மரண அறிவித்தல்

யாழ்ப்பாணம் இந்துக் கல்லூரியின் முன்னாள் அதிபர் சரவணமுத்து பொன்னம்பலம் அவர்கள் 23.07.2018 திங்கட்கிழமை சிட்னியில் அவரது இல்லத்தில் இறைபதமடைந்தார். 

அன்னார் வைத்தியகலாநிதி குணபூபதி அவர்களின் அன்பு கணவரும் கலாநிதி விசாகன் அவர்களின் பாசமிகு தந்தையும் திருமதி விசாகன் கோமதி அவர்களின் மாமனாரும் சேயோன், யுவன்,தாரிண ஆகியோரின் பேரனும், காலம் சென்ற சர்வேந்திரன்(USA) சறோஜாதேவி(UK) ஆகியோரின் அன்புச்சகோதரனும், தர்மராஜா(UK) சிவபாலன்(AUSTRALIA) ஆனந்தகுமாரசுவாமி  (UK)  விஜயலட்சுமி  (UK) ஆகியோரின் மைத்துனருமாவார்.

அன்னாரின் பூதவுடல் 25.07.2018 புதன்கிழமை 101 South Street, Granville ல் அமைந்துள்ள Liberty Funeral ல் பிற்பகல் 6 மணியிலிருந்து  8 மணிவரை பார்வைக்கு வைக்கப்பட்டு

26.07.2018 வியாழக்கிழமை memorial avenue, lidcome ல் அமைந்துள் south chapel rockwood மயனாத்தில் பிற்பகல்12.30 மணியிலிருந்து பிற்பகல் 3.30 மணிவரை இறுதிக்கிரிகைகள் செய்யப்பட்டு பின்னர் பூதவுடல் தகனம் செய்யப்படும். இவ்வறிவித்தலை உற்றார் உறவினர் நண்பர்கள் அனைவரும் ஏற்றுக் கொள்ளும் படி கேட்டுக்கொள்ளப்படுகிறீர்கள். 

தகவல்

திரு. கே. சிவபாலன்

மைத்துனர்

0418488804

ஆண்டவர்க்கே புரியவில்லை ! - ( எம் . ஜெயராமசர்மா ..... மெல்பேண் .... அவுஸ்திரேலியா )

                       நிலவினிலே காலை வைத்தான் 

                            நீள்கடலை சுற்றி வந்தான் 

                       வளம் கொழிக்க வைப்பதற்கு

                             வகுத்து நின்றான் பலவழியை 

                       அளவில்லா ஆசை கொண்டு 

                             ஆற்றி நின்றான் ஆராய்ச்சி 

                        ஆனாலும் அவன் மனமோ 

                             அமைதி நிலை அடையவில்லை ! 

                     ஆண்டவனைப்  பழித்து  நின்றான் 

                           அவதூறாய்ப்  பேசி  நின்றான் 

                     அறம்பற்றி  நியாயம்  பற்றி 

                          அதிகமாய்  கிண்டல்  செய்தான் 

                     இறப்போடு பிறப்பு எல்லாம் 

                          ஏன் இங்கே வருகுதென 

                    இன்றுவரை குழப்பி  நின்று  

                        இவன் தெரியா உலைகின்றான் ! 

                   வாதம்  பல   செய்கின்றான் 

                        வழக்கு  பல காணுகிறான்

                   ஆதாயம் தேடித்  தேடி 

                        அறம் தொலைத்து நிற்கின்றான் 

                   அன்னை தந்தை பாசம்கூட

                          அவன் மனதில் காணவில்லை

                   அவன் மனமோ என்னாளும்

                          அல்லலில் தான் உழல்கிறது  ! 

                   ஆண்டவனின் படைப்பு அதனில்

                        அவன் படைப்பே உயர்வாகும்

                   அவனுக்கே ஆற்றல் பல

                         ஆண்டவனே  வழங்கி  உள்ளான் 

                   ஆனாலும் அவன் போக்கோ

                        ஆண்டவர்க்கே புரிய வில்லை

                    அவன் மட்டும் இவ்வுலகில் 

                           அதையெண்ணா வாழுகிறான் இவ்வுலகில் ! 

