வடகொரியாவிற்கு கடிவாளம் இடுவதில் கணிசமான முன்னேற்றத்தை நாம் கண்டுள்ளோம்
மத்திய தரைக்கடல் பயணத்தில் 2,839 பேர் உயிரிழப்பு : 26 பெண்களின் சடலங்கள் மீட்பு
வடகொரியாவிற்கு கடிவாளம் இடுவதில் கணிசமான முன்னேற்றத்தை நாம் கண்டுள்ளோம்
08/11/2017 வடகொரியாவானது உலகளாவிய ரீதியில் நடவடிக்கை எடுக்க
வேண்டிய அச்சுறுத்தலாக உள்ளது, இருப்பினும் வடகொரியாவிற்கு கடிவாளம்
இடுவதில் கணிசமான முன்னேற்றத்தை நாம் கண்டுள்ளோம் என அமெரிக்க ஜனாதிபதி
டொனால்ட் ட்ரம்ப் தெரிவித்தார்.
தென் கொரிய சியோல் நகருக்கு விஜயம் செய்துள்ள ட்ரம்ப் அந்நாட்டு ஜனாதிபதி மூன் ஜே இன்னுடன் இணைந்து ஊடகவியலாளர்களுக்கு விளக்கமளிக்கையிலேயே இவ்வாறு தெரிவித்தார்.
அதேசமயம் வட கொரியா முழுமையான அணுசக்தி வல்லமையைப் பெறுவதை நோக்கி தொடர்ந்து செல்லுமாயின், அந்நாட்டுக்கு எதிராக முழுமையான இராணுவ பலத்தைப் பிரயோகிக்க அமெரிக்கா தயாராகவுள்ளதாக அவர் தெரிவித்தார்.
ஆனால் வட கொரியா இது தொடர்பில் உடன்படிக்கையொன்றை மேற்கொள்ள பேச்சு வார்த்தை மேசைக்கு வருமாயின் அது அந்நாட்டு மக்களுக்கும் உலக மக்களுக்கும் நன்மையளிப்பதாக அமையும் என ட்ரம்ப் மேலும் கூறினார்.
வட கொரியா உலகளாவிய ரீதியில் நடவடிக்கை எடுக்க வேண்டப்படும் உலக அச்சுறுத்தலொன்றாகவுள்ளதாக அவர் குறிப்பிட்டார். “நாம் வட கொரியாவைக் கையாள்வதில் பெருமளவு முன்னேற்றத்தை கண்டுள்ளோம். இந்த விவகாரத்தில் சீன ஜனாதிபதி பெரும் உதவியாகவுள்ளார்" என அவர் தெரிவித்தார். ட்ரம்ப் ஜப்பானுக்கான சுற்றுப் பயணத்தை பூர்த்திசெய்ததையடுத்தே தென் கொரியாவுக்கு விஜயம் செய்துள்ளமை குறிப்பிடத்தக்கது.
ட்ரம்ப் முன்னர் கருத்து வெளியிடுகையில், தென் கொரியா, வட கொரியாவை திருப்திப்படுத்தும் நடவடிக்கையில் ஈடுபட்டுள்ளதாக குற்றஞ்சாட்டியிருந்தமை குறிப்பிடத்தக்கது.
அத்துடன் அமெரிக்காவுக்கும் தென் கொரியாவுக்குமிடையில் மேற்கொள்ளப்பட்ட சுதந்திர வர்த்தக உடன்படிக்கை குறித்தும் அவர் முன்னர் கண்டனம் தெரிவித்திருந்தார்.
இந்நிலையில் தென் கொரியாவுக்கான ட்ரம்பின் விஜயத்திற்கு எதிர்ப்புத் தெரிவித்து அந்நாட்டின் பல பிராந்தியங்களில் எதிர்ப்பு ஆர்ப்பாட்டங்கள் நடத்தப்பட்டன. நன்றி வீரகேசரி
தென் கொரிய சியோல் நகருக்கு விஜயம் செய்துள்ள ட்ரம்ப் அந்நாட்டு ஜனாதிபதி மூன் ஜே இன்னுடன் இணைந்து ஊடகவியலாளர்களுக்கு விளக்கமளிக்கையிலேயே இவ்வாறு தெரிவித்தார்.
