கிளிநொச்சியில் காணாமல்போன 3வயது சிறுமியின் சடலம் மீட்பு
பல்கலைக்கழக மாணவர்கள் சத்தியாகிரகம்
அரசியல் விவகாரங்களில் தலையிடமாட்டோம் : ஐரோப்பிய கண்காணிப்புக்குழு
வடக்கில் தேர்தலை நடத்தாதிருந்தால் இன்றும் மஹிந்த தான் ஜனாதிபதி
கைவிரலை உடைக்க பார்த்தார், தாக்கவில்லை பிடித்து தள்ளினேன் : மஹிந்த
கொல்லப்பட்ட ஐ.எஸ்.ஐ.எஸ் இன் இலங்கை பிரஜை முன்னாள் அதிபர்
கிளிநொச்சியில் காணாமல்போன 3வயது சிறுமியின் சடலம் மீட்பு
20/07/2015 கிளிநொச்சி உருத்திரபுரம் எள்ளுகாடு பகுதியில் கடந்த மாதம் 21ஆம் திகதி காணாமல்போன உதயகுமார் யர்சிகா என்ற 3 வயது சிறுமியினுடையது என சந்தேகிக்கப்படும் சடலம் ஒன்று நேற்று மாலை மீட்கப்பட்டுள்ளது.
குறித்த சிறுமியினுடையதாக கூறப்படும் சடலத்தில் காணப்பட்ட உடையினை வைத்தே உறவினர்கள் சிறுமியின் சடலத்தினை அடையாளம் கண்டுள்ளனர். எனினும் குறித்த சடலம் காணாமல்போன சிறுமியினுடையதா என்பது தொடர்பிலான விசாரணைகளை பொலிசார் தற்போது முன்னெடுத்து வரும் அதேவேளை மரணம் தொடர்பிலான விசாரணைகளும் ஆரம்பிக்கப்பட்டுள்ளன.
குறித்த சிறுமி காணாமல்போன காலம் தொட்டு பல்வேறு வியூகங்களில் விசாரணைகள் முன்னெடுக்கப்பட்ட நிலையில், தற்போது குறித்த சிறுமியினுடையது என சந்தேகிக்கும் சடலம் தொடர்பிலான விசாரணைகள் ஆரம்பிக்கப்பட்டுள்ளன.
இந்த சடலம் சிறுமியின் வீட்டிலிருந்து சுமார் 5 கிலோ மீட்டர் தொலைவில் உள்ள நெல் வயலிலேயே மீட்கப்பட்டுள்ளது.
நேற்று நெற்பயிருக்கு மருந்தடிக்க சென்ற நபர், அவரது வயல் பகுதியில் சந்தேகத்திற்கிடமான வகையில் சடலம் காணப்பட்டமை தொடர்பில் உறவினர் களுக்கு வழங்கிய தகவலையடுத்தே, சட லத்தை மீட்ட பொலிஸார் விசாரணை களை ஆரம்பித்துள்ளனர். நன்றி வீரகேசரி
பல்கலைக்கழக மாணவர்கள் சத்தியாகிரகம்
21/07/2015 கோட்டை ரயில் நிலையத்திற்கு முன்பாக அகில இலங்கை அனைத்து பல்கலைக்கழக மாணவ ஒன்றியத்தின் ஏற்பாட்டில் சத்தியாகிரகம் ஒன்று முன்னெடுக்கப்பட்டுள்ளது.
இவர்கள் பல்வேறு கோரிக்கைகளை முன்வைத்து இந்த சத்தியாக்கிரகத்தினை முன்னெடுத்துள்ளமை குறிப்பிடத்தக்கது.
இந்நிலையில் குறித்த சத்தியாக்கிரக போராட்டம் 217 நாட்களை தாண்டி இடம்பெற்று வருகின்றமை குறிப்பிடத்தக்கது.
