சிட்னியில் மகாஜனர்கள் நிகழ்த்திய மகா நிகழ்வு

அசுர உழைப்பு என்பார்களே?

அதை நேரில் பார்க்கும் போது அணு அணுவாக உணரக் கூட அளவுக்கு மேடையில் அந்த அலைவரிசையைப் பார்வையாளருக்குக் கடத்திய உணர்வு மேலிட்டது.

தெல்லிப்பழை மகாஜனக் கல்லூரி பழைய மாணவர் சங்கத்தினர் சிட்னியில் மார்ச் மாதம் 9 ஆம் திகதி நிகழ்த்திய அரங்கு

பிரமிப்பும், பெருமிதமும், பூரிப்பும் நிகழ்ந்த அனுபவமாக அமைந்து

விட்டது.

கட்டியம் கூறி சிலப்பதிகாரம் தொடங்கிய போது முன்னோட்டமாக அந்தச் சிறுமிகள் ஆடலும், பாடலுமாகக் கொடுத்த நேர்த்தியில் கண் கலங்கிவிட்டது.

தெல்லிப்பழை மகாஜனக் கல்லூரியின் பழைய மாணவியும், ஆசிரியருமான பெருமை மிகு ஈழத்துப் படைப்பாளி கோகிலா மகேந்திரன் அவர்களின் புதல்வர் முனைவர் பிரவீணன் மகேந்திரன் அவர்களது கச்சிதமான அறிமுகத்தோடு தொடங்கிய மகாஜன மாலை 2025 நிகழ்வில் இரண்டு அரங்கச் சுவை அம்சங்கள் அமைந்திருந்தன.

தொடக்கத்தில் “சிட்னி அரங்கக் கலைகள் சக இலக்கியப் பவர்” வழங்கிய “மாலை” என்ற குறு நாடகம்.

கிட்டத்தட்ட கால் நூற்றாண்டுக்குப் பின் இந்த அமைப்பு ஃபீனிக்ஸ் போல உயிர்த்தெழுந்திருக்கிறது.

இவர்களின் நாடகங்களை முன்னாளில் அனுபவித்தவர்களுக்குப் பெரும் எதிர்பார்ப்பாக இருக்க அதற்குச் சரியான “மாலை” போட்டது.

மேலும் வாசிக்க

சர்வதேசப் புகழ் பெற்றசங்கீதக் கலாநிதி அருந்ததி சிறீரங்கநாதன் == கலாநிதி பாரதி இளமுருகனார்

                 யாழ்ப்பாணத்திலுள்ள கந்தர்மடம் என்னும் ஊரிலே

சிறப்புடன்  திருத்தக வாழ்ந்து வந்தவர்கள்  சிவசுப்பிரமணியம் - வீரலட்சுமி  தம்பதிகள். திருமணமாகிப்  பத்து வருடங்களுகளாகியும் தங்களுக்குக் குழந்தை இல்லையே என்ற குறை அவர்களை வாட்டிவந்தது இயற்கையே!. ‘யோகர் சுவாமி என்னும் சித்தரைச் சென்று ஆசிபெறுங்கள்’ என்று அவர்களுக்குத் தெரிந்த பெண்மணி ஒருவரின் பரிந்துரையைக் கேட்ட நாளிலிருந்து வீரலட்சுமி அம்மையார் சுவாமிகளைத் தரிசிக்கத் தனக்கு  அருள்பாலிக்கவேண்டுமெனத் தினமும் பிரார்த்தனை செய்து வந்தார். என்னே ஆச்சரியம்!. அந்த நாள்களில் சிவசுப்பிரமணியம் அவர்கள் தனது குடும்பத்துடன்  அப்புத்தளையிலே பணியாற்றியவர். எல்லோருக்கும் ஆச்சரியம் தரும் வகையிலே ஒருநாள் யோகர் சுவாமிகள் சிவசுப்பிரமணியத்தின் இல்லத்தில் திடிரெனத் தோன்றினார். சுவாமிக்கு  அமுது படைத்துச் சிறப்பானமுறையிலே விருந்தோம்பல் செய்து மகிழ்ந்தார்கள் தம்பதிகள். ஆனால் தனது குறையைச் சுவாமிகளிடம் சொல்வதற்கு வீரலட்சுமிக்குத் துணிவு வரவில்லை. சுவாமியாருக்குப் புரியாததொன்றா?. திருமதி வீரலட்சுமியின் மனக்குறையை தனது ஞானத்தினால் அறிந்த சுவாமிகள் மறுநாள் வீரலட்சுமியைப் பார்த்து   “உனக்குச் சொல்லி விட்டுப் போகத்தான் வந்தனான்? ”என்று மட்டும் சொல்லிவிட்டு நிட்டையில் ஆழ்ந்துவிட்டார்.. பின்னர் அங்கிருந்து விடைபெற முன்னர் வீரலட்சுமியை அழைத்து, உனக்குப் பாடத் தெரியுமோ என்று கேட்டு விட்டு ஒரு 19 வரிகளைக் கொண்ட தாலாட்டுப் பாடலைப் பாடிக்காட்டிவிட்டு அதை எழுதும்படி பணித்தார். தினமும் அந்தத் தாலாட்டைப் பாடிவரும்படி சொல்லிவிட்டு அங்கிருந்து வெளிக்கிட்டார்.. என்னே அதிசயம் அடுத்த ஆண்டு ஒரு பெண்குழந்தையைப் பெற்றதைத்   தொடர்ந்து நான்கு பெண்குழந்தைகளுக்குத் தாயானாள் வீரலட்சுமி அம்மையார்.

