்தல் களம் இப்­போது சூடு பிடித்­தி­ருக்­கின்­றது. நாட்டின் அடுத்த ஜனா­தி­பதி தொடர்பில் நாட்டு மக்­களின் எதிர்­பார்ப்பு மேலோங்­கிக்­கா­ணப்­ப­டு­கின்­றது. இத்­த­கைய சூழ்­நி­லையில் ஜனா­தி­பதி வேட்­பா­ளர்கள் நாட்டு மக்­க­ளுக்கு பல்­வேறு வாக்­கு­று­தி­க­ளையும் வழங்கி வரு­கின்­றனர். இனப்­பி­ரச்­சி­னைக்கு நிரந்­தர அர­சியல் தீர்­வினைப் பெற்­றுக்­கொ­டுக்க வேண்­டி­யதன் அவ­சியம் தொடர்­பிலும் கருத்­துகள் இப்­போது வெளிப்­ப­டுத்­தப்­பட்டு வரு­கின்­றன. தேர்தல் வாக்­கு­று­திகள் எந்­த­ள­வுக்கு சாதக விளை­வு­களை ஏற்­ப­டுத்தும் என்­ப­தனை பொறுத்­தி­ருந்தே பார்க்­க­வேண்டி இருக்­கின்­றது.

பல்­வேறு புறக்­க­ணிப்­பு­களின் விளை­வாக எமது நாட்டில் யுத்தம் மேலெ­ழுந்­தது. சுமார் மூன்று தசாப்­தங்­க­ளுக்கும் மேலாக கொடிய யுத்தம் நில­வி­யதன் கார­ண­மாக நாடு பல்­வேறு துன்­பங்­க­ளையும் துய­ரங்­க­ளையும் சந்­திக்க வேண்­டி­யி­ருந்­தது. நாட்டு மக்­களின் இயல்பு வாழ்க்கை பெரிதும் பாதிக்­கப்­பட்­டி­ருந்த நிலையில் நாட்டில் இரத்த ஆறு ஓடு­வ­தற்கும் யுத்தம் ஏது­வா­னது. யுத்­தத்­தினால் ஏற்­பட்ட பல்­வேறு இழப்­பு­க­ளுக்கும் மத்­தியில் சர்­வ­தே­சத்தின் பார்­வையும் இலங்­கையின் மீது ஆழ­மாகப் பதிந்­தி­ருந்­தது. யுத்தம் முடி­வுக்குக் கொண்­டு­வ­ரப்­பட்ட போதும் மனித உரிமை மீறல்கள் அதி­க­ளவில் நிகழ்ந்­துள்­ள­தாக விமர்­ச­னங்கள் இருந்து வரு­வதும் நீங்கள் அறிந்த விட­ய­மே­யாகும்.

மேலும் வாசிக்க

வட, கிழக்கில் பௌத்த பேரினவாதத்தின் செயற்பாடுகளை அனுமதிக்கக்கூடாது

10/10/2019 வடக்கு, கிழக்கில் பௌத்த பேரி­ன­வாத நட­வ­டிக்­கைகள்  முன்­னெ­டுத்து தமிழர் தாயக கோட்­பா­டு­களை சிதைப்­ப­தற்­கான நட­வ­டிக்­கைகள் மாறி மாறி ஆட்­சிக்கு வரு­கின்ற அர­சாங்­கங்­களால் முன்­னெ­டுக்­கப்­பட்டு வந்­தமை வர­லா­றாக உள்­ளது.  விடு­த­லைப்­பு­லிகள் பலம்­பெற்­றி­ருந்த காலப்­ப­கு­தியில்   இத்­த­கைய நட­வ­டிக்­கை­களை  மேற்­கொள்ள முடி­யாத நிலைமை காணப்­பட்­டது. 

