ஓயாது உழைத்து நின்ற ஒரு கலைஞன் ஓய்ந்துவிட்டான் - மகாதேவ ஐயர் ஜெயராமசர்மா .... மெல்பேண் ...

.

     

              ஓயாது உழைத்து நின்ற
              ஒரு கலைஞன் ஓய்ந்துவிட்டான்
              வாழ் நாளை பயனாக்கி
              வாழ்ந்து நின்றான் போய்விட்டான்
              தேடி நின்ற செல்வமாய்
               செந் தமிழே வசமாச்சு
               ஓடியாடி உழைத்த அந்த
               உயர் மனிதன் ஓய்ந்துவிட்டான்    !

               கணிதம் தனைப் பார்த்தாலும்
               கன்னித் தமிழ் கைப்பிடித்தான் 

               இனிமையுடன் இன் தமிழை

               இறுகவே அணைத்து நின்றான்

               தனிமை தனில் இருந்தாலும்

               தமிழை அவன் விடவில்லை

               உயிர் பிரியும் தருணம்வரை

               உவந்தேற்றான் தமிழ் மொழியை  ! 

                வயது சென்று விட்டதென

                வதங்கி அவன் போகவில்லை

                இளமை எனும் எண்ணமதை

                இதயத்தில் இருத்தி நின்றான் 

                தள்ளாத வயது வந்தும்

                தமிழை அவன் காதலித்தான்

                காதலித்த தமிழ் இப்போ

                கலங்கிப் போய் அழுகிறது !