தமிழ்முரசு Tamil Murasu: உலகச் செய்திகள்

மண்டேலா மீண்டும் வைத்தியசாலையில்!

சவூதியில் சிரிய பிரஜைக்கு தலையை வெட்டி மரண தண்டனை: போதைவஸ்து கடத்தியதாக குற்றச்சாட்டு

ஒபாமாவுக்கு விஷம் தடவிய கடிதம்: சந்தேகத்தில் நடிகை கைது

ஒபாமாவின் அதிரடி முடிவு!

ஈரானின் புதிய ஜனாதிபதியாக ஹசன் ரோஹானி தெரிவு

======================================================================

மண்டேலா மீண்டும் வைத்தியசாலையில்!

08/06/2013 தென்னாபிரிக்க முன்னாள் ஜனாதிபதி நெல்சன் மண்டேலா மீண்டும் வைத்தியசாலையில் அனுமதிக்கப்பட்டுள்ளார்.
அவரின் தற்போதைய வயது 94.
கடந்த சில காலங்களாக ‌உடல்நலக்குறைவு காரணமாக அவதிப்பட்டு வரும் அவர் கடந்த சில வாரங்களுக்கு முன்னரும் வைத்தியசாலையில் அனுமதிக்கப்பட்டார்.
இந்நிலையில் தற்போது மீண்டும் இன்று அவர் வைத்தியசாலையில் அனுமதிக்கப்பட்டுள்ளார்.
இம்முறை அவர் நுரையீரல் அழற்சியால் கடுமையாக பாதிக்கப்பட்டுள்ளதாக தெரிவிக்கப்படுகின்றது.

நன்றி வீரகேசரி

சவூதியில் சிரிய பிரஜைக்கு தலையை வெட்டி மரண தண்டனை: போதைவஸ்து கடத்தியதாக குற்றச்சாட்டு

13/06/2013 சவூதி அரேபியாவுக்குள் போதைவஸ்துகளை கடத்த முயற்சித்த குற்றச்சாட்டில் சிரிய பிரஜையொருவருக்கு செவ்வாய்க்கிழமை தலையை வெட்டி மரண தண்டனை நிறைவேற்றப்பட்டதாக அந்நாட்டு உள்துறை அமைச்சு தெரிவித்தது.
ஹுஸம் அல் ரஜுப் என்ற மேற்படி சிரிய பிரஜை பெருந்தொகையான போதைவஸ்து மாத்திரைகளை சவூதிக்குள் கடத்த முயன்றதாக கூறப்படுகிறது.
அவருக்கு வட ஜாப் மாகாணத்தில் மரண தண்டனை நிறைவேற்றப்பட்டது.
அவரது மரண தண்டனையுடன் சவூதியில் இவ்வருடம் மரணதண்டனை நிறைவேற்றப்பட்டவர்கள் தொகை 51 ஆக உயர்ந்துள்ளது.
கடந்த ஆண்டில் அந்நாட்டில் 76 பேருக்கு மரணதண்டனை நிறைவேற்றப்பட்டது.
பாலியல் வல்லுறவு, படுகொலை, ஆயுதம் ஏந்திய கொள்கை, போதைவஸ்து கடத்தல் என்பன சவூதியில் மரணதண்டனைக்குரிய குற்றங்களாகும்.

நன்றி வீரகேசரி

ஒபாமாவுக்கு விஷம் தடவிய கடிதம்: சந்தேகத்தில் நடிகை கைது

09/06/2013 அமெரிக்க அதிபருக்கு விஷம் தடவிய கடிதம் அனுப்பியது தொடர்பாக அமெரிக்க பொலிஸார் ஷன்னான் ரிச்சர்ட்சன் என்ற (35 வயது) தொலைக்காட்சி தொடர் நடிகையைக் கைது செய்து விசாரித்து வருகின்றனர்.