ஆனால் யுத்தம் முடி­வுக்கு கொண்­டு­வ­ரப்­பட்ட பின்னர் முன்­னைய ஆட்சிக் காலத்தில் பௌத்த பேரி­ன­வாத செயற்­பா­டுகள் வடக்கு, கிழக்கில் முன்­னெ­டுக்­கப்­பட்­டன.  அத்­த­கைய நட­வ­டிக்­கைகள் திட்­ட­மிட்­ட ­வகையில் தொடர்ந்து வரு­கின்­ற­மையும் அதற்கு தென்­ப­குதி இன­வாத  கட்­சி­களும் அமைப்­புக்­களும்  ஆத­ரவு தெரி­வித்து வரு­கின்­ற­மையும்  பெரும் கவ­லை­ய­ளிக்கும் செயற்­பா­டாக அமைந்­துள்­ளது.

யுத்தம்  முடி­வுக்கு கொண்­டு­வ­ரப்­பட்­ட­தை­ய­டுத்து வடக்கு, கிழக்குப் பகு­தி­களில் தமிழ் இளைஞர், யுவ­தி­களின் தமிழ் தேசிய உணர்வை மழுங்­க­டிக்கும் வகையில் ஒரு­புறம் போதைப் பொருள் கலா­சா­ரமும் மது­பா­வனை கலா­சா­ரமும் உரு­வாக்­கப்­பட்­டி­ருந்­தன. மறு­புறம் தமிழ் மக்­களின் இன­வி­கி­தா­சா­ரத்தை  மாற்­றி­ய­மைக்கும் வகை­யிலும்  வடக்கு, கிழக்கு  தாயக கோட்­பா­டு­களை சிதைக்கும் முக­மா­கவும் திட்­ட­மிட்ட  குடி­யேற்­றங்­களும் பௌத்த பேரி­ன­வா­தத்தை ஊக்­கு­விக்கும்  செயற்­பா­டு­களும் முன்­னெ­டுக்­கப்­பட்­டன.

மேலும் வாசிக்க

கங்காரு மண்ணில் கம்பனுக்கு விழா மகாதேவ ஐயர் ஜெயராமசர்மா ...... மெல்பேண் .... அவுஸ்திரேலியா

 புலம்பெயர்ந்த நாட்டில் அதுவும் ஆங்கிலம்பேசும் நாட்டில் கம்பனுக்கு விழா எடுப்பது தேவையா ? அப்படி எடுப்பதால் ஏதாவது பயன் ஏற்படுமா ? இப்படியும் சிந்திக்கும் பலரும் இருக்கிறார்கள். பொதுவாக தமிழ் தொடர்பான விழாக்கள் இந்த மண்ணில் நடத்துவது பொருத்தமா என்று கேட்கும் பலரையும் காணமுடிகிறது.

 இந்தியாவில் நடத்தலாம்,இலங்கையிலும் நடத்தலாம்.ஏன்.. மலேசியா, சிங்கப்பூரிலும் கூட நடத்தலாம். எப்படி அவுஸ்திரேலியாவில் நடத்தலாம்? என்றொரு கேள்வி எழுகிறது. தமிழர்கள், தமிழர் நாகரிகம், தமிழர் மொழி செறிந்து இருக்குமிடத்தில் கம்பனுக்குவிழா எடுத்தால் அது பொருத்த மானதாக இருக்கும்.ஆனால் அப்படியான எந்த தன்மையும் அற்ற நாட்டில் கம்பனுக்கு விழா தேவதானா? என்ற கேள்வியும் எழுந்து நிற்கிறது. கம்பன் விழாவில் பொதுவாக கவி அரங்கம் சொல்லரங்கம்,வழக்காடு மன்றம், பட்டிமன்றம், எனப்பல நிலைகளில் நிகழ்ச்சிகள் இடம்பெறுவது வழக்கம். இந்தவகையில்.. அவுஸ்திரேலியாவில் “கம்பன்விழா தேவையா” .”தேவையில்லையா” ..என்றுகூட பட்டிமன்றம் நடத்தலாம் போலத் தோணுகிறதல்லவா?

