தாய்வானின் முதலாவது பெண் ஜனாதிபதி தெரிவு
ஆங்கிலத்தை கற்காத முஸ்லிம் பெண்கள் நாடு கடத்தபடுவார்கள்
ஜல்லிக்கட்டுப் போட்டி நடத்த முயன்ற சீமான் கைது
யேமனில் பொலிஸ் தலைமையகம் மீது வான் தாக்குதல்; 25 பேர் உயிரிழப்பு
தீவிரவாத தாக்குதல்களால் ஈராக்கில் 22 மாதங்களில் 18,800 பேர் பலி
பாகிஸ்தான் பல்கலைக்கழகத்தில் துப்பாக்கிச் சூடு : 21 பேர் பலி: பலர் காயம்
ரஷ்ய வான் தாக்குதல்களில் 1,000 க்கும் அதிகமான பொதுமக்கள் பலி
தாய்வானின் முதலாவது பெண் ஜனாதிபதி தெரிவு
18/01/2016 தாய்வானின் முதலாவது பெண் ஜனாதிபதியாக தஸாய் இன்க் - வென் தெரிவு செய்யப்பட்டுள்ளார்.
அவர் (59 வயது) சீனாவிடமிருந்து தாய்வான் சுதந்திரமடைவதை வலியுறுத்தி வரும் ஜனநாயக முன்னேற்ற கட்சியின் தலைவராவார்.
தனது தேர்தல் வெற்றியையடுத்து தஸாய் உரையாற்றுகையில், சீனாவுடனான தாய்வானின் நிலைப்பாட்டை நிலைநிறுத்தவுள்ளதாக சூளுரைத்துள்ளார்.
சீனா தாய்வானின் ஜனநாயகத்துக்கு மதிப்பளிப்பதுடன் இரு தரப்பினரும் சினமூட்டும் நடவடிக்கைகளில் ஈடுபடாதிருப்பதை உறுதிப்படுத்த வேண்டியுள்ளது என அவர் கூறினார்.
சீனாவானது தாய்வானை தனது நாட்டிலிருந்து பிரிந்த ஒரு மாகாணமாகவே நோக்கி வருகிறது. தேவைப்படும் பட்சத்தில் தாய்வானை பலவந்தமாக மீள இணைத்துக் கொள்ள நேரிடும் என அந்நாடு அச்சுறுத்தி வருகிறது.
தாய்வானுக்கான புதிய சகாப்தம் மலர்ந்துள்ளதாக குறிப்பிட்ட தஸாய், நாடு எதிர்கொண்டுள்ள பிரதான பிரச்சினைகள் தொடர்பில் ஏனைய கட்சிகளுடன் கூட்டிணைந்து செயற்பட உறுதியளித்துள்ளார்.
இதன்போது தாய்வான் மற்றும் சீனா ஆகிய இரு தரப்பு நாடுகளும் பரஸ்பரம் ஏற்றுக் கொள்ளக்கூடிய வழிமுறைகளைக் கையாள வேண்டும் என வலியுறுத்திய அவர், சினமூட்டும் நடவடிக்கைகள் இடம்பெறுவது பிராந்திய ஸ்திரத்தன்மைக்கும் உறவுகளுக்கும் குந்தகம் விளைவிக்கும் என எச்சரித்தார்.
தாய்வான் பிராந்தியத்தில் அமைதியுடனும் ஸ்திரத்தன்மையுடனும் விளங்க ஆதரவும் பங்களிப்பும் செய்யவுள்ளதாக அமெரிக்காவும் ஜப்பானும் சூளுரைத்துள்ளமை குறித்து அந்நாடுகளுக்கு அவர் நன்றியைத் தெரிவித்தார்.
இந்தத் தேர்தலில் தோல்வியைத் தழுவியுள்ள ஆளும் குவோமிங்டாங் கட்சியின் தலைவர் எறிக் சு தோல்வியை ஒப்புக் கொண்டுள்ளார்.