அதேசமயம் வட கொரியா முழுமையான அணுசக்தி வல்லமையைப் பெறுவதை நோக்கி தொடர்ந்து செல்லுமாயின், அந்நாட்டுக்கு எதிராக முழுமையான இராணுவ பலத்தைப் பிரயோகிக்க அமெரிக்கா தயாராகவுள்ளதாக அவர் தெரிவித்தார்.
ஆனால் வட கொரியா இது தொடர்பில் உடன்படிக்கையொன்றை மேற்கொள்ள பேச்சு வார்த்தை மேசைக்கு வருமாயின் அது அந்நாட்டு மக்களுக்கும் உலக மக்களுக்கும் நன்மையளிப்பதாக அமையும் என ட்ரம்ப் மேலும் கூறினார்.
வட கொரியா உலகளாவிய ரீதியில் நடவடிக்கை எடுக்க வேண்டப்படும் உலக அச்சுறுத்தலொன்றாகவுள்ளதாக அவர் குறிப்பிட்டார். “நாம் வட கொரியாவைக் கையாள்வதில் பெருமளவு முன்னேற்றத்தை கண்டுள்ளோம். இந்த விவகாரத்தில் சீன ஜனாதிபதி பெரும் உதவியாகவுள்ளார்" என அவர் தெரிவித்தார். ட்ரம்ப் ஜப்பானுக்கான சுற்றுப் பயணத்தை பூர்த்திசெய்ததையடுத்தே தென் கொரியாவுக்கு விஜயம் செய்துள்ளமை குறிப்பிடத்தக்கது.
ட்ரம்ப் முன்னர் கருத்து வெளியிடுகையில், தென் கொரியா, வட கொரியாவை திருப்திப்படுத்தும் நடவடிக்கையில் ஈடுபட்டுள்ளதாக குற்றஞ்சாட்டியிருந்தமை குறிப்பிடத்தக்கது.
அத்துடன் அமெரிக்காவுக்கும் தென் கொரியாவுக்குமிடையில் மேற்கொள்ளப்பட்ட சுதந்திர வர்த்தக உடன்படிக்கை குறித்தும் அவர் முன்னர் கண்டனம் தெரிவித்திருந்தார்.
இந்நிலையில் தென் கொரியாவுக்கான ட்ரம்பின் விஜயத்திற்கு எதிர்ப்புத் தெரிவித்து அந்நாட்டின் பல பிராந்தியங்களில் எதிர்ப்பு ஆர்ப்பாட்டங்கள் நடத்தப்பட்டன. நன்றி வீரகேசரி
மத்திய தரைக்கடல் பயணத்தில் 2,839 பேர் உயிரிழப்பு : 26 பெண்களின் சடலங்கள் மீட்பு
08/11/2017 மத்திய தரைக்கடலில் கண்டெடுக்கப்பட்ட 26 பெண்களின் சடலங்கள் தொடர்பில் இத்தாலி அரசு விசாரணைகளைத் தொடங்கியுள்ளது.
உள்நாட்டுப் போர் நடைபெற்று வரும் சிரியா, லிபியா உள்ளிட்ட ஆப்பிரிக்க நாடுகளில் இருந்து ஐரோப்பிய நாடுகளுக்கு அடைக்கலம் தேடி ஆபத்தான கடல் வழிப் பயணங்களை மேற்கொள்ளும் அகதிகள் பல பொழுதுகளில் விபத்தில் சிக்கி பெருமளவில் உயிரிழக்கின்றனர்.
இந்நிலையில் மத்திய தரைக்கடலில் 26 இளம் பெண்களின் உடல்களை இத்தாலி அரசின் மீட்புப்படையினர் மீட்டுள்ளனர். இதில் 14 முதல் 18 வயது வரை கொண்ட அந்தப் பெண்கள் நைஜர் மற்றும் நைஜீரியாவைச் சேர்ந்தவர்களாக இருக்கலாம் என்றும், லிபியா வழியாக ஐரோப்பிய நாடுகளுக்கு செல்ல இந்த ஆபத்தான கடல் பாதையில் பயணித்திருக்கலாம் என்றும் நம்பப்படுகிறது.
