பின் தங்கிய சிறுமியிடமிருந்து .

மேசைமீது உருண்டோடும் பென்சிலை
"ஓடாமல் நில்" என அதட்டி நிறுத்தி
என்னுலகத்தைச் சரிசெய்தபின்
எனை அழைத்துக் கொண்டிருக்கும் குரலை 
எதிர்கொண்டு தலை நிமிரும் தருணத்தில்
உங்களால் முன்வைக்கப் படுகின்ற
வினாக்களைச் செவியுற்று
வெகுவாகக் குழம்புகிறேன்
கரும்பலகையின் இருண்மைக்குள் 
கண்ணெறிந்து தோற்கிறேன்
நான்,
பின்தங்கிவிட்ட சிறுமியாயிற்றே!

ஆசிரியரே..
உங்கள் உயர்மட்ட 
அறிவு நிலைகளிலிருந்து
கீழிறங்கி வந்து 
எனது இருக்கைதனில் அமருங்கள்
தங்களின் தேர்ச்சி மிகுந்த சொற்களை
தூர எறிந்துவிட்டுத் 
திக்கித் திணறுகின்ற குரலொன்றினை
வழிகூட்டிச் செல்லுங்கள்
வளராப் பிள்ளை நான்

மேலும் வாசிக்க

மஹா சிவராத்திரி விழா Sri Shiva Mandir Minto

.

Maha Shivaratri - 10 March 2013 at Sri Shiva Mandir Address: 203 Eagleview Road , Minto NSW 2566, Australia

மஹா சிவராத்திரி விழா  சிட்னி ஸ்ரீ சைவ மந்திர் மின்டோ வில் இடம் பெற்றபோது எடுக்கப்பட்ட புகை படங்கள் 

படபிடிப்பு ஞானி 

.

மேலும் வாசிக்க

தமிழர் நீதிக்கான எழுச்சிப்பேரணி 13 - 03 - 13

.

தமிழர் தாயகத்தில் தொடர்ந்து கொண்டிருக்கும் தமிழின அழிப்பின் உச்சத்தை உலகத்திற்கு பறைசாற்றி, தமிழர் நீதிக்கான எழுச்சிக்குரல்கள் மேலெழுந்து வருகின்றன. ஐக்கிய நாடுகள் சபையின் மனிதவுரிமைக்குழுவில் சிறிலங்கா அரசின் மனிதவுரிமைகள் குறித்து சர்வதேச நாடுகள் கவனம் செலுத்துகின்ற இக்காலப்பகுதியில் தமிழர்கள் பரந்துவாழும் உலகப்பரப்பெங்கும் தமிழர் நீதிக்கான குரல்கள் ஒலிக்கிகன்றன. இனப்படுகொலையின் சாட்சியங்களை பிரதிபலிக்கும் சனல் 4 இன் ”போர் தவிர்ப்பு வலயம்” என்ற காணொலியும் எதிர்வரும் நாட்களில் ”மறைக்கப்பட்ட சாட்சியங்களை” வெளிக்கொண்டுவரவிருக்கின்றது. தமிழினத்தின்மீது நிகழ்த்தப்பட்ட இனவழிப்பின் இன்னொரு பரிணாமத்தை மனிதவுரிமைகள் கண்காணிப்பகம் வெளியிட்டுள்ளது. பாலியல் ரீதியாக நடத்தப்பட்ட சித்திரவதைகளை சாட்சியங்களுடன் அது பட்டியலிட்டுள்ளது.

இந்த நிலையில் அவுஸ்திரேலிய வாழ் தமிழர்கள் அனைவரும் திரண்டு அவுஸ்திரேலிய நாடாளுமன்றத்திற்கு முன்னால் 13 - 03 -13 அன்று புதன்கிழமை மதியம் 121212 தமிழர்நீதிக்கான எழுச்சிப்பேரணியை நடத்தவுள்ளனர்.

