சிரிய அலெப்போ மாகாணத்தில் படையினர் நடத்திய வான் தாக்குதலில்72 பேர் உயிரிழப்பு;70 பேர் காயம்
458 பேருடன் நதியில் மூழ்கிய உல்லாச கப்பல்
ஈராக்கில் ஐ.எஸ். தீவிரவாதிகள் தாக்குதல் 45 பொலிஸ் உத்தியோகத்தர்கள் பலி
சிரிய அலெப்போ மாகாணத்தில் படையினர் நடத்திய வான் தாக்குதலில்72 பேர் உயிரிழப்பு;70 பேர் காயம்
01/06/2015 சிரிய அலெப்போ மாகாணத்தில் அரசாங்க உலங்குவானூர்திகளைப் பயன்படுத்தி அந்நாட்டுப் படையினர் சனிக்கிழமை நடத்திய பீப்பா குண்டுத் தாக்குதல்களில் குறைந்தது 72 பேர் பலியாகியுள்ளதாக சிரிய மனித உரிமைகள் அவதான நிலையம் தெரிவித்துள்ளது.
ஐ.எஸ். தீவிரவாதிகளின் கட்டுப்பாட்டிலுள்ள அல் – பாப் நகரில் இடம்பெற்ற தாக்குதலில் மட்டும் 60 பேர் உயிரிழந்துள்ளதுடன் 70 பேருக்கும் அதிகமானோர் காயமடைந்துள்ளனர்.
அதேசமயம் கிளர்ச்சியாளர்களின் கட்டுப்பாட்டிலுள்ள அலெப்போ நகரில் நடத்தப்பட்ட தாக்குதலில் 12 பேர் உயிரிழந்துள்ளனர்.
சிரிய அரசாங்கமானது பீப்பா குண்டுகளை பயன்படுத்தி நடத்தப்பட்டதாக கூறப்படும் தாக்குதல்களுக்கு தொடர்ந்து மறுப்புத் தெரிவித்து வருகிறது.
இந்நிலையில் மேற்படி தாக்குதல்களில் இடிந்து விழுந்த கட்டட இடிபாடுகளின் கீழிருந்து சிறுமியொருவர் அதிசயிக்கத்தக்க வகையில் உயிருடன் மீட்கப்பட்டுள்ளார்.
இது அந்நாட்டு ஜனாதிபதி பஷார் அல் – அஸாத்தின் படையினரால் மேற்கொள்ளப்பட்ட மிக மோசமான தாக்குதல்களில் ஒன்றாக விளங்குகிறது.
இதன் போது சனசந்தடி மிக்க சந்தையொன்று உட்பட பல பிரதேசங்கள் குண் டுத் தாக்குதலுக்கு இலக்காகியுள்ளன.இந்தத் தாக்குதலில் பலியானவர்களில் கிளர்ச்சியாளர்களின் கட்டுப்பாட்டிலுள்ள ஷார் பிராந்தியத்தில் இடம்பெற்ற பீப்பா குண்டுத் தாக்குதலில் பலியான நான்கு சிறுவர்கள் மற்றும் நான்கு பெண்கள் உட்பட ஒரே குடும்பத்தைச் சேர்ந்த 12 பேர் உள்ளடங்குகின்றனர்.
இந்த பீப்பா குண்டுத் தாக்குதல்களுக்கு ஐக்கிய நாடுகள் சபை கடும் கண்டனம் தெரிவித்துள்ளது. சிரிய விமானப் படை யினர் இவ்வாறு தமது பிரஜைகள் மீது தாக்குதல்களை நடத்தியுள்ளமை முழு மையாக ஏற்றுக்கொள்ள முடியாத ஒன் றென அந்தச் சபை குறிப்பிட்டுள்ளது. நன்றி வீரகேசரி
458 பேருடன் நதியில் மூழ்கிய உல்லாச கப்பல்
02/06/2015 சீனாவில் 458 பேருடன் சென்று கொண்டிருந்த உல்லாசக் கப்பல் ஒன்று நேற்று இரவு 9.30 மணியளவில் யாண்ட்சே நதியில் மூழ்கியதையடுத்து, நூற்றுக்கும் அதிகமானோர் காணாமல் போயுள்ளதாக சீன செய்தி நிறுவனம் தெரிவித்துள்ளது.