படகு மூழ்கியதால் அவர்கள் இறந்திருக்கலாம் என்று பொதுவாக கூறப்பட்டாலும்,அவர்களின் உயிரிழப்பிற்கான உண்மையான காரணம் இன்னும் வெளியாகவில்லை. இந்த உடல்கள் நேற்று பிரேத பரிசோதனைக்கு அனுப்பி வைக்கப்பட்டதாகவும் அது தொடர்பான விசாரணைகள் ஆரம்பிக்கப்பட்டுள்ளதாகவும் தெரிவிக்கப்படுகின்றது.
இந்நிலையில், இளம்பெண்கள் பாலியல் ரீதியாக துன்புறுத்தப்பட்டிருக்கலாம் என்ற சந்தேகம் எழுந்துள்ளதால் இது குறித்து விசாரணை நடத்தப்படும் என அந்நாட்டு பொலிஸார் தெரிவிக்கின்றனர்.
இந்த ஆண்டின் தொடக்கத்திலிருந்து இன்று வரையில் 2,839 பேர் ஆபத்தான மத்திய மத்திய தரைக்கடல் பயணத்தின் போது உயரிழந்துள்ளதாக இடம்பெயர்வுக்கான சர்வதேச அமைப்பு தெரிவித்துள்ளது. மேலும் 150,982 பேர் இந்த கடல் வழிப்பயணங்கள் மூலம் ஐரோப்பிய கடற்கரைகளை அடைந்துள்ளனர் என்றும் கூறப்படுகின்றது. நன்றி வீரகேசரி
உள்நாட்டுப் போர் நடைபெற்று வரும் சிரியா, லிபியா உள்ளிட்ட ஆப்பிரிக்க நாடுகளில் இருந்து ஐரோப்பிய நாடுகளுக்கு அடைக்கலம் தேடி ஆபத்தான கடல் வழிப் பயணங்களை மேற்கொள்ளும் அகதிகள் பல பொழுதுகளில் விபத்தில் சிக்கி பெருமளவில் உயிரிழக்கின்றனர்.
இந்நிலையில் மத்திய தரைக்கடலில் 26 இளம் பெண்களின் உடல்களை இத்தாலி அரசின் மீட்புப்படையினர் மீட்டுள்ளனர். இதில் 14 முதல் 18 வயது வரை கொண்ட அந்தப் பெண்கள் நைஜர் மற்றும் நைஜீரியாவைச் சேர்ந்தவர்களாக இருக்கலாம் என்றும், லிபியா வழியாக ஐரோப்பிய நாடுகளுக்கு செல்ல இந்த ஆபத்தான கடல் பாதையில் பயணித்திருக்கலாம் என்றும் நம்பப்படுகிறது.
படகு மூழ்கியதால் அவர்கள் இறந்திருக்கலாம் என்று பொதுவாக கூறப்பட்டாலும்,அவர்களின் உயிரிழப்பிற்கான உண்மையான காரணம் இன்னும் வெளியாகவில்லை. இந்த உடல்கள் நேற்று பிரேத பரிசோதனைக்கு அனுப்பி வைக்கப்பட்டதாகவும் அது தொடர்பான விசாரணைகள் ஆரம்பிக்கப்பட்டுள்ளதாகவும் தெரிவிக்கப்படுகின்றது.
இந்நிலையில், இளம்பெண்கள் பாலியல் ரீதியாக துன்புறுத்தப்பட்டிருக்கலாம் என்ற சந்தேகம் எழுந்துள்ளதால் இது குறித்து விசாரணை நடத்தப்படும் என அந்நாட்டு பொலிஸார் தெரிவிக்கின்றனர்.
இந்த ஆண்டின் தொடக்கத்திலிருந்து இன்று வரையில் 2,839 பேர் ஆபத்தான மத்திய மத்திய தரைக்கடல் பயணத்தின் போது உயரிழந்துள்ளதாக இடம்பெயர்வுக்கான சர்வதேச அமைப்பு தெரிவித்துள்ளது. மேலும் 150,982 பேர் இந்த கடல் வழிப்பயணங்கள் மூலம் ஐரோப்பிய கடற்கரைகளை அடைந்துள்ளனர் என்றும் கூறப்படுகின்றது. நன்றி வீரகேசரி
No comments:
Post a Comment