யோகர் சுவாமிகளின் தீர்க்க தரிசன வாக்கு!

மேலும் வாசிக்க

இலங்கையிலிருந்து கடல் கடந்தும் புகழ்பெற்ற பொப்பிசைக் கலைஞர் நித்தி கனகரத்தினம் ! மார்ச் 30 இல் மெல்பனில் பாராட்டு நிகழ்ச்சி !! முருகபூபதி

அவுஸ்திரேலியா மெல்பனில்,    மூன்று தசாப்த  காலத்திற்கும் மேலாக வதியும் பொப்பசைக் கலைஞர் நித்தி கனகரத்தினம் அவர்கள்,   இம்மாதம் 30 ஆம் திகதி ஞாயிற்றுக்கிழமை  மெல்பனில்  பாராட்டிக் கௌரவிக்கப்படவிருக்கிறார்.

குறிப்பிட்ட நாளில்  இந்நிகழ்ச்சி மெல்பனில் Glen Waverley Community Centre மண்டபத்தில்  ( 700, Waverley Road, Glen Waverley  Vic 3150 ) மாலை 5-00 மணிக்கு  நடைபெறும்.

அவுஸ்திரேலியத் தமிழ் இலக்கிய கலைச்சங்கம் , அன்றைய தினம் தமிழ்மொழிச்சாதனை விழாவினை குறிப்பிட்ட மண்டபத்தில் ஏற்பாடு செய்துள்ளது.

கடந்த 2024 ஆம் ஆண்டு நடைபெற்ற V C E  உயர்தரப் பரீட்சையில் தமிழ்ப்பாடத்தில் தோற்றி அதிசிறந்த பெறுபேறுளைப்பெற்ற மாணவர்களும் பாராட்டி விருது வழங்கி கௌரவிக்கப்படவுள்ளனர்.

இந்நிகழ்ச்சியைத் தொடர்ந்து இடம்பெறவுள்ள கலைநிகழ்ச்சியில்,  கடந்த அறுபது ஆண்டுகளுக்கும் மேலாக தான் பிறந்த இலங்கையிலும் இந்தியாவிலும் மற்றும் தமிழர் புலம்பெயர்ந்த நாடுகளிலும்  பொப்பிசைத் துறையில் கோலோச்சிக்கொண்டிருக்கும் கலைஞர் நித்தி கனகரத்தினம் அவர்கள் பாராட்டி கெளரவிக்கப்படவிருக்கிறார்.

நித்தி கனகரத்தினம் ,  இலங்கையில் வடபுலத்தில் உரும்பராயை பூர்வீகமாகக் கொண்டவர்.  தனது ஆரம்பக் கல்வியை யாழ் வேம்படி ஆரம்பப் பாடசாலயில் கற்று அதன்பின்னர்     யாழ். மத்தியகல்லூரி, அம்பறை ஹார்டி தொழில் நுட்பக்கல்லூரி ஆகியவற்றில் மேல் கல்வியை தொடர்ந்த பின்னர், இந்தியாவில் அலகபாத் பல்கலைக்கழகத்தில்  விவசாயக்கல்வியை மேற்கொண்டு, முதுமாணிப் பட்டம் பெற்றவர்.

மேலும் வாசிக்க

நீள நினைக்கின்றேன் நெஞ்சம் குளிர்கிறது !