இந்நிகழ்வுக்கான போக்குவரத்து வசதி தேவைப்படுபவர்கள் அல்லது இந்நிகழ்வு தொடர்பான மேலதிக தகவல் தேவைப்படுபவர்கள் சிட்னியில் 0469 089 883 மெல்பேணில் 0404 431 913 என்ற தொலைபேசி எண்களில் தொடர்புகொள்ளலாம்.

அவுஸ்திரேலியாவின் அனைத்துபாகங்களிலிருந்தும் அனைத்துதமிழர்களும் எழுச்சிப்பேரணியில் இணைந்துகொண்டு தமிழர் நீதிக்காக குரல்கொடுக்க உரிமையுடன் அழைக்கின்றோம்.

தமிழர் நீதிக்கான செயலணி Campaign for Tamil Justice

சிட்னியில் சொல்வேந்தர் சுகி சிவம் அவர்களின் சுவையான சொற்பொழிவு

ஸ்ரீ துர்க்கா தேவி தேவஸ்தானம் பெருமையுடன் வழங்கும் சொல்வேந்தர் சுகி சிவம் அவர்களின் சுவையான சொற்பொழிவு

“ஆரோக்கியம், ஆனந்தம், ஆன்மீகம்” 

காலம்: சனிக்கிழமை 30-03-2013 மாலை 6 மணி முதல்

இடம்: சிட்னி துர்க்கை அம்மன் ஆலய கலாச்சார மண்டபம்

அன்பளிப்பு 15 டொலர்கள்   Single: $15, Reserved: $25 VIP : $35

25 அல்லது 35 டொலர் நுளைவுச்சீட்டு பெறுபவர்கள் மறுநாள் ஞாயிறு மாலை 6 மணியளவில் துர்க்கை அம்மன் ஆலய கலாச்சார மண்டபத்தில் நடைபெற இருக்கும் சொல்வேந்தர் சுகி சிவம் அவர்களுடான கலந்துரையாடல், மற்றும் சிற்றுரை நிகழ்ச்சிகளில் கலந்து கொள்ளலாம்   

சிட்னி முருகன் கோயில் வருடாந்த திருவிழா அறிவிப்பு 2013

மேலும் வாசிக்க

இலங்கைச் செய்திகள்

முஸ்லிம் மாணவ மாணவியர் ஆசிரியரின் காலில் விழுந்து வணங்க வேண்டும்: சிங்களப் பாடசாலையில் பணிப்பு

இலங்கையுடன் புரிந்துணர்வு ஒப்பந்தத்தில் கைச்சாத்திட சவூதி இணக்கம்

இந்தியாவின் வட,கிழக்கில் பிரகாசிக்கும் ஒரு"நம்பிக்கை நட்சத்திரம்'


 தமிழர் விவகாரம் ; சந்தியில் நிற்பது கொழும்பு அல்ல, டில்லியே


  40 வருடமாக வசிக்கும் முள்ளியவளை மக்களை வெளியேற ஒருவார அவகாசம் ===================================================================

முஸ்லிம் மாணவ மாணவியர் ஆசிரியரின் காலில் விழுந்து வணங்க வேண்டும்: சிங்களப் பாடசாலையில் பணிப்பு

05/03/2013 பாணந்துறை, எழுவில பிரதேசத்தில் உள்ள வேகட பௌத்தாலோக வித்தியாலயத்தில் கல்வி பயிலும் முஸ்லிம் மாணவ மாணவியர் இன்று முதல் ஆசிரியர்களின் காலில் விழுந்து வணங்கவேண்டும் என அந்த பாடசாலையின் அதிபர் உத்தரவிட்டுள்ளார்.

அத்துடன் வழமையாக முஸ்லிம் மாணவியர் அணியும் கலாசார உடையினையும் தடை செய்து சிங்கள மாணவியர் அணிவதைப் போன்றே உடையணிந்து வரவேண்டும் எனவும் தெரிவித்துள்ளார்   நன்றி வீரகேசரி

மேலும் வாசிக்க

நாட்டிய கலாநிதி கார்த்திகா கணேசரின் MWLODIC RHYTHMS 2013

.
நாட்டிய கலாநிதி கார்த்திகா கணேசரின் மாணவிகளின் நடன நிகழ்வு  16 .03 2013 இல் பஹாய்  சென்டரில் இடம் பெறுகின்றது . அனைவரையும் அன்புடன் அழைக்கின்றார்.