தஸாயிக்கு வாழ்த்துகளைத் தெரிவித்துள்ள எறிக், கட்சித் தலைவர் பதவியிலிருந்து விலகுவதாக அறிவிப்புச் செய்துள்ளார்.
நன்றி வீரகேசரி
ஆங்கிலத்தை கற்காத முஸ்லிம் பெண்கள் நாடு கடத்தபடுவார்கள்
19/01/2016 பிரித்தானியாவிலுள்ள முஸ்லிம் பெண்கள் உயர் தராதரத்துக்கு ஆங்கிலத்தில் புலமை பெறத் தவறுவார்களாயின் நாடு கடத்தப்படுவார்கள் என பிரித்தானிய பிரதமர் டேவிட் கமெரோன் திங்கட்கிழமை அறிவித்துள்ளார்.
ஆங்கில அறிவு குறைந்தவர்கள் ஐ.எஸ். தீவிரவாதிகளின் செய்திகளளால் இலகுவாக பாதிக்கப்பட்டு அவர்கள் பால் கவரப்படுவதாக கருதுவதாக அவர் தெரிவித்தார்.
அவரது பழைமைவாத அரசாங்கமானது தனிமைப்படுத்தப்பட்டுள்ள சமூகங்களைச் சேர்ந்த பெண்களை பிரித்தானிய அரசாங்கத்துடன் ஒருங்கிணைக்கும் நடவடிக்கையின் அங்கமாக அவர்களுக்கு மொழி அறிவூட்டுவதற்கு 26 மில்லியன் யூரோ பெறுமதியான திட்டத்தை ஆரம்பித்துள்ள நிலையிலேயே டேவிட் கமெரோனின் இந்த அறிவிப்பு வெ ளியாகியுள்ளது. நன்றி வீரகேசரி
பிரித்தானியாவிலுள்ள தமது வாழ்க்கைத் துணைகளுடன் இணைந்து கொள்ள வரும் குடியேற்றவாசிகள் பிரித்தானியா வருவதற்கு முன் ஆங்கிலத்தில் பேசத் தெரிந்திருப்பதை அந்நாட்டு குடிவரவு சட்டங்கள் ஏற்கனவே வலியுறுத்துகின்றமை குறிப்பிடத்தக்கது.
இந்நிலையில் அவ்வாறு வந்தவர்களும் மேலும் மொழிப் பரீட்சைகளை எதிர்கொள்ளவுள்ளதாக டேவிட் கமெரோன் குறிப்பிட்டார்.
“நீங்கள் ஆங்கில உங்கள் அறிவை விருத்தி செய்யாவிடில் பிரித்தானியாவில் தங்கியிருப்பதில் உங்களுக்கு உத்தரவாதமில்லை" என அவர் தெரிவித்தார்.
“ எமது நாட்டுக்கு வருபவர்களுக்கு அதற்கேற்ப கடப்பாடுகளும் உள்ளன" என அவர் கூறினார்.
டேவிட் கமெரோனது அரசாங்கத்தின் மதிப்பீடுகளின் பிரகாரம் அந்நாட்டில் 190,000 முஸ்லிம் பெண்கள் உள்ளனர். அவர்களில் 22 சதவீதமானவர்கள் ஆங்கிலத்தில் மிகக் குறைந்தளவில் உரையாற்றக்கூடியவர்களாகவோ அல்லது அறவே அந்த மொழியில் உரையாற்ற முடியாதவர்களாகவோ உள்ளனர்.
அத்துடன் பிரித்தானியாவின் மொத்த 53 மில்லியன் சனத் தொகையில் 2.7 மில்லியன் பேராக முஸ்லிம்கள் உள்ளனர். நன்றி வீரகேசரி
ஜல்லிக்கட்டுப் போட்டி நடத்த முயன்ற சீமான் கைது
19/01/2016 தடையை மீறி ஜல்லிக்கட்டுப் போட்டி நடத்த முயன்ற நாம் தமிழர் ஒருங்கிணைப்பாளர் சீமான் கைது செய்யப்பட்டுள்ளதாக இந்திய ஊடகங்கள் செய்தி வெளியிட்டுள்ளன.
