கவிதை - சுந்தர வதனம் - மெல்போர்ன் அறவேந்தன்

 

அம்பலம் - கவிக்கோ அப்துல் ரகுமானின் கவிதை

 .

‘பித்தன்’ ‘பித்தன்’ என்ற
கூச்சல்களையும்
கற்களையும்
அவன் மீது
எறிந்துகொண்டிருந்தார்கள்.
அவன் சிரித்துக்கொண்டிருந்தான்.
அவன் காயங்களும்
சிரித்துக்கொண்டிருந்தன.
அப்படித்தான் அவனை
முதன் முதலாகப் பார்த்தேன்.
நீ பித்தனா? என்று கேட்டேன்.
நீ கல்லா? என்றான்.
நான் காயப்பட்டேன்.
நீ எப்படிப்
பித்தன் ஆனாய்? என்றேன்.
ஒருமுறை தற்செயலாய்
உண்மையைப்
பின் பக்கமாய்ப்
பார்த்துவிட்டேன்.
அப்போது
சகல இரவுகளுக்குமான
சூரியோதயம் நடந்தது.
திரைகள் விலகின.
எதிர்ப்பதங்கள்
கைகோத்து
நடனமாடக்கண்டேன்.
முரண்கள்
முகமூடியைக் கழற்றிவிட்டு
முத்தமிடக் கண்டேன்.
காலமும் இடமும் மறைய
எல்லாம்
ஒன்றாவதைக் கண்டேன்.
உண்டும் இல்லையும்
அர்த்தம் இழந்தன.
அந்தத் தருணத்தில்
அறிவுச் சிறையிலிருந்து
நான் விடுதலை ஆனேன்.
என்றான்.
அவர்கள் ஏன் உன்மீது
கல்லெறிகிறார்கள்? என்றேன்.
நான் அவர்களுடைய
அந்தரங்கத்தின் கண்ணாடி.
அதனால்தான் என்னை
உடைக்கப் பார்க்கிறார்கள் என்றான்.

எழுத்தும் வாழ்க்கையும் ( இரண்டாம் பாகம் ) அங்கம்- 70 ஒரு குழந்தை எனக்கு வழங்கிய விருது ! தலைமுறைகள் தாண்டியும் வளரும் உறவு !! முருகபூபதி

எனது சிறிய வயதில் நான் நேசம் பாராட்டிய குழந்தைகள், வளர்ந்து பெரியவர்களாகி, மணம் முடித்து பிள்ளைகள் பெற்று, அந்தப் பிள்ளைகளுக்கும் மணமாகி குழந்தைகள் பெற்றபின்னர் , மூன்றாவது தலைமுறையை நான் சந்திக்க நேர்ந்தாலும்,  தொடக்கத்தில் நான் நேசம் பாராட்டிய அந்தக் குழந்தைகள், என்னதான் வயதால் முதிர்ச்சியடைந்திருந்தாலும்,  எனது பார்வையில் இன்னமும் குழந்தைகள்தான்.

எனக்கு 1954 ஆம் ஆண்டு நீர்கொழும்பில்,  விஜயதசமியன்று ஏடுதுவக்கி வித்தியாரம்பம் செய்து வைத்த ஆசிரிய பெருந்தகைகளில் ஒருவரான ( மற்றவர் அமரர் பண்டிதர் க. மயில்வாகனன் ) திருமதி மரியம்மா திருச்செல்வம் அவர்களுக்கு மூன்று பெண்பிள்ளைகள்.

எமது நீர்கொழும்பு விவேகானந்தா வித்தியாலயம் ( இன்றைய விஜயரத்தினம் இந்து மத்திய கல்லூரி ) 1954 ஆம் ஆண்டு விஜயதசமி நாளன்று தொடங்கப்பட்டபோது,  என்னோடு சேர்த்து 32 குழந்தைகளுக்கு ஏடு துவக்கினார்கள்.

அந்தப்பாடசாலையின் முதலாவது மாணவனாக                                         ( சேர்விலக்கம் -01 ) நான்  இணைத்துக்கொள்ளப்பட்டேன்.

