எம்.எச். 370 விமானத்தினுடையது என நம்பப்படும் சிதைவுகள் மொரிஷியஸில் கண்டுபிடிப்பு
'பனாமா பேப்பர்ஸ்' கசிவு : உலகமே வியப்பில்
உலகத்தையே உலுக்கிய பனாமா ஆவணங்கள் ; விசாரணை தீவிரம்
மதுபானங்கள் விற்பனை செய்ய முழு தடை
பயங்கர தீ விபத்து : 86 பேர் பலி, 350 காயம்
உண்மையை ஒப்புக்கொண்டார் பிரித்தானிய பிரதமர் : பதவிவிலக எதிர்க்கட்சி அழுத்தம்
எம்.எச். 370 விமானத்தினுடையது என நம்பப்படும் சிதைவுகள் மொரிஷியஸில் கண்டுபிடிப்பு
04/04/2016 காணாமல்போன மலேசிய எம்.எச். 370 விமானத்தினுடையது என நம்பப்படும் சிதைவுகள் மொரிஷியஸின் கிழக்கேயுள்ள தீவொன்றில் கரையொதுங்கி யுள்ளதாக தெரிவிக்கப்படுகிறது.
ரொட்றிகுயஸ் தீவிலுள்ள ஹோட்டலொன்றில் தங்கியிருந்தவர்கள் இந்த சிதைவைக் கண்டுபிடித்து அது தொடர்பில் அதிகாரிகளுக்கு அறிவித்துள்ளனர்.
மலேசிய விமானசேவைக் குச் சொந்தமான மேற்படி போயிங் 777 விமானமானது 2014 ஆம் ஆண்டு 239 பேருடன் மாயமானது.
இந்நிலையில் மௌரூக் எபொனி ஹோட்டலில் தங்கியிருந்த ஜீன் டொமி னிக் மற்றும் சுஸி விட்றி ஆகியோர் இந்த சிதைவைக் கண்டு பிடித்து அது தொடர் பில் பிராந்திய அதிகாரிகளுக்கு அறிவித் துள்ளதாக தெரிவிக்கப்படுகிறது.
இதற்கு முன் மொஸாபிக் கடற்கரைப் பிராந்தியமொன்றில் கண்டுபிடிக்கப்பட்ட சிதைவுகள் மலேசிய எம்.எச். 370 விமானத்துக்குரியன என அவுஸ்திரேலிய போக்குவரத்து அமைச்சர் டரென் செஸ்டர் கடந்த வாரமே உறுதிப்படுத்தியிருந்தமை குறிப்பிடத்தக்கது. நன்றி வீரகேசரி
'பனாமா பேப்பர்ஸ்' கசிவு : உலகமே வியப்பில்
05/04/2016 உலகம் முழுவதும் வாழும் அரசியல் தலைவர்கள் , திரைப்பட நட்சத்திரங்கள், விளையாட்டு வீரர்கள் என பல பிரபலங்கள் தங்கள் கணக்கில் வராத சொத்துக்களை பனாமா நாட்டில் எவ்வளவு பதுக்கி வைத்திருக்கிறார்கள், எப்படி எல்லாம் வரி ஏய்ப்பு செய்துள்ளார்கள் என்ற தகவல் இன்று கசித்துள்ளதால் உலகமே பெரும் பரபரப்பில் உள்ளது.
'பனாமா பேப்பர்ஸ்' என்ற பெயரால் அறியப்படும் இத்தாள்,விக்கிலீக்ஸ் போன்ற ஒரு தகவல் கசிவு விவகாரமாகும் .
மொஸாக் ஃபொன்செகா என்ற சட்ட நிறுவனமானது பனாமா நாட்டில் இயங்கி வந்துள்ள நிலையில் அந்நிறுவனத்திலிருந்தே இத்தகவல்கள் கசிந்துள்ளமை குறிப்பிடத்தக்கது.