விபரங்கள்  கீழே .

மேலும் வாசிக்க

தரைக்குவரும் நட்சந்திரங்கள்..

.

கண்ணீரை ஆவியாக்கியபடி

ஒரு காலம்

வறண்டுபோய் கிடக்கிறது..

ஊரெல்லாம்

ஒருபாட்டம் மழைவராதா என்று

மண்ணை இறுகப்பிடித்தபடி

ஈரப்பதன் தேடி

வேர்கள் மூச்சுவிடத்துடிக்கின்றன 

திசைகளை மூடி

வீசும் அணல்காற்றில்

தீய்ந்து தீய்ந்து

ஒவ்வொரு இலைகளாக 

கருகி உதிர்கின்றன

அணலாய் கொதித்துருகும்

எல்லாக்கடல்களில் இருந்தும்

ஆவியாகின்றன

கண்ணீர்த்துளிகள்

மேலும் வாசிக்க

ஆழ்வார் திவ்விய பிரபந்தம் - பகுதி 5 - மதி

தொண்டரடிப் பொடியாழ்வார்

பச்சைமா மலைபோல் மேனிப்

பவளவாய்க் கமலர் செந்கண்

அச்சுதா அமர ரேறே

ஆயர்தம் கொழுந்தே என்னும்

இச்சுவை தவிர யான்போய்

இந்திரலோக மாளும்

அச்சுவை பெறினும் வேண்டேன்

அரங்கமா நகரு ளானே

ஸ்ரீரங்கப் பெருமானை ஆனந்தமாக அனுபவித்துப்பாடுகின்றார் ஆழ்வார். கடும் பச்சை நிறத்தில் மேனி, பவளம் போல் வாய், தாமரைபோல் செங்கண்கள் இதற்குமேல் ஒன்றுஞ் சொல்ல இயலாமல் அச்சுதா, அமரர் தலைவர், ஆயர் தம் கொழுந்தே என்று சொல்வதால் ஏற்படும் சுவை, இன்பம் இவை தவிர வேறெதுவும் வேண்டேன் என்கின்றார். ஏனையவை எல்லாம் காலத்தால் அழிபவை.

வேதநூற் பிராயம் நூறு

மனிசர்தாம் புகுவரேலும்

பாதியும் உறங்கிப் போகும்

நின்றதில் பதினை யாண்டு

பேதை பாலகன தாகும்

புpணிபசி மூப்புத்துன்பம்

ஆதலால் பிறவி வேண்டேன்

அரங்கமா நகரு ளானே

சாஸ்திரப் பிரமாணப்படி மனிதன் ஆயுசு 100. முழுவாழ்வு வாழ்கின்றான். ஆழ்வார் கணித்துக் கூறுகின்றார் எவ்வாறு காலம் இறைதொடர்பில்லாமல் வீணாகிறதென்பதை. வாழ்க்கையில் பாதி நித்திரையில் கழியும். முதல் 15 ஆண்டுகள் அறிவு வளர்ச்சியற்ற பாலப்பருவம். மிகுதியிலும் நோய், முதுமைக்கால இயலாமை, வாழ்க்கையில் ஏற்படுந் துன்பங்கள் யாவற்றில் பெரும் பகுதி கழியும். ஆதலால் உன்னை விட்டுப் பிரிந்திருக்கும் பிறவியே வேண்டாம் என்கின்றார்.

மேலும் வாசிக்க

உலகச் செய்திகள்

.
கராச்சி குண்டு வெடிப்பில் உயிரிழந்தோரின் எண்ணிக்கை 45 ஆக உயர்வு: வலுவடையும் ஷியா, சுனி மோதல்
மாலைதீவின் முன்னாள் ஜனாதிபதி நஷீட் கைது!