ஈஸ்டர்ன் ஸ்டார் என்ற இந்த கப்பல் சீன நகரான நஞ்சிங்கில் இருந்து சோங்குயிங்க்கு சென்று கொண்டிருந்தபோது கடும்புயலில் சிக்கி ஹ_பி பகுதியில் உள்ள யாண்ட்சே நதியில் மூழ்கியது.
இந்த தகவல் அறிந்த மீட்பு படையினர் விரைந்து சென்று ஆற்றில் தத்தளித்த 20 பேரை உயிருடன் மீட்டுள்ளனர், 5 பேர் உயிரிழந்துள்ளனர்.
மேலும் நூற்றுக்கணக்கானோரின் நிலை என்ன என்பது குறித்து தெரியவில்லையென சின்குவா என்ற சீன செய்தி நிறுவனம் தெரிவித்துள்ளது
கப்பலின் மாலுமி மற்றும் பொறியியலாளர்கள் என 8 பேர் உயிருடன் மீட்கப்பட்டுள்ளனர்.
விபத்துக்குள் சிக்கிய கப்பலில் 405 சீன பயணிகள், 47 கப்பல் பணியாளர்கள், டிராவல் நிறுவனத்தின் தொழிலாளர்கள் 5 பேரும் இருந்தனர் என்று சீ அரசு தெரிவித்துள்ளது.
கப்பல் விபத்துக்குள் சிக்கிய பகுதியில் தொடர்ந்து கன மழை மற்றும் கடும் காற்று வீசுவதால் மீட்பு பணியில் தாமதம் ஏற்பட்டுள்ளது. நன்றி வீரகேசரி
ஈராக்கில் ஐ.எஸ். தீவிரவாதிகள் தாக்குதல் 45 பொலிஸ் உத்தியோகத்தர்கள் பலி
03/06/2015 ஈராக்கிய அன்பர் மாகாணத்தில் ஐ.எஸ். தீவிரவாதிகள் புதிதாக நடத்திய தாக்குதலில் குறைந்தது 45 பொலிஸ் உத்தியோகத்தர்கள் பலியாகியுள்ளனர்.
பலுஜா மற்றும் சமாரா நகர்களை இணைக்கும் வீதியில் அமைந்துள்ள தர்தார் பிரதேசத்திலுள்ள பொலிஸ் தலைமை யகத்தில் வெடிபொருட்கள் நிரப்பப்பட்ட 3 வாகனங்களை செலுத்தி வந்து தற்கொலைக் குண்டுதாரிகள் இந்தத் தாக்குதலை நடத்தியுள்ளனர்.
இந்தத் தாக்குதலில் பலியானவர்களில் உயர்மட்ட பொலிஸ் அதிகாரிகள் பலர் உள்ளடங்குவதாக பொலிஸ் வட்டாரங்கள் தெரிவிக்கின்றன.
கடந்த சில வாரங்களாக அன்பர் மாகாணத்தில் அரசாங்கப் படையினருக்கும் தீவிரவாதிகளுக்குமிடையே மோதல்கள் இடம்பெற்று வருகின்றன.
இந்தத் தற்கொலைக் குண்டுத் தாக்குதல்களால் மேற்படி 21 ஆவது படையணிப் பிரிவொன்றின் தலைமைய கத்திலிருந்த ஆயுதக் களஞ்சியசாலையில் பாரிய வெடிப்பு இடம்பெற்றுள்ளது.
இந்தத் தாக்குதலில் உயிரிழந்த உயர் மட்ட அதிகாரி களில் பிரிகேடியர் ஜெனரல் மூஸா ஹைதர் உள்ளடங்குகிறார். நன்றி வீரகேசரி
No comments:
Post a Comment