பல தசாப்தங்களாக இந்நிறுவனமே இம் மோசடி நடவடிக்கைகளை மிகவும் துல்லியமாகவும் ராஜ தந்திரத்துடனும் ரகசியமாக தமது வாடிக்கையாளர்களுக்காக முன்னெடுத்துள்ளது. இந்நிறுவனம் தமது வாடிக்கையாளர்கள் வரி ஏய்ப்பு செய்யவும் சொத்துக்களை பதுக்கவும் உதவியுள்ளது.
இந்த தகவல் கசிவின் பின்னணியில் பல சர்வதேச ஊடகங்களின் புலனாய்வு ஊடகவியலாளர்கள் இருக்கின்றமையும் குறிப்பிடத்தக்கது.
சர்வதேச கூட்டியக்கம் (International Consortium of Investigative Journalism) என்ற வொஷிங்டன்னை தலைமையிடமாகக் கொண்டு செயல்படும் புலனாய்வு இதழியலாளர்கள் நேற்று 'பனாமா பேப்பர்ஸ்' என்ற தலைப்பில் பல தகவல்களை உலகிற்கு அம்பலப்படுத்தியுள்ளது.
இதில் , 11.5 மில்லியன் தகவல் தரவுகளைத் திரட்டியுள்ளதும் அது சுமார் 2.6 டெரா பயிட்களாகும்.
வரலாற்று முக்கியத்துவம் வாய்ந்த இந்தப் புலனாய்வில் 140 அரசியல் புள்ளிகளின் வரி ஏய்ப்பு, பண பதுக்கல் அம்பலமாக்கியிருக்கிறதுடன் ,இந்த பட்டியலில் ரஷ்ய அதிபர் விளாடிமிர் புடின் முதல் பார்சிலோனா கால்பந்து வீரர் லியோனல் மெஸி வரை பலர் இதில் இடம்பெற்றிருக்கின்றனர்.
புடினுக்கு நெருக்கமானவர்களால் ஒரு ரஷ்ய வங்கி, பில்லியன் டாலர்கள் அளவுக்கு பணத்தை முறைகேடு செய்ததில் ஈடுபட்டிருந்திருக்கலாம் என்று சந்தேகிக்கப்படுவதாகவும், இந்த ஆவணங்கள் மூலம் சுட்டிக்காட்டுகின்றன.
வெளியாகிய இந்த தகவலில் எகிப்தின் முன்னாள் ஜனாதிபதி ஹோஸ்னி முபாரக், லிபியாவின் முன்னாள் தலைவர் கடாஃபி, சிரிய அதிபர் பஷர் அல் அஸாத் ஆகியோரது குடும்பத்தினர் மற்றும் நெருக்கமானவர்களோடு தொடர்புடைய ரகசிய வெளிநாட்டு நிறுவனங்கள் குறித்த ஆவணங்களில் இருக்கின்றமையும் குறிப்படத்தக்கது.
இதில் அடங்கியுள்ள 140 அரசியல் பிரபலங்களில் 12 பேர் தற்போதும், முன்னாள் தலைவர்கள் என்பது குறிப்பிடத்தக்கது. இதில் இந்தியர்கள் பெயரும் இடம்பெற்றிருப்பதாக கூறப்படுகிறது.
பிரிட்டனில் நான்கு நிறுவனங்களை பாகிஸ்தான் பிரதமர் நவாஸ் ஷெரிப்பின் குடும்பத்தினர் நடத்தி வருவதாகவும், இந்த நிறுவனங்களின் மூலம் ஏராளமான சொத்துக்கள் வாங்கி வைத்துள்ளதாகவும் இவ் ஆவணங்களில் கூறப்பட்டுள்ளன.
ஆனால்,மொசாக் ஃபொன்செக நிறுவனம் , தாங்கள் 40 ஆண்டுகளாக இயங்கிவருவதாகவும் ஒருபோதும் இத்தகைய மோசடி குற்றங்களில் ஈடுபட்டதாக குற்றம்சாட்டப்பட்டதில்லை என்றும் கூறியிருக்கிறது.