திருமதி திருச்செல்வம் அவர்கள் எமக்கு ஆசிரியையாக மாத்திரம் அறிமுகமாகவில்லை. எமக்கு அவர் மற்றும் ஒரு தாயார்.  அவரது கணவரை நாம்   “ பப்பா  “ என அழைப்போம். அதற்குக் காரணம் : அவர்களின் மூன்று குழந்தைகளுமான செல்வராணி, செல்வமணி, செல்வ நளினி ஆகியோரும் தமது தந்தையாரை “  பப்பா“  எனத்தான் அழைப்பார்கள்.

அவர் இலங்கை விமானப்படையில் உயர் அதிகாரியாக பணியாற்றியவர். 1960 களில் அவர் மேற்படிப்பிற்காக இங்கிலாந்து சென்றபோது,  இரண்டாவது குழந்தை செல்வமணிக்கு மூன்றுவயதுதான் இருக்கும்.

பப்பா லண்டன் போனார்  என்பதை, யன்னலுக்குப் போனார் என்றுதான் மழலைக்குரலில் சொல்லி எம்மை சிரிப்பில் ஆழ்த்துவார்.

இலங்கைவாழ் தமிழர் நலன்விரும்பிகள் அமைப்பு. தமிழ் அரசியல் கட்சித் தலைவர்களுக்கு அவசர வேண்டுகோள்.

28 ஜூன் 2023:

அன்பார்ந்த தமிழ் அரசியல் கட்சி தலைவர்களே,

வடக்கு மற்றும் கிழக்கு மாகாணங்களில் முழுமையாக இயங்கும் மாகாணசபை அரசியலமைப்பின் 13 ஆவது திருத்தத்தை முழுமையாக அமுல்படுத்துவதுடன், புலம்பெயர்ந்த தமிழர்களிடையே பரந்த ஈடுபாட்டிற்கு மிகவும் தேவையான நம்பிக்கையை அளிக்கும் என்ற கருத்து வளர்ந்து வருகிறது. இது நிலையான முதலீடுகளை மாகாணங்களுக்கு கொண்டு வரும். கடந்த 5 வருடங்களாக இந்த மாகாணங்களில் நடத்தப்படாத மாகாண சபைத் தேர்தலை நடத்துவதற்கு தெரிவு செய்யப்பட்ட தமிழ் நாடாளுமன்ற உறுப்பினர்களுக்கு WTSL வேண்டுகோள் விடுக்கிறது. எந்த தாமதமும் நம் மக்களின் சமூக-பொருளாதார நல்வாழ்வை கடுமையாக பாதிக்கும்.

கடந்த 2023 ஆம் ஆண்டு மே மாதம் 15 ஆம் திகதி ஜனாதிபதியுடனான சந்திப்பின் போது தமிழ் நாடாளுமன்ற உறுப்பினர்கள் எடுத்த ஒற்றுமையான நிலைப்பாட்டை WTSL வரவேற்கிறது. எனினும், இது மக்களுக்கோ அல்லது சர்வதேச சமூகத்திற்கோ தெளிவாகத் தெரிவிக்கப்படவில்லை. தமிழ் நாடாளுமன்ற உறுப்பினர்களின் கோரிக்கை. தமிழர் கட்சிகளுடன் பேச்சுவார்த்தையை ஆரம்பித்துள்ளதாகவும், முக்கியமான விடயங்களில் முன்னேற்றம் கண்டுள்ளதாகவும் ஜனாதிபதி லண்டனில் பகிரங்கமாக கூறியிருப்பதை நீங்கள் அறிவீர்கள். 2023 ஆம் ஆண்டு ஜூன் 20 ஆம் திகதி UNHRC இன் 53 ஆவது அமர்வில் ஐக்கிய இராச்சியத்தின் மனித உரிமைகள் தூதுவர் ரீட்டா பிரெஞ்ச் வழங்கிய இலங்கை முக்கிய குழு அறிக்கையிலும் இது பிரதிபலிக்கிறது. நீண்ட கால தடுப்புகள் மற்றும் ஊழல். அனைத்து இன மற்றும் மத சமூகங்களிலிருந்தும் அனைத்து இலங்கையர்களின் உரிமைகளைப் பாதுகாப்பதற்கான ஒரு செயல்முறையைத் தொடங்குவதற்கு இந்த நடவடிக்கைகள் ஒரு அடிப்படையை வழங்க முடியும். (UN HRC53: இலங்கை தொடர்பான முக்கிய குழு அறிக்கை - GOV.UK (www.gov.uk)

