இறைவா இது மீண்டும் நடக்குமா? .-செ.பாஸ்கரன்

.

.

                                                 விழியில் நிறைந்த கனவுகள்

 விழி நீரில் கரைகிறது

மனதில் நிறைந்த ஆசைகள்- அது

மௌனத்தில் சாகிறது

சொல்ல எடுத்த வார்த்தைகள்

தொண்டைக் குழியில் அடைகிறது

சோகம் நிறைந்த பார்வையில் 

அவள் துயரம் புரிகிறது

பருவம் அடைந்த நாள்முதல்

பலதடைகள் விரிகிறது

அவள் பாடித்திரிந்த நாட்களோ

வெறும் நினைவாய் விரிகிறது

கூடித்திரிந்த உறவுகள்

திசைஎங்கும் சிதைகிறது

தாலிக் கயிற்றின் உறவிலே 

சிறைக்கதவும் திறக்கிறது

அன்னை மடியில் கிடந்ததும்

அன்பாய் அவளின் வருடலும்

தந்தை தோளில் சாய்ந்ததும்

அவர்தாங்கி அணைத்த சுகங்களும்

இன்னும் பசுமை நினைவுகள் 

இனித்தே நெஞ்சில் இருப்பவை

இன்னும் ஒருமுறை கிடைக்குமா

இறைவா இது மீண்டும் நடக்குமா?

C.Paskaran