 

 

 

 

மகாதேவ ஐயர் ஜெயராமசர்மா

மேனாள் தமிழ்மொழிக் கல்வி இயக்குநர்

மெல்பேண் ..... அவுஸ்திரேலியா 

 

நீள நினைக்கின்றேன் நெஞ்சம் குளிர்கிறது 

ஆழ எண்ணங்கள் அலையலையாய் வருகிறது

இன்பக் கடலினுள் மூழ்கியே நிற்கின்றேன்

என்மனமே சிறகடித்து எங்கேயோ பறக்கிறது

பள்ளிப் பருவம் துள்ளியே வருகிறது

கள்ளமிலா மனதில் கற்பனைகள் உதிக்கிறது

அள்ளவள்ளக் குறையாமல் ஆனந்தம் பெருகிறது

அக்காலம் வருமாவென அகமேங்கி நிற்கிறது

ஓடையிலே குளிப்பேன் ஒருநோயும் அணுகாது

ஓயாமல் உண்ணுவேன் ஒருதீங்கும் நேராது

பாயில்த்தான் படுத்தேன் படுத்தவுடன் உறக்கம் வரும்

எண்ணியே பார்க்கிறேன் ஏக்கந்தான் வருகிறது

மேலும் வாசிக்க

இமயமாய் மகளிர் இருக்கிறார் என்றும் !

 

 

மகாதேவ ஐயர் ஜெயராமசர்மா

மேனாள் தமிழ்மொழிக் கல்வி இயக்குநர் மெல்பேண் ..... அவுஸ்திரேலியா 

தாயாய் இருப்பாள் தாரமாய் இருப்பாள்

ஓயாமல் இருப்பாள் உழைப்பினை நல்குவாள்

சேயாய் இருப்பாள் சேவகி ஆகுவாள்

அவளே அவனியில் ஒளிவிளக் காவாள் 

மகளிர் என்றுமே மகத்துவம் ஆவர்

மாநில வரமாய் வாய்த்தவர் மகளிர்

மண்ணின் பொறுமை மகளிர் பொறுமை

எண்ணிடும் வேளை கண்ணே மகளிர்

வீட்டினை ஆழ்கிறார் நாட்டினை ஆழ்கிறார்

விஞ்ஞான உலகில் விந்தைகள் செய்கிறார்

கல்வியில் உயர்கிறார் கண்ணியம் காக்கிறார்

கலைகளின் உயர்வாய் மகளிர் திகழ்கிறார்

மேலும் வாசிக்க

இசைஞானி இளையராஜாவின் முதல் சிம்பொனி வாசிப்பு ❤️💚💛💜🩵💙 நேரடி அனுபவம் : லண்டனில் இருந்து மயூரன்

 

https://www.youtube.com/watch?v=ulKG9I5yjIc

பேட்டி கண்டவர் : கானா பிரபா

மேலும் வாசிக்க

முதலிலும் முடிவிலும் மின்மினி! 

-சங்கர சுப்பிரமணியன்.

\

மின்மினியாய் கண் இமைகளை அடித்தாள்
என்னுள் நீங்கிடாத இடத்தையும் பிடித்தாள்
அன்பிற்கும் உண்டோ அடைக்கும் தாழென
தன்னுள்ளே என்னை அன்பால் இணத்தாள்

கரங்களோடு கரங்கள் இணைய வியந்தேன்
அரங்கத்தில் என்னருகிருக்க மகிழ்ந்தேன்
மரங்களடர் சோலையில் நாங்களும் அமர
விரல்கள் விளையாடிட அமைதி காத்தோம்

வருங்காலம் என்ன செய்யலாம் என்றவளிடம்
விரும்பி பெற்றோரிடம் பேசலாம் என்றேன்
அருமையான பெற்றோர் எங்களிருவருக்கும்
கரும்பினும் இனிதானது எங்கள் வாழ்க்கை

மேலும் வாசிக்க

பழநி - ஸ்வீட் சிக்ஸ்டி - ச. சுந்தரதாஸ்

 மகாபாரதத்தில் நீதிக்கும், நேர்மைக்கும், தர்மத்துக்கும் பெயர்

பெற்றவன் தருமன். அவனுடைய தலைமையின் கீழ், வழிகாட்டுதலின் பேரில் அவனின் நான்கு தம்பிகளும் நடந்தார்கள். ஆனாலும் தர்மர் சூதாட சென்ற போது அதனை அவனின் தம்பிகளால் தடுக்க முடியவில்லை. இறுதியில் சூதாட்டத்தில் தருமன் தோற்ற போது அவனுடன் சேர்த்து நான்கு தம்பிகளும், பாஞ்சாலியும் எல்லாவற்றையும் இழந்து நின்றார்கள்.