இதனைத் தொடர்ந்து ஐக்கிய நாடுகளின் மனித உரிமைகளுக்கான பிரதி உயர்ஸ்தானிகர் Nada Al-Nashif சமர்ப்பித்த வாய்மொழி அறிக்கை, “ஜனாதிபதி தமிழ் அரசியல் கட்சிகளுடன் ஆரம்பித்துள்ள பேச்சுவார்த்தையை நாங்கள் ஊக்குவிக்கிறோம் மற்றும் தொல்லியல் துறைக்காக நிலம் கையகப்படுத்துவதை நிறுத்துவதாக அவர் அளித்த வாக்குறுதியை வரவேற்கிறோம். வனவியல் அல்லது பாதுகாப்பு நோக்கங்கள் - உள்ளூர் மோதல்கள் மற்றும் பதற்றத்தின் அதிகரித்து வரும் ஆதாரம். மேலும் உள்ளடக்கிய நினைவகத்திற்கான திட்டங்கள் மற்றும் கடந்த காலத்தை கையாள்வதற்கான பிற வடிவங்கள் அறிவிக்கப்பட்டுள்ளன. (https://www.ohchr.org/en/statements/2023/06/sri-lanka-promoting-reconciliation-accountability-and-rights)

இந்த இரண்டு அறிக்கைகளிலும் 13 A ஐ முழுமையாக அமுல்படுத்துவது பற்றியோ அல்லது UNHRC தீர்மானம் 51/1 இல் கோரப்பட்ட மாகாண சபைத் தேர்தல் பற்றியோ எதுவும் குறிப்பிடப்படவில்லை.

மாகாண சபைத் தேர்தலுக்கு அழைப்பு விடுக்கும் ஐயத்திற்கு இடமில்லாத அறிக்கையை ஐக்கியமாக வெளியிடுமாறும், உறுதியான பதிலைப் பெறுவதற்கு ஜனாதிபதியுடன் முன்கூட்டியே சந்திப்பை நாடுமாறும் தமிழ்க் கட்சிகளுக்கு WTSL வேண்டுகோள் விடுக்கிறது. ஜூலை 21 ஆம் தேதி ஜனாதிபதியின் திட்டமிடப்பட்ட பயணத்திற்கு முன்னர் இது டெல்லிக்கு ஒரு தெளிவான செய்தியை அனுப்பும் என்று நாங்கள் நம்புகிறோம், மேலும் இந்திய-இலங்கை ஒப்பந்தத்தின் நோக்கங்களின் கீழ் தகுந்த அழுத்தத்தை பிரயோகிக்க முடியும். கடந்த ஆண்டு ஏற்பட்ட கடுமையான பொருளாதார நெருக்கடியில் இருந்து நாடு இன்னும் மீண்டு வரும் நிலையில், இந்தியாவின் உதவியுடன் 13A ஐ முழுமையாக அமுல்படுத்துமாறு சிங்கள அரசியல் தலைவர்களுக்கு அழுத்தம் கொடுப்பதற்கு இதைவிட சிறந்த தருணம் இல்லை.

மேலும், ஐ.நா மனித உரிமைகள் ஆணையாளரின் 51/1 தீர்மானம் தொடர்பான முழுமையான எழுத்துமூலம் 2023 செப்டெம்பர் மாதம் UNHRC யின் 54வது அமர்வில் சமர்ப்பிக்கப்படும். இந்த விடயங்கள் குறித்து தமிழ் கட்சிகள் இப்போது தெளிவான அறிக்கை ஒன்று தீவிரமாக பரிசீலிக்கப்படும். முழு எழுதப்பட்ட புதுப்பிப்பு மூன்று மாதங்களில் தொகுக்கப்படும்.

மறுபிறவி - பொன் விழா ஆண்டில் இந்த படங்கள் - ச சுந்தரதாஸ்

 புகழ் பெற்ற மனோதத்துவ மருத்துவராகவும்,

பகுத்தறிவுவாதியாகவும் திகழ்ந்தவர் ஆப்ரஹாம் கோவூர். இந்தியாவின் கேரளாவை பூர்வீகமாகக் கொண்ட இவர் , இலங்கைக்கு குடிபுகுந்து , கொழும்பு பாமன்கடை பகுதியில் வாழ்ந்து வந்தார். மனோரீதியில் பாதிக்கப்பட்ட பலர் இவரிடம் சிகிச்சைக்கு வந்து நலம் பெற்றுள்ளனர். இவ்வாறான தனது அனுபவங்களை அவர் இலங்கையில் , தமிழில் இரண்டு நூல்களாக தொகுத்து வெளியிட்டிருந்தார். அவை நல்ல வரவேற்பையும் பெற்றன.

