வட மாகாண தொழில்கோரும் பட்டதாரிகள் ஆர்ப்பாட்டம்
தமிழினத்தின் மறுக்கப்படும் நீதிக்காக அனைவரும் ஒன்றுதிரள்வோம்.!
131 இலங்கை அகதிகள் மலேசிய பொலிஸாரால் இடைமறிப்பு..!
வட மாகாண தொழில்கோரும் பட்டதாரிகள் ஆர்ப்பாட்டம்
01/05/2018 வட மாகாண தொழில்கோரும் பட்டதாரிகள் சங்கத்தின் உறுப்பினர்கள், இன்று காலை யாழ்ப்பாணத்தில் உள்ள வடமாகாண ஆளுனர் அலுவலகத்துக்கு முன்னால் ஆர்ப்பாட்டத்தில் ஈடுபட்டுள்ளனர்.
இதற்கு முன்னர் அவர்கள் ஆளுனர் அலுவலகத்துக்கு முன்னால் ஆர்ப்பாட்டம் நடத்திய போது, ஒரு மாதக் காலத்துக்குள் அவர்களது கோரிக்கைகள் நிறைவேற்றப்படும் என்று ஆளுனர் அலுவலகத்தினால் உறுதியளிக்கப்பட்ட நிலையில் இரண்டு மாதங்கள் கடந்துள்ள போதும், இன்னும் தங்களின் கோரிக்கைகள் நிறைவேற்றப்படவில்லை என தெரிவித்து, இந்த போராட்டத்தை முன்னெடுத்தமை குறிப்பிடத்தக்கது. நன்றி வீரகேசரி
தமிழினத்தின் மறுக்கப்படும் நீதிக்காக அனைவரும் ஒன்றுதிரள்வோம்.!
02/05/2018 தமிழினத்தின் மறுக்கப்படும் நீதிக் காகவும் ஏமாற்றப்படும் தமிழ் சமூகத்திற்காகவும் முள்ளிவாயக்கால் பேரவலத்தை நினைவுகூர அனைவரும் அணிதிரள வேண்டும் என்று யாழ்.பல்கலைக்கழக அனைத்துப்பீட மாணவர் ஒன்றியம் அழைப்பு விடுத்துள்ளது.
முள்ளிவாய்க்கால் நினைவுநாள் தொடர்பாக யாழ்.பல்கலைக்கழகத் தின் அனைத்துப்பீட மாணவர் ஒன்றியத் தலைவர் கிருஷ்ணமேனனால் வெளியிடப்பட்டுள்ள ஊடக அறிக்கையிலேயே இவ்விடயம் தெரிவிக்கப்பட்டுள்ளது.
அந்த அறிக்கையில்,
நவீன யுகத்தில் நிகழ்ந்த மிகப்பெரும் மனிதப் பேரவலத்தின் உச்சக் கட்டமான முள்ளிவாய்க்கால் பேரழி வின் 9ஆவது ஆண்டு நினைவு நாளை நெருங்கிக் கொண்டிருக்கின் றோம். மே 18 என்பது தனியே முள்ளிவாய்க்கால் மண்ணில் நிகழ்ந்த பெரும் துயருக்குரிய நினைவு நாள் என்பதையும் தாண்டி ஈழத்தமிழினம் எதிர்கொண்ட அனைத்து இனவழிப்பையும் ஒன்றுசேர நினைவு கொள் ளும் ஒருநாளாக உள்ளது.
ஈழத் தமிழினமானது தனக்கிழைக்கப்பட்ட அநீதிகளையும் அவற்றின் விளைவான துயர்களையும் நினைவுகொண்டு உலகிடம் நீதிவேண்டி வீறுகொண்டு போராட திடசங்கற்பம் பூணும் ஒருநாளாக இந்நாள் வரலாற்று முக்கியத்துவம் பெறுகின் றது.