இத் தகவல் கசிவு குறித்து முனிச் நகரில் இருந்து செயல்படும் சுடட்சே ஜெய்துங் (Sueddeutsche Zeitung) என்ற நாளிதழின் நிருபர் பாஸ்டியன் ஓபர்மேயர் கூறும்போது, "அடையாளத்தை வெளியிடாத விரும்பாத உள்வட்டாரம் ஒன்று எங்களுக்கு இத்தகவலை வழங்கியது. அவர்கள் இதற்காக பண ஏதும் எதிர்பார்க்கவில்லை. ஆயினும் , எவ்விதத்திலும் தங்கள் அடையாளம் வெளியாகிவிடக்கூடாது என்பதை மட்டும் தம்மிடம் வலியுறுத்தினர்" என்றார்.
பனாமா பேப்பர்ஸ் தகவல் கசிவு உலக மக்களிடையே பெரும் சர்ச்சையை ஏற்படுத்திவரும் நிலையில், பனாமா நாட்டு அதிபர் ஜூவான் கார்லஸ் வெரெலா , "பனாமா நிதித் துறையில் எவ்வித முறைகேடுக்கும் இடமில்லை என்பதில் உறுதியாக இருக்கிறோம். தற்போது கசிந்துள்ள ஆவணங்கள் தொடர்பாக முழுமையான நீதி விசாரணைக்கு ஒத்துழைக்க தயாராக இருக்கிறோம்" என்று தெரிவித்துள்ளார்.
மேலும் எதிர்வரும் மே மாத ஆரம்பத்தில் நிதி மோசடிக்காரர்கள் அனைவரின் விபரங்கள் வெளியிடப்படுமென எதிர்ப்பார்க்கப்படுகின்றது. நன்றி வீரகேசரி
உலகத்தையே உலுக்கிய பனாமா ஆவணங்கள் ; விசாரணை தீவிரம்
05/04/2016 உலகத்தையே உலுக்கிய பனாமா ஆவணங்கள் கசிவால் சர்வதேச அளவில் பாரிய சர்ச்சையை ஏற்படுத்தி இருக்கிறது.
பிரித்தானிய பிரதமர் டேவிட் கமரன் பணச்சலவையில் ஈடுபட்டவர்கள் குறித்த விசாரணைகளை தீவிரமாக மேற்கொள்ளுமாறு உத்தரவிட்டுள்ளார்.
நேற்று பனாமாவின் சட்ட நிறுவகத்தின் 11 மில்லியன் இரகசிய ஆவணங்கள் வெளியாகி இருந்தமை குறிப்பிடத்தக்கது.
அதில் உலகில் 70க்கும் மேற்பட்ட நாடுகளின் முன்னாள் மற்றும் தற்கால அரச தலைவர்கள் ,பிரபலங்கள் மற்றும் கோடீஸ்வரர்கள், சட்டவிரோதமாக தாங்கள் ஈட்டிய பணத்தின் விபரங்கள் அடங்கியுள்ளமை குறிப்பிடத்தக்கது.
கசிந்த பனமா ஆவணங்களில் எகிப்தின் முன்னாள் ஜனாதிபதி ஹொஸ்னி முபாரக் ,லிபியாவின் முன்னாள் தலைவர் மொவுமுர் கடாபி மற்றும் சிரியாவின் ஜனாதிபதி பசீர் அல் அசாட் உள்ளிட்டவர்களின் பெயர்களும் மேலும் இந்தியாவின் நடிர்களான அமிதாப்பச்சன், ஐஸ்வர்யா ராய் போன்றவர்களின் பெயர்களும் இதில் இருப்பதாக தெரிவிக்கப்பட்டுள்ளது.
