மட்டக்களப்பில் வேலையற்ற பட்டதாரிகள் 50 ஆவது நாளாக ஆர்ப்பாட்டம்
எமக்கு பொதுமன்னிப்பை வழங்குமாறு கூட்டமைப்பு ஜனாதிபதியை கோர வேண்டும் : தமிழ் அரசியல் கைதிகள் கோரிக்கை
தீவிரமைடைந்து வரும் இன்புலுவென்சா நோய்
கேப்பாபுலவில் 43நாட்களாக தொடரும் வீதி வாழ்க்கை, அரச அதிபர் அலுவலகத்தில் தீர்வுக்கோரி மகஜர் கையளிப்பு..!
மட்டக்களப்பில் வேலையற்ற பட்டதாரிகள் 50 ஆவது நாளாக ஆர்ப்பாட்டம்
11/04/2017 மட்டக்களப்பு மாவட்ட வேலையற்ற பட்டதாரிகள் இன்று (30) ஆர்ப்பாட்டத்தில் ஈடுபட்டனர்.
கடந்த 50 தினங்களாக மட்டக்களப்பு காந்தி பூங்கா முன்பாக தமக்கான நியமனங்களை வழங்கவேண்டும் என்பதை வலியுறுத்தி சத்தியாக்கிரக போராட்டத்தில் பட்டதாரிகள் ஈடுபட்டுவருகின்றனர்.
மத்திய அரசாங்கங்களும் அரசியல்வாதிகளும் எங்களை ஏமாற்றாமல் நியாயமான தமது கோரிக்கையினை நிறைவேற்ற நடவடிக்கையெடுக்கவேண்டும் எனவும் இதன்போது பட்டதாரிகள் வலியுறுத்தினர்.
இதன்போது 'வெற்றிடங்கள் ஏராளம், பட்டதாரிகள் வீதியோரம், எதிர்க்கட்சி ஆளும் கட்சிக்கா எமக்கா?, தட்டித்திறக்கவில்லையாயின் முட்டித்திறப்போம், பட்டதாரிகளை தெருவில்விட்ட நல்லாட்சி, நல்லாட்சி என்ன மெல்ல கொல்லும் விசமா?,போன்ற பல்வேறு வாசகங்கள் பொறிக்கப்பட்ட பதாகைகளையும் ஆர்ப்பாட்டத்தில் கலந்துகொண்டவர்கள் ஏந்தியிருந்தனர்.
இதன்போது தமக்கான உரிமையினை வலியுறுத்தும் வகையிலான பல்வேறு கோசங்கள் எழுப்பப்பட்டதுடன் அரசியல்வாதிகளின் செயற்பாடுகளுக்கு எதிரான கோசங்களும் எழுப்பப்பட்டன. நன்றி வீரகேசரி
எமக்கு பொதுமன்னிப்பை வழங்குமாறு கூட்டமைப்பு ஜனாதிபதியை கோர வேண்டும் : தமிழ் அரசியல் கைதிகள் கோரிக்கை
11/04/2017 நீண்டகாலமாக தடுத்து வைக்கப்பட்டுள்ள எமக்கு பொது மன்னிப்பை வழங்கி விடுதலை செய்ய வேண்டும். ஜனாதிபதி நல்லெண்ண சமிக்ஞையாக இச்செயற்பாட்டினை முன்னெடுக்க வேண்டும் என தமிழ்த் தேசியக் கூட்டமைப்பு வலியுறுத்த வேண்டும் என்று தமிழ் அரசியல் கைதிகள் தமிழ்த் தேசியக் கூட்டமைப்பின் வன்னி மாவட்ட பாராளுமன்ற உறுப்பினர் சிவசக்தி ஆனந்தனிடம் கோரியுள்ளனர்.
தமிழ்த் தேசியக் கூட்டமைப்பின் வன்னி மாவட்ட பாராளுமன்ற உறுப்பினர் சிவசக்தி ஆனந்தன் நேற்று திங்கட்கிழமை யாழ்ப்பாணம் சிறைச்சாலைக்கு விஜயம் செய்திருந்தார்.