இந்நாளினை தமிழினம் எவ்வாறு கையாளுகின்றது என்பது உலக அரங் கில் உன்னிப்பாக கவனிக்கப்படுவதோடு தமிழர்களாகிய எமது பலத்திரட்சியை வெளிப்படுத்தும் ஒரு களமாகவும் காணப்படுகின்றது.
கடந்த காலத்தைப் போலன்றி இவ்வாண்டு முள்ளிவாய்க்காலில் நிகழ் த்தப்படும் நினைவு நிகழ்வானது தமிழரின் உணர்வையும் ஒற்றுமையையும் நீதிக்கான ஒருமித்த வேட்கையையும் தெளிவாக வெளிப்படுத்தும் விதமாக அமையவேண்டும் என்ற எண்ணத்தோடே பல்கலைக்கழக மாணவ சமூகமாகிய நாம் முனைப்புடன் செயற்பட்டு வருகின்றோம்.
ஒற்றுமை என்ற பெயரில் எமது மக்களின் அரசியல் அபிலாஷைகளை நீர்த்துப்போகச் செய்யும் நோக்கமே நீதிவேண்டிய பயணத்தின் முட்டுக் கட்டைகளாக இருப்பவர்களை அரவ ணைக்கும் நோக்கமோ தனிப்பட்ட கட்சிகளுக்கோ அரசியல் பிரமுகர் களுக்கோ மேடை அமைத்துக் கொடு த்து அரசியல் இலாபம் தேடிக்கொடுக்கும் நோக்கமோ எமது ஒன்றுபட்ட நிகழ்வுக்கான அழைப்பின் பின் னால் இல்லை. மாறாக வலிசுமந்த மக்களின் உணர்வுகளை மதித்து அங்கொன்றும் இங்கொன்றுமாக பிரிந்து நடக்கும் நிகழ்வுகளைத் தவிர்த்து ஓர் உணர்வுபூர்வமான நிகழ்வையும் ஒருங்கிணைந்த மக்கள் திரட்சியையும் வெளிக்கொண்டு வருதலே எமது நோக்கமாகும்.
உலகம் முழுவதும் நடைபெறும் மே 18 நிகழ்வுக்கெல்லாம் சிகரமாகத் திகழும் முள்ளிவாய்க்கால் நினைவு நிகழ்வை சிறப்பு நடத்த மக்களின தும் இன விடிவிற்காய் உழைத்துக் கொண்டிருக்கும் சகலரினதும் ஒத்து ழைப்பையும் தமிழ் மக்களின் உரி மைக்குரலாக ஒலித்துக் கொண்டி ருக்கும் யாழ்.பல்கலைக்கழக சமூகம் வேண்டிநிற்கின்றது. எனவே மறுக் கப்படும் நீதிக்காகவும் ஏமாற்றப்ப டும் தமிழ் சமூகத்திற்காகவும் முள் ளிவாய்க்கால் பேரவலத்தை நினைவு கூர அனைவரும் அணிதிரள வேண் டும் என அவ்வறிக்கையில் குறிப் பிடப்பட்டுள்ளது. நன்றி வீரகேசரி
131 இலங்கை அகதிகள் மலேசிய பொலிஸாரால் இடைமறிப்பு..!
06/05/2018 அவுஸ்திரேலியா மற்றும் நியூசிலாந்து நாடுகளுக்கு சட்டவிரோதமாக கப்பலொன்றின் மூலம் குடியேறமுற்பட்ட இலங்கை அகதிகள் 131 பேர் மலேசிய பொலிஸாரால் தடுத்து வைக்கப்பட்டுள்ளனர்.
இதில் 98 ஆண்கள், 24 பெண்கள், 9 குழந்தைகள் அடங்குவதாக தெரிவிக்கப்பட்டுள்ளது.
மேலும், குறித்த கப்பல் கடந்த முதலாம் திகதி இடைமறிக்கப்பட்டதாக சர்வதேச செய்திகள் தெரிவிக்கின்றன. நன்றி வீரகேசரி
No comments:
Post a Comment