இதனால் இந்தியாவிலும் இது அரசியல் ரீதியான பிரச்சினையை ஏற்படுத்தியுள்ளதாக தெரிவிக்கப்பட்டுள்ளதோடு , இது குறித்த விசாரணைகளை நடத்துமாறு இந்திய பிரதமர் நரேந்திர மோடியும் உத்தரவிட்டுள்ளார். நன்றி வீரகேசரி
மதுபானங்கள் விற்பனை செய்ய முழு தடை
07/04/2016 இந்தியாவில் குஜராத், நாகாலாந்து, மிசோரம் மாநிலங்களை தொடர்ந்து நான்காவதாக பீகாரிலும் அனைத்து வகையாக மதுபானங்கள் விற்பனை செய்வதற்கு முழு தடை விதிக்கப்பட்டுள்ளதாக பீகார் மாநிலத்தின் முதலமைச்சர் நிதிஷ்குமார் அறிவித்துள்ளார்.
நேற்று முதல் பூரண மதுவிலக்கு அமுல்படுத்தப்படுவதாக பீகார் அரசு அறிவித்துள்ளது.
ஹோட்டல் மற்றும் பார்களில் இனி மதுவிற்பனை செய்ய அனுமதி இல்லை .அதன்படி பீகார் மாநிலத்தில் உள்நாட்டு, வெளிநாட்டு மற்றும் நாட்டு மதுபானங்கள் விற்பனை செய்ய முழுவதுமாக தடை விதிக்கப்பட்டுள்ளது.
எனினும் இராணுவ சிற்றுண்டிச்சாலைகளில் மதுவிற்பனை தொடரும் எனவும் பீகார் அரசு அறிவித்துள்ளது.
நன்றி வீரகேசரி
பயங்கர தீ விபத்து : 86 பேர் பலி, 350 காயம்
உண்மையை ஒப்புக்கொண்டார் பிரித்தானிய பிரதமர் : பதவிவிலக எதிர்க்கட்சி அழுத்தம்
பயங்கர தீ விபத்து : 86 பேர் பலி, 350 காயம்
10/04/2016 கேரளத்தின் கொல்லம் பகுதியில் உள்ள பராவூர் கோவிலில் இன்று அதிகாலையில் 3.30 மணியளவில் பயங்கர தீ விபத்து ஏற்பட்டுள்ளது. இதில் 86 பேர் உயிரிழந்தனர். 350 ற்கும் மேற்பட்டோர் படுகாயம் அடைந்துள்ளனர்.
இந்த பயங்கர விபத்தில் பலி எண்ணிக்கை மேலும் அதிகரிக்கக் கூடும் என்று அஞ்சப்படுகிறது.
மேலும் இச் சம்பவத்தில் கோவிலுக்கு சொந்தமான கட்டடம் முற்றிலும் சேதமடைந்ததாகவும் கூறப்படுகிறது.
கோவில் திருவிழாவின் போது பட்டாசுகள் வெடித்ததால் தீ விபத்து ஏற்பட்டதாக தெரியவந்துள்ளது. விபத்து நிகழ்ந்த பகுதிக்கு கேரள மாநில முதல்வர் உம்மன் சாண்டி விரைந்துள்ளார்.
தீவிபத்து குறித்து விசாரணைக்கு உத்தரவிடப்பட்டுள்ளதாக உள்துறை அமைச்சர் ரமேஷ் சென்னிதலா தெரிவித்துள்ளார். நன்றி வீரகேசரி
உண்மையை ஒப்புக்கொண்டார் பிரித்தானிய பிரதமர் : பதவிவிலக எதிர்க்கட்சி அழுத்தம்
பிரித்தானிய பிரதமர் டேவிட் கமெரோன் தனது காலஞ்சென்ற தந்தையின் வெளிநாட்டிலான முதலீட்டு நிதியிலிருந்து வருமானங்களைப் பெற்றதாக ஒப்புக் கொண்டதையடுத்து பதவி விலகுவதற்கான கடும் அழுத்தத்தை எதிர்கொண்டுள்ளதாக அங்கிருந்து வரும் செய்திகள் தெரிவிக்கின்றன.