  விஷயத்துக்கு வருவோம்.புலம்பெயர்ந்து வந்திருக்கும் தமிழர்கள் தமது கலை, கலாசாரங்களை,விழவிடாமல் கட்டிக் காப்பாற்ற உறுதுணையென நம்பியிருப்பது விழாக்களையும்  பண்டிகைகளையும்தான்.அவை சமயம் சார்ந்ததாகவும் இருக்கும்.மொழி பண்பாடு சார்ந்ததாகவும் கூடஇருக்கும். அந்தவகையில் பார்க்கும் பொழுது கம்பனுக்கு எடுக்கும் விழா எல்லா வகையிலும் பொருந்தக் கூடியதாகவே காணப்படுகின்றது.இதனால்த்தான் இந்தநாட்டிலும் கம்பன் விழா நடத்தப்படுகிறது என்பது யாவரும் மனமிருத்த வேண்டிய விடயம் எனலாம்.

  தமிழின் இனிமை,தமிழின் ஆற்றல்,தமிழர் பண்பாடு, தமிழர் நாகரிகம், அத்தனையையும் கம்ப‌னில் கண்டுகொள்ளலாம்.புலம் பெயர்ந்த நாடுகளில் வாழுகின்றவர்கள் தம்மைப்பற்றி சிந்திப்பதோடு தமது சந்ததிகளைப் பற்றியே பெரிதும் சிந்தித்து அவர்கள்மீது மிகவும் அக்கறை கொள்ளுவது மிக மிக அவசியமானதாகும். அப்படிச் சிந்திக்காது, உழைப்பது, உண்பது,உறங்குவதுமாக இருந்துவிடின்.. நாளாவட்டத்தில் யாவுமே உறங்கியே போய்விடும் நிலைதான் ஏற்பட்டுவிடும் . எனவே எதைச் செய்தாலும் எதிர்காலத்தை எண்ணியேதான் செயற்படவேண்டும்.அப்படி எண்ணியதன் விளைவாகத்தான் அவுஸ்த்திரேலியாவில் கம்பனுக்கு விழா எடுக்கப்படுகிறது..

மேலும் வாசிக்க

தமிழோசை வானொலியின் 2019 வருடாந்த வேண்டுதல்!!!

1988ம் ஆண்டுமுதல் கடந்த 31 வருடங்களிற்கும் மேலாக மெல்பேர்ன் வானலைகளில் வாராவாரம் வியாழன் மாலை 8 மணி முதல் 9 மணி வரை 92.3FM அலைவரிசைகளில் ஒலிபரப்பாகும் உங்கள் அபிமான Melb. 3ZZZ தமிழோசை நிகழ்ச்சியின், வருடாந்த Radiothon நிதிசேகரிப்பு நிகழ்ச்சிகள் எதிர்வரும் Oct 10ம் திகதியும், எதிர்வரும் Oct 17ம் திகதியும் நடைபெறுகிறது. இவ் வியாழக்கிழமையில் 3ZZZ வானொலி நிலையத்தை 9415 1923 என்ற தொலைபேசி எண்ணில் தொடர்புகொண்டோ அல்லது தமிழோசையின் அறிவிப்பாளர்களை தொடர்புகொண்டு உங்கள் நிதிஉதவிகளை வழங்கி தொடர்ந்தும் Melb. வாழ் தமிழ் மக்களிற்கு அதன் தனித்துவமான சேவைகளை வழங்கிட உங்கள் ஆதரவை வேண்டி நிற்கின்றனர். நீங்கள் வழங்குகின்ற நிதிப்பங்களிப்பு வரிவிலக்குதலுக்குரியது என்பதை அன்புடன் அறியத்தருகின்றோம்.

மறந்து விடாதீர்கள்! எதிர்வரும் ஒக்டோபர் 10ம் திகதியும், ஒக்டோபர் 17ம் திகதியும் நீங்கள் அழைக்க வேண்டிய தொலைபேசி எண் 9415 1923!

மேலதிக விபரங்களிற்கு: ரமேஷ் ஐ 0414 185 348 அல்லது டொமினிக் ஐ 0404 802 104 இல் தொடர்புகொள்ளவும்.

ஒரு பிடி சாம்பல் (சிறுகதை) - உஷா ஜவாகர் (அவுஸ்திரேலியா)

19.08.2019 அன்று காலை 8 மணியளவில் சந்திரன் தன் அலுவலகத்துக்கு கிளம்பிக் கொண்டிருக்கும் போது தான் அவனது நெருங்கிய நண்பன் ஸ்ரீதரன் அவனை மொபைலில் அழைத்து அந்த துயரச் செய்தியை தயக்கத்துடன் தெரிவித்தான்.