நன்றி வீரகேசரி
அரசியல் விவகாரங்களில் தலையிடமாட்டோம் : ஐரோப்பிய கண்காணிப்புக்குழு
22/07/2015 இலங்கையில் சுயாதீன தேர்தல்கள் ஆணைக்குழு தொடர்பாகவோ அரசியல் தொடர்பாகவோ எவ்வித கருத்தையும் நாம் வெளியிடமாட்டோம். எமது பணி தேர்தல் நியாயமான முறையில் நடைபெற்றதா என்பதை கண்காணித்து அறிக்கை சமர்ப்பிப்பதே ஆகும் என இலங்கை வந்துள்ள ஐரோப்பிய ஒன்றியத்தின் தேர்தல் கண்காணிப்பு குழுத் தலைவர் கிறிஸ்டியன் பிரிடா தெரிவித்தார்.
நாளை (இன்று) புதன்கிழமை யாழ்ப்பாணத்திற்கும் அதன் பின்னர் கிழக்கிற்கும், தெற்கிற்கும், மத்திய மாகாணத்திற்கும் விஜயம் செய்யவுள்ளதாகவும் அவர் தெரிவித்தார்.
கொழும்பு கலதாரி ஹோட்டலில் நேற்று செவ்வாய்க்கிழமை இலங்கை வந்துள்ள ஐரோப்பிய ஒன்றிய நாடுகளின் கண்காணிப்பு குழுவினர் நடத்திய ஊடகவியலாளர் மாநாட்டில் உரையாற்றும் போதே அக்குழுவின் தலைவர் கிறிஸ்டியன் பிரிடா மேற்கண்டவாறு தெரிவித்தார்.
இங்கு அவர் தொடர்ந்தும் உறையாற்றுகையில்,
இலங்கை தேர்தல் முறை மற்றும் சுயாதீன தேர்தல்கள் ஆணைக்குழு உட்பட அரசியல் தொடர்பாக எந்தவிதமான கருத்தையும் நாம் வெ ளியிடமாட்டோம். இலங்கை தேர்தல்கள் ஆணையாளரின் அழைப்பை ஏற்றே நாம் இங்கு வந்தோம். எமது கண்காணிப்பு இன்று (நேற்று) முதல் ஆரம்பமாகிறது. ஆகஸ்ட் 28 ஆம் திகதி வரை இலங்கையில் தங்கியிருப்போம்.
நாளை (இன்று) நான் யாழ்ப்பானத்திற்கு விஜயம் செய்கின்றேன். பின்னர் கிழக்கு, தெற்கு, மத்திய மாகாணம் என அனைத்து பிரதேசங்களுக்கும் செல்வேன். அரசியல் கட்சி தலைவர்கள் வேட்பாளர்கள் சிவில் சமூக ஆர்வலர்கள் மற்றும் உள்ளூர் கண்காணிப்பாளர்களையும் சந்தித்து பேச்சு வார்த்தைகளை நடத்தவுள்ளேன்.
எமது குழு இலங்கையின் தேர்தல் நடைமுறையில் தலையீடு செய்யாது. மற்றும் எமக்கு எவருக்கும் அறிவுறுத்தல் வழங்குவதற்கு அதிகாரம் இல்லை. தேர்தல் நடவடிக்கைகளுக்கு தடை ஏற்படுத்தவும் முடியாது. 2005 ஆம் ஆண்டு ஐக்கிய நாடுகள் அமைப்பினால் நடைமுறைப்படுத்தப்பட்ட சர்வதேச கண்காணிப்பாளர்களுக்கான பிரகடனத்தின் அடிப்படையிலேயே ஐரோப்பிய ஒன்றியத்தின் கண்காணிப்பு குழு செயல்படும்.
கடந்த காலங்களில் 2001 இ 2004 மற்றும் 2005 ஆம் ஆண்டுகளில் இலங்கையில் இடம்பெற்ற தேர்தல்களில் தேர்தல் கண்காணிப்பு பணியில் எமது குழு ஈடுபட்டது. 2000 ஆம் ஆண்டிலிருந்து சுமார் 50க்கும் மேற்பட்ட நாடுகளில் 100க்கும் மேற்பட்ட தேர்தல் கண்காணிப்புக் குழுக்களை ஈடுபடுத்தியுள்ளோம்.