                          

                

                     

                 

                          

வாழ்வை எழுதுதல் - அங்கம் 01 "நந்தவனத்தில் ஓர் ஆண்டி, கூத்தாடி கூத்தாடி போட்டுடைத்தான்டி" அலிபாபாவும் நாற்பது திருடர்களும் - முருகபூபதி

அவருக்கு வயது 80  இற்கும்  மேலிருக்கும். நல்ல ஆரோக்கியத்துடன் இயங்குபவர். அதிகாலையே எழுந்துவிடுவார்.  தினமும் ஒரு மணி நேரம் நடைப்பயிற்சியில்  ஈடுபடுகிறார்.  அரைமணி நேரம் தேகப்பயிற்சி  செய்கிறார். தினமும் இரவில் ஒரு திரைப்படமும் பார்த்துவிடுவார்.  முக்கியமாக பழைய திரைப்படங்கள்! சிகரட், குடி என்று எந்த தீய பழக்கங்களும் இல்லை.  மனைவியும் ஊரில்  போர்க்காலத்தில்  சரியான மருத்துவ பராமரிப்பு இல்லாமல் மறைந்துவிட்டார்.  அரசாங்க ஊழியராக இருந்து ஓய்வுபெற்றவர்.  மச்சம் மாமிசம் புசிக்காத  ஒரு தாவர பட்சிணி.

நிறைய  வாசிப்பவர். நான் வாழும் கங்காரு நாட்டுக்கு அவர் விருப்பமின்றி பிள்ளைகளின் வற்புறுத்தலினால் வந்தவர். ஒரு பொது நிகழ்ச்சியில் கண்டு பேசியது முதல் எனது விருப்பத்திற்குரிய அன்பர்.  அவ்வப்போது என்னுடன் தொலைபேசியில் உரையாடுபவர். தனது கடந்த கால வாழ்க்கை, புகலிட வாழ்க்கை பற்றியெல்லாம் சுவாரஸ்யமான செய்திகளைச்சொல்வார். அரசியல், சமூகம்,  கலை, இலக்கியம், சமயம் , நவீன தொழில்நுட்பம், தலைமுறை இடைவெளி, புகலிடத்திலும் தாயகத்திலும் ஏற்பட்டுவரும் மாற்றங்கள் பற்றியெல்லாம் மனந்திறந்து உரையாடுவார். இணையங்களில் வரும் எனது எழுத்துக்களையும் மற்றவர்களின் எழுத்துக்களையும்  படித்துவிட்டு அவ்வப்போது அபிப்பிராயம் சொல்வார். அவர் பேசும்போது அநாவசியமாக குறுக்கிடுவதை கண்டிப்பார்.

தான் பேசி முடித்தபின்னர்தான் என்னை பேசுவதற்கு அனுமதிப்பார்.  பொறுமை, சகிப்புத்தன்மை முதலான இயல்புகளை அவரிடமிருந்தும் நான் கற்றிருக்கின்றேன்.  ஒரு நாள் காலை தொலைபேசியில்   தொடர்புகொண்டு, " உம்மிடம் வரப்போகின்றேன்" என்றார்.

" என்ன அய்யா திடீரென்று? அதற்கென்ன வாருங்கள். நான் இருப்பது தொலைவில். எப்படி வரப்போகிறீர்கள்?" எனக்கேட்டேன்.

" உமது இருப்பிடம், அங்கு எவ்வாறு வருவது? எத்தனை மணிநேரப் பிரயாணம்? என்பதையெல்லாம் அறிந்துவிட்டேன். நீர் எப்பொழுது வீட்டில் ஃபிரியாக இருப்பீர். ஒரு நாளைச்சொல்லும். ஆனால், அந்த நாளில் நீர் என்னுடன் மாத்திரம்தான் நேரத்தை செலவிடவேண்டும். உம்முடன் பேசுவதற்கு நிறைய விடயங்கள் இருக்கின்றன. என்ன சொல்கிறீர்...?" என்றார்.

அவரது வருகை எனக்கு விருப்பமானதுதான். ஆனால், அவர் விதித்த நிபந்தனை விநோதமாகப்பட்டது...! ஆசாமி வந்து நாள் முழுவதும் என்னை அறுத்து, வறுத்து எடுக்கப்போகிறாரோ? என்ற தயக்கமும் வந்தது.

" அப்படி என்ன பேசப்போகிறீர்கள்? அடிக்கடி தொலைபேசியில் பேசிக்கொண்டுதானே இருக்கிறீர்கள்! " எனக்கேட்டேன்.

" எல்லாம் நேரில் சொல்கிறேன். இன்னும் எவ்வளவு காலத்திற்கு நான் இருப்பேன் என்பதை சொல்ல முடியாது. அதனால், உம்மிடம் சொல்வதற்கு ஒரு சில விடயங்கள் இருக்கின்றன. அவற்றை தொலைபேசியில் பேசிக்கொண்டிருக்க முடியாது. உம்மை நேரில் சந்தித்து சில ஆவணங்களையும் காண்பித்து பேச வேண்டியிருக்கிறது. " என்றார் அந்த அய்யா.