"சந்திரா உன்ர பழைய மனிசி சுனிதா காரோட்டிட்டு போகேக்கில சில்வர் வாட்டர் டிராபிக் லைட்ஸ்க்கு(Silverwater traffic lights) கிட்ட முன்னுக்கு வந்த டிரக்குடன் அவளின்ர கார் மோதி சீரியஸான நிலைமையில் அவளை ஹாஸ்பிடலில அட்மிட் பண்ணின பிறகு அங்கு ஹாஸ்பிடலில் அவள் செத்துப் போய்விட்டாளாம். வெரி ஸாரி மச்சான்!" என்று கூறிவிட்டு மொபைலை துண்டித்துவிட்டான்.

சந்திரனுக்கு தலை சுற்றுமாற் போலிருந்தது. நெஞ்சு 'படக் படக்' என்று அடித்துக் கொண்டது. அலுவலக ரிசப்ஷனிஸ்ட்டை தொடர்பு கொண்டு தான் ஒரு கிழமை அலுவலகத்துக்கு வர இயலாது என தெரிவித்தான். தன்னுடைய மேலதிகாரிக்கும் தான் ஒரு கிழமை வர இயலாது எனவும் அதற்கான காரணத்தையும் எஸ்.எம் .எஸ் (SMS) மூலம் அனுப்பினான்.

சந்திரன் தங்கள் ஹாலில் மாட்டப்பட்டிருந்த தங்கள் திருமண புகைப்படத்தை உற்று நோக்கினான்.அவனையும் அறியாமல் அவன் கண்கள் கலங்கின.

ஏழு வருடங்களுக்கு முன் கொழும்புக்கு போய் சுனிதாவை திருமணம் செய்யும் போதும் மணவறைக்கு முன்னே கொழுந்து விட்டெரிந்த அக்கினியிலிருந்து கிளம்பிய புகையால் அவன் கண்கள் கலங்கின. அப்போது சந்திரனின் தங்கை ரமா தான் அதைக் கவனித்து தன் கையிலிருந்த கைக்குட்டையை அவனிடம் கொடுத்து அவன் கண்களை துடைக்கச் செய்தாள்.

மேலும் வாசிக்க

இலங்கைச் செய்திகள்

திரு­கோ­ண­மலை கன்­னியா வெந்நீர் ஊற்று விவகாரம்; நீதிபதி இளஞ்செழியன் அதிரடி உத்தரவு

லண்டன் விமான நிலையத்தில் 4 இலங்கையர்கள் கைது

"நீராவியடிப் பிள்ளையார் ஆலய விவகாரம்: ஞானசார தேரர் உள்ளிட்டோரை சட்டத்தின் முன் நிறுத்த நடவடிக்கை எடுக்கப்பட வேண்டும்"

சிறந்த பெறுபேறுகளைப் பெற்ற யுத்தத்தில் தந்தையை இழந்த மாணவன்

திருமலை கன்சைட் நிலத்தடி சித்திரவதை கூடத்தில் இளைஞர், யுவதிகள் சுட்டு படுகொலை - சி.ஐ.டி. 

காணாமல் போன குடும்பஸ்தர் கண்டுபிடிப்பு -  கண்களை கட்டி கடத்தி சென்று தாக்கியதாக தெரிவிப்பு !

விடுதலைப்புலிகள் இயக்கத்திற்கு புத்துயிர் கொடுக்க முயற்சி- மலேசியாவில் ஏழு பேர் கைது- தூதரகத்தை தாக்க திட்டமிட்டதாகவும் குற்றச்சாட்டு

காணாமற்போன இளம் குடும்பஸ்தர் எரியூட்டப்பட்ட நிலையில் சடலமாக மீட்பு

படையினர் தாங்கள் நினைத்ததையெல்லாம் செய்வதற்கு அனுமதிக்கப்படுவார்கள் என கோத்தாபய தெரிவிக்கின்றாரா? மகிந்த ஆட்சியில் பாதிக்கப்பட்டவர்கள் கேள்வி- அச்சம்