மலையாள சினிமாவில் பிரபல இயக்குநராகத் திகழ்ந்தவர் கே எஸ்

சேதுமாதவன். வித்தியாசமான கதைகளை படமாக்குவதில் ஆர்வம் உள்ள இவர் கோவூரின் அனுபவத்தை அடிப்படையாகக் கொண்டு , அவர் சிகிச்சை அளித்த சம்பவத்தை மலையாளத்தில் புனர் ஜென்மம் என்ற பெயரில் படமாக்கினார். பிரேம் நசீர், ஜெயபாரதி நடித்த இந்தப் படம் வெற்றி பெற்றது. இந்தப் படத்தின் வெற்றி கண்ணை உறுத்தவே இயக்குனர் டி ஆர் ராமண்ணா இந்தப் படத்தை மறுபிறவி என்ற பெயரில் தமிழில் இயக்கினார்.

கல்லூரி ஆசிரியரான இளங்கோ , தன்னிடம் கல்வி பயிலும் சாரதாவை காதலிக்கிறார். சாரதாவும் அவரை காதலிக்கவே , ஆரம்பத்தில் அவர்கள் காதலை மறுக்கும் சாரதாவின் தந்தை பின்னர் அவர்கள் காதலுக்கு சம்மதம் வழங்குகிறார். திருமணம் நடந்து தம்பதிகள் தனிக் குடித்தனம் போகிறார்கள். மகிழ்ச்சியுடன் தொடங்கும் அவர்கள் புது வாழ்வு விரைவில் கசக்கிறது. தாம்பத்ய உறவில் இளங்கோ ஆர்வம் காட்டாததை கண்டு சாரதா துடிக்கிறாள். இளங்கோவுக்கு காம உணர்வை ஏற்படுத்த பூஜை, புனஸ்காரம் மலையாள மாந்த்ரீகம் என்று பல வழிகளை சாரதாவின் தந்தை நாடுகிறார். ஆனால் ஒன்றும் பலனளிக்காமல் போகவே இறுதியில் மனோதத்துவ டொக்டரான கோவூரை நாடுகிறார்கள். அவரால் அவர்களின் பிரச்னைக்கு தீர்வு தர முடிந்ததா என்பதே படத்தின் மீதிக் கதை.

படத்தில் இளங்கோவாக முத்துராமனும், சாராதாவாக மஞ்சுளாவும் நடித்தனர். தன் பாத்திரம் அறிந்து இயல்பாக நடித்திருந்தார் முத்துராமன். மஞ்சுளாவுக்கு சற்று கடினமான வேடம். ஆனாலும் அதனை முறையாகக் கையாண்டிருந்தார் அவர். ஆரம்பத்தில் இளமைத் ததும்ப , வித விதமாக ஆடைகள் அணிந்து வரும் அவர் பின்னர் உணர்ச்சிகரமாக நடித்திருந்தார்.

படத்தில் பரபரப்பாக இடம்பெற்றது படுக்கை அறை பாடல் காட்சிதான். இந்தக் காட்சியில் மஞ்சுளாவும், முத்துராமனும் படுக்கையில் நடத்தும் ரொமான்ஸ் இது வரை காலமும் தமிழ் திரை காணாத காட்சி எனலாம்! அந்த காட்சி தணிக்கைக்கு தப்பியது ரசிகர்களின் அதிர்ஷ்டம்தான்!.

இலங்கைச் செய்திகள்

 விஜயகலா மகேஸ்வரன் படுகாயம்; சிலாபம் ஆஸ்பத்திரியில் அனுமதி

உலக வங்கி இலங்கைக்கு 700 மில்லியன் டொலர் கடனுதவி

ஜப்பான் புறப்பட்ட ஸ்ரீலங்கன் விமானம் 02 மணிநேரத்தில் மீண்டும் தரையிறக்கம்

மனிதாபிமான பணியில் ஈடுபடுவதற்கான முக்கியத்துவத்தையும் திருப்தியையும் ஹஜ் பிரதிபலிக்கிறது