 

இந்த கதைக் கருவை கொண்டு கிராமிய பின்னணியில் 1965ம் வருடம்

படம் ஒன்று வந்தது. அந்தப் படம்தான் பழநி. மகாபாரத கதையில் பாண்டவர்களிடம் வீரமும் இருந்தது, விவேகமும் இருந்தது. ஆனால் படத்தில் வரும் சகோதரர்களிடம் இரண்டுமே இல்லை. இதனால் திரும்பிய பக்கம் எல்லாம் அவர்களுக்கு துன்பமும், துயரமும்தான் கிடைத்தது.

தொடர்ந்து வெற்றிப் படங்களை கொடுத்துக் கொண்டிருந்த இயக்குனர் பீம்சிங் அகிம்சையின் மகத்துவத்தை போற்றும் வண்ணம் இப் படத்தை இயக்கியிருந்தார். ஆனால் கதை பலவீனமாக அமைக்கப் பட்டு ரசிகர்களின் பொறுமையை சோதித்தது.

 

இத்தனைக்கும் சிவாஜி, எஸ் எஸ் ஆர், முத்துராமன், எம் ஆர் ராதா, டி எஸ் பாலையா, ஸ்ரீராம், நாகேஷ், தேவிகா என்று நட்சத்திர நடிகர்கள் நடித்திருந்தார்கள்.அவர்களின் நடிப்பும் குறை சொல்லும் வகையில் அமையவில்லை. ஆனாலும் கதை ரசிகர்களை ரொம்பத்தான் சோதித்து விட்டது.

கிராமத்தில் தன் மூன்று தம்பிகளுடன் விவசாயம் செய்து ஒற்றுமையுடன் வாழ்ந்து வருகிறான் பழநி. சூது வாது தெரியாத அப்பாவியான அவன் தன் மனைவி இறந்த பிறகு மறுமணம் செய்யாமல் தம்பிகளின் நல்வாழ்வே தன் வாழ்வென வாழ்கிறான். தம்பிகளும் அவன் பேச்சை வேதம் என நினைத்து வாழ்கிறார்கள். என்னத்தான் நல்லவனாக இருந்தாலும் அவன் வாழ்விலும் அடுத்தடுத்து புயல் வீசுகிறது. தம்பி வேலுவின் மனைவியின் பிடிவாதத்தால் வேலு தனிக் குடித்தனம் போகிறான். அதே சமயம் பண்ணையார் செய்யும் அநியாயத்தால் பலவித சிரமங்கள் ஏற்படுகின்றன . விவசாயம் செய்த காணியும் பறி போகிறது. இனி கிராமத்தில் இருந்து பிழைக்க முடியாதென்று இரு சகோதரர்களும் பழநியை விட்டு விலகி பட்டணம் போகிறார்கள். சென்ற இடத்தில் அங்கேயும் அவர்களுக்கு கஷ்டம்தான். இங்கே பண்ணையார் எவ்வளவு கெடுதல் செய்த போதும் அவரை நல்லவர் என்று போற்றி வணங்குகிறான் பழநி! ஆத்திரமோ, பழி உணர்வோ அவனிடம் இல்லை.

மேலும் வாசிக்க

இலங்கைச் செய்திகள்

யாழ் - திருச்சி விமான சேவை 30ஆம் திகதி ஆரம்பம்

முன்னாள் அமைச்சர் மேர்வின் சில்வா கைது

வவுனியா மாவட்ட செயலகத்தில் மாபெரும் தொழில் சந்தை

வடக்கின் கைத்தொழிலை மேம்படுத்த விசேட நடவடிக்கை ; கடற்தொழில் அமைச்சர் இ.சந்திரசேகரன்

வடக்கின் கைத்தொழிலை மேம்படுத்த காங்கேசன்துறை சீமெந்து தொழிற்சாலைக்கு அமைச்சர்கள் குழு விஜயம்

 '' பிள்ளைகளை ஒவ்வொருநாளும் தேடித்தேடி நீதியின்றி இறந்து கொண்டிருக்கின்றோம் '' - வலிந்து காணாமல் ஆக்கப்பட்டோரின் உறவுகள் போராட்டம்

