மகாதேவ ஐயர் ஜெயராமசர்மா
கற்பகதருவாம் பனையின் ஓலைகள் எப்படி எழுத்துக்களைச்
சுமந்து பயனளித்து வந்தது என்னும் வரலாற்றைப் பார்த்தோம். ஏட்டுச் சுவடி களாய் மாறி எல்லோர் மனத்திலும் அமர்ந்துவிட்ட பனை ஓலையின் பல பரிமாணங்களையும் பார்ப்பதும் அவசியம் அல்லவா ! பனை ஓலை என்ற வுடன் அதனைச் சாதாரணமாக எடுத்து விடவே கூடாது.அதன் பயன்பாடு என்பது பல நிலைகளில் பரந்து விரிந்து காணப்படுகிறது. இதழ், கூந்தல், மடல், மாழை, என்
பனையின் ஓலைகளை குருத்தோலை என்கிறோம்.காவோலை என்கி றோம். வற்றோலை என்கிறோம். முந்தல் ஓலை என்கிறோம்.இளம் பனையினை வடலி என்கிறோம். இதன் ஓலைகளை வடலி ஓலைகள் என்றே அழைக்கிறோம்..இவை ஒவ்வொன்றுமே பயனை நல்கிடும் வகை யில்த்தான் அமைந்திருக்கின்றன என்பதையும் கருத்திருத்தல் நலமே யாகும்.பனை ஓலைக்கு தாளீபலாசம் என்றும் பெயர் இருக்கி றது.பனை ஓலையினை மடித்துக் காதிலும் அணிந்திருக்கிறார்கள்.காதோலை என்னும் பெயர் இன்றும் பயன்பாட்டில் இருக்கிறது. ஆனால் ஓலையாக அல்லாமல் தங்கமாயும் , பொன்னாகியும் ஆபரணங்களாய் மாறிய நிலையினையே இன்று காண்கின்றோம் எது எப்படி மாறினாலும் காதோலை என்னும் சொல்லில் மட்டும் மாற்றம் வரவில்லை என்பதுதான் முக்கியமாகும். பனை ஓலை காதில் அணியும் நிலையில் இருந்திருக்கிறது. அதே ஓலை தான் பிற்காலத்தில் நாம் முக்கியமாகப் பயன்படுத்தும் மாங்கல்யம் என்னும் தாலிக்கும் வித்தாகும் என்பதையும் கருத்திருத்தல் அவசிய மேயாகும்.
பனையில் ஓலைகள் எப்படி வளருகின்றன
தெரியுமா ? ஒவ்வொரு மாதமும் ஒவ்வொரு ஓலை என்ற படி முறையில்த்தான் பனையில் ஓலைகள் வந்து சேருகின்றன. வளரும் நிலையில் இருக்கின்ற இளம் பனைக்கு வடலி என்று சிறப்புப் பெயரிட்டுத்தான் அழைத்து வருகி றோம்.குருத்தோலையாக வருகின்ற நிலையில் அதன் நிறம் இளம் மஞ்சளாகவே இருக்கும்.வளர்ந்த குருத்தோலை விரிந்து அகலமாக காட்சிதரும் பொழுது அதனை சாரோலை என்னும் பெயர் கொண்டு அழைக்கிறோம் . குருத்தோலையும். சாரோலையும் ,
பொழுது - குருத்தோலைகளையும் வெட்டுவார்கள். முற்றிய ஓலைகளை ஒரு பக்கமாயும் , குருத்தோலைகளை ஒரு பக்க மாகவும் எடுத்து வைப்பது வழக்கமாய் இன்னும் இருந்து கொண்டே வரு கிறது. குருத்தோலைகள் மிகவும் கவனாமாய் பார்க்கப்படுகின்றன. முற்றிய ஓலைகளுக்கு - குருத்தோலைகளுக்
பனை ஓலை குடியிருக்கும் வீட்டின் கூரையாய் அமைந்து -
குளிரிலும், வெப்பத்திலும், மழை
பனை ஓலை வாழ்க்கையோடு பல விதங்களில் பிணைந்தே
இருக்கிறது என்பதுதான் உண்மை. இருக்கும் வீட்டின் கூரையாய் அமைந்ததோடு - வீட்டுக்குரிய பாவனைப் பொருட்களாயும் , விவசாயத்துக்கு
இடியப்பத் தட்டு,நீத்துப்பெட்டி, சுளகு, க
பனை ஓலையினை மூலப் பொருளாகக் கொண்டு கைத்தொழில்கள் ஆர ம்பிக்கப்பட்டிருக்கின்றன. இதன் பயனாக பலரும் பயன் பெற்றும் வரு கிறார்கள். கைத்தொழிலுக்குப் பனையின் ஓலைகள் கைகொடுத்து உதவுங் காரணத்தால் கற்பகதருவாம் பனைபற்றிய கரிசனை யாவரிடமும் ஏற்பட் டிருக்கிறது என்பதும் கருத்திருத்த வேண்டியதேயாகும்.
