ஸ்பெயினில் பாரிய ஆர்ப்பாட்டம் 100000 பேர் பங்கேற்பு
தாய்வானில் விமான விபத்து : 12 பேர் பலி
அமெரிக்காவில் புகையிரதம் வாகனத்தில் மோதி விபத்து : 7 பேர் பலி
தாய்வான் விமான விபத்தில் உயிரிழந்தோரின் எண்ணிக்கை 31 ஆக உயர்வு
ஸ்பெயினில் பாரிய ஆர்ப்பாட்டம் 100000 பேர் பங்கேற்பு
02/02/2015 ஸ்பெயினின் மட்றித் நகரில் கடுமையான பொருளாதார கொள்கைகளுக்கு எதிர்ப்பு தெரிவித்து சனிக்கிழமை இடம்பெற்ற ஆர்ப்பாட்டத்தில் 100000க்கும் அதிகமானோர் பங்கேற்றனர்.
மாற்றத்துக்கு ஊர்வலம் என்ற தலைப்பில் இடது சாரி பொடெமொஸ் கட்சியின் ஏற்பாட்டில் இந்த ஊர்வலம் நடத்தப்பட்டது.
மாற்றம் இப்போது என பொருள்படும் பதாகைகளை ஏற்றியிருந்த ஆர்ப்பாட்டக்காரர்கள் ஆம் எம்மால் முடியும் என கோஷம் எழுப்பினர். நன்றி வீரகேசரி
தாய்வானில் விமான விபத்து : 12 பேர் பலி
04/02/2015 தாய்வானில் டிரான்ஸ் ஏசியா விமானம் விபத்திற்குள்ளானதில் 12 பயணிகள் உயிரிழந்துள்ளதாக சர்வதேச ஊடகங்கள் செய்தி வெளியிட்டுள்ளன.
இன்று புதன்கிழமை காலை 58 பயணிகள் மற்றும் விமானப் பணியாளர்களுடன் பயணித்த டிரான்ஸ் ஏசியா ஏயார்வேய்ஸ் நிறுவனத்திற்குச் சொந்தமான ATR-72 என்ற விமானம், பாலத்துடன் மோதி தைபே ஆற்றில் விழுந்துள்ளது.
இந்த விபத்தின்போது பலர் காயமடைந்துள்ளதாக தெரிவிக்கப்பட்டுள்ள அதேநேரம் விமானத்தினுள் சிக்கியுள்ளவர்களை காப்பாற்றும் பணியில் மீட்புப் பணியாளர்கள் ஈடுபட்டுள்ளனர்.
தைபே சொங்ஸான் விமான நிலையத்திலிருந்து கீன்மென் தீவு நோக்கி இந்த விமானம் புறப்படுகையிலேயே குறித்த அனர்த்தம் இடம்பெற்றுள்ளமை குறிப்பிடத்தக்கது.
நன்றி வீரகேசரி
அமெரிக்காவில் புகையிரதம் வாகனத்தில் மோதி விபத்து : 7 பேர் பலி
05/02/2015 அமெரிக்க நியூயோர்க் நகருக்கு வடக்கே புகையிரதமொன்று வாகனமொன்றுடன் மோதி விபத்துக்குள்ளானதில் குறைந்தது 7 பேர் பலியானதுடன் 12 பேருக்கும் அதிகமானோர் காயமடைந்துள்ளனர்.
செவ்வாய்க்கிழமை மாலை நியூயோர்க் நகரிலிருந்து 32 கிலோமீற்றர் தொலைவில் வல்ஹல்லா நகருக்கு அண்மையில் சுமார் 800 பயணிகளுடன் பயணித்த புகையிரதம் வாகனத்துடன் மோதியுள்ளது. இந்த விபத்தில் வாகனத்தின் பெண் சாரதியும், புகையிரதத்திலிருந்த 6 பேரும் உயிரிழந்துள்ளனர். இதன்போது வாகனமும் புகையிரதத்தின் முன் பக்கமாக அமைந்திருந்த பெட்டிகளும் தீப்பற்றி எரிந்துள்ளன.
புகையிரத கடவையின் வாயில்கள் வாகனத்துக்கு மேலாக கீழிறங்கியதால் வாகனம் தண்டவாளத்தில் நின்றுள்ளது.
இதனையடுத்து வாகனத்துக்கு மேற்படி வாயிலால் சேதமேற்பட்டுள்ளதா என பார்வையிட வாகனத்தை விட்டு வெளியே இறங்கிய பெண் சாரதி, புகையிரதம் வருவதற்குள் வாகனத்தை தண்டவாளத்திலிருந்து அப்பால் செலுத்திச் செல்ல வாகனத்தில் மீண்டும் ஏறிய போதே விபத்து இடம்பெற்றுள்ளது. நன்றி வீரகேசரி
தாய்வான் விமான விபத்தில் உயிரிழந்தோரின் எண்ணிக்கை 31 ஆக உயர்வு
05/02/2015 தாய்வானில் டிரான்ஸ் ஏசியா விமானம் விபத்திற்குள்ளானதில் உயரிழந்த பயணிகளின் எண்ணிக்கை 31 ஆக உயர்வடைந்துள்ளது.
இந்நிலையில் ஏனையோரை மீட்பதற்கான மீட்புப் பணிகள் துரிதமாக இடம்பெற்றுவருவதாக தெரிவிக்கப்படுகின்து.
தாய்வானின் தலைநகர் தைபே விமான நிலையத்திலிருந்து நேற்றுக் காலை 53 பேருடன் புறப்பட்ட டிரான்ஸ் ஏசியா ATR 72-600 பயணிகள் விமானம், கின்மென் தீவைத் தாண்டி செல்லும்போது பாலம் மீது மோதி விபத்துக்குள்ளாகி கீலுங் என்ற ஆற்றில் விழுந்தது.
விமானத்தின் அரைப்பாகம், கீலுங் ஆற்றில் மூழ்கியுள்ளது எனவும் நேற்றைய தகவல்கள் கிடைக்கப்பெற்ற நிலையில் 15 பேர் உயிரிழந்துள்ளதாக தாய்வான் உள்நாட்டு செய்திகள் தெரிவித்தன.
பின்னர் இரவு நேர மீட்புப்பணியின் பின்னர் 31 பேர் வரை உயிரிழந்துள்ளதாகவும், 15 பேர் வரை கடும் காயங்களுக்கு உள்ளானதாகவும் 12 பேர் இன்னமும் கண்டுபிடிக்கப்படவில்லை எனவும் செய்திகள் தெரிவித்தமை குறிப்பிடத்தக்கது. நன்றி வீரகேசரி
No comments:
Post a Comment