பிரித்தானிய பிரதமர் 'ஐ.ரி.வி' தொலைக்காட்சி சேவைக்கு வியாழக்கிழமை இரவு அளித்த பேட்டியின் போது, தான் 2010 ஆம் ஆண்டு பிரதமராக பதவியேற்பதற்கு முன்னர் பஹமாஸை அடிப்படையாகக் கொண்ட பிளயர்மோர் நம்பிக்கை நிதியத்தில் தனது மறைந்த தந்தை அயன் கமெரோனிற்கு உடைமையாக இருந்த பங்குகளிலிருந்து வருமானத்தைப் பெற்றுக் கொண்டுள்ளதை ஒப்புக் கொண்டுள்ளார்.
பனாமாவை அடிப்படையாகக் கொண்ட மொஸாக் பொன்ஸேகா நிறுவனத்திடமிருந்தான 'பனாமா பேப்பர்ஸ்' இரகசிய ஆவணக் கசிவில் பெயர் குறிப்பிடப்பட்டுள்ள பல்லாயிரக்கணக்கானோரில் அயன் கமெரோனும் ஒருவராவார்.
பனாமா பேப்பர்ஸ் ஆவணக் கசிவானது உலகிலுள்ள செல்வந்தர்களும் அதிகாரத்திலுள்ளவர்களும் வரி ஏய்ப்புச் செய்யும் முகமாக வெளிநாட்டு நிறுவனங்களில் தமது செல்வத்தை மறைத்து வைத்ததாக தெரிவிக்கிறது.
எனினும் தான் பதவியேற்பதற்கு 4 மாதங்களுக்கு முன்னர் அந்தப் பங்குகளை விற்று விட்டதாக டேவிட் கமெரோன் கூறினார்.
“நாங்கள் பிளயர்மோர் முதலீட்டு நம்பிக்கை நிதியத்தில் 5,000 பங்குகளை உடைமையாகக் கொண்டிருந்தோம். அவற்றை நாம் 2010 ஆம் ஆண்டு ஜனவரி மாதம் விற்றுவிட்டோம். அதன் பெறுமதி சுமார் 30,000 ஸ்ரேலிங் பவுணாகும்" என கமெரோன் கூறினார்.
நான் எனக்குக் கிடைத்த வருமானங்கள் தொடர்பில் வருமான வரியைச் செலுத்தியுள்ளேன். அதில் மேலதிகமாக ஒரு இலாபம் கிடைத்தது. ஆனால் அது மூலதன வருமான வரி கொடுப்பனவை விடவும் குறைவாக இருந்ததால் நான் அதற்கு வரி செலுத்தவில்லை" என கமெரோன் தெரிவித்தார்.
டேவிட் கமெரோன் வியாழக்கிழமை இரவு வரையும் தனது தந்தையின் பங்குகளிலிருந்து தான் வருமானம் எதனையும் பெறவில்லை என வலியுறுத்தி வந்திருந்தமை குறிப்பிடத்தக்கது.
இந்நிலையில் டேவிட் கமெரோனின் இந்த அதிரடி அறிவிப்பு குறித்து அந்நாட்டு தொழிற் கட்சி பிரதித் தலைவர் ரொம் வாட்ஸன் கூறுகையில் மேற்படி பங்கு வருமானங்களைப் பெற்று வந்தமை தொடர்பில் டேவிட் கமெரோன் பதவி விலக வேண்டும் என அழைப்பு விடுத்துள்ளார்.
பனாமா பேப்பர்ஸ் ஆவணக் கசிவில் பெயர் குறிப்பிடப்பட்டிருந்த ஐஸ்லாந்து பிரதமர் சிக்மன்டர் கன்லாகுஸன் ஏற்கனவே பதவி விலகியிருந்தமை குறிப்பிடத்தக்கது. அந்த ஆவணங்களில் உலக நாடுகளைச் சேர்ந்த 12 தற்போதைய மற்றும் முன்னாள் தலைவர்களும் ஏனைய 143 அரசியல்வாதிகளும் பெயர் குறிப்பிடப்பட்டுள்ளனர். நன்றி வீரகேசரி