கராச்சி குண்டு வெடிப்பில் உயிரிழந்தோரின் எண்ணிக்கை 45 ஆக உயர்வு: வலுவடையும் ஷியா, சுனி மோதல்

04/03/2013 பாகிஸ்தான் கராச்சி நகரில் நேற்று இடம்பெற்ற குண்டு வெடிப்பில் உயிரிழந்தோரின் எண்ணிக்கை 45 ஆக உயர்ந்துள்ளது.

கராச்சியில் அமைந்துள்ள சிதே பிரிவு முஸ்லிம்களின் பள்ளிவாசலொன்றின்  முன்னாலேயே இத்தாக்குதல் நடத்தப்பட்டுள்ளது.

மேலும் வாசிக்க

சந்திப்போம் வாழ்த்துவோம் - Meet & Greet

.

சந்திப்போம் வாழ்த்துவோம் - Meet & Greet

The Hills Holroyd Parramatta Migrant Resource Centre  இன் ஆதரவோடு யதார்த்தத்தை புரிந்து கொண்டு உதவிக்கரம் நீட்டும் தொண்டர்களாய் நினைவுகளை நிஜமாக்கும் பணியில் ஈடுபட்டுக்கொண்டிருப்பவர்கள் தான் 'சந்திப்போம் வாழ்த்துவோம்" குழுவினர்.

கடந்த கார்த்திகை திங்கள் 4ம் நாள் 2012 இல் சந்தித்த சில நலன் விரும்பிகளின் கருத்து பரிமாற்றமே இக்குழுவின் ஆரம்பம் எனலாம்.

கனமான உணர்வுகளோடு உறவுகளை பிரிந்து பிறந்த மண்ணை இழந்து எதிர்கால கனவுகளோடு படகேறி பயணித்த எம் உறவுகளுக்கு ஆறுதல் கூறி ஆதரவளிக்கும் ஒரு நிகழ்வாகவே இந்த சந்திப்பு இடம் பெற்றது.

நமது உறவுகள் தமது மனம் திறந்து உள்ளக்கிடக்கைகளை எதிர்பார்ப்புகளாக தெரிவித்த போது அவர்களுக்கு நம்மால் இயன்ற அடிப்படை உதவிகளை எவ்வாறு வழங்கலாம் என்ற கேள்விக்கு விடையாக அமைந்ததே இந்த 'சந்திப்போம் வாழ்த்துவோம்" குழுவாகும்.

மேலும் வாசிக்க

யுக்தி

.

அருகில் வந்த மனைவி யமுனா கேட்டாள்.
''நீங்க போகிறது உங்க பிரமோஷன் இண்டர்வியூவுக்கு. ஒரு நாள் தான் அங்கே இருக்க முடியும். அங்கே இருக்கிற உங்க சித்தப்பா மகன் முருகேஷை அவன் வேலை பார்க்கிற கம்பெனியில் போய்ப் பார்க்கணும். நேரத்துக்கு ரயிலைப் பிடிச்சுத் திரும்பணும். இத்தனை வேலைக்கிடையில் வருணையும் கூட்டிட்டுப் போய் என்ன பண்ணப் போறீங்க? அவன் படிப்பு வேற பாழாகும்.''
''எல்லாம் காரணமாத்தான் அழைச்சிட்டுப் போறேன். வந்ததும் பாரு,'' என்றார் சுப்புராம்.
இன்டர்வியூ முடிந்ததும் டைடல் பார்க் சென்றார்கள். அகன்ற லிஃப்டில் உயர்ந்து அந்த கம்ப்யூட்டர் கம்பெனியில் பிரவேசித்தார்கள்.
ஏ.சி. நாசியை வருடிற்று. அசத்தலான க்யூபிகள்களில் பிரபுக்கள் போல அமர்ந்து வண்ணத் திரைகளுடன் உறவாடி அமரிக்கையாக பிராஜெக்டுகளைப் படைத்துக் கொண்டிருந்த இளைஞர்களை பிரமிப்புடன் பார்த்துக் கொண்டே வந்தான் வருண். ஒவ்வொரு விஷயமாக முருகேஷிடம் கேட்க அவன் விளக்க, இரண்டு மணி நேரம் போனதே தெரியவில்லை இவனுக்கு.
பத்து நாட்களுக்குப் பின்...
'என்னங்க, வருண் ஆளே மாறிவிட்டான். இப்பல்லாம் முன்னைவிட நல்லா படிக்கிறான். நல்ல மார்க் வாங்கி முருகேஷ் வேலை பார்க்கிறது மாதிரி ஒரு பெரிய கம்ப்யூட்டர் கம்பெனியில் சேரப் போகிறானாம். யோசனையோடுதான் செயல் பட்டிருக்கீங்க!''
கணவரைப் பாராட்டினாள் யமுனா.
(01-08-2007 குமுதம் இதழில் வெளியான என் ஒரு பக்கக் கதை)