ஆட்சியாளர்கள் மாறினாலும் காணாமல் ஆக்கப்பட்டவர்களின் விடயத்தில் கவனம் செலுத்தப்படவில்லை ; வலிந்து காணாமல் ஆக்கப்பட்டோரின் உறவினர்கள் சங்கத்தின் தலைவி

திருக்கோணேஸ்வர ஆலய திருப்பணி தொடர்பில் இந்திய தூதுவராலய உயர் அதிகாரிகள் கள ஆய்வு  

யாழ் - திருச்சி விமான சேவை 30ஆம் திகதி ஆரம்பம் 

Published By: Digital Desk 3

06 Mar, 2025 | 11:56 AM

யாழ்ப்பாணத்திற்கும் திருச்சிக்கும் இடையிலான விமான சேவை ஒன்று எதிர்வரும் 30ஆம் திகதி முதல் ஆரம்பிக்கப்படவுள்ளது. 

மேலும் வாசிக்க

உலகச் செய்திகள்

 ஒஸ்கர் விருது விழாவில் பாலஸ்தீன இன அழிப்புக்கு எதிராக குரல் கொடுத்த இயக்குநர்கள்

காசாவிற்குள்மனிதாபிமான உதவிகள் செல்வதை தடுத்து நிறுத்தியது இஸ்ரேல் - ஐநா அரபு நாடுகள் கடும் கண்டனம்.

உக்ரைனில் சமாதானத்தை ஏற்படுத்துவதற்காக பிரான்சுடன் இணைந்து விருப்பமுள்ளவர்களின் கூட்டணி - பிரிட்டிஸ் பிரதமர்

உக்ரைனிற்கான இராணுவஉதவிகளை இடைநிறுத்துகின்றது அமெரிக்கா

ஹமாசிற்கு எதிரான அழுத்தங்களை அதிகரிப்பதற்காக இஸ்ரேல் காசாவிற்கான நரக திட்டமொன்றை உருவாக்கிவருகின்றது- கார்டியன்

ஒஸ்கர் விருது விழாவில் பாலஸ்தீன இன அழிப்புக்கு எதிராக குரல் கொடுத்த இயக்குநர்கள்

03 Mar, 2025 | 10:22 AM

ஒஸ்கர் விருது விழாவில் ‘நோ அதர் லேண்ட்’ ஆவணப்படத்தின் இயக்குநர்கள் பாலஸ்தீன மக்களின் இன அழிப்புக்கு எதிராகக் குரல் கொடுத்தனர்.

மேலும் வாசிக்க

சிட்னி அருள்மிகு துர்க்கை அம்மன் திருக்கோயில் வருடாந்த மாசிமக பெருந்திருவிழா 2025

 மாசி மகாம் ஆண்டு விழா 2025 ஆம் ஆண்டு மார்ச் 03 ஆம்

தேதி தொடங்கி 2025 ஆம் ஆண்டு மார்ச் 15 ஆம் தேதி நிறைவடையும் என்பதை அறிவிப்பதில் மகிழ்ச்சி அடைகிறோம். இந்த கொண்டாட்டத்தின் சிறப்பம்சமாக, பிரமிக்க வைக்கும் சித்திரைத் தேர் (தேர்) இடம்பெறும் தேர் திருவிழா மற்றும் மாசி மகாம் தீர்த்த உற்சவம், புதன் மற்றும் வியாழன், 12 மற்றும் 13 மார்ச் 2025 ஆகிய தேதிகளில் நடைபெற உள்ளது. அன்னை துர்கா மாசி மஹம் திருவிழாவில் எங்களுடன் கலந்து கொண்டு அன்னை துர்காவிடம் அருள் பெறுங்கள்.

அவுஸ்திரேலியக் கம்பன் கழக "ஆடல் வேள்வி 2025"

 

வியன்மிகு பாராட்டுகளை ஈட்டிக் கொண்டிருக்கும்

உலகப்புகழ் பரதக் கலைஞர் ஸ்ரீ பார்ஷ்வநாத் உபாத்யே அவர்கள் (பெங்களூரு),

தம் அணியினருடன் இணைந்து வழங்கும் 'ஆபா' மற்றும் 'நாகமண்டலா' எனும்,

கலை நுணுக்கம் மிகுந்த இரு உயர் பரதநாட்டிய நிகழ்வுகள்,

இவ்வருட ஆடல் வேள்வியினூடு சிட்னியில் அரங்கேற்றவிருக்கின்றன.