நடந்தாய் வாழி களனி கங்கை -- --அங்கம் 09 எங்கள் தேசத்தின் தார்மீகத்தலைவர் (?) பிறந்த இல்லத்தில் ஒரு நாளிதழின் நெடும்பயணம்! - ரஸஞானி

களனி கங்கை தீரத்தில், இலங்கை சுதந்திரம் பெறுவதற்கு முன்னர் 1943 ஆம் ஆண்டு  நடந்த சட்ட சபைத்தேர்தலில் ஒருவர் வெற்றிபெற்றார். குறிப்பிட்ட களனி பிரதேசத்திலிருந்து முதல் முதலாக அவர் தெரிவாகும்போது அவரது வயது 37. இலங்கையில் நீதித்துறை சார்ந்த ஒரு பெரியவருக்கும் செல்வந்த குடும்பத்திலிருந்து வந்த ஒரு பெண்மணிக்கும் முதலாவது ஆண்குழந்தையாக பிறந்தவர்தான் அந்த களனி தொகுதியை பின்னாளில் பிரதிநிதித்துவப்படுத்தியவர்.

அவர் பிறந்த இல்லம் எது...?  என்பதைச் சொன்னால் எவருக்கும் ஆச்சரியமாகவும் அதிசயமாகவும் இருக்கலாம். ஆனால், அதுதான் உண்மை! அந்த இல்லம் கொழும்பு வடக்கில், களனி கங்கைக்கும் ஆமர் வீதிக்கும் நடுவில் வரும் கிராண்ட்பாஸ் வீதியில் 185 ஆம் இலக்கத்தில் அமைந்துள்ளது.

இன்றும் நீங்கள் அந்த இல்லத்தின் முகப்பினை பார்க்கலாம். அந்த இல்லத்தில், நீதிக்கும் செல்வச்செழிப்பிற்கும் பெயர் பெற்ற அந்தக்குடும்பம் வாழ்ந்த காலத்தில்  1906 ஆம் ஆண்டு செப்டெம்பர் மாதம் 17 ஆம் திகதி பிறந்த குழந்தையின் பெயர் ஜூனியஸ் ரிச்சர்ட் ஜெயவர்தனா.

இவரை ஜே.ஆர். எனவும் ஜே.ஆர். ஜெயவர்தனா எனவும் அழைப்பர். 1977 இல் நடந்த பொதுத்தேர்தலில் அறுதிப்பெரும்பான்மையுடன் வெற்றிபெற்றதையடுத்து,  தார்மீக சமுதாயம் அமைப்பதுதான் தனது நோக்கம் என்றும் சொல்லி, அதனை தமது தாய் மொழியில்  தர்மிஷ்ட சமாஜய  என வர்ணித்தார். ஆனால், அந்த தார்மீக ஆட்சியில் நடந்த பல சம்பவங்களை பார்க்கும்போதும் அகில இலங்கை எங்கும் நிகழ்ந்த வன்முறைகள், தீவைப்புகள், படுகொலைகள் அனைத்தையும் சீர்தூக்கிப்பார்க்கும்போதும்,  அதுதான் அவர் கனவு கண்ட தார்மீக சமுதாயமா..? எனக்கேட்கத்தோன்றும்.

அதனால் அவரது அரசியல் எதிரிகள் அவரை "மிஸ்டர் தர்மிஸ்டர்" எனவும் அழைத்தனர். பதினொரு பிள்ளைகளில் மூத்த புதல்வனாக அவர் பிறந்த இல்லம்தான்  ஏறக்குறைய 86 ஆண்டுகளுக்கு முன்னர் தொடக்கம் வீரகேசரி  நாளிதழ் வெளியாகும் கட்டிடம்!

இலங்கை பிரித்தானியரின் ஆளுகைக்குள் இருந்த காலப்பகுதியில் பிறந்திருக்கும் ஜே.ஆர்., ஒரு கத்தோலிக்க குடும்பப்பின்னணியை கொண்டிருந்தவர். அவரது பெயரிலிருந்தே அதனையும் தெரிந்துகொள்ளமுடிகிறது. அவர் மட்டுமல்ல, சொலமன் டயஸ் பண்டாரநாயக்கா, ஃபீலிக்ஸ் டயஸ் பண்டாரநாயக்கா ஆகியோரும் கத்தோலிக்கப் பின்னணி கொண்டிருந்தவர்தான்.

