லிபியாவில் படகு கவிழ்ந்ததில் 400 பேர் பலி
ஜப்பானில் தரையிறங்கிய வேளை ஓடுபாதையை விட்டு விலகிச் சென்ற பயணிகள் விமானம்
லிபியாவில் படகு கவிழ்ந்ததில் 400 பேர் பலி
15/04/2015 லிபியாவிற்கு அருகே படகு கவிழ்ந்ததில் 400 பேர் பலியாகியுள்ளதாக சர்வதேச செய்திகள் தெரிவிக்கின்றன.
லிபியா பகுதியில் இருந்து புறப்பட்ட படகு ஒன்றில் சுமார் 540 பேர் வரை பயணம் செய்துள்ளனர்.
இத்தாலி நாட்டின் கடற்பகுதியில் படகு சென்று கொண்டிருந்த போது எதிர்பாராதவிதமாக கவிழ்ந்தது.
இதனையடுத்து சம்பவ இடத்திற்கு விரைந்து சென்ற இத்தாலிய கடற் படை வீரர்கள் சுமார் 140 பேர்களை உயிருடன் மீட்டனர்.
விபத்தில் இறந்து போனவர்களின் 9 உடல்கள் மீட்கப்பட்டுள்ளது. காணாமல்போனோரை தேடும் பணி தீவிரமடைந்துள்ளது.
நன்றி வீரகேசரி
ஜப்பானில் தரையிறங்கிய வேளை ஓடுபாதையை விட்டு விலகிச் சென்ற பயணிகள் விமானம்
16/04/2015 ஜப்பானின் ஹிரோஷிமா விமான நிலையத்தில் செவ்வாய்க்கிழமை இரவு தரையிறங்கிய வட கொரிய ஏசியானா எயார்லைன்ஸ் விமானம் ஓடுபாதையை விட்டு விலகிச் சென்றதில் அந்த விமானத்தில் பயணித்த 20 பேருக்கும் அதிகமானோர் சிறு காயங்களுக்குள்ளாகியுள்ளனர்.
74 பயணிகளுடனும் 7 விமான ஊழியர்களுடனும் பயணித்த எயார்பஸ் 320 விமானமே இவ்வாறு ஓடுபாதையை விட்டு விலகிச் சென்றுள்ளது.
மேற்படி சம்பவத்திற்கு அந்த விமானத்தின் சக்கரங்களில் ஒன்று ஓடுபாதைக்கு அண்மையிலுள்ள வானொலி தொடர்பாடல் கட்டமைப்பில் சிக்கிக் கொண்டதே காரணம் என அந்நாட்டு போக்குவரத்து அமைச்சு கூறுகிறது.
அந்த கட்டமைப்பின் பாகமொன்றின் சிதைவு அந்த விமானத்தின் சக்கரங்களில் ஒன்றில் சிக்கிய நிலையில் காணப்பட்டுள்ளது.மேற்படி விமானத்தால் குறிப்பிட்ட 18 அடி கோபுரத்திற்கும் சேதம் ஏற்பட்டுள்ளது.
அத்துடன் இதன்போது அந்த விமானத்தின் வாலின் இடது பக்கத்திற்கும் சேதம் ஏற்பட்டுள்ளது.இந்த சம்பவம் தொடர்பில் ஏசியானா விமான சேவை மன்னிப்புக் கோரியுள்ளது.
நன்றி வீரகேசரி
No comments:
Post a Comment