உள்ளூர் கண்காணிப்பாளர்களை மட்டுமன்றி உள்ளூர் ஊடகங்களையும் சந்திக்கவுள்ளோம். இலங்கையில் தேர்தல் கண்காணிப்பை மேற்கொள்ளுமாறு தேர்தல்கள் ஆணையாளர்கள் விடுத்த வேண்டுகோளுக்கமையவே ஐரோப்பிய ஒன்றியத்தின் கண்காணிப்புக் குழு இங்கு வந்துள்ளது.
சர்வதேச பொறுப்புக்கள் மற்றும் தேசிய சட்ட விதிமுறைகளை எந்தளவிற்கு தேர்தல் நடைமுறை பின்பற்றுகிறது என்பது குறித்து ஆராய்வோம். இத் தேர்தல்கள் கண்காணிப்புக் குழுவில் ஐரோப்பிய ஒன்றியத்தினதும் மற்றும் நோர்வே சுவிஸ்லாந்து நாடுகளைச் சேர்ந்த 8 முக்கிய உறுப்பினர்களும் 18 நீண்ட கால உறுப்பினர்களும் 20 குறுகிய கால கண்காணிப்பாளர்களும் உள்ளடங்குகின்றனர்.
மேலும் ஐரோப்பிய அங்கத்தவர்களின் தூதுவராலயங்களில் உள்ள குறுகிய கால கண்காணிப்பாளர்களும் தேர்தல் தினத்தில் எமது கண்காணிப்பு பணியில் இணைந்து கொள்வார்கள். கண்காணிப்பாளர்கள் நாட்டில் அனைத்து தேர்தல் மாவட்டங்களிலும் பணியில் ஈடுபடுத்தப்படுவார்கள். தபால் மூல வாக்களிப்பு எவ்வாறு இடம்பெறுகிறது என்பதை ஆராய்வோம்.
எமது கண்காணிப்பு பணியில் எந்தவொரு மாவட்டத்துக்கும் விசேடத்துவம் வழங்கப்படமாட்டாது. தேர்தல் முடிந்து 48 மணித்தியாலங்களுக்குள் எமது கண்காணிப்பு தொடர்பான அறிக்கை வெளியிடப்படும். கடந்த கால தேர்தலில் கண்காணிப்பு தொடர்பாகவோ அன்று விடுதலை புலிகளின் நடவடிக்கை தொடர்பாகவோ தற்போது எதனையும் கூற முடியாது. அது முடிந்து விட்டது என்றார்.
ஐரோப்பிய ஒன்றியத்தின் தேர்தல் கண்காணிப்பு குழுவின் நோக்கங்கள் வருமாறு,
ஐனநாயக நடைமுறைக்கு உதவி செய்வர். சட்டம் ஒழுங்கு மற்றும் மனித உரிமைகளுக்கு மதிப்பளிப்பதை பலப்படுத்துதல். பிழையான நடைமுறைகளை தடுத்து நிறுத்தி தேர்தல் நடைமுறையில் பொது மக்களின் நம்பிக்கையை கட்டியெழுப்புதல். எதிர்கால தேர்தல் செயற்பாடுகளை மேன்படுத்துவதற்கு தேவையான பரிந்துறைகளை மேற்கொள்ளல் என்பவை ஆகும்.
ஐரோப்பிய யூனியன் தேர்தல் கண்காணிப்பு திட்டத்தின் பொறுப்பு மற்றும் கடமைகள் வருமாறு,
தேர்தலுக்கு முன்னர், தேர்தலின் போது மற்றும் தேர்தலுக்கு பின்னர் உள்ள அனைத்து செயற்பாடுகளையும் கண்காணித்தல். ஐரோப்பிய யூனியன் தேர்தல் கண்காணிப்பு குழு கீழ் காணும் செயற்பாடுகளை கண்காணிப்பு செய்யும்.