ஜே.ஆரின் அரசியல் பிரவேசம் 1938 இல் தொடங்குகிறது. இலங்கை தேசிய காங்கிரஸில் இணைந்து தீவிரமாக அரசியலில் ஈடுபட்டு, முதலில் புதுக்கடை வட்டாரத்திலிருந்து கொழும்பு மாநகர சபைக்குத் தெரிவாகி, அதன்பின்னர் களனி சட்டசபைத்தொகுதியின் பிரதிநிதியாக வந்தார்.

சட்டசபை உறுப்பினராக, சுதந்திரத்தின் பின்னர் நாடாளுமன்ற உறுப்பினராக, யூ. என்.பி. அரசுகளின் பதவிக்காலங்களில் நிதியமைச்சராக, ராஜாங்க அமைச்சராக, அக்கட்சி தோல்வி கண்டபோது 1970 இல் எதிர்க்கட்சித்தலைவராக, பின்னர் 1977 இல் அறுதிப்பெரும்பான்மையுடன் வென்றபோது முதலில் பிரதமராக அதனையடுத்து நிறைவேற்று அதிகாரம் பொருந்திய ஜனாதிபதியாக வளர்ந்தவர். அந்திம காலத்தில், ஜனாதிபதி பதவிக்காலம் முடிந்ததும், அமைதியாக அரசியலை விட்டு ஒதுங்கி, 1996 ஆம் ஆண்டு நவம்பர் மாதம் 1 ஆம் திகதி மறைந்தார்.

பனை

.

பனை மரம் மனிதனின் எந்த முயற்சியும் இன்றி தானே இயற்கையாக வளர்ந்து மனிதனுக்கு வேண்டிய பல பயன்களை கொடுக்கும் ஒரு இயற்கை வளம். இலங்கை, மற்றும் இந்தியாவில் காணப்படும் பனை மர இனத்தை Borassus flabellifer L. என்றும், ஆபிரிக்காவில் காணப்படும் பனை இனத்தை Borassus aenthipoum Mart. என்றும் அழைப்பார்.

உலக அளவில் அண்ணளவாக 140 மில்லியன் பனைமரங்கள் இருப்பதாக அறியப்பட்டுள்ளது.

இந்தியா: 60 மில்லியன்
மேற்கு ஆபிரிக்கா - 50 மில்லியன்
இலங்கை - 11.1 மில்லியன்
இந்தோனெசியா - 10 மில்லியன்
மடகஸ்கார் - 10 மில்லியன்
மியன்மார் - 2.3 மில்லியன்
கம்பூச்சியா - 2 மில்லியன்
தாய்லாந்து - 2 மில்லியன்

''சாகும்போதும் தமிழ்படித்துச் சாகவேண்டும் - என்றன் சாம்பலும் தமிழ்மணந்து வேகவேண்டும்''

உணர்ச்சிக் கொப்பளிக்கும் இந்த வரிகளுக்குச் சொந்தக்காரர் யார்?

எழுத்திலும் பேச்சிலும் மிகுதியாக மேற்கோள் காட்டப்பட்ட வரி, “சாவில் தமிழ் படித்துச் சாகவேண்டும் என்றன் சாம்பல் தமிழ் மணந்து வேகவேண்டும்” என்பது.

இந்த வரிகளின் கனற்கொதிப்பைப் பார்த்த பலர் இதை எழுதியவர் பாரதிதாசன் என்றே நினைத்துக் கொண்டிருக்கின்றனர்.

உண்மையில் இதை எழுதியவர் ஈழத்துக் கவிஞர் பண்டிதர் க. சச்சிதானந்தன் அவர்கள். [[கணபதிப்பிள்ளை சச்சிதானந்தன் (அக்டோபர் 10, 1921 - மார்ச் 21, 2008)]]

.யாழ்ப்பாணம் மாவட்டம் காங்கேசன்துறை, மாவிட்டபுரத்தில் கணபதிப்பிள்ளை (தும்பளை), தெய்வானைப்பிள்ளை (மாவிட்டபுரம்) ஆகியோருக்குப் பிறந்தவர் சச்சிதானந்தன்.

ஸ்ரீ வெங்கடேஸ்வரா ஆலயத்தில் லலிதா Sahasranama Homam - 05 / 08/ 2018

Sri Venkateswara Temple Association Inc. 

Temple Road, Helensburgh, NSW 2508 

Phone: 02 4294 3224  

 

LALITHA SAHASRANAMA HOMAM AND ABISHEKAM 

Sunday 5th  August 2018 

8.30am 

Sankalpam 

Lalitha Sahasranama Homam, Poornhuthi 

Abishekam to Sri Tripurasundari, Alankaram, Mahadeeparadhana 

Procession of Utsavamurthy amman around the Siva shrine 

Prasadam.