கவிதை - மெட்டு பழையது பாடல் புதியது!

-சங்கர சுப்பிரமணியன்.

 

“வழிநெடுக காட்டுமல்லி

யாரும் அத பாக்கலியே”

என்று விடுதலை படத்துக்காக இளையராஜா அவர்கள் எழுதிய பாடலின் மெட்டில் நான் எல்லோரும் அறிந்த எழுத்தாளர் திரு. முருகபூபதி அவர்களுக்கு நடந்த பாராட்டு விழாவில் அவருக்காக வடித்து வழங்கிய கவிமாலை!

பூபாளம் அதிகாலை ராகம்
பூபதி எழுத்துல ஒருவேகம்

இலக்கியமதிலே தனி மோகம்
இலக்கது ஒன்றே இவர் தாகம்
இலக்கியம் மலருது எழுதயில
இலக்கு தெரியுது படிக்கயிலே

பூபாளம் அதிகாலை ராகம்


பூபாளம் அதிகாலை ராகம்
பூபதி எழுத்தும் சிறப்பாகும்

எழுத்தே இங்கு கதசொல்லும்
எழுதுவதெல்லாம் மெய்யாகும்
பொய்யென எதுவும் அதிலில்ல
புரிந்தேன் நான் அத உண்மயில

பூபாளம் அதிகாலை ராகம்


படைப்பதுவே இவர் பழக்கம்
சிறப்பாய் அதுவே வந்துவிடும்

நடப்பதயிங்கு இவர் சொல்லுவார்
படைப்பும் அதுவே போலிருக்கும்

படிப்பதை இவரும் பகிர்ந்திடுவார்
நொடி பொழுதுமதை இவர் மறவார்

மறந்தத சொல்லவும் மறுப்பதில்ல
நடந்தத சொல்வதில் தயக்கமில்ல

வாழ்விலே நானும் கண்டதில
வழிதெரியும் இவர் நூலினில


பூபாளம் அதிகாலை ராகம்
பூபதி எழுத்தும் சிறப்பாகும்

இலக்கியம் மலருது எழுதயில
இலக்கு தெரியுது படிக்கயிலே


எழுதுகின்ற நேரத்துல
இரவுபகல் பார்ப்பதில்ல

எழுத்திருக்க உள்ளத்துல
நித்திரையும் வந்ததில்ல

படைக்க இவருக்கு பலவிருக்க
பயனற்று இவரும் இருந்ததில்ல

பயன்பெறவே இங்கு பலரிருக்க
பயனின்றி இருந்திட மாட்டாரே

சொல்ல மறந்த கதையதுதான்
சொல்லிமுடித்த கதையதுதான்


பூபாளம் அதிகாலை ராகம்
பூபதி எழுத்தும் சிறப்பாகும்

இலக்கியமதிலே தனி மோகம்
இலக்கது ஒன்றே இவர் தாகம்

பொய்யென எதுவும் அதிலில்ல
புரிந்தேன் நானத உண்மயில

பூபாளம் அதிகாலை ராகம்.