கொரனோவே கொரனோவே எதற்காக நீவந்தாய்
குழந்தைகள் பெரியோர்கள் உனக்குத்தான் என்னசெய்தார்
நடுத்தர வயதுயுடையார் நாட்டின் முதுகெலும்பன்றோ
நடுத்தர வயதுயுடையார் நாட்டின் முதுகெலும்பன்றோ
அனைவரையும் அழிக்கவென்று ஆருனக்கு ஆணையிட்டார் !
சர்க்கரை நோயுள்ளார் சந்தோஷம் கெடுக்கின்றாய்
மூச்சுவிடத் துடிக்கின்றார் மூச்சினையே எடுக்கின்றாய்
கர்ப்பிணியைப் பற்றுகிறாய் கருணையினைக் கொல்லுகிறாய்
இப்படியே செய்கவென்று எவருன்னை அனுப்பிவைத்தார் !
படிக்கின்ற பிள்ளைகள் படிப்பில்கையை வைத்தநீ
எடுக்கின்ற நடவடிக்கை அத்தனையும் குலைக்கின்றாய்
உதவிக்கரம் நீட்டவரும் உயர்வுள்ளம் கொண்டவரை
ஒடுக்கிவிட உடனடியாய் ஓடிவந்து நிற்கின்றாய் !
வணக்கத்தலம் அத்தனையும் மூடிவிட வைத்துவிட்டாய்
பிணக்குவியல் விழவைத்து பெருமகிழ்வு எய்துகிறாய்
சனம்நிறைந்த இடம்பார்த்து சன்னதத்தை ஆடுகின்றாய்
சதிசெய்ய உலகினுக்கு அனுப்பியது யார்சொல்லு !
அரிசியொடு அத்தனையும் வாங்குதற்கு அலைவிட்டாய்
வீடுகளில் அமைதியின்மை உருவாகக் காலானாய்
வில்லங்கமாய் உன்னை அனுப்பியது யார்சொல்லு !
சாதி சமயமெல்லாம் பேதமறச் செய்துவிட்டாய்
ஓதி உணர்கவென்று ஓய்வெடுக்கச் செய்துவிட்டாய்
நீதி நெறிமுறையை நீபாரா ஒதுக்கிவிட்டாய்
காதலுடன் உனைச்செய்ய அனுப்பியது யார்சொல்லு !
சீனாவா அனுப்பியது செப்பிவிடு கொரனோவே
யார்நலனை கருத்தேற்றி வந்தாய்நீ கொரனோவே
ஊரழித்து வாவென்று உன்னெஜமான் உரைத்தானா
ஆயுதத்தால் உலகுதனை அழிப்பதற்குச் செலவாகும்
ஆதலினால் கொரனோவே உனக்குருவை கொடுத்தானா
நீயுந்தன் எஜமானின் நீக்கமறா கட்டளையால்
பேயாட்டம் ஆடியிங்கே பேரழிவைச் செய்கிறையோ !
No comments:
Post a Comment