இலங்கைச் செய்திகள்

ராஜபக்ச குடும்பத்தினரின் கணக்குகளை ஆராய அமெரிக்கா, இந்தியா உதவி

அடிக்கல் நாட்டினார் நீதிபதி இளஞ்செழியன்

இலங்கை வாழ் மக்களுக்கு கிடைத்த அதிர்ஷ்டம்.!!

3 இராணுவத்தினர் உட்பட 41 பேருக்கு யாழ். நீதிமன்றம் மரண தண்டனை

இன்று முதல் தடை.!




ராஜபக்ச குடும்பத்தினரின் கணக்குகளை ஆராய அமெரிக்கா, இந்தியா உதவி

03/01/2018 முன்னாள் ஜனாதிபதி மகிந்த ராஜபக்சவின் குடும்பத்தினருக்கு டுபாயில் உள்ள வங்கிக் கணக்கு விபரங்கள் திரட்டப்பட்டு வருவதாகத் தகவல்கள் வெளியாகியுள்ளன.

இது குறித்துத் தெரிவித்துள்ள அமைச்சரவை உப பேச்சாளர் அமைச்சர் ராஜித்த சேனாரத்ன, டுபாய் வங்கிகளில் ராஜபக்ச குடும்பத்தினர் சட்ட விரோதமாக வைத்திருக்கும் கணக்குகள் குறித்து விபரங்களைச் சேகரிக்கும் பணிகள் தற்போது நடைபெற்று வருவதாகவும் வெகுவிரைவில் மிக முக்கியமான தகவல்கள் வெளியாகும் என்றும் தெரிவித்துள்ளார்.

டுபாய் வங்கிகளில் ராஜபக்சவின் மகன் நாமல் ராஜபக்சவின் பெயரில் பல மில்லியன் டொலர்கள் வைப்பிலிருப்பதாக 2015ஆம் ஆண்டு அரசு தெரிவித்திருந்தது. இந்தக் கணக்குகள் தொடர்பிலான விசாரணைகளுக்கு அமெரிக்கா மற்றும் இந்தியா ஆகிய நாடுகளும் உதவியளித்து வருவதாகவும் அரசு தெரிவித்துள்ளது.

வீதி அபிவிருத்தி என்ற பெயரில் பெற்ற பணத்தையெல்லாம் வெளிநாடுகளில் தமது குடும்ப உறுப்பினர்கள் பெயரில் சட்ட விரோதமாக ராஜபக்ச குடும்பம் முடக்கியிருக்கிறது என்று தற்போதைய அரசு கூறியிருந்தாலும் ராஜபக்ச அதை மறுத்திருப்பது குறிப்பிடத்தக்கது.  நன்றி வீரகேசரி 

அடிக்கல் நாட்டினார் நீதிபதி இளஞ்செழியன்

03/01/2018 யாழ். நீதிமன்ற வளாகத்தில் அமைக்கப்படவுள்ள புதிய திறந்த நீதிமன்றங்களுக்கான கட்டிடத்தின்  அடிக்கல்லானது இன்றைய தினம் யாழ்.மேல் நீதிமன்ற நீதிபதி மாணிக்கவாசகர் இளஞ்செழியனால் நாட்டி வைக்கப்பட்டுள்ளது.

யாழ். நீதிவான் நீதிமன்றம், மாவட்ட நீதிமன்றம், மேல் நீதிமன்றம் மற்றும் குடியியல் மேன்முறையீட்டு மேல் நீதிமன்றம் ஆகியவற்றின் திறந்த நீதிமன்றங்களுக்காகவே இந்தக் கட்டடத் தொகுதி அமைக்கப்படவுள்ளது.

தற்போதைய நீதிமன்றக் கட்டடத் தொகுதியில் திறந்த நீதிமன்றங்களுக்கு போதிய இடவசதி காணப்படுவதில்லை என சுட்டிக்காட்டப்பட்டதனையடுத்து, 2017ஆம் ஆண்டுக்கான வரவு செலவுத் திட்டத்தில் 242 மில்லியன் ரூபா நிதி ஒதுக்கீடு செய்யப்பட்டது.