சட்டக்கட்டமைப்பு மற்றும் அதன் அமுல் படுத்தும் நடைமுறை தேர்தல் நிர்வாகத்தின் செயல் திறன் பெறுபேறு அரச நிறுவனங்களின் செயல் திறன் மற்றும் அரச சொத்து துஷ்பிரயோகம் தொடர்பில் கண்காணிப்பு செய்தல். நன்றி வீரகேசரி
வடக்கில் தேர்தலை நடத்தாதிருந்தால் இன்றும் மஹிந்த தான் ஜனாதிபதி
22/07/2015 வடக்கில் தேர்தலை நடத்தியதன் விளைவே மஹிந்த ராஜபக்ஷவின் சாம்ராச்சியம் சரிய காரணமாகிவிட்டது.
வடக்கின் தேர்தலை நடத்தாதிருந்தால் இன்றும் மஹிந்த தான் ஜனாதிபதி, நான் பாதுகாப்பு செயலாளராக இருந்திருப்பேன் என முன்னாள் பாதுகாப்பு செயலாளர் கோத்தாபய ராஜபக்ஷ தெரிவித்தார். மீண்டும் மஹிந்த அரசாங்கத்தை உருவாக்கி நாட்டின் பாதையை மாற்றியமைக்க வேண்டும் எனவும் அவர் குறிப்பிட்டார்,
ஐக்கிய மக்கள் சுதந்திர முன்னணியின் வேட்பாளர் உதய கம்மன்பிலவின் தேர்தல் பிரசாரக் கூட்டத்தில் கலந்துகொண்டிருந்த போதே அவர் மேற்கண்டவாறு குறிப்பிட்டார்.
அவர் மேலும் குறிப்பிடுகையில்.
நாட்டில் நல்லாட்சி, ஜனநாயகம் பற்றி பேசி எம்மை சர்வாதிகாரியாக சித்தரித்தவர்கள் இன்று நாட்டில் என்ன செய்கின்றனர். மஹிந்த ராஜபக் ஷவை அன்று அடக்குமுறை காரனாகவும், சிறுபான்மை மக்களுக்கு எதிரானவனாகவும் சித்தரித்து மட்டுமில்லாது இந்த நாட்டில் எம்மை கள்ளர்கள் என சித்தரித்தனர். மக்கள் மத்தியில் எம்மை தவறான தலைவர்கள் என்ற கருத்தினை கொண்டுசென்று எமது அரசாங்கத்தை வீழ்த்தினர். இந்த சூழ்ச்சியில் சர்வதேச அமைப்புகள் மட்டும் அல்லாது மாதுலுவாவே சோபித தேரர், இலங்கையின் சிவில் அமைப்புகள் அனைத்தும் எமக்கு எதிராக செயற்பட்டன. இவர்கள் கொண்டு வந்த மாற்றம் இன்று நல்ல மாற்றமாக உள்ளதா என நான் இவர்களிடம் கேட்க விரும்புகின்றேன்.
எமது ஆட்சியில் வேலைத்திறன் மற்றும் தூரநோக்கு சிந்தனை மிக்க வேலைத்திட்டம் ஒன்று இருந்தது. அதனால் தான் இந்த நாட்டில் 3௦ ஆண்டுகாலம் நிலவிய விடுதலைப்புலிகள் தீவிரவாதத்தை மூன்று ஆண்டுகளில் நாம் முடிவுக்கு கொண்டுவர முடிந்தது. அதேபோல் நாட்டில் பல அபிவிருத்தி வேலைத்திட்டங்களை முன்னெடுக்க முடிந்தது. ஆசியாவின் சிறந்த நகராக கொழும்பை மாற்ற முடிந்தது. ஆனால் இன்று நிலைமை அவ்வாறு அல்ல. இன்று நிலைமைகள் முழுமையாக தலைகீழாக மாறியுள்ளது. நாட்டின் பாதுகாப்பில் மீண்டும் சிக்கல் நிலைமை ஏற்பட்டுள்ளது. விடுதலைப் புலிகளின் மீள் உருவாக்கம் தலைதூகியுள்ளது.
