விளக்கிவிடும் வீணர்களைக் கழுவேற்ற வேண்டும் ! மகாதேவ ஐயர் ஜெயராமசர்மா ... மெல்பேண் ... ஆஸ்திரேலியா

எம்மதமும் மதுகுடிக்கச் சொல்லியதே இல்லை            என்னூலும் மதுநன்று எனச்சொன்ன துண்டோ             புததரொடு வள்ளுவரும் புறக்கணிக்கச் சொன்னார்             சித்தமதில் ஏற்றாமல் திரிகிறார் பலரும் !            நாடிருக்கும் நிலையினிலே தேடுவதா மதுவை            கேடுதரும் மதுநாட  யாருக்குமச் சொன்னார்            வீடுவிட்டு வீதிவந்து மதுதேவை என்று            விளக்கிவிடும் வீணர்களைக் கழுவேற்ற வேண்டும்  !           நோயுற்றார் மனைகளிலே நொந்து மடிகின்றார்          தாயாக சேவைசெய்வார் தம்மை இழக்கின்றார்           மதுவில்லை என்பதனால் மனமுடைந்து போச்சு          எனவுரைக்கும் மனிதரைநாம் என்னவென்று சொல்ல !          மதுவாலே வருமானம் வருகிறதாய் நினைக்கும்         மதியுரைஞர் தனயெண்ண தலைகுனிவாய் இருக்கு          காந்திமகான் நடந்தவிந்த கண்ணியமாம் நிலத்தில்           காசுக்காய் கடைதிறந்து மதுவிற்றல் முறையோ  !         கள்ளுண்டால் தீமையென காட்டுகின்ற வள்ளுவம்          எல்லோர்க்கும் தெரியும்படி இருக்கிறதே இன்று          குடிகுடித்தால் குடியழியும் எனவுரைக்கும் நூல்கள்          குடியொழிக்க முடியாமல் குற்றுயிராய் கிடக்கு    !         கொரனோவைக் கண்டாலும் குடியைவிட மாட்டார்          மதுகையில் கிடைத்துவிட மணிக்கணக்கில் திரிவார்          குடியொன்றே வாழ்க்கையென நினைத்துவிடும் அவர்கள்          கொன்றொழிக்கும் கொரனோவை கொண்டுவிடார் சிந்தை  !