நிலைதடுமாறிய ஆஸி இரண்டாவது டெஸ்டையும் பறிகொடுத்தது

.

05/03/2013 அவுஸ்திரேலியாவுக்கு எதிரான இரண்டாவது டெஸ்ட் போட்டியில் இந்திய அணி இன்னிங்ஸ் மற்றும் 135 ஓட்டங்களால் அபார வெற்றி பெற்றுள்ளது.

மேலும் வாசிக்க

தமிழ் சினிமா

ஹரிதாஸ்

இன்றைய உலகில் பெரும்பாலான குழைந்தைகள் ஆட்டிசம் எண்ணும் நோயால் பாதிக்கப்படுகின்றனர். ஆட்டிசம் என்பது மூளை சம்பந்தப்பட்ட ஒரு குறைபாடு.

அப்படி ஆட்டிசத்தால் பாதிக்கப்பட்ட ஒரு சிறுவன்தான் ஹரிதாஸ். இந்த குறைபாடுள்ள குழந்தைகளுக்கு பிரத்யேக பயிற்சி கொடுத்தால் அவர்களும் தங்களின் அதீத திறமைகளை வெளிக்காட்டி இந்த உலகில் ஒரு சராசரி மனிதனாக வாழ முடியும் என்பதை உலகில் பல பேர் நிரூபித்துள்ளார்கள். ஆட்டிசம் குறைபாடுள்ள மகனுக்கும் ஒரு தந்தைக்கும் உள்ள உணர்சிப்போராட்டம் தான் இந்த படத்தின் கதை. கதாபாத்திரத்தை உணர்ந்து நடித்திருக்கிறார்கள் கிஷோர், சினேகா மற்றும் சிறுவன் ஹரிதாஸ்(பிரிதிவி ராஜ் தாஸ்). படத்தின் ஒரு வரிக் கதையை வைத்து படம் ஒரு ஆவணப்படம் எண்ணும் முடிவுக்கு வராதீர்கள். நேர்த்தியான கதையும் , திரைக்கதையும், ஒளிப்பதிவும் இந்த படத்தை சுவாரசியமாகவும் படத்தை வேறு ஒரு தளத்திற்கும் எடுத்து சென்றுள்ளது. மிடுக்கான காவல் துறை அதிகாரியாக வரும் கிஷோர், கதாபாத்திரத்திற்கு ஏற்ற மிடுக்கும் உடலமைப்பும் கொண்டதால், இவரை போலிஸ் அதிகாரியாக எளிதில் ஏற்றுக்கொள்ள முடிகிறது. இவர் ஒரு என்கவுண்டர் ஸ்பெஷலிஸ்ட். தன்னுடைய பாத்திரம் என்ன என்பதை அறிந்து நடித்திருக்கிறார். பல காட்சிகளில் நம் கண்களை குளமாக்கவும் தவறவில்லை. பள்ளி ஆசிரியையாக வரும் சினேகா, தன்னுடைய பாந்தமான நடிப்பில் அனைவரது உள்ளத்தையும் கொள்ளை கொண்டு செல்கிறார். சிறுவனை அரவணைத்து அவர் நடத்தும் விதத்தில், இந்த குறைபாடுள்ள குழந்தைகளிடம் ஆசிரியை எப்படி இருக்க வேண்டும் என்பதை மிக அழகாக தனது நடிப்பால் உணர்த்தியுள்ளார். அளவான நடிப்பு, தேவையான உணர்ச்சிகள் என்று தன்னுடைய கதாபாத்திரத்தை அழுத்தமாக பதிவு செய்துள்ளார் சினேகா. ஆட்டிசம் பாதிக்கப்பட்ட சிறுவனாக பிரிதிவிராஜ் தாஸ். படத்தின் மிகப்பெரிய பலமே இவன்தான். முகத்தில் எந்தவித