இதன்போது அங்கு நீண்டகாலமாக தடுத்து வைக்கப்பட்டுள்ள 10 தமிழ் அரசியல் கைதிகளை நேரில் சந்தித்து அவர்களின் பிரச்சினைகள் தொடர்பாக கேட்டறிந்துக்கொண்டார்.
இதன் போதே மேற்படி தமிழ் அரசியல் கைதிகள் கோரிக்கை விடுத்துள்ளனர். தமிழ் அரசியல் கைதிகள் ஆனந்தன் எம்.பி.யிடம் மேலும் தெரிவித்தாவது நாங்கள் நீண்டகாலமாக சிறைச்சாலைகளில் தடுத்து வைக்கப்பட்டுள்ளோம். பயங்கரவாத தடைச்சட்டத்தின் கீழ் பல்வேறு வழக்குகள் சாட்சியங்களற்ற நிலையிலும் எம்மீது தொடுக்கப்பட்டு்ள்ளன.
ஆட்சி மாற்றத்தின் பின்னர் எமது விடுதலை தொடர்பாக சாகும் வரையிலான உண்ணாவிரத போராட்டம் உட்பட பல்வேறு முயற்சிகள் மேற்கொள்ளப்பட்ட போதும் இன்று வரையிலும் இப்பிரச்சினைக்கு தீர்வு கிடைக்கவில்லை. இவ்வாறான நிலையில் ஜனாதிபதி நல்லிணக்கம் சம்பந்தமாக பல்வேறு சந்தர்ப்பங்களில் கருத்துக்களை வெளியிடுகிறார்.
பிரபாகரன் ஏன் உருவானார் என்பதற்கான காரணத்தை கண்டறிய வேண்டும் எனவும் அவர் தனது உரைகளில் சுட்டிக்காட்டுகிறார். இவ்வாறான கருத்துக்களை முன்வைக்கும் அவரிடத்தில் எமது விடுதலை சம்பந்தமாக தமிழ் தேசிய கூட்டமைப்பு கூடிய அளவு அழுத்தங்களை பிரயோகிக்க வேண்டும்.
குறிப்பாக கடந்த காலங்களில் அரசியலில் அசாதாரண நிலைகள் காணப்பட்ட நிலையிலே தான் நாம் கைது செய்யப்பட்டோம். ஆகவே எதிர்காலம் நோக்கி சிந்திக்கும் ஆட்சியாளர்களிடத்தில் அரசியல் காரணங்களுக்காக கைது செய்யப்பட்ட எமக்கு ஓரு பொது மன்னிப்பின் அடிப்படையி்ல் விடுதலை வழங்க வேண்டும் என்பதை தமிழ் தேசிய கூட்டமைப்பு ஜனாதிபதியிடத்தில் வலியுறுத்தி தீர்வு பெற்றுதர வேண்டும்.
அதேநேரம் எமது வழக்குகளை கையாள்வதற்காக விசேட நீதிமன்றம் ஒன்று உருவாக்கப்பட்டது. இந்த நீதிமன்றத்தின் ஊடாக கடந்த 2 வருடங்களில் இருவரின் வழக்குகள் மாத்திரமே நிறைவு செய்யப்பட்டுள்ளன. இதற்கு தமிழ் மொழி ரீதியான தமிழ் மொழியில் பரீட்சயம் இல்லாத நீதிபதிகள்இ சட்டத்தரணிகள், உத்தியோகத்தர்கள் காணப்படுகின்றமையே காரணமாகின்றது.
ஆகவே விசேட நீதிமன்றத்தின் ஊடாக எமக்கு எவ்விதமான நன்மைகளும் கிட்டவில்லை. அதேநேரம் நாம் எமது வழக்குகளை கையாள்வதற்காக தமிழ் சட்டத்தரணிகள் குழுவொன்றினை ஏற்பாடு செய்து தருமாறு ஏற்கனவே கூட்மைப்பிடம் கோரிக்கை விடுத்துள்ளோம்.