திரு­கோ­ண­மலை கன்­னியா வெந்நீர் ஊற்று விவகாரம்; நீதிபதி இளஞ்செழியன் அதிரடி உத்தரவு

08/10/2019 திரு­கோ­ண­மலை கன்­னியா வெந்நீர் ஊற்று பகு­தியிலுள்ள தொல்­பொருள் திணைக்­களம் உரி­மை ­கோரும் பிள்­ளை யார் கோயில் அமைந்­துள்ள பிர­தே­சத்தில் கோயில் அல்­லது பெளத்த விகாரை அமைப்­ப­தற்கோ அல்­லது திருத்த வேலைகள் செய்­வ­தற்கோ வழக்கின் தீர்ப்பு கிடைக்கும் வரை தடை உத்­த­ரவை திரு­கோ­ண­மலை மேல்­நீ­தி­மன்ற நீதி­பதி மா.இளஞ்­செ­ழியன் பிறப்­பித்­துள்ளார்.

மேலும் வாசிக்க

உலகச் செய்திகள்

கைவிட்டது அமெரிக்கா- தங்கள் மண்ணை தாங்களே காக்க குர்திஸ் மக்கள் சபதம்- துருக்கி படையினரை எதிர்கொள்ள மனிதகேடயங்களாக மாறுகின்றனர்

துருக்கியின் பொருளாதாரத்தை முற்றாக அழித்துவிடுவேன் - டிரம்ப் எச்சரிக்கை

கைவிட்டது அமெரிக்கா- தங்கள் மண்ணை தாங்களே காக்க குர்திஸ் மக்கள் சபதம்- துருக்கி படையினரை எதிர்கொள்ள மனிதகேடயங்களாக மாறுகின்றனர்

 தாக்குதலை ஆரம்பித்தது துருக்கி- விமான- ஆட்டிலறி தாக்குதல்களால் அதிர்கின்றது வடசிரியா

சென்னை வந்த சீன ஜனாதிபதிக்கு உற்சாக வரவேற்பு

சீனா-தமிழகம் இடையே 2 ஆயிரம் ஆண்டுகளுக்கு முன்பே வர்த்தக தொடர்பு இருந்தது - மோடி

பிரபல சாக்சபோன் இசைக்கலைஞர் கத்ரி கோபால்நாத் காலமானார்

ஈரானின் எண்ணெய் கப்பல் மீது பயங்கரவாத தாக்குதல்? செங்கடலில் தீப்பிடித்து எரிகின்றது


கைவிட்டது அமெரிக்கா- தங்கள் மண்ணை தாங்களே காக்க குர்திஸ் மக்கள் சபதம்- துருக்கி படையினரை எதிர்கொள்ள மனிதகேடயங்களாக மாறுகின்றனர்

08/10/2019 சிரியாவின் வடகிழக்கு பகுதியில் உள்ள குர்திஸ் இனத்தவர்களின் பகுதிகளை இலக்குவைத்து பாரிய இராணுவநடவடிக்கையை முன்னெடுக்கப்போவதாக  துருக்கி அறிவித்துள்ளதை தொடர்ந்து  துருக்கி படையினரை எதிர்கொள்வதற்காக எல்லைப்பகுதிகளில் பாரிய மனிதகேடய  போராட்டத்தை முன்னெடுக்கப் போவதாக குர்திஸ் மக்கள் தெரிவித்துள்ளனர்.

சிரிய படையினரின் நடவடிக்கையை எதிர்கொள்வதற்காக எல்லையிலுள்ள நகரங்களை நோக்கி  வயது வேறுபாடின்றி குர்திஸ் மக்கள் குவியத்தொடங்கியுள்ளனர்.

துருக்கி படையினரின் நடவடிக்கைகளை முறியடிப்பதற்காக அவர்கள் மனிதகேடயங்களாக மாற விரும்புகின்றனர் என கியுமிசிலி நகரத்தில் உள்ள செயற்பாட்டாளர் ஒருவர் தெரிவித்துள்ளார்.