உணர்ச்சியும் காட்டாமல் ஆரம்பம் முதல் நடிப்பை மட்டும் வெளிக்காட்டியுள்ளான். உண்மையிலேயே ஒரு ஆட்டிசம் குறைபாடுள்ள ஒரு சிறுவன் நடித்தல் எப்படி இருக்குமோ அந்த அளவுக்கு நடிப்பில் கச்சிதம். பரோட்டா சூரி, நாளுக்கு நாள் நடிப்பிலும் நகைச்சுவையிலும் மனுஷன் நல்ல தேர்ச்சி பெற்றுள்ளார். கிஷோருக்கு டிரைவர்ராக வரும் சூரி, பண்ணும் நகைச்சுவை காட்சிகள் நன்றாக சிரிக்கும்படி இருக்கின்றன. பள்ளிகூடத்தில் குழந்தைகளிடம் இவர் வாங்கும் மொக்கையே சான்று. ஆட்டிசம் குழந்தைகளிடம் உள்ள நல்ல விடயங்களை எடுத்துக் கூறும் யூகி சேது, இந்த நோயை பற்றிய விழிப்புணர்வையும் ஏற்படுத்த தவறவில்லை. அந்த அளவுக்கு இந்த நோயை பற்றி ஆராய்ந்துள்ளார் இயக்குனர். ஒரு இடத்தில் கூட மிகைப்படுத்தி கூறாமல், அளவாக எடுத்து கூறியதற்கு ஸ்பெஷலாக பாராட்ட வேண்டும். இந்த நோயினால் பாதிக்கப்பட்டுள்ள குழந்தைகளின் பெற்றோர் எந்த அளவுக்கு மனதில் வலியுடன் உள்ளார்கள் என்பதனையும் , அப்படிப்பட்ட குழந்தைகளின் கஷ்டங்களையும் மிக நேர்த்தியாக கூறியுள்ளார். இவரின் முந்தைய படங்களுக்கும் இதற்கும் நிச்சயமாக எந்த ஒரு சாயலுமே இருக்காது. இந்த படத்திற்கு முதன்முதலாக கதை திரைக்கதை எழுதி இயக்கியும் உள்ளார். நீண்ட நாட்களுக்கு பிறகு ஒரு உணர்ச்சி ததும்ப வந்துள்ள படம். அனைவரும் இன்றைய சூழலில் பார்க்கவேண்டிய படமும் , தெரிந்து கொள்ளவேண்டிய படமாகவும் உள்ளது. நடிகர் : கிஷோர் நடிகை : சினேகா இயக்குனர் :ஜி.என்.ஆர் குமரவேல் அமிரீன் ஆதி-பகவன் உருவ ஒற்றுமை உள்ள ஆதி–பகவன் என்ற இரண்டு நபர்களிடையே நடக்கும் வித்தியாசமான யுத்தம் தான் இப்படத்தின் கதை. மும்பை நகரின் பயங்கரமான தாதாவாகயிருக்கிறான் பகவான். இவன் மீது பதினெட்டு கொலை வழக்குகள் உள்ள நிலையில் மத்திய மந்திரியின் தம்பியை அவர் கண்முன்பே கொன்று விடுவதால் தம்பியை இழந்த மந்திரி, பகவானை ‘என்கவுன்டர்’ செய்ய ஏற்பாடு செய்கிறார். கதாநாயகி நீந்து சந்திரா பகவானின் காதலி. அவனை என்கவுன்டரில் இருந்து காப்பாற்ற பாங்காக் சென்று பகவான் போன்ற உருவ தோற்றம் கொண்ட ஆதியை மயக்கி மும்பைக்கு அழைத்து வந்து கொன்றுவிட ஏற்பாடு செய்கிறாள். அவளுடைய