கட்டுநாயக்கவில் கால்பதிக்கும் சீன விமானம்

விஜயகலா மகேஸ்வரன் படுகாயம்; சிலாபம் ஆஸ்பத்திரியில் அனுமதி

Friday, June 30, 2023 - 6:00am

வானில் பயணித்த மேலும் 04 பேர் காயம்

புத்தளம்- − கொழும்பு பிரதான வீதியில், முந்தல் பொலிஸ் பிரிவுக்குட்பட்ட மங்களவெளி பிரதேசத்தில் நேற்று (29) அதிகாலை இடம்பெற்ற விபத்தில் முன்னாள் இராஜாங்க அமைச்சர் விஜயகலா மகேஸ்வரன் உட்பட நால்வர் காயமடைந்து, சிலாபம் பொது வைத்தியசாலையில் அனுமதிக்கப்பட்டுள்ளனர்.

உலகச் செய்திகள்

 ரஷ்ய இராணுவத்தில் சேரும் நேபாள இளைஞர்கள்

உக்ரைனிய உணவகம் மீது ரஷ்யா ஏவுகணை தாக்குதல்

விண்வெளிச் சுற்றுலா ஆரம்பம்

இந்திய விமானப் படைக்கு என்ஜின் தயாரிக்க ஒப்பந்தம்

ரஷ்ய இராணுவத்திடம் ஆயுதங்களை கையளிக்கிறது வாக்னர் கூலிப்படை

ரஷ்ய இராணுவத்தில் சேரும் நேபாள இளைஞர்கள்

Friday, June 30, 2023 - 6:00am

நேபாளாத்தைச் சேர்ந்த பல இளைஞர்கள் படித்து விட்டு வேலை தேடுவதில் சிரமங்களை சந்தித்து வந்த நிலையில் தான் யுக்ரேன் மீது ரஷ்யா போர் தொடுத்தது. ஆயிரக்கணக்கான ரஷ்ய வீரர்கள் இப் போரில் இறந்தனர்.

அதன் விளைவாக ரஷ்ய இராணுவத்தில் சேர படைவீரர்கள் தேவைப்பட்டனர்.

ஸ்ரீ மஹா சுதர்சன யாகம் ஞாயிற்றுக்கிழமை, 2 ஜூலை 2023

 

  

இறைவன் சுதர்சன மூர்த்தி தனது குணப்படுத்தும் பண்புகளுக்கு பெயர் பெற்றவர். எனவே ஸ்ரீ சுதர்சன ஹோமம் செய்வதன் மூலம் அறியப்படாத உடல்நலக் கஷ்டங்கள், தீய கண் பார்வைகள், எதிர்பாராத இயற்கை சீற்றங்கள் போன்றவற்றில் இருந்து நிவாரணம் கிடைக்கும். ஜூலை 2, 2023 ஞாயிற்றுக்கிழமை ஸ்ரீ சுதர்ஷன மகா யாகம் நடைபெறும் - காலை 8 மணிக்கு விஸ்வக்சேன பூஜை, புண்யவாச்சனன், கலச பிரதிஷ்டையுடன் பூஜை விதானம் தொடங்குகிறது, அதைத் தொடர்ந்து ஸ்ரீ சுதர்சன மூல மந்திர ஹோமம், மஹா பூர்ணாஹுதி, ஸ்ரீ சுதர்சன மூர்த்தி மற்றும் ஸ்ரீ யோக நரசிம்மருக்கு சிறப்பு அபிஷேகம்… . ஷோடஷோபசார தீபாராதனையைத் தொடர்ந்து ஸ்ரீ சுதர்சன உற்சமூர்த்தி கோயில் வளாகத்தைச் சுற்றி ஊர்வலம் நடந்தது. சடங்கு நன்கொடைகள்: ஹோமம் - $101 அபிஷேகம் - $101 அர்ச்சனா - $20 ஸ்ரீ சுதர்சனர் மற்றும் ஸ்ரீ நரசிம்மருக்கு மாலை - தலா $95.