இதில் 3 மாடிக் கட்டடத் தொகுதி நிலக்கீழ் அடித்தளத்துடன் அமைக்கப்படவுள்ளது.
நன்றி வீரகேசரி













இலங்கை வாழ் மக்களுக்கு கிடைத்த அதிர்ஷ்டம்.!!

03/01/2018 இரண்டு இலட்சம் மக்கள் வாழ்­வ­தற்கு ஏற்­ற­வ­கையில் மிகவும் அழ­கான நவீன முறையில்  நகரம் ஒன்றை நிர்­மா­ணித்து சிங்­கப்பூர் போன்ற நாடு­களில் இருக்கும் வச­தி­களை பெற்­றுக்­கொ­டுப்போம் என பிர­தமர் ரணில் விக்­ர­ம­சிங்க தெரி­வித்தார்.

கொழும்பு துறை­முக நக­ரத்­திட்ட வேலைத்­திட்­டங்­களை நேற்று பார்­வை­யி­டச்­சென்ற பிர­தமர் ரணில் விக்­ர­ம­சிங்க, வேலைத்­திட்­டத்தின் முன்­னேற்றம் தொடர்­பாக அதி­கா­ரி­க­ளிடம் கேட்­ட­றிந்து கொண்­டதன்  பின்னர் ஊட­கங்­க­ளுக்கு கருத்து தெரி­விக்­கை­யி­லேயே இவ்­வாறு தெரி­வித்தார்.

அவர் அங்கு தொடர்ந்து கூறு­கையில்,

சீனா துறை­முக நிறு­வ­னத்­தினால் கடல் நிலத்தை நிரப்பி 99வரு­டங்­களில் இந்த இடத்தில் நகரம் ஒன்றை ஏற்­ப­டுத்­துவோம். இந்த நகரம் பயன்­ப­டும்­வ­கையில் முழு இந்­து சமுத்­தி­ரத்­துக்கும் பொருத்­த­மான நிதி வர்த்­தக மத்­திய நிலையம் ஒன்றை நிர்­மா­ணிப்­ப­தற்கு திட்­ட­மிட்­டுள்ளோம். அதற்­காக துறை­முக நக­ர­மா­கிய இந்த பிர­தே­சத்தில் பிரத்­தி­யே­க­மாக நிதி மாவட்டம் ஒன்றை ஏற்­ப­டுத்­தி­யுள்ளோம். அத்­துடன் இந்த வேலைத்­திட்­டத்தின் கீழ் இந்த பிர­தே­சத்தில் இரண்டு இலட்சம் மக்கள் வாழ்­வ­தற்கு ஏற்­ற­வ­கையில் மிகவும் அழ­கான நவீன முறையில்  நகரம் ஒன்றை நிர்­மா­ணிப்போம். சிங்­கப்பூர் போன்ற நாடு­களில் இருக்கும் வச­திகள் அனைத்தும் இந்த நக­ரத்­துக்கு பெற்­றுக்­கொ­டுப்போம். இது சீன துறை­முக நிறு­வ­னத்தின் பிர­தான முத­லீ­டாகும்.

அத்­துடன் இந்த வேலைத்­திட்­டம் நாட்டின் பொரு­ளா­தா­ரத்­துக்கு புதி­ய­தொரு சக்­தியை ஏற்­ப­டுத்தும் வேலைத்­திட்­ட­மா­கவே பார்க்­கின்றோம். அத்­துடன் இந்த இடத்தில் இருந்­து­கொண்டே எமது மக்­க­ளுக்கு வெளி­நாட்டு முத­லீ­டுகள் மற்றும் நிதி­வ­ச­தி­களை பெற்­றுக்­கொள்ள தேவை­யான சட்ட மற்றும் வணிக சேவை­களை பெற்­றுக்­கொ­டுப்போம். இதற்கு அப்பால் இந்த பிர­தே­சத்தில் எமது மக்கள் பெரு­மைப்­படும் வகையில் மகிழ்ச்­சி­யாக இருக்க பாரிய பூங்­கா­வொன்றை ஏற்­ப­டுத்த இருக்­கின்றோம்.