திட்டம் நிறைவேறியதா, இல்லையா? என்பது தான் இப்படத்தின் கதை. ஆதி–பகவான் என இரண்டு வேடங்களில், ஜெயம் ரவி அமர்க்களப்படுத்தியிருக்கின்றார். ஆதியாக பாங்காக்கில் பணக்கார போதையில் வாழ்ந்து கொண்டிருக்கும் ஸ்டைலான ஜெயம் ரவி ரசிக்க வைக்கிறார். ‘பகவான்’ கதாபாத்திரம் ஜெயம் ரவிக்கு இன்னொரு மைல் கல் என்று சொல்லலாம். சண்டை காட்சிகளில் அபாயத்தின் உச்சத்தை தொட்டு விளையாடியிருக்கிறார். குறிப்பாக பொலிசாரிடமிருந்தும், முரட்டுத்தனமான பணக்காரர்களிடமிருந்து தப்புவதற்காக மோதுகிற சண்டை காட்சியும், நீத்து சந்திராவுடன் மோதும் சண்டை காட்சியும், படம் பார்ப்பவர்களை இருக்கையின் நுனியில் அமரவைக்கின்றது. அனுதாபத்துக்குரிய ‘பார் கேர்ள்’ ஆகவும், ஒரு பயங்கர தாதாவின் காதலியாகவும் இரண்டு மாறுபட்ட முகங்களை காட்டியிருக்கிறார் நீத்து சந்திரா. பொலிஸ் அதிகாரியாக அனிருத், கடத்தல் கும்பலின் தலைவனாக பாபு ஆன்டனி, ஜெயம் ரவியின் தாயாக சுதாசந்திரன், ரவுடி கும்பலின் தலைவனாக ‘வேட்டைக்காரன்’ ரவி, மந்திரியின் தம்பியாக ரவிசங்கர், எம்.பி.யாக பாலாசிங் என படத்தில் நிறைய நட்சத்திரங்கள் நடித்துள்ளனர். தேவராஜின் ஒளிப்பதிவில் பாங்காக், மும்பை நகரங்களின் அழகையும் பிரமிப்புகளையும் நேரில் பார்த்தது போன்று திருப்தியாக இருந்தாலும் யுவன்ஷங்கர்ராஜாவின் இசையில் பாடல்களைவிட பின்னணி இசை தான் கதையோட்டத்துக்கு உதவியிருக்கிறது. இந்தியாவில் இருந்து தாய்லாந்துக்குப் போய் பாங்காக் நகரில் கஷ்டப்பட்டு தப்பான வழியில் பணம் சம்பாதித்த ஒரு கிரிமினல் ஆசாமி ஒரு பெண்ணை சந்தித்தவுடன் சுலபமாக நம்பிவிடுவானா? எந்த பாதுகாப்பும் இல்லாமல் மும்பைக்கு புறப்பட்டு வருவானா? என்ற கேள்விகள் எழுந்தாலும், எதிர்பாராத திடீர் திருப்பங்களும், திகிலூட்டும் சண்டை காட்சிகளும், இதுவரை பார்த்திராத காட்சி அமைப்புகளும் திருப்தியை ஏற்படுத்திகின்றன. அமீரின் இயக்கத்தில் இது வரை கண்டிராத ஒரு புதிய பரிணாமத்தை இப்படம் கொடுத்துள்ளது. நடிப்பு: ஜெயம் ரவி, நீத்து சந்திரா, பாபு ஆன்டனி, சுதா சந்திரன் ஒளிப்பதிவு: தேவராஜ் இசை: யுவன் சங்கர் ராஜா தயாரிப்பு: ஜெ அன்பழகன் இயக்கம்: அமீர் நன்றி விடுப்பு