ஜல்லிக்கட்டை நடத்த இந்திய உச்ச நீதிமன்றம் விதித்துள்ள தடையை மீறி ஜல்லிக்கட்டை நடத்துவோம் என்று சீமான் அறிவித்திருந்த நிலையில் அவரையும் அவரது ஆதரவாளர்களையும் பொலிஸார் கைது செய்துள்ளமை குறிப்பிடத்தக்கது. நன்றி வீரகேசரி
யேமனில் பொலிஸ் தலைமையகம் மீது வான் தாக்குதல்; 25 பேர் உயிரிழப்பு
தீவிரவாத தாக்குதல்களால் ஈராக்கில் 22 மாதங்களில் 18,800 பேர் பலி
பாகிஸ்தான் பல்கலைக்கழகத்தில் துப்பாக்கிச் சூடு : 21 பேர் பலி: பலர் காயம்
ரஷ்ய வான் தாக்குதல்களில் 1,000 க்கும் அதிகமான பொதுமக்கள் பலி
யேமனில் பொலிஸ் தலைமையகம் மீது வான் தாக்குதல்; 25 பேர் உயிரிழப்பு
20/01/2016 யேமனிய தலைநகர் சனாவிலுள்ள பொலிஸ் தலைமையகம் மீது சவூதி தலைமையிலான கூட்டமைப்பு நாடுகளின் படையினர் நடத்திய வான் தாக்குதல்களில் குறைந்தது 25 பேர் பலியானதுடன் பலர் காயமடைந்துள்ளனர்.
மேற்படி தாக்குதலில் இடிந்து விழுந்த இரு மாடிக் கட்டடமொன்றின் இடிபாடுகளின் கீழ் சிக்கியே பலர் உயிரிழந்துள்ளனர்.
பலியானவர்களில் அநேகர் பொலிஸ் உத்தியோகத்தர்களும் ஹோதி கிளர்ச்சியாளர்களும் என அங்கிருந்து வரும் செய்திகள் தெரிவிக்கின்றன.
சவூதி தலைமையிலான கூட்டமைப்பு யேமனில் அந்நாட்டு அரசாங்கத்துக்கு உதவும் வகையில் ஹோதி கிளர்ச்சியாளர்களுக்கு எதிராக வான் தாக்குதல்களை நடத்தி வருகின்றமை குறிப்பிடத்தக்கது.
இந்நிலையில் தாக்குதலுக்கு இலக்கான பொலிஸ் தலைமையகக் கட்டடத்தை கிளர்ச்சியாளர்கள் சில சமயங்களில் பயன்படுத்தி வந்ததாக உறுதிப்படுத்தப்படாத அறிக்கையொன்று கூறுகிறது.
கடந்த ஞாயிற்றுக்கிழமை சனா நகருக்கு வெளியில் இடம்பெற்ற வான் தாக்குதலொன்றில் யேமனிய ஊடகவியலாளர் ஒரு வர் உயிரிழந்திருந்தார்.
அதேசமயம் கடந்த வாரம் இடம்பெற்ற வான் தாக்குதலொன்றில் அநேக பொதுமக்கள் உயிரிழந்திருந்தனர்.
கடந்த வருடத்தில் அந்நாட்டில் கடமையில் ஈடுபட்டிருந்த வேளை குறைந்தது 8 ஊடக வியலாளர்கள் கொல்லப்பட்டுள்ளதாக ஊட கவியலாளர்கள் பாதுகாப்பு சபை தெரிவிக்கிறது. நன்றி வீரகேசரி
தீவிரவாத தாக்குதல்களால் ஈராக்கில் 22 மாதங்களில் 18,800 பேர் பலி
20/01/2016 2014 ஆம் ஆண்டு ஜனவரி மாதம் முதல் 2015 ஆம் ஆண்டு ஒக்டோபர் மாதம் வரையான காலப்பகுதியில் ஐ.எஸ். தீவிரவாதிகளால் ஈராக்கில் 18 ஆயிரத்து 800 பொதுமக்கள் கொல்லப்பட்டுள்ளதாக ஐக்கிய நாடுகள் சபை தெரிவித்துள்ளது.