எமக்கும் இதனால் பாரிய அச்சுறுத்தல்கள் ஏற்பட்டுள்ளன. அதேபோல் அண்மையில் இந்தியாவில் தமிழ் நாட்டில் ஆயுதங்களுடன் விடுதலைப்புலிகள் இயக்க அங்கத்தவர்கள் சிலர் கைது செய்யப்பட்டுள்ளனர். ஆகவே இவை அனைத்தும் இந்த நாட்டுக்கு மீண்டும் ஒரு அச்சுறுத்தலான சூழல் ஏற்படுவதற்கான அடையாளங்களாகவே நாம் கருதுகின்றோம். எமது கட்டுப்பாட்டின் கீழ் நாடு இருக்கையில் சர்வதேச தீவிரவாத அமைப்புகளுடன் இலங்கையார் ஒருவர் தொடர்புபட்டிருபதத்கான சந்தர்ப்பங்கள் குறைவாக இருந்தது. ஆனால் இப்போது உலகின் மிகவும் பயங்கரமான தீவிரவாத கும்பலான ஐ.எஸ் அமைப்புடன் இலங்கையின் முஸ்லிம் நபர் தொடர்பு பட்டிருப்பதாக தகவல்கள் வெளிவந்துள்ளது. ஆகவே இவை தான் இப்போது நாட்டுக்கு ஏற்பட்டிருக்கும் அச்சுருதல்கலாகும்.
இன்று நல்லாட்சி பற்றி பேசுபவர்கள் முழுமையாக தனிப்பட அரசியல் பழிவாங்கலை மட்டுமே மேற்கோள்கின்றனர். ஆட்சி மாற்றத்தின் பின்னர் ராஜபக் ஷ குடும்பத்தில் உள்ள அனைவரையும் இவர்கள் விசாரித்தனர். எம்மீது ஊழல் குற்றச்சாட்டுகளை சுமத்த முயற்சித்தனர். ஆனால் அவர்களால் எம்மை குற்றவாளியாக்க முடியாமல் போயுள்ளது. இவர்கள் மேற்கொண்ட எந்தவொரு விசாரணையின் இறுதி முடிவை வெளியிட முடியாமல் போயுள்ளது. என்னெனில் எம்மை குற்றவாளியாக நிருபிக்க தகுந்த ஆதாரங்கள் இவர்களிடம் இல்லை.
எமது அரசாங்கத்தில் முன்னெடுத்த அபிவிருத்திகள் அனைத்தும் முடக்கி நாட்டின் வளங்களை கொள்ளையடித்துள்ளனர். இந்த ஆறுமாத காலத்தில் நாட்டில் உள்ள சொத்துக்கள் அனைத்தையும் கொள்ளையடித்துவிடனர். ரணில் விக்கிரமசிங்க தான் இந்த அரசாங்கத்தின் மிக முக்கிய கொள்ளைக்காரன் ஆவர். அவரே நாட்டின் அனைத்து வளங்களையும் கொல்லையடிக்கின்றார்.
எம்மை சர்வாதிகார அரசியல்வாதிகள் எனவும், இராணுவ அடக்குமுறை ஆட்சியை கையாள்வதாகவும் குறிப்பிடுகின்றனர். ஆனால் நாம் வடக்கில் தேர்தலை நடத்தாது, இராணுவ அடக்குமுறைக்குள் தேர்தலை நடத்தியிருந்தால் இன்றும் நாம் தான் ஆட்சியில் இருந்திருப்போம். வடக்கின் தேர்தலை நடத்தியதால் தான் மஹிந்த ராஜபக் ஷ தோற்கடிக்கப்பட்டார். இல்லையென்றால் இன்றும் அவர்தான் ஜனாதிபதி, நாம் இன்றும் பாதுகாப்பு செயலாளராகவே இருந்திருப்பேன். ஆனால் ஜனநாயகத்தை இந்த நாட்டில் ஏற்படுத்த விரும்பியதன் காரணத்தினால் தான் எமக்கு இந்த நிலைமை ஏற்பட்டது.