ஐநா அலுவலகத்தின் முன்னாலும் அவர்கள் ஆர்ப்பாட்டத்தில் ஈடுபட்டுள்ளதாக அவர் குறிப்பிட்டுள்ளார்.

மேலும் வாசிக்க

பொன் விழா ஆண்டில் இந்தப்படங்கள் 1969 -2019 ச. சுந்தரதாஸ் பகுதி 15

ஐந்து இலட்சம்

தமிழ்த்திரையில் நட்சத்திர நடிகையாகத் திகழ்ந்த சரோஜாதேவி தனது திருமணத்திற்கு பின் நடிப்பில் இருந்து ஒதுங்கியிருந்தார்.  ஆனால் சில கால்திலேயே படங்களில் மீண்டும் நடிக்க ஆரம்பித்தார்.  என்றாலும் முன்னரைபோல் எம். ஜி. ஆருடன் சேர்ந்து நடிக்கும் வாய்ப்பு அவருக்கு கிட்டவில்லை.  ஆனாலும் சிவாஜி ஜெமினி ஆகிய இருவருடனும் இணைந்து நடிக்கும் சந்தர்ப்பம் அவருக்கு அமைந்தது. அந்த வகையில் ஜெமினியுடன் அவர் நடித்த பணமா பாசமா படம் மாபெரும் வெற்றி பெற்றது. அதன் பலனாக மேலும் சில படங்களில் இணைந்து நடிக்கும் சந்தர்பம் தொடர்ந்தது.

அவ்வாறு ஜெமினியுடன் சரோஜாதேவி ஜோடியாக நடித்த படம் தான் ஐந்து இலட்சம். படத்தை தயாரிப்பதற்கே ஐந்து இலட்சம் ரூபாய்தான் 69ம் ஆண்டு ஆகியிருக்கும். அதனால்தானோ என்னவோ படத்திற்கு ஐந்து இலட்சம் என்று பெயரிட்டு விட்டார்கள்.

இந்த காலத்தில் முன்பின் அறிமுகபமில்லாதவர்களுடன்  facebook, whatsapp  போன்றவற்றின் மூலம் தொடர்பை ஏற்படுத்திக் கொள்ளலாம். ஆனால் ஐம்பது ஆண்டுகளுக்கு முன் இதற்கு இருந்த ஒரே சாதனம் பேனா நண்பர்கள் ஆகும்.  முன்பின் தொடர்பில்லாதவர்கள் கடிதம் மூலம் ஒருவருடன் ஒருவர் தொடர்பு கொண்டு கருத்துப் பறிமாறி நட்பு பாராட்டுவது பேனா நண்பர்கள் என்ற வழிமூலம் நடந்து கொண்டிருந்தது. இதன் இன்றைய விஞ்ஞான வளர்ச்சிதான்  facebook, whatsapp  ஆகும்.

கல்கத்தாவில் இருக்கும் கதாநாயகியும் சென்னையில் இருக்கும் கதாநாயனுக்கும் பேனா நண்பர்கள் என்ற அஞ்சல் வழி மூலம் தொடர்பு ஏற்பட்டு பின்னர் நேரில் சந்தித்து காதல் உருவாகிறது.  கதாநாயகியோ கோடீஸடவரி. கதாநாயகனோ ஒன்றுமில்லாதவன். வேலை வெட்டி கூட இல்லாதவன்.

இப்படிப்பட்டவனுக்கு எப்படி தன் மகளை கொடுப்பது என்று கவலைப்படும் கதாநாயகியின் தந்தை ஒரு விசித்திர நிபந்தனையை கதாநாயகனுக்கு விதிக்கிறார்.

ஐந்து இலட்சம் ரூபாயை அவனிடம் கொடுத்து ஐந்து மாதங்கள் கழித்து மேலும் ஒரு நூறு ரூபாயுடன் வந்து சேர் அல்லது கொடுத்த பணத்துடனாவது வா என் மகளை உனக்குத் தருகிறேன் என்கிறார். ஐந்து இலட்சத்துடன் செல்லும் கதாநாயகன் என்ன செய்கிறான் என்பதுதான் படத்தின் கதை.