இருப்பினும் தற்போது வரையில் அவ்வாறான குழுவொன்று தயார் செய்யப்படவில்லை. அது எமக்கு கவலையளிப்பதாக உள்ளது. எனவே அவ்வாறான குழுவொன்றை விரைந்து உருவாக்குவதற்கு நடவடிக்கை எடுக்க வேண்டும் என்று கூட்டமைப்பை கோருவதாக அவர்கள் ஆனந்தன் எம்.பி.யிடம் மேலும் தெரிவித்தனர். நன்றி வீரகேசரி
தீவிரமைடைந்து வரும் இன்புலுவென்சா நோய்
10/04/2017 நாடளாவிய ரீதியில் இன்புலுவென்சா நோய்த் தாக்கம் அதிகரித்து வருகின்ற காரணத்தினால் பொது மக்கள் மிக அவதானத்துடன் இருக்குமாறு சுகாதார சேவைகள் பணியகம் தெரிவிக்கின்றது.
காய்ச்சல், தலைவலி, உடல் வலி, தடுமல் உள்ளிட்ட நோய் தாக்கங்கள் முன்னறிகுறியாக தென்படும் பின்னர் நோய் தாக்கம் படிப்படியாக அதிகரிக்கும் எனவும் இதிலிருந்து பாதுகாப்பு பெறுவதற்கான வைத்திய ஆலோசனைகளை உரிய விதத்தில் பின்பற்றுமாறும் சுகாதார அமைச்சு வேண்டுகோள் விடுத்துள்ளது.
அதன் பிரகாரம் இந்த நோய் தொற்று உள்ளதாக அறிந்துக்கொண்டவர்கள் அதின சன நடமாட்டம உள்ள பகுதியிலி சென்று நிற்பதை தவிர்க்க வேண்டும், தடுமல் அல்லது தும்மல் ஏற்படுகின்ற போது மூக்கை துவாய் ஒன்றினால் மறைத்துகொள்ள வேண்டும், தரமான ஒரு வைத்தியரை உடனடியாக நாடி உரிய சிகிச்சைகளை பெற்றுக்கொள்ள வேண்டும் என்ற அறிவுறுத்தல்களை சுகாதார அமைச்சு விடுத்துள்ளது. நன்றி வீரகேசரி
கேப்பாபுலவில் 43நாட்களாக தொடரும் வீதி வாழ்க்கை, அரச அதிபர் அலுவலகத்தில் தீர்வுக்கோரி மகஜர் கையளிப்பு..!
12/04/2017 கேப்பாபுலவு பூர்வீக கிராம மக்கள் தமது சொந்த நிலங்களை கையகப்படுத்தியுள்ள இராணுவத்தினர் அதனை விடுவித்து சொந்த நிலத்தில் தாம் வாழ அனுமதிக்க வேண்டுமெனக்கோரி இன்றுடன் 43 நாட்களாக தொடர் போராட்டத்தில் ஈடுபட்டு வருகின்றனர்.
கடந்த மாதம் முதலாம் திகதி முதல் கேப்பாபுலவில் அமைந்துள்ள முல்லைத்தீவு இராணுவத்தலைமையக பிரதான நுழைவாயிலுக்கு முன்பாக கூடாரம் அமைத்து இவர்களின் போராட்டம் முன்னெடுக்கப்பட்டு வருகின்றது.
இந்தநிலையில் 43வது நாளான இன்றையதினம் இதுவரை தமது சொந்த நிலங்களை கோரி தாம் முன்னெடுக்கும் போராட்டத்துக்கு அரசாங்கத்தால் உத்தோயோகபூர்வமாக எந்த பதிலும் நேரடியாக தமக்கு வழங்கப்படவில்லை எனவும் அரசாங்க அதிபரோ பிரதேச செயலரோ இதுவரையில் தம்மை திரும்பிக்கூட பார்க்கவில்லை எனவும் அரசின் அறிவிப்பாக எதையும் தமக்கு அரச அதிபர் வழங்கவில்லை எனவும் தெரிவித்து இன்றையதினம் முல்லைத்தீவு மாவட்ட செயலகத்துக்கு சென்று தமது போராட்டத்துக்கு இதுவரையில் என்ன பதில் அரசாங்கத்தால் வழங்கப்பட்டது என வினவியும் விரைவில் நல்ல முடிவை தருமாறு கோரியும் மகஜர் ஒன்றினை அரசாங்க அதிபர் பிரணவநாதனிடம் கையளித்தனர்.
No comments:
Post a Comment