இதேவேளை குறித்த காலப்பகுதியில் 36 ஆயிரம் பொதுமக்கள் காயமடைந்துள்ளதாகவும் அவ்வமைப்பு சுட்டிக்காட்டியுள்ளது.
ஈராக்கின் தலைநகர் பக்தாத்தில் கடந்த வருடம் மே மாதம் முதல் ஒக்டோபர் மாதம் வரையான காலப்பகுதியில் நடத்தப்பட்ட தாக்குதல்களில் 4 ஆயிரம் பேர் பலியானதுடன் 7 ஆயிரம் பேர் காயமடைந்துள்ளனர்.
இது தொடர்பில் ஐக்கிய நாடுகள் சபையின் மனித உரிமைகளுக்கான பேச்சாளர் ரவினா ஷம்தாசனி தெரிவிக்கையில், பொதுமக்களிடமிருந்து பெற்றுக்கொள்ளப்பட்ட தகவல்களின் அடிப்படையிலேயே இவ்வெண்ணிக்கையை வெளியிட்டுள்ளோம். எனினும் சில வேளைகளில் உயிரிழந்த மற்றும் காயமடைந்தோரின் எண்ணிக்கை உயர்வாகவும் இருக்கலாம் என்றார்.
இதேவேளை, ஐ.எஸ். தீவிரவாதிகளால் மேற்கொள்ளப்படும் பாலியல் குற்றங்கள் நாளுக்கு நாள் அதிகரித்து வருவதாகவும் ஐக்கிய நாடுகள் சபை தெரிவித்துள்ளது. நன்றி வீரகேசரி
பாகிஸ்தான் பல்கலைக்கழகத்தில் துப்பாக்கிச் சூடு : 21 பேர் பலி: பலர் காயம்
20/01/2016 பாகிஸ்தானின் கைபர் பக்துன்கவா மாகாணத்தில் உள்ள பல்கலைக்கழகத்தில் பயங்கரவாதிகள் இன்று மேற்கொண்ட துப்பாக்கிச் சூட்டில் குறைந்தது 21 பேர் உயிரிழந்துள்ளதுடன் பலர் காயமடைந்துள்ளதாக சர்வதேச ஊடகங்கள் செய்தி வெளியிட்டுள்ளன.
கைபர் பக்துன்கவா மாகாண அரசினால் நடத்தப்படும் குறித்த பல்கலைக்கழகத்துக்குள் ஆயுதங்கள் தாங்கிய 3 பயங்கரவாதிகள் நுழைந்து தாக்குதல் நடத்தியதாக பாகிஸ்தான் பொலிஸார் தெரிவித்துள்ளனர். நன்றி வீரகேசரி
ரஷ்ய வான் தாக்குதல்களில் 1,000 க்கும் அதிகமான பொதுமக்கள் பலி
21/01/2016 சிரியாவில் நான்கு மாதங்களுக்கு முன்னர் ரஷ்யா தாக்குதல்களை நடத்துவதற்கு ஆரம்பித்தது முதற்கொண்டு இதுவரை 1,000 க்கும் அதிகமான பொதுமக்கள் உயிழந்துள்ளதாக சிரிய மனித உரிமைகள் அவதான நிலையம் புதன்கிழமை தெரிவித்தது.
கடந்த வருடம் செப்டெம்பர் மாதம் முதல் ரஷ்யாவால் சிரியாவில் நடத்தப்பட்ட மேற்படி வான் தாக்குதல்களில் 200 சிறுவர்கள் உட்பட 1,015 பேர் பலியாகியுள்ளதாக அந்த நிலையம் கூறுகிறது.
அதேசமயம் இந்தத் தாக்குதல்களில் ஐ.எஸ். தீவிரவாத குழுவைச் சேர்ந்த 893 பேரும் எதிர்க் குழுவைச் சேர்ந்த 1,141 பேரும் பலியாகியுள்ளதாக தெரிவிக்கப்படுகிறது. நன்றி வீரகேசரி