பனை ஓலையினைக் கொண்டு பலவித பொருட்கள் செய்யும் தொழி லானது இலங்கையில் வடக்கிலும் கிழக்கிலும் நடைபெற்று வருகிறது. நிறுவன ரீதியாகாவும், குடும்பமாகவும் ,
பனை ஓலையினை எடுத்த எடுப்பில் தொழிலுக்குப் பயன்படுத்தி விட முடியாது.குருத்தோலைகளைக் கவனமாக எடுத்து அவற்றைக் காய வைத்தல் வேண்டும். வெய்யிலில் காய வைக்கும் பொழுதும் அதனை பதமாக வரும் நிலையில் காயவிடுதல் முக்கியமாகும். மிகக் காய்ந்து விடின் கைவேலையின் போது ஓலைகள் முறியவும் உடையவுமான நிலை வந்துவிடும்.ஆகையால் ஓலையின் பதப்படுத்தலில் கவனம் மிகவும் தேவையான ஒன்றாகவே இருக்கிறது.
ஓலைகளைப் பதமாக எடுத்தபின் அவற்றுக்குச் சாயம் இடும் ஒரு நிலையும் இருக்கிறது. கோழிச்சாயம் என்பதை பலரும் பயன்படுத்தி வந்தே இருந்திருக்கிறார்கள். ஓலைகளுக்
பனை ஓலையினைக் கொண்டு குழந்தைகளுக்கான விளையாட்டுப் பொருட்களும் தயாரிக்கப்படுகின்றன. தொப்பிகள் செய்யப்படுகின்றன. பூந்தொட்டிகளாகவும் பயன்படும் வகையிலும் பனை ஓலைகொண்டு பல வடிவங்களில் பல பொருட்கள் பழக்கத்துக்கும் வந்திருக்கின்றன. பூச்சாடிகள், பெரிய கூடைகள், என்றும் தற்போது பயன்பாட்டுக்கு வந்திரு ப்பதும் நோக்கத்தக்கது. பின்னல் வகையிலும் பொருட்கள் பல செய்து பயன்பாட்டுக்கு வந்திருக்கின்றன.பல வர்ணங்களை சேர்த்து சாதாரண பின்னல்களில் அலங்காரப் பொருட்கள் வந்திருக்கின்றன. அதே வேளை விசேட முறையில் - வாழை முடிச்சுப்பின்னல், கன்னி முடிச்சுப்பின்னல் என்னும் பின்னல் முறையிலும் வர்ணங்கள் பல இணைய பனை ஓலை அலங்காரப் பொருட்கள் சந்தைக்கு வந்திருப்பதும் கருத்திருத்த வேண் டியதே.
பனையில் ஓலையை வெட்டுவதற்கும் கால அளவும் மாதமும் இருக்கிறது. பனையின் ஓலைகள் மாதத்துக்கு ஒன்றாகவே வளரு கின்றன என்பதைப் பார்த்தோம் எந்த நாளும் பனையில் ஓலை களை வெட்டிவிடல் என்பது பொருந்தி வரமாட்டாது. பங்குனி தொடங்கி ஐப்பசி மாதம்தான் பனையில் ஓலைகளை வெட்டுவதற்கு உகந்த மாதங்களாக இருக்கின்றன. ஒவ்வொரு வருடமும் ஓலை களை வெட்டுவது என்பதும் கஷ்டமாகும்.இரண்டு வருடங்களுக்கு ஒரு முறை என்பதே பொருத்தமாய் அமைகிறது என்பதும் கவனத்த க்குரியதாகும்.