அத்­துடன் 2020ஆகும் போது இந்த துறை­முக நக­ரத்தின் அடிப்­படை வேலைத்­திட்­டங்கள் மற்றும் ஏனைய கட்­டட வேலை­களை பூர்த்­தி­செய்ய இருக்­கின்றோம். இதன் மூலம் நாங்கள் நினைத்தும் பார்க்க முடி­யாத நகரம் ஒன்று இங்கு அமை­யப்­போகின்­றது. இது இந்­து சமுத்­தி­ரத்தின் கேந்­திர நிலை­யத்­துக்­கான வேலைத்­திட்­டங்­களில் ஒரு பகு­தி­யாகும். துறை­முகம், விமான நிலையம் ஆகி­ய­வற்றின் சேவை­யுடன் உற்­பத்தி தொழிற்­சா­லை­களை ஏற்­ப­டுத்­து­வது, நிதி சேவை­களை ஏற்­ப­டுத்­து­வது மற்றும் சுற்­றுலா வேலைத்­திட்­டங்­களை ஏற்­ப­டுத்தும் திட்­டத்­திலே அர­சாங்கம் என்­ற­வ­கையில் இந்த வேலைத்­திட்­டங்­களை மேற்­கொண்டு செல்­கின்றோம். 

அத்­துடன் ஜனா­தி­பதி மைத்­தி­ரி­பால சிறி­சே­னவின் தலை­மையில் இந்த வேலைத்­திட்­டங்­களை நாங்கள் பொறுப்­பேற்­றுள்ளோம். இதற்கு தேவை­யான சட்­டங்­களை இந்த வருடம் முன்­வைப்­ப­தற்கு எதிர்­பார்க்­கின்றோம். அத்­துடன் அனைத்­தையும் ஒரே­த­ட­வையில் செய்­து­மு­டிக்க இய­லாது. தற்­போது நாங்கள் வேலைத்திட்டங்களை ஆரம்பித்துள்ளோம். இலங்கை கடனுக்குள் மூழ்கியிருந்ததற்கு பதிலாக இலங்கையின் பொருளாதாரத்தை உறுதிப்படுத்தி, சிறந்த முறையில் வாழ்வதற்கு முடியுமான, தொழில் வாய்ப்புக்களை ஏற்படுத்தும் பொருளாதாரத்தை ஏற்படுத்த நாங்கள் எதிர்பார்க்கின்றோம் என்றார். நன்றி வீரகேசரி

3 இராணுவத்தினர் உட்பட 41 பேருக்கு யாழ். நீதிமன்றம் மரண தண்டனை

02/01/2018 யாழ்.மேல் நீதிமன்றில் கடந்த 13 வருடங்களில் 3 இராணுவத்தினர் உட்பட 41 பேருக்கு மரண தண்டனை விதித்து தீர்ப்பளிக்கப்பட்டுள்ளது. 

யாழ். மேல் நீதிமன்ற நியாயாதிக்க எல்லைக்குட்பட்ட பகுதிகளில் இடம்பெற்ற கொலைச் சம்பவங்களுடன் தொடர்புடைய குற்றவாளிகளுக்கே இந்த மரண தண்டனை விதிக்கப்பட்டுள்ளது. 

யாழ் மேல் நீதிமன்று யாழ் மாவட்டத்தில் புதிதாக அமைக்கப்பட்ட பின்னர் இது வரை மேல் நீதிமன்ற நீதிபதிகளாக 9 நீதிபதிகள் கடமையாற்றியுள்ளனர். 