ஆடிப்பூரம் தேர்த் திருவிழா 22/07/2023

 

12/07/2023 புதன்கிழமை	ஆடிப்பூரம் ஆரம்பம்  நாள்-1	மாலை 05.30 மணி விநாயகர் பூஜை  இரவு 07.30 வசந்த மண்டப பூஜை  இரவு 08.00 மணி விநாயகர் ஊர்வலம்
13/07/2023 வியாழன்	ஆடிப்பூரம் அலங்கார உற்சவம்   நாள்-2	மாலை 05.30 மணிக்கு துர்காதேவிக்கு சிறப்பு அபிஷேகம்   இரவு 07.30 வசந்த மண்டப பூஜை   இரவு 08.00 மணிக்கு துர்க்கை அம்மன் ஊர்வலம்
14/07/2023 வெள்ளிக்கிழமை	உற்சவம்  நாள்-3	மாலை 05.30 மணிக்கு துர்காதேவி, லட்சுமி, சரஸ்வதிக்கு சிறப்பு அபிஷேகம்.  இரவு 07.30 வசந்த மண்டப பூஜை   இரவு 08.00 மணிக்கு துர்க்கை அம்மன் ஊர்வலம்
15/07/2023 சனிக்கிழமை	ஆடிப்பூரம் அலங்கார உற்சவம்  நாள்-4	மாலை 05.30 மணி துர்காதேவிக்கு சிறப்பு அபிஷேகம் சனி பிரதோஷம்  இரவு 07.30 வசந்த மண்டப பூஜை   இரவு 08.00 மணிக்கு துர்க்கை அம்மன் ஊர்வலம்
16/07/2023 ஞாயிறு	ஆடிப்பூரம் அலங்கார உற்சவம் நாள்-5	மாலை 05.30 மணி துர்காதேவிக்கு சிறப்பு அபிஷேகம்  இரவு 07.30 வசந்த மண்டப பூஜை  இரவு 08.00 மணிக்கு துர்க்கை அம்மன் ஊர்வலம்
17/07/2023 திங்கட்கிழமை	ஆடிப்பூரம் அலங்கார உற்சவம் நாள்-6	மாலை 05.30 மணி துர்காதேவிக்கு சிறப்பு அபிஷேகம் ஆடி அமாவாசை  இரவு 07.30 மணிக்கு வசந்த மண்டப பூஜை   இரவு 08.00 மணிக்கு துர்க்கை அம்மன் ஊர்வலம்
18/07/2023 செவ்வாய்கிழமை	ஆடிப்பூரம் அலங்கார உற்சவம்  நாள்-7	மாலை 05.30 மணிக்கு துர்காதேவிக்கு சிறப்பு அபிஷேகம்.  இரவு 07.30 வசந்த மண்டப பூஜை முதல் ஆடி செவ்வாய்  இரவு 08.00 மணிக்கு துர்க்கை அம்மன் ஊர்வலம்
19/07/2023 புதன்கிழமை	ஆடிப்பூரம் அலங்கார உற்சவம் நாள்-8	மாலை 05.30 மணி துர்காதேவிக்கு சிறப்பு அபிஷேகம்  இரவு 07.30 வசந்த மண்டப பூஜை  இரவு 08.00 மணிக்கு துர்க்கை அம்மன் ஊர்வலம்
20/07/2023 வியாழன்	ஆடிப்பூரம் அலங்கார உற்சவம் நாள்-9	மாலை 05.30 மணிக்கு துர்காதேவிக்கு சிறப்பு அபிஷேகம்  இரவு 07.30 வசந்த மண்டப பூஜை   இரவு 08.00 மணிக்கு துர்க்கை அம்மன் ஊர்வலம்
21/07/2023 வெள்ளிக்கிழமை	ஆடிப்பூரம் அலங்கார உற்சவம்  நாள்-10	மாலை 05.30 மணிக்கு துர்காதேவிக்கு சிறப்பு அபிஷேகம்.  இரவு 07.30 மணி வசந்த மண்டப பூஜை   இரவு 08.00 மணிக்கு துர்க்கை அம்மன் ஊர்வலம்
22/07/2023 சனிக்கிழமை	தேர்த்  திருவிழா   சிறப்பு பால் (பால்குடா) அபிஷேகம்	காலை 09.00 மணி துர்காதேவிக்கு சிறப்பு அபிஷேகம்  காலை 11.00 மணி தேர் திருவிழா  ஆடிப்பூரம் மாலை 6.00 மணிக்கு சிறப்பு பால்குடம் (பால்குடா) அபிஷேகம்  மாலை 06.30 மணி துர்க்கை அன்னைக்கு சிறப்பு பூஜை   இரவு 7:30 மணிக்கு நவசக்தி அர்ச்சனை