முனாக் கால்வாயை இந்திய இராணுவம் கைபற்றியது
சிம்பாப்வே ஜனாதிபதி ரொபேர்ட் முகாபேயின் ஆடம்பர 92 ஆவது பிறந்தநாள் கொண்டாட்டம்
முனாக் கால்வாயை இந்திய இராணுவம் கைபற்றியது
23/02/2016 அரியானா மாநிலத்தின் ஆர்ப்பாட்டகாரர்களின் கட்டுப்பாட்டில் இருந்த முனாக் கால்வாயை இந்திய இராணுவம் தமது கட்டுப்பாட்டின் கீழ் கொண்டு வந்துள்ளது.
அரியானாவில், டெல்லியின் பிரதான குடிநீர் ஆதாரமாக விளங்கும் முனாக் கால்வாயை ஜாட் போராட்டக்காரர்கள் அரியானாவின் சோனிபட் அருகே உள்ள அக்பர்பூர் பரோட்டா பகுதியில் கால்வாயை அடைத்தனர்.
இதனால் டெல்லியில் கடும் குடிநீர் தட்டுப்பாடு ஏற்பட்டதை தொடர்ந்து இந்திய ராணுவம் மற்றும் அரியானா குடிநீர் வாரிய தொழில்நுட்ப அதிகாரிகள் அங்கு விரைந்தனர்.
கால்வாயிலுள்ள அடைப்புகளை அகற்றி நீரோட்டத்தை சீர்படுத்த அவர்கள் நடவடிக்கை நன்றி வீரகேசரி
சிம்பாப்வே ஜனாதிபதி ரொபேர்ட் முகாபேயின் ஆடம்பர 92 ஆவது பிறந்தநாள் கொண்டாட்டம்
24/02/2016 சிம்பாப்வே ஜனாதிபதி ரொபேர்ட் முகாபே 92 கிலோகிராம் நிறையுடைய கேக்கை வெட்டி தனது 92 ஆவது பிறந்தநாளை ஞாயிற்றுக்கிழமை ஆடம்பரமாகக் கொண்டாடினார்.
அவரது பிறந்தநாளையொட்டி விசேட 16 பக்க அனுபந்தத்தை வெளியிட்ட அந்நாட்டு அரசாங்கப் பத்திரிகையானது அவரை இயேசு கிறிஸ்துவுடன் ஒப்பிட்டு விமர்சித்துள்ளது. உலகின் மிகவும் வயதான தலைவரான முகாபே கடந்த 36 வருட காலமாக ஜனாதிபதியாக பதவி வகித்து வருகிறார். அவர் தனது பிறந்தநாளையொட்டி 550,000 ஸ்ரேலிங் பவுண் செலவில் பாரிய விருந்துபசாரமொன்றுக்கு ஏற்பாடு செய்திருந்தமை குறிப்பிடத்தக்கது.
சிம்பாப்வே கடும் வரட்சியால் பாதிக்கப்பட்டதால் மில்லியன்கணக்கான மக்கள் பட்டினியால் வாடும் நிலைக்குத் தள்ளப்பட்டுள்ள நிலையிலேயே ஜனாதிபதியின் இந்த பிறந்தநாள் கொண்டாட்டம் இடம்பெற்றுள்ளது. நன்றி வீரகேசரி