அந்த வகையில் கடந்த 2000 ஆம் ஆண்டு தொடக்கம் 2005 ஆம் ஆண்டு வரை நீதிபதி கே.பி.எஸ்.வரதராஜா, 2005 ஆம் ஆண்டு தொடக்கம் 2007 ஆம் ஆண்டு வரை நீதிபதி  எஸ்.தியாகேந்திரன், 2007 ஆம் ஆண்டு தொடக்கம் 2008 ஆம் ஆண்டு வரை நீதிபதி பி.ஸ்வர்ணராஜா, 2008 ஆம் ஆண்டு தொடக்கம் 2010 ஆம் ஆண்டு வரை நீதிபதி ஆர்.ரி.விக்னராஜா, 2010 ஆம் ஆண்டு தொடக்கம் 2012 ஆம் ஆண்டு வரை நீதிபதி எஸ். பரமராஜா, 2012 ஆம் ஆண்டு தொடக்கம் 2013 ஆம் ஆண்டு வரை நீதிபதி ஜெ.விஸ்வானந்தன், 2013 ஆம் ஆண்டு தொடக்கம் 2014 ஆம் ஆண்டு வரை நீதிபதி  அ.பிறேம்சங்கர், 2014 ஆம் ஆண்டு  தொடக்கம் 2015 மே  மாதம் வரை நீதிபதி திருமதி கே.சிவபாதசுந்தரம் ஆகியோர் யாழ் மேல் நீதிமன்ற நீதிபதிகளாக கடமையாற்றியுள்ளதுடன், கடந்த 2015 ஆம் ஆண்டு ஜுன் மாதம் தொடக்கம் இன்று வரை யாழ் மேல் நீதிமன்ற நீதிபதியாக நீதிபதி மா.இளஞ்செழியன் கடமையாற்றி வருகிறார். 

மேற்குறிப்பட்ட நீதிபதிகளின் சேவைக்காலப்பகுதியிலேயே மேற்குறித்த 41 பேருக்கு மரண தண்டனை வழங்கப்பட்டுள்ளது.

அந்த வகையில் கடந்த 2005, 2008, 2010 ஆம் ஆண்டுகளில் தலா ஒருவருக்கும், 2012 ஆம் ஆண்டு  2 பேருக்கும், 2013 ஆம் ஆண்டு ஒருவருக்கும், 2014 ஆம் ஆண்டு  4 பேருக்கும், 2015 ஆம் ஆண்டு 8 பேருக்கும், 2016 ஆம் ஆண்டு 11 பேருக்கும் 2017 ஆம் ஆண்டு 12 பேருக்கும் மரண தண்டனை விதிக்கப்பட்டுள்ளது. 

யாழ் மேல் நீதிமன்ற நியாயாதிக்க எல்லைக்குட்பட்ட பகுதிகளில் இடம்பெற்ற கொலை சம்பவங்களுடன் தொடர்புடைய சந்தேக நபார்கள் கைது செய்யப்பட்டு நீதிவான் நீதிமன்றங்கள் ஊடாக வழக்கு  விசாரணைகள் இடம்பெற்று பின்னர் மேல் நீதிமன்றில் குறித்த வழக்கு விசாரணைக்குட்படுத்தப்பட்டு அதில் குற்றவாளிகளாக இனங்காணப்பட்டவர்களுக்கு இந்த மரண தண்டனை விதிக்கப்பட்டுள்ளது.  நன்றி வீரகேசரி

இன்று முதல் தடை.!

01/01/2018 உணவுப் பொதியிடம் பொலித்தீன் தாள் மற்றும் பெட்டி உள்ளிட்ட பொலித்தீன் உற்பத்தி பொருட்களுக்கான தடை இன்று முதல் கட்டாய அமுலுக்கு வருவதாக மத்திய சுற்றாடல் அதிகார சபை தெரிவித்துள்ளது.

லன்ச்சீட், பொலித்தீன் மீது கடந்த செப்டெம்பர் மாதம் முதலாம் திகதி தடை விதிக்கப்பட்டது.

இருப்பினும் குறித்த பொருட்களின் பாவனையை தவிர்த்து கொள்ள கால அவகாசம் வழங்கப்பட்டிருந்த நிலையில், அந்த அவகாசம் நேற்றுடன் நிறைவடைந்தது.

இதற்கமைய தேசிய, சமய மற்றும் அரசியல் உள்ளிட்ட பொது நிகழ்வுகளில் இவ்வகையான பொலித்தீன் பொருட்களை பயன்படுத்துவதற்கு முற்றாக தடை விதிக்கப்பட்டுள்ளது.

இதற்கிடையில், இன்று முதல் லன்ச்சீட், பொலித்தீன் விற்பனை தொடர்பில் விசேட சுற்றிவளைப்புக்களை மேற்கொள்ளவுள்ளதாக மத்திய சுற்றாடல் அதிகார சபையின் தலைவர் பேராசிரியர் லால் மர்வின் தெரிவித்தார். நன்றி வீரகேசரி