நடன ஆச்சார்யார்கள், பரதக்கலை பயிலும் மாணவர்கள் மற்றும் கலாரசிகர்கள்,

அனைவரையும் கண்டு இரசித்து மகிழ வாரீர், எனப் பணிவன்போடு அழைக்கின்றார்கள் அவுஸ்திரேலியக் கம்பன் கழகத்தினர்.

இந்நிகழ்விற்காக,

பிரத்தியேகமாகத் தென்னிந்தியாவிலிருந்து முன்னணி ஒளியமைப்பு வித்தகர்

ஒருவரையும் கழகத்தினர் அழைத்து வர இருக்கின்றனர்.

'சிட்னி வாழ் கலா இரசிகர்களினுடைய தொடர் ஆதரவினாலேயே எம்மால் இத்தகைய நல்ல படைப்புகளை,

அவுஸ்திரேலியக் கலை ஆர்வலர்களுக்காகக் கொணர முடிகின்றது'

எனக் கழகத் தொடர்பாளர்கள் அண்மையில் தமிழ் முரசு அவுஸ்திரேயாவுக்கு தெரிவித்திருந்தனர்.

'இந்நிகழ்வின் வெற்றியானது; வருடாந்தம் கழகத்தார் தொண்டுரீதியில் இலவசமாக நடாத்திவரும்,

கம்பன் விழாக்கள், தமிழ் இலக்கிய வகுப்புகள், 'வெல்லும்சொல்' திறனாளர் தேர்வுப் பேச்சுப்போட்டிகள் போன்ற,

பல சேவைகளுக்கு நிதி தந்து உதவும்' என்பதையும் அவர்கள் பகிர்ந்து கொண்டார்கள்.

மெல்பேர்ணில் பரத நாட்டிய சிறப்பு நிகழ்ச்சி - 'ஆபா' மற்றும் 'நாகமண்டலா' - 16.03.25

கலாவித்யா நடனப் பள்ளியானது அவுஸ்திரேலியக் கம்பன் கழகத்துடன் இணைந்து 'ஆபா' மற்றும் 'நாகமண்டலா' எனும், அருமையான உலகத்தரம் வாய்ந்த இரு நடன ஆற்றுகைகளை,மெல்பேர்ணில் - ஞாயிற்றுக் கிழமை 16.03.25 அன்று நடாத்தவிருக்கின்றது.

2017ஆம் ஆண்டு மெல்பேர்ணில் நிறுவப்பட்ட கலாவித்யா நடனப் பள்ளியானது, கலாக்ஷேத்ரா பாணியைப் பின்பற்றி பாரதநாட்டியத்தையும் பாரம்பரியத்தையும் மற்றும் தமிழர் பண்பாட்டையும் வெளிப்படுத்தும் நாட்டுப்புற நடனத்தையும் கற்பிப்பதில் கவனம் செலுத்தி வருகின்றது.

கலாவித்யா நடனப் பள்ளியின் குறிக்கோளானது, நடனத்திற்கான ஆழமான பற்றை உருவாக்கி, மாணவர்களில் சுய ஒழுக்கம் மற்றும் தன்னம்பிக்கையை வளர்த்து இந்தப் பழமையான கலைக்கான மரியாதையை ஊக்குவிப்பதாகும்.

  

அந்த வகையில்; கலை கலாசார விழுமியங்களை எம் மெல்பேர்ண் வாழ் கலா இரசிகர்களுக்கு எடுத்துவரும் முயற்சியாக, தன் அபரிமிதமான நாட்டிய வல்லமையால் உலகளவில் புகழ்பெற்றுவரும்  பரதக் கலைஞர் ஸ்ரீ பார்ஷ்வநாத் உபாத்யே அவர்கள், தம் அணியினர் வித்தகி ஸ்ரீமதி சுருதி கோபால் மற்றும் வித்துவான் ஆதித்யா பி.வி அவர்களுடன் தென்னிந்தியாவிலிருந்து மெல்பேர்ண் நகருக்கு வரவழைத்து, இவ்விரு பரதநாட்டிய நடன ஆற்றுகைகளை உங்களுக்காகத் தரவிருக்கின்றோம். அனைவரும் திரண்டு வருகைதந்து ஆதரவு தருமாறு அன்போடு கேட்டுக் கொள்கின்றோம்.     நன்றி.