எனவே மீண்டும் இந்த நாட்டை சரியான பாதையில் கொண்டு செல்லவேண்டிய நேரம் வந்துள்ளது. மஹிந்தவின் தலைமையில் மீண்டும் இந்த நாட்டை ஆளவேண்டிய தேவை ஏற்பட்டுள்ளது. அன்று மஹிந்த ராஜபக்ஷவுக்கு விசுவாசமாக இறந்த நபர்கள் தான் இறுதி நேரத்தில் மஹிந்தவை வீழ்த்த காரணமாக அமைந்தார்கள். அன்று அவர்களை பற்றி மஹிந்த தெரிந்து கொள்ளாது செயற்பட்டதன் விளைவுகள் இப்போது அனுபவிக்கக் கூடியதாக உள்ளது. இனிமேலாவது மஹிந்தவின் உண்மையான விசுவாசிகள் யார் என்பதை அவர் உணர்ந்து கொள்ள வேண்டும். எனவே மக்கள் அனைவரும் மஹிந்தவை இந்த நாட்டின் பிரதமராக்கி இந்த நாட்டில் பாதுகாப்பையும், அதேபோல் நல்லாட்சியையும் உருவாக்க துணை நிற்க வேண்டும் எனக் குறிப்பிட்டார். நன்றி வீரகேசரி
கைவிரலை உடைக்க பார்த்தார், தாக்கவில்லை பிடித்து தள்ளினேன் : மஹிந்த
23/07/2015 எனது கைவிரலை உடைக்க பாரத்தார். பாதுகாப்பதற்கே அவரை பிடித்து தள்ளினேன் என முன்னாள் ஜனாதிபதி மஹிந்த ராஜபக்ஷ தெரிவித்துள்ளார்.
அக்குரஸ்ஸவில் நேற்று முன்தினம் மாலை இடம்பெற்ற ஐக்கிய மக்கள் சுதந்திர கூட் டமைப்பின் தேர்தல் பிரசாரக் கூட்டத்தில் கலந்துகொள்ள சென்ற முன்னாள் ஜனாதி பதி மஹிந்த ராஜபக் ஷ அங்கு வந்திருந்த ஒருவரை தாக்குதல் நடத்தியிருந்ததாக செய்திகள் வெளியாகி இருந்தன.
இந்நிலையில் சம்பம் தொடர்பில் கருத்து தெரிவித்துள்ள மஹிந்த ராஜபக்ஷ,
''ஸ்ரீ லங்கா சுதந்திரக் கட்சியின் உண்மையான ஆதரவாளர் ஒருவர் என் மீது கொண்ட பாசத்தால் எனது கையை பிடித்து இழுத்தார். அவர் மதுபோதையில் இருந்திருப்பார் என நினைக்கின்றேன் இதன் போது எனது கைவிரலை உடைய பார்த்தது. எனது கைவிரலை பாதுகாப்பதற்காக நான் அவரை எனது ஒரு கையால் பிடித்து தள்ளினேன். ஆனால் நான் அவரை தாக்கியதாக பொய் பிரசாரம் செய்கின்றனர்.'' நன்றி வீரகேசரி
கொல்லப்பட்ட ஐ.எஸ்.ஐ.எஸ் இன் இலங்கை பிரஜை முன்னாள் அதிபர்
23/07/2015 ஐ.எஸ்.ஐ.எஸ். அமைப்பில் இலங்கையரான நிலாம் முஹ்ஸின் என் பவர் இணைந்து போரிட்டு சிரியாவில் வைத்து தாக்குதலில் கொல்லப்பட்டமை தொடர்பில் முன்னெடுக்கப்பட்டு வரும் விசாரணைகளில் பல தகவல்கள் வெளியாகியுள்ளன.
பொலிஸ் மா அதிபர் என்.கே.இலங்ககோனின் நேரடிக் கட்டுப்பாட்டில் மத்திய மாகாணத்துக்கு பொறுப்பான சிரேஷ்ட பிரதிப் பொலிஸ் மா அதிபர் காமினி திஸாநாயக்கவின் கீழ் முன்னெடுக்கப்பட்டு வரும் விஷேட விசாரணைகளிலேயே பல தகவல்கள் வெளிப்படுத்தப்பட்டுள்ளதாக பொலிஸ் ஊடகப் பேச்சாளர் உதவி பொலிஸ் அத்தியட்சர் ருவன் குணசேகர தெரிவித்தார்.
