சிவஞானச் சுடர் பல் வைத்திய கலாநிதி
பாரதி இளமுருகனார்
(வாழ்நாள் சாதனையாளர்)
மூத்த பிரசைகள் பார்த்து
மகிழ்ந்திட
முத்தமிழ்க் கும்மி
அடித்திடுவோம்
முத்தமிழ்க் கும்மி
அடித்திடுவோம்- கையைக்
கோத்துநாம் ஆடியே அன்னையர்
தினமதிற்
கூடிக் குலவி மகிழ்ந்திடுவோம்!
கூடிக் குலவி மகிழ்ந்திடுவோம்!
(மூத்தபிரசைகள்)
வேற்றின மக்களும் வாழுமிந் நாட்டிலே
விரும்புநல் ஒற்றுமை
காத்திடுவோம்
விரும்புநல் ஒற்றுமை
காத்திடுவோம் - என்றும்
கூறுபோட் டேஎமை இனமதம்
பிரித்திடாக்
கொள்கை வளர்த்திடக் கும்மியடி
கொள்கை வளர்த்திடக் கும்மியடி
(மூத்தபிரசைகள்)
சங்கஅங் கத்தவர் தனித்துவம் காத்துநாம்
சரித்திரம் படைத்திடக்
கும்மியடி
சரித்திரம் படைத்திடக் கும்மியடி
- என்றும்
மங்காப் புகழ்கொண்ட தங்கத்
தமிழ்தனை
மறந்துவா ழோமெனக் கும்மியடி
மறந்துவா ழோமெனக் கும்மியடி
(மூத்தபிரசைகள்)
ஆங்கிலம் கலந்து எழுது வோர்களை
அன்பாகப் பேசிநாம் மாற்றிடுவோம்
அன்பாகப் பேசிநாம் மாற்றிடுவோம் - என்றும்
தீங்கனி போன்ற செந்தமிழ்
சிதைத்திடும்
செய்கையை எதிர்த்திடக் கும்மியடி
செய்கையை எதிர்த்திடக் கும்மியடி
அன்பொடு அறமும் அருளும்
வளர்த்துநாம்
அடுத்தவர் துன்பந் துடைத்திடுவோம்
அடுத்தவர் துன்பந்; துடைத்திடுவோம் - தினம்
மன்பதை வாழநற் சேவை புரிந்திட
மகளிர் தினத்தினிற் கும்மியடி
மகளிர் தினத்தினிற் கும்மியடி
உலகத்து நாடுகள்; மகிழ்வுடன் கூடியே
ஒப்பற்ற பெண்களைப்
போற்றுகின்றார்
ஒப்பற்ற பெண்களைப்
போற்றுகின்றார் - குடும்பத்
திலகங் களாய்;வாழும் எம்முயிர் மாதரின்
சீரினைப் பாடியே கும்மியடி
சீரினைப் பாடியே கும்மியடி
மூத்த பிரசைகள் பார்த்து மகிழ்ந்திட
முத்தமிழ்க் கும்மி அடித்திடுவோம்
முத்தமிழ்க் கும்மி அடித்திடுவோம் -
கையைக்
கோத்துநாம் ஆடியே அன்னையர் தினமதிற்
கூடிக் குலவி மகிழ்ந்திடுவோம்!
கூடிக் குலவி மகிழ்ந்திடுவோம்!
No comments:
Post a Comment