கம்பனது காவியமும் கருத்துநிறை திருக்குறளும்
உம்பர்தமை உருகவைக்கும் உணர்வுநிறை
திருமுறையும்
எம்பெருமை
பேசிநிற்கும் ஏற்றமுடை இலக்கியமும்
இன்னமுதாம் தமிழ்மொழியின் இலக்கணமாய்
இருக்குதன்றோ !
தேமதுரத் தமிழாக
திசையெங்கும் சென்றதமிழ்
பாவலர்கள் காவலர்கள் பாசமுடன் வளர்த்ததமிழ்
அன்னியரின்
ஆட்சியிலும் அழகிழக்கா நின்றதமிழ்
அறிவுலகத் தமிழாகி அதியுயர்வு பெற்றுளது !
கணனியிலும்
தமிழ்வந்து கருத்துகளை பகர்கிறது
கருவறையில் தமிழ்புகுந்து கடவுள்துதி செய்கிறது
உணர்வுநிறை
மொழியென்று உலகத்தார் எண்ணுவதால்
உவப்புடனே தமிழ்பயில உளம்விரும்பி வருகின்றார்
!
பொதிகைமலை தமிழோடு
இணைந்ததெனச் சொல்லுகிறார்
புத்துணர்வுத் தமிழிப்போ இமயமலை போலாச்சு
அனைவருமே
தமிழ்பற்றி ஆராய்ச்சி செய்கின்றார்
அனைத்துலகும் தமிழுக்கு அகவணக்கம் கொடுக்கிறதே
!
அன்னியரைக்
கவர்ந்ததமிழ் ஆட்சியிலே அமர்ந்ததமிழ்
சொன்னயமும் பொருணயமும் சுவையாகச் சொல்லுந்தமிழ்
நன்நயமாய்
வாழுதற்கு நல்லொழுக்கம் நவிலும்தமிழ்
நம்முணர்வில் கலந்திங்கு நமையியக்கி நிற்கிறதே
!
உயிரென்றும்
மெய்யென்றும் எழுத்துக்குப் பெயரிட்டு
உன்னதமாம் உண்மைதனை உணர்த்தியது எங்கள்தமிழ்
வழக்கொழிந்து
போகாமல் வாழுகின்ற தெங்கள்தமிழ்
வையகமே வியந்துநிற்கச் செம்மொழியாய்
உயர்ந்ததுவே !
No comments:
Post a Comment