Where do you come from -கவிஞர் ஆவூரான்.

எங்கிருந்தோ

எங்கிருந்து

வந்தோம் நாங்கள்

எங்கு போவோம்-இனி

எங்கு போவோம்

எழுதா விதியின் பயணம்-இங்கே

எழுதித் தொடர்கிறதே

எதிலிகளாய் தமிழன் வாழ்வு

தெருவில் கிடக்கிறதே

காந்திதேசமும் எம்மை

கண்டு கொள்ளவில்லை-அதன்

கபட நாடகமும் தீர்ந்த

பாடும் இல்லை

தூரதேசம் ஏதும் எமக்கு

துணைக்கு வருமோடா

தூக்கி எம்மை தாலாட்டும்–என்று

தூங்கலாமோடா

சிறையில் இருந்து வந்தவரா

சீரழிந்து வாழ்ந்தவரா

கறைகள் ஏதும் படிந்தவரா-தமிழர்

”கல்லா” இனத்தை சேர்ந்தவரா

கப்பல் ஓட்டிக் காட்டிய தமிழன்

கடல்கள் பலவும் தாண்டிய தமிழன்

கல்வித் தலைமை தாங்கிய தமிழன்

கண்டங்கள் பலவும் ஆண்டவன் தமிழன்

இன்றோ.... இன்றோ ....

எங்கிருது வந்தோம் நாங்கள்.

எங்கு போவோம்-இனி

எங்கு போவோம்.