சிரியாவில் ஐ.எஸ்.ஐ.எஸ். தாக்குதலில் கொல்லப்பட்டதாக கூறப்படும் நபரின் தேசிய அடையாள அட்டை கண்டு பிடிக்கப்பட்டுள்ளதாக கூறிய பொலிஸ் ஊடக பேச்சாளர், அதன் படி இந்த நபர் கண்டி பிரதேசத்தில் வசித்துவந்துள்ளமை உறுதிப்படுத்தப்பட்டுள்ளதாகவும் குறிப்பிட்டார். அத்துடன் கலேவலை மற்றும் கொலன்னாவ ஆகிய பிரதேசங்களில் உள்ள இரு சர்வதேச பாடசாலைகளில் அவர் அதிபராகக் கடமையாற்றியுள்ளமையும் விசாரணைகளில் தெரியவந்துள்ளதாக உதவி பொலிஸ் அத்தியட்சர் ருவன் குணசேகர குறிப்பிட்டார்.
சிரேஷ்ட பிரதிப் பொலிஸ் மா அதிபர் காமினி திஸாநாயக்கவின் கீழ் முன்னெடுக்கப்பட்டு வரும் விஷேட விசாரணைகளில் நேற்று வரை பல்வேறு தகவல்கள் வெளிப்படுத்தப்பட்டிருந்த நிலையில், குறி த்த நபர் சிரியாவில் கொல்லப்பட் டுள்ளமையும் உறுதிசெய்யப்பட்டுள்ளது.
எவ்வாறாயினும் இந்த விஷேட விசாரணையானது பல்வேறு கோண ங்களை நோக்கி நகர்த்தப்பட்டுள்ள துடன் சமூக வலைத்தளங்கள் மற் றும் அறிவியல் ரீதியிலான சாதனங்களை ஆராயும் நடவடிக்கைகளும் ஆரம்பிக்கப்பட்டுள்ளன.
இதனைவிட கலேவலை மற்றும் கொலன்னாவ ஆகிய பிரதேசங்களில் உள்ள இரு வேறு சர்வதேச பாடசாலைகளில் இருந்து நிலாம் முஹ்ஸின் தொடர்பிலான தகவல்களை பொலிஸார் பெற்றுக்கொண்டுள்ளனர்.
குறித்த நபர் ஐ.எஸ். அமைப்பு டன் தொடர்பு பட்ட விதம், அவர் நாட்டை விட்டு வெளியேறிய விதம் மற்றும் ஐ.எஸ்.ஐ.எஸ். அமை ப்புடன் தொடர்புடையோர் வேறு எவரேனும் உள்ளனரா போன்ற விடயங்களை உள்ளடக்கி இந்த விரிவான விசாரணைகள் தொடர்கின்றன.
பாகிஸ்தான் பல்கலைக்கழகம் ஒன்றில் பட்டம் பெற்றுள்ள குறித்த நபர் கொழும்பு பல்கலைக்கழகத்திலும் விரிவுரையாளராகக் கடமை புரிந்துள்ளதாக தகவல்கள் வெளிப்படுத்தப்பட்டுள்ளன. பொலிஸார் அது தொடர்பிலும் அவதானம் செலுத்தியுள்ளமை குறிப்பிடத்தக் கது.
கலேவலை பிரதேசத்தில் உள்ள சர்வதேச பாடசாலையில் குறித்த நபர் அதிபராக கடமையாற்றியமை க்கான எழுத்து மூலசான்று ஆவ ணங்கள் எதனையும் விட்டு வைக் காத நிலையிலேயே அங்கிருந்து சென்றுள்ளதாக குறிப்பிடும் பொலி ஸார் அது தொடர்பில் பாடசாலை உரிமை யாளர், தற்போதைய அதிபர் உள்ளிட்டவர்களிடமும் வாக்கு மூலம் பதிவு செய்யப்பட்டுள்ளதாக குறிப்பிட்டனர். நன்றி வீரகேசரி
No comments:
Post a Comment