முற்றிய பனைக்கும் முற்றாத பனைக்கும் ஓலை வெட்டுவதிலும் விதி முறைகள் இருக்கின்றன. இளம் பனைகளில் குறைந்த ஓலை களை - அதாவது பத்து அல்லது பனிரெண்டு ஓலைகளைத்தான் வெட்டுவார்கள். முற்றிய பனையில் வெட்டும் போதும் பனையினை முற்று முழுதாக மொட்டை அடித்து விடமாட்டார்கள்.
முற்றிய பனைகளில் ஓலைகளை வெட்டும் பொழுது பத்து ஓலைகளையாவது பனையில் விட்டே வெட்டுவதுதான் வழக்கமா கும்.பதநீர் என்பதும் பனையின் கொடையாகும். பதநீருக்கு என்று விடப்படும் பனைகளில் ஓலைகளை வெட்டும் போது அவதானமா கவே வெட்டுவார்கள். ஓலை என்பது பனையின் மிகவும் முக்கிய பாகமாகும். வெட்டினால் வளருந்தானே என்று எண்ணி ஓலைகள் முழுவதையும் ஒரேயடியாக வெட்டி விடுவோமேயானால் பனை யினின்றும் எந்தப்பலனையும் பெற்றுவிட முடியாதவர்கள் ஆகியே விடுவோம். பனையானது தனது உணவினைத் தயாரிக்க ஓலை களைத்தான் நம்பி இருக்கிறது. பனையினை மொட்டை அடித்தால் பனையின் உணவுத் தயாரிப்பு நின்றுவிடும். நின்றுவிட்டால் பனை யின் கதி அதோ கதிதான் ! ஆன படியால்த்தான் ஓலை வெட்டு வதிலும் சிறந்த கவனம் செலுத்தப்படுகிறது என்பதை கருத்திருத்தல் அவசியமாகும்.பனையின் பச்சை ஓலைகளை வெட்டும் பொழுது காய்ந்த ஓலைகளும் , பழுத்த ஓலைகளும் கூடவே பனையில் இருக்கும். அவற்றைக் கட்டாயம் வெட்டிவிடவே வேண்டும்.அப்படி வெட்டி விடும் பொழுது அது பனையின் வளர்ச்சிக்குப் பெரிதும் உதவியாய் இருக்கிறது என்பதும் கவனத்துக்குரியதேயாகும்.
" வன்னக் குருத்தில் வடிவாகச் செய்கின்ற
பன்னவகை இன்னவெனப் பன்னரிதால் - அன்னவை
புத்தகப் பெட்டி புகல்கட்டுப் பெட்டி பல
வித்தகப் பெட்டி மிகு குட்டான் - வைத்த
கடகம் பத்தாயம் கதிர்ப்பாய் கிடையாய்
திடமாம் உமலளவு சேர்கள் - கடவுட்டிரு
நீறிடுங் குட்டான்கள் நீரிறைக்கும் பட்டைவகை "
" பிள்ளைவிளை யாடுபொருட் பேதமாங் -
சுரையுண் பிழாவுமாஞ் சோறுண் கலமாம்
நிரையூணு மாகவே நேர்வ - ருரையோலை
ஈர்க்கினுறி யீர்வாணி யேற்றசட்டி பானைகளைச்
சேர்குமணை தட்டு முறஞ் செய்யலாம் "
" ஓவிய மோடுயர் காவிய மானவை
யாவையு மெழுதி வைக்கலாம் - வீடு
வேயலாம் வேலியடைக்கலாம் வரும்
வியர்வை யகற்றி விசிறியதைப் பல
விநோதம தாயே படைக்கலாம் "
No comments:
Post a Comment