மருத்துவம்

.

*சாப்பாட்டுக்கு முன் நீர் பருகுவது உடல் எடையைக் குறைக்கும்

காசநோ‌ய்‌க்கு மரு‌ந்தாகு‌ம் தூதுவளை தூதுவளை இலைகளை நிழலில் உலர்த்திக் காயவைத்து இடித்துப்பொடியாக்கி, ஒரு தேக்கரண்டி பொடியை 1 டம்ளர் பசும்பாலில் கல‌ந்து‌தினமு‌ம் காலையில் மட்டும் குடித்து வர நாவறட்சி, கபநீர், மூட்டு வலி,காசநோய் குணமாகும். தூதுவளை இலையை நெய்யில் வதக்கி துவையலாகவோ, கடைந்தோஉண்டு வரக் கபக் கட்டு நீங்கி உடல் பலம் பெறும். தூதுவளை இலையைச் சாறு பிழிந்து அதேயளவு நெய்யில் காய்ச்சி 1தேக்கரண்டியளவு 2 வேளை குடித்து வர, எலும்புருக்கிக் காசம், மார்புச்சளி உடனே நீங்கும். தூதுவளைக் காயை நிழலில் உலர்த்திக் காயவைத்து தயிர், உப்புசேர்த்து பதப்படுத்தி எண்ணெயில் வறுத்து உணவுடன் உண்டு வரமனநலம் பாதிப்பு, இதய பலவீனம், மலச்சிக்கல் குணமாகும். தூதுவளைப் பூக்கள் 10 எடுத்து 1 டம்ளர் பாலில் காய்ச்சி வடிகட்டி, சிறிதுசர்க்கரை சேர்த்து 48 நாட்கள் இருவேளை குடித்து வர, தாது விருத்தி,உடல் பலம், முகவசீகரம் பெறலாம்

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx  

சாப்பாட்டுக்கு முன் நீர் பருகுவது உடல் எடையைக் குறைக்கும்

சாப்பாட்டுக்கு முன் நீர் பருகுவது உடல் எடையைக் குறைக்க உதவும் என்றுஅமெரிக்க விஞ்ஞானிகளின் ஆய்வு ஒன்று கூறுகின்றது.

உடல் எடையைக் குறைக்கும் முயற்சியில் ஈடுபட்டிருப்பவர்கள் - நாளுக்குமூன்று தடவையும் உணவுக்கு முன் 2 கிண்ணம் தண்ணீர் பருகினால் -சராசரியாக 5 இறாத்தல் எடை குறையலாம் என்று வேர்ஜீனியா மாநிலவிஞ்ஞானிகள் கூறியிருக்கிறார்கள்.

இது தொடர்பாக – 48 வயதாளிகளை இரண்டு பிரிவாகப் பிரித்து – அவர்கள் மீது12 வார கால ஆய்வை நடத்தியிருக்கிறார்கள்.

நிறைய நீர் பருகுவது - கலறீ மட்டத் திருப்தியை ஒருவருக்குத் தருகின்றபோதிலும்- அளவுக்கு அதிகமாக நீர் பருகினால் - அதுவே பலத்தபிரச்சினையைத் தோற்றுவிக்கலாம் என்றும் விஞ்ஞானிகள்; எச்சரிக்கிறார்கள்.

பொஸ்ரன் நகர அமெரிக்க வேதியல் தேசிய அமர்வில் தங்கள்ஆய்வறிக்கையை ஆய்வாளர்கள் சமர்ப்பித்திருக்கிறார்கள்.

இந்த ஆய்வு முயற்சியில் கலந்து கொண்ட அனைவரும் 55 இற்கும் 75வயதுக்கும் இடைப்பட்டவர்களாக இருந்தார்கள்.

முதல் பிரிவினர் - குறைந்த பட்ச கலறி உணவு உண்ட போதிலும் உணவுக்குமுன் மேலதிக நீர் பருகவில்லை.

இரண்டாவது பிரிவினரும் குறைந்த பட்ச கலறி உணவே உண்டனர்.

ஆனால் – சாப்பிடுமுன் - 2 கிண்ணம் நீர் பருகினார்கள்.

12 வார கால ஆய்வுக் காலத்தில் - மேலதிக நீர் பருகியவர்கள்  15 புள்ளி 5இறாத்தல் எடை குறைந்திருந்தார்கள்.

மற்றவர்கள் - 11 றாத்தலே குறைந்திருந்தார்கள்.

மத்திய மற்றும் முதிய வயதினரிடையே – மூன்று வேளையும் உணவுக்குமுன் 2 கிண்ணம் நீர் பருகக் கொடுத்து –ஆய்ந்து பார்த்த போது – ஒவ்வொருஉணவிலும் 75 – 90 கலறி குறைவாக அவர்கள் உட்கொள்வது தெரிய வந்தது.

உணவில் கட்டுப்பாட்டையும் 2 கிண்ணம் நீரையும் இணைக்கும் போது – உடல்நலப் பாதிப்பில்லாத விளைவு ஏற்பட்டிருப்பதாக வேர்ஜினியா மருத்துவஆய்வு பீடப் பொறுப்பு விஞ்ஞானி பேராசிரியர் பிரெண்டா டேவி கூறுகின்றார்.

கலறி இல்லாத திரவமான நீரால் வயிற்றை நிரப்புவது இந்த விளைவுக்குக்காரணமாக இருக்கலாம் என்று அவர் கருதுகின்றார்.

தாகம் வரும்போது - கலறி அதிகமாக உள்ள இனிப்புச் சேர்க்கப்பட்டபானங்களை விட பச்சைத் தண்ணீரைப் பருகுவது நல்லது என்று அவர்விதந்துரைக்கின்றார்.

உடல் எடையைக் கட்டுப்படுத்த இது மிகவும் உகந்த வழி என்றும் அவர்கூறுகின்றார்.