படத்தை தயாரித்து டைரக்ட் செய்தவர் ஜீ. ராமகிருஷ்ணன். நகைச்சுவைப் படமாக இருக்க வேண்டும் என்று கருதி படத்தில் ஏராளமான நகைச்சுவை நடிகர்களை நடிக்க வைத்திருந்தார்.  சோ மனோரமா தேங்காய் சீனிவாசன் சுருளிராஜன் சச்சு, காந்திமதி ராமராவ் என்று பலர் படத்தில் நகைச் சுவையை வழங்கினார்கள்.

கதாநாயகனுக்கு உதவுவதாகக் கூறி சோ போடும் திட்டங்களும் அதனால் ஏற்படும் விளைவுகளும் ரசிக்கும்படி இருந்தன. சரோஜாதேவியின் தந்தையாக வரும் சுந்தரராஜன் மட்டும்தான் படத்தில் ஒரளவு சீரியஸாக நடித்திருந்தார்.

படத்தின் வசனங்களை மாரா எழுதியிருந்தார். படத்திற்கு இசையமைத்தவர் எஸ். எம். சுப்பையா நாயுடு. இவருடைய இசையில் நான் பாடிய முதல் பாட்டு, ஆசைப்பட்டது நானல்ல வயது , ஆகிய பாடல்கள் கேட்கும்படி இருந்தன.

நகைச்சுவை, பொழுதுபோக்கு, இவற்றை மூலதனமாகப் போட்டு ஐந்து இலட்சம் இலாபம் பார்த்தது!

ஸ்ரீ வெங்கடேஸ்வர ஆலயத்தில் தீபாவாளி ப் பண்டிகை 19/10/2019

சமர்பண் - கலைமாமணி கலாநிதி O. S. அருண் - 19/10/2019

தமிழ் சினிமா - 100% காதல் திரைவிமர்சனம்

சினிமாவில் இந்த வாரம் சரியான போட்டி எனலாம். சயீரா நரசிம்ம ரெட்டி, அசுரன், ஜோக்கர் ஆகிய படங்களுடன் 100 சதவீதம் காதல் படமும் வெளியாகியுள்ளது. தெலுங்கிலிருந்து ரீமேக் ஆகியுள்ள இப்படம் எப்படியிருக்கிறது என பார்க்கலாம்.

கதைகளம்

கதையின் ஹீரோ ஜி.வி.பிரகாஷ் எதிலும் நான் தான் முதலிடத்தில் இருக்க வேண்டும் என நினைப்பவர். கல்லூரியில் எப்போதும் முதலிடம் பிடிக்கும் அவருக்கு சவலாக அஜய் என்பவர் இருக்கிறார்.

இதற்கிடையில் கிராமத்தில் இருந்து படிக்க வந்துள்ள அவரின் முறைப்பெண் ஹீரோயின் ஷாலினி பாண்டே மாமா மாமா என ஜீ.வி.பிரகாஷையே சுற்றி வருகிறார்.

ஒரு கட்டத்தில் ஹீரோயின் மீது ஹீரோவுக்கு ஈர்ப்பு ஏற்பட பின்னர் அது வெளியே தெரியாத காதலாக இருந்து வருகிறது. கல்லூரியில் முதலிடம் பிடிப்பது கவுரவப் போட்டி போல பார்க்கப்படுகிறது. எதிர்பாராமல் ஹீரோயின் முதலிடத்தை பிடிக்கிறார். பின்னர் ஜி.வி.பிரகாஷின் நடவடிக்கைகள் எல்லாம் மாறுகிறது.

இதற்கிடையில் இருவருக்கும் அடிக்கடி ஈகோ சண்டைகள் வருகிறது. இறுதியில் கல்லூரியில் ஹீரோ ஜெயித்தாரா, இருவரும் காதலில் ஒன்று சேர்ந்தார்களா என்பதே இந்த 100% காதல்.

படத்தை பற்றிய அலசல்

ஜி.வி.பிரகாஷ் தொடர்ந்து படங்களில் நடித்து வருகிறார். அண்மையில் அவருக்கு சிவப்பு மஞ்சள் பச்சை நல்ல பெயர் வாங்கிகொடுத்தது. ஆனால் அதை இந்த 100% காதல் தக்க வைக்கும் என்றால் கேள்விக்குறியாக தான் இருக்கிறது.

நல்ல திறமை இருக்கிற ஜி.வி ஏன் இந்த கதையை தேர்வு செய்தார் என அவரின் ரசிகர்களுக்கு மட்டுமல்ல பலருக்கு தோன்றலாம். படத்தில் அவர் ஹீரோவாக தன் திறமைகளை வெளிப்படுத்தியுள்ளார்.

சிறுபிள்ளை தனமாக சண்டை போடும் அவரின் கேரக்டரும் காதலர்களுக்கு ரியாலிட்டியான ஒரு ஃபீல் கொடுக்கும் என்பதில் எந்த சந்தேகமும் இல்லை. ரியல் லைஃப் லவ் அட்ராசிட்டிஸ் என கூட சொல்லலாம்.

ஹீரோயின் ஷாலினி பாண்டே அர்ஜூன் ரெட்டி படம் மூலம் பிரபலமானவர். தற்போது 100% காதல் படம் மூலம் தமிழில் ஹீரோயினாக அறிமுகமாகியுள்ளார். அவரும் நடிப்பில் திறமையை வெளிப்படுத்துகிறார். ஹீரோவுக்கு இணையாக அவரும் இடம் பிடிக்கிறார். மேலும் கிளாமர் ஹீரோயினாக தன்னை காட்டியுள்ளார்.

ஹீரோயின் ஜி.வி.பிரகாஷ்க்கு ஆபத்தான நேரத்தில் ஒரு நண்பராக உதவ நினைப்பதும், காதலியாக எதிர்பார்ப்புடன் பிடிவாத சண்டை போடுவதையும் காண்கையில் காதல் ஜோடிகளுக்கு தங்கள் வாழ்வின் கடந்த கால நினைவுகளை வரச்செய்திருக்கும்.

தெலுங்கில் நாக சைதன்யா, தமன்னா ஜோடி நடிப்பில் கடந்த 2011 ல் வெளியாகி நல்ல வரவேற்பை பெற்ற 100 % லவ் படத்தின் இந்த தமிழ் ரீமேக்கிற்கு இயக்குனர் சந்திரமௌலி இன்னும் கதையில் அழுத்தம் கொடுத்திருக்கலாம். எல்லாம் இருந்து ஏதோ மிஸ் ஆனது போல ஒரு ஃபீல்.

ஹீரோவுக்கு அப்பாவாக தலைவாசல் விஜய், அம்மாவாக ரேகா, பாட்டியாக ஜெயப்பிரதா, தாத்தாவாக நாசர், வேலையாளாக அப்புக்குட்டி, ஹீரோயின் அப்பாவாக இயக்குனர் ஆர்.வி.உதயகுமார், தம்பி ராமையாக ஆகியோரின் நடிப்பும் எதார்த்தமானது.

படத்தின் ஒளிப்பதிவு காட்சிகள் படத்திற்கு ஏற்ற நல்ல முயற்சி. எடிட்டிங் வேலைகள் நைஸ் ஃபீலிங்.

படத்தில் பாடல், பின்னணி இசையென ஹீரோ ஜி.வி.பிரகாசே செய்திருக்கிறார். லவ் ஃபீல் உணர்வுகளுக்கு அவரை பற்றி உங்களுக்கே தெரியும்.

கிளாப்ஸ்

ஃபேமிலி செண்டிமெண்டாக எல்லோரின் நடிப்பும் ஓகே.

ஹீரோ, ஹீரோயினுடனே சுற்றும் குழந்தைகளால் ஃபன் ஃபீல்.

தம்பிராமையாவின் காமெடி கொஞ்சம் சிரிப்பூட்டும் ரகம்.

பல்பஸ்

எதிர்பார்க்கும் பல விசயங்கள் இடம் பெறவில்லையோ என்ற ஃபீல்.

மொத்தத்தில் 100%காதல் கல்லூரி காதல் ஜோடிகளுக்கு ஓகே. டைம் பாஸிங். ஆனால் மற்றவர்களுக